漁火海鮮刺身火鍋

夏日炎炎打邊爐是港人must do，老闆最近還推出訂位送三文魚刺身，讓大家下一下火🤭坊間越開越多火鍋店，無論幾多「花臣」，最重要必定是湯底！由第一次光顧開始，老闆已提醒我們要先喝湯。當時喝過已知用心烹煮，一試愛上🥰，以下分享我們幫襯多年吃過的湯底心得🌟今天點了花膠嚮螺湯底，足料美味到不得了，喝下去很舒服，沒有不自然的添加。喜歡菇菌的朋友，松茸養身鍋菌味濃郁，亦是我們至愛。有時想吃得輕鬆點，會叫鮮魚清湯鍋，內有滑豆腐，清甜簡單。胡椒豬肚湯和菜乾燉白肺也足料濃郁，吃過湯料彷彿已半飽😆自家炸響鈴非常香脆，吃過後再也不能接受其他現成響鈴肥水大花甲，吃過多次也沒有沙，湯匙般大隻，爆汁鮮甜！蟶子王夠大隻，鮮甜爽口新鮮，不過有時有沙😛象拔蚌刺身，新鮮大份又抵食😋😋其他蔬菜、肉類均很新鮮，份量不小。店面老闆和職員都十分細心，客人來到會提供酒精搓手，食品和服務多年來長期保持水準，值得支持！…查看更多

·銅鑼灣·高質花膠海鮮火鍋.漁火海鮮刺身火鍋📍銅鑼灣駱克道491-499號京都廣場8樓.➰最近天氣炸暖還寒，決定與好友相約邊爐火鍋一聚，選址銅鑼灣中心地帶的「漁火海鮮刺身火鍋」，以海鮮刺身火鍋作主打賣點，當然少不了招牌的花膠火鍋湯頭，要暖身滋潤一番。.店鋪以卡座為主，整晚環境氣氛熱鬧溫馨，老板更不時與食客交流關心食物質素，相當細心。.➰❀ 花膠響螺燉赤肉湯底  💲268 ⭐️4.3/5⭐️❀ 本地手切鮮牛頸脊  💲348/(大) ⭐️4.2/5⭐️❀ 蘇格籣蟶子皇 💲156/2隻 ⭐️4.3/5⭐️❀ 肥水大花甲  💲108 ⭐️4.2/5⭐️𖥕 漁火特色四色丸 💲128  ⭐️4.2/5⭐️𖥕 即炸鬆脆響鈴 💲58 ⭐️4.2/5⭐️𖥕 時令什菜籃 💲78 ⭐️4.2/5⭐️𖥕 自家竹蔗茅根 💲58 ⭐️4.2/5⭐️.港式火鍋最大賣點當然是湯頭，餐廳的火鍋湯底選擇繁多，最近天氣轉涼，挑選了花膠響螺燉赤肉滋補一番，湯頭滾起先喝上兩口，喝得出沒有用味精，精心烹煮，在加湯之前我們每人都喝了三碗。.餐廳其中一個賣點便是海鮮刺身，都是每日新鮮海鮮入貨，今日選了蟶子及大花甲，甲粒粒飽滿厚肉，蟶子已經去除內臟，輕輕灼熟10蚊秒已可入口，鮮甜爽彈，推薦!.其他配料方面，牛魔王必定不錯過手切鮮牛頸脊，份量充足之餘，肉味非常濃郁，而手打墨魚丸味道濃郁彈牙，蝦丸很特別的加上了白飯魚仔增加口感，很有趣。  響鈴是新鮮即點即炸，上枱還是冒煙，一秒灼熱即可享用，很鬆脆，非常出色，推薦。.➰總結餐廳主打海鮮刺身火鍋，湯底款式眾多，湯頭滋潤，火鍋配料亦同樣出色，猶其手切鮮牛頸脊風味甚佳。服務方面店員亦不時主動加湯，熱心好客。➿➿➿#漁火海鮮刺身火鍋#銅鑼灣美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#花膠響螺燉赤肉湯底 #本地手切鮮牛頸脊#蘇格籣蟶子皇 #漁火特色四色丸#即炸鬆脆響鈴…查看更多

今日放工好想揾間邊爐食下 想食下海鮮上網揾到呢間 啲相影到好靚仔 又好新鮮咁決定過黎一試究竟 睇下係咪真係咁正😌一入到黎 餐廳店員服務態度好友善成個用餐過程又會介紹下食物淥幾耐先係最好等我地食到食物最好既質素 唔好浪費左啲食材👍🏻🍲湯底雙拼（漁火招牌麻辣和胡椒白果豬肚）因為想試多啲唔同款式 好貪心咁嗌左二款湯底今次嗌左雙拼湯底 一個麻辣湯 一個胡椒豬肚湯招牌麻辣湯餐係餐廳自己炒 完全唔係坊間既貨色麻辣香味非常之香濃 好惹味😋胡椒白果豬肚湯呈奶白色 飲落胡椒好實在好夠香二款湯底食到最後 都唔覺得好口渴 真材實料湯底仲會配埋大量湯料可以食就咁食啲料都已經覺得好足料 好開心🤣✨蘇格蘭蟶子皇（二隻）見到呢到好多款海鮮揀 嗌左蟶子皇黎試下黎到完全冇失望 好大隻 好新鮮🥰食落蟶子好鮮甜 肉身好夠厚身 肉質爽而不韌一啖過 啖啖肉 好鬼滿足😋✨肥水大花甲大花甲真係好夠大隻 每一隻都好飽滿隻隻都好肥 食落好鮮 完全唔會有沙🤘🏻🥩本地手切鮮牛頸脊（大）牛肉既厚度切得岩岩好 有一定既厚度 亦唔會太厚牛頸脊肉質好軟𣺉 一啲都唔韌肉味好濃郁 係越咬越有牛味個種濃郁🤣喜歡食牛既 一定要試試呢到既牛頸脊🍤椒鹽海中蝦見到佢有咁多款小食 忍唔住嗌款黎試下喂 乜小食都咁足份量既 足足有五隻大蝦🤣每一隻既蝦肉都好夠厚身 好夠實淨 爽彈連埋蝦殼食 再加埋啲椒鹽粒 每一啖都好享受🤌🏻🍢漁火特色四色丸四色丸分別係蝦丸 墨魚丸 豬肉丸同牛丸蝦丸除左蝦膠 仲有蝦肉粒比你食到 墨魚丸入面係會有一粒粒既墨魚粒豬肉丸入面有蛋黃粒 好有驚喜牛肉丸仲整到有牛筋既口感 肉汁滿滿呢到四色丸 一樣都係咁足料 夠哂爽口彈牙😋🔔 即炸鬆脆響鈴一上枱 熱辣辣 新鮮即炸既響鈴呢個真係要襯熱食 唔係錯失左最好味既黃金機會好脆身 吸哂湯既精華 新鮮即炸既真係冇得輸🤪🥬時令什菜籃普普通通既什菜籃 但質素一啲都唔普通😋入面有齊三款唔同既菜 仲有鮮冬菇同粟米什菜夠新鮮 好𣺉甜 粟米絕對係超甜粟既質素👍🏻🍹自家竹蔗茅根餐廳自己煲既竹蔗茅根 甜度岩岩好飲落係好舒服 好清甜 唔係假甜個一隻一邊打邊爐一邊飲呢個 夠哂解渴🤘🏻🍲湯底雙拼（漁火招牌麻辣和胡椒白果豬肚） $168✨蘇格蘭蟶子皇（二隻） $156✨肥水大花甲 $108🍤椒鹽海中蝦 $128🔔 即炸鬆脆響鈴 $58🥬時令什菜籃 $78🍢漁火特色四色丸 $128🥩本地手切鮮牛頸脊（大） $328🍹自家竹蔗茅根 $58（另設醬料費和加一服務費）…查看更多

放工同朋友係銅鑼灣地鐵站一出對面駱克道京都廣場, 有間漁火海鮮刺身火鍋, 食材新鮮, 要同大家分享。漁火招牌麻辣鍋, 全無味精, 自家熬製, 配料香料足, 辣得黎不會太麻。胡椒白果豬肚煲, 同樣係無味精及自家熬製, 胡椒味濃, 辣辣地, 豬肚份量多。漁火特選牛盛薈     $468一個價錢可以食齊五款牛, 份量又多, 包括有牛邊位、牛頸脊、牛舌芯、牛柳粒同Prime牛肉, 五款牛都咁新鮮, 肉汁多, 牛味濃, 真心推介!蘇格籣蟶子皇     $156 (2隻)平時食開蟶子邊有咁大隻, 叫得做蟶子皇就有番咁上下大隻, 只淥12秒一見離殼便食得, 入口爽滑彈牙有口, 非常好食。即炸鬆脆響鈴     $58好大條的響鈴, ORDER後新鮮炸起, 只需淥一秒食得, 外層索哂美味湯底, 內層仲保持鬆脆狀態, 入口美味無窮, 雙重享受。鮮鵝腸     $98外表肥美嫩滑, 淥熟後入口爽滑彈牙。時令什菜籃     $78一大盤包括有生菜、白菜、菜心、粟米同冬菇, 新鮮又健康,  可保持均衡飲食。…查看更多

餐廳：漁火海鮮刺身火鍋地點：銅鑼灣駱克道京都廣場菜式：海鮮刺身火鍋，以滋潤燉湯作為主打餐牌：多款湯底，小食，刺身，肉類，海鮮，多款火鍋配料包括自家制類，內臟配料，田園蔬菜，麵食。飲品有多款酒類，啤酒，汽水，果汁，茶等。茶位每位$8。花膠響螺燉赤肉 $228 另加一呢個花膠響螺燉赤肉係招牌，非常足料，有6大片花膠、三大隻響螺、三隻煲到淋嗮既雞腳、乾瑤柱、瘦肉、龍眼肉，蟲草花等。服務員提議滾起之後先飲啖湯，果然又清又健康，的確係燉湯味，絕對不含味精。花膠好漿嘴，高質唔會太薄。飲完湯之後服務員就幫手加骨湯打邊爐，個骨湯都好清淡。漁火特選牛盛薈 $468 另加一漁火特選牛盛薈賣相一流。一共有五款牛，擺得靚靚。牛頸脊切得夠厚，口感好好。牛邊位就多少少脂肪，唔會過韌。Prime牛肉油花平均，口感味道特別好，又嫩又多汁，牛味又濃，最正係呢款。牛舌芯口感彈牙，牛味濃。牛柳粒大大細細有14粒，淥大概3-5分鐘就食得，口感好好，完全唔會韌，肉汁又多，牛味濃。每款牛除左牛柳粒大概有8片左右，份量好多，而且質素高。蘇格蘭蟶子皇 $78一隻 另加一蘇格蘭蟶子皇超大隻，服務員建議滾12秒就食得，果然好鮮甜又爽口，好耐都無食過呢個質素既蟶子皇！肥水大花甲 $108 另加一肥水大花甲一客八大隻，淥到開口就可以食。肉都好大隻，好濃海水味，非常鮮甜。爽彈脆鯇片 $68 另加一爽彈脆鯇片一客八大片，果然又脆又鮮，加少少豉油提味更好味。即炸鬆脆響鈴 $58 另加一即炸鬆脆響鈴一客六大片，即叫即炸夠薄又夠脆，服務員提議淥一秒就可以食。口感好特別，淥耐d就會更吸汁。脆炸蝦餅 $98 另加一脆炸蝦餅一客五片，熱辣辣上枱，炸得皮脆肉彈牙，蝦味濃，伴有甜酸醬更好味。每塊都好厚肉。時令雜菜籃 $78 另加一時令雜菜籃有唔少白菜仔，菜心，油墨菜，粟米同冬菇各兩粒。質素新鮮，菜心特別甜。其實每款肉類海鮮都伴有大量大白菜絲同生菜，今餐有好多菜食。自家竹蔗茅根 $58一渣 另加一自家竹蔗茅根味道好清甜，唔會過甜，非常解渴又夠凍，一渣大概有7杯。醬料每位$15，有9款包括芫荽，蔥花，辣椒，白芝麻粒等等。豉油服務員會自動倒比你，提鮮一流。今餐食物非常好，餐廳裝修唔錯，新淨光猛，冷氣夠凍。一坐低服務員就比酒精你消毒手，而且態度友善，上菜快速。今餐食得好開心又滿足。…查看更多

今晚到漁火海鮮刺身火鍋，位於銅鑼灣駱克道491-499號京都廣場8樓， 位置相當方便。 店內座位夠闊， 服務又好。 餐廳主打港式火鍋， 除了火鍋配料之外，還有刺身和小食， 選擇種類多。 我們兩點了自家竹蔗茅根$58、 椒鹽海中蝦$108、醬料兩位$30、花膠響螺燉豬展$198、極品騸牯牛$488、 蘇格蘭蟶子皇2隻$156、 墨魚拼蝦滑$98、 時令什菜籃$78、 即炸鬆脆響鈴$58、鮮九肚魚$68。 🖍️自家竹蔗茅根 ～ 自家製竹蔗茅根，味道非常清甜，打邊爐啱曬。 🖍️椒鹽海中蝦 ～ 蝦肉厚實新鮮，鮮味十足又大隻，椒鹽好香口。 🖍️醬料兩位 ～ 醬料充足，有我喜歡的蒜蓉、芫茜和香蔥。 🖍️花膠響螺燉豬展 ～ 湯料非常豐富，湯頭味道濃郁，未打邊爐先要飲返一、兩碗呀！ 🖍️極品騸牯牛 ～ 牛味極重，口感鮮嫩爽口，油脂分佈平均， 非常適合打邊爐，騸牯牛限量供應的，記得要預早訂定呀！ 🖍️蘇格蘭蟶子皇2隻 ～ 味道鮮甜爽脆，超級大隻，極之推介。 🖍️墨魚拼蝦滑 ～ 自家製產品，爽口彈牙，鮮香滑溜，兩款都做得非常好。 🖍️時令什菜籃 ～ 雜菜籃有幾款菜類、鮮冬菇和粟米， 價錢合理，份量十足。 🖍️即炸鬆脆響鈴 ～ 即炸響鈴很鬆脆，放落湯底一秒拎上嚟啱啱好。 🖍️鮮九肚魚 ～ 九肚魚真心不錯，鮮甜幼滑， 入口滑溜。 打邊爐最緊要配料和湯底， 兩者都做得非常用心， 值得推介💪🏻。🏷️溫馨提示～ 整個用餐體驗均屬個人分享意見， 只作參考😊。 …查看更多

有一段時間沒有去吃真正高質素的火鍋，現今的火鍋大多是放題，火鍋放題多數沒散叫的那麼好吃，因為放題大多是二百至三百多元，而散叫的至少也要五百多元。重視質素的我，這次發現一間在銅鑼灣的散叫火鍋店，位置挺方便的，就在SOGO附近的京都廣場，之前也去過那座大廈，整座大廈也有很多食店。去到的時候還沒有多少客人，環境稱不上是十分大，但空間感卻十足，椅背的質感很舒適，軟綿綿的，我和男朋友只有兩個人去吃，給我們的位置卻是很寬敞的，很是滿意。這裡的分類很簡易清晰，不會讓人模糊不清，除了常見的牛肉類、海鮮類和自家製類之外，還有刺身類，品種還要是高級的。先選擇湯底，這個是自家鮮魚清湯鍋，眾所週知，正宗的魚湯是白色的，沒有什麼油份，喝進口是很鮮的味道魚味濃郁並帶點清甜，舀一碗湯來喝也沒有問題。鮮墨魚滑是男朋友每次到火鍋店必點的食物，這裡的墨魚滑份量也挺多的，比起一般的火鍋店多，弄熟後每一件都有滿滿的蟹籽，墨魚滑也爽口彈牙。漁火特色四色丸，顧名思義有四種顏色，最左邊應該是魚丸？表面有滿滿的魚仔，所以我猜想是魚丸吧。另外三種是牛丸、墨丸和豬肉丸，不去逐款逐款評論了，反正就是每一款都很好吃，口感非常豐富，大大粒的店員聲稱是手工製作的，難怪有高水準。這裡叫「漁火海鮮刺身火鍋」，那當然也要試試它的刺身，分別點了三文魚和油甘魚，刺身的味道沒有那些火鍋配料的好，三文魚也厚厚的，油甘魚帶點鮮味。手切頂級PRIME牛肉的外型十分像富士山，果然PRIME牛肉是跟其他牛肉有明顯的分別，條紋非常漂亮整齊，脂肪的部分也不多。牛肉味香濃非常，軟稔的程度十足，吃的時候超滿足的之前在一間高質火鍋店吃過即炸的響鈴，還要是即吃的，想不到在這間火鍋店也吃到同類型的食品店員跟我們說，如果要放進湯中，1秒也可以了。就這樣吃的話，口感也超級鬆脆，咯咯聲的～花枝片即是魷魚片，是火鍋店常見的食物，爽口新鮮，每一片都很薄，證明師傅的刀工也頗好的。…查看更多

今日同朋友去銅鑼灣打邊爐，揀左間店偏貴，不過用open rice book 枱有85折。湯底可以雙拼+$20，我地叫左漁火招牌麻辣鍋（小辣）同自家鮮魚清湯鍋 $168，可以滿足不同口味的朋友，我就喜歡麻辣鍋，裡面仲有豬紅；而清湯鍋店員就話係用好多魚去煮成，難怪咁鮮甜，湯底仲有豆腐。我地叫左漁火特選牛盛薈 $438 ，有幾款唔用款式既牛肉，我最愛極品牛舌芯同一口和牛柳粒，好香牛味，特別一口牛柳粒係煮好耐都唔會韌的，好好味。即炸鬆脆響鈴 $58，新鮮炸好脆，浸3 秒已經可以吃了，推介。肥水大花甲 $98，有六隻，大大隻。窩荀 $38，配麻辣湯好入味，但不要煮太耐會太淋。反而鐵棍准山 $38，煮耐了會好粉更好味。自家帶子餃 $88，平是不喜歡吃餃的我也覺得好味；漁火特色四色丸 $128 ，特別喜歡咸蛋豬肉丸，好惹味。…查看更多

銅鑼灣遍佈了很多不同的食肆餐廳，要在芸芸中脫穎而出，除了懂得利用不同的宣傳手法外，最重要的是每位光顧過的顧客的口碑。而這間餐廳，都是經由我朋友介紹，所以今次經過銅鑼灣，專登到這間餐廳品嚐它的火鍋。入到餐廳選擇了一個比較清的湯，蕃茄薯仔粟米湯湯底：估唔到都好足料，比起其他餐廳，雖然係同一個湯底，但係往往只係得書仔多，唔似呢個湯底咁多番茄同粟米。漁火特選牛盛會：呢個特選牛盛會有五種不同嘅牛肉，有店員悉心解釋，以及建議食法：中間係美國牛肉；左上係肉眼邊，店員表示滾到5-6成熟，就可以食；而右上就係牛頸，呢個肉味比較重；左下就係牛舌粒中間，要滾耐一啲，因為肉比較厚，肉肉質比較爽脆；右下係牛柳肉。爽脆珊瑚蚌：喺第二度食，同一個價錢未必有咁大碟，而且每隻珊瑚蚌，都算大塊同埋好爽口。鮮墨魚滑：墨魚滑好爽口，加埋啲魚子脆卜卜咁，食完一舊，好快就想食第二舊。即炸鬆脆響鈴：估唔到呢度啲響鈴真係即炸，啲響鈴上枱，都感受到佢哋嘅微溫，放入湯底度，真係唔需要浸得耐，浸大約1秒，已經食得！淋淋地脆脆地，正呀！健康竹笙：竹笙好乾身，烚完仲係好爽口，加上吸收埋湯底嘅精華，所以咬落竹笙度，感覺就好似飲埋啲湯咁。自家竹蔗茅根：呢支竹蔗茅根，我極度推介！唔會太甜味道啱啱好！而且唔會好似其他餐廳咁，喺樽入面放滿竹蔗同茅根，可以成支飲得晒，唔會有呃秤嘅感覺。…查看更多

今晚約左班損友在銅鑼灣見，一於在此區尋食佢地話想食火鍋，貪佢可以坐耐d慢慢食吹吓水，呢度地方需然唔大，但勝在夠靜坐得舒服首先睇吓有乜湯底選先，除左一d經常有既湯底，還有好多特色湯底一於選個有like既湯底先，就(花膠響螺燉豬展)，再選d火鍋配料食火鍋點可以唔食牛所以我哋選左個：漁火特選牛盛薈，另外叫左：爽彈脆鯇片、漁火特色四色丸、冬菇釀墨魚、即炸鬆脆響鈴、招牌雲吞王、自家韮菜餃、窩荀、菜心苗和皇帝菜。當等待既時候，我哋叫左幾個小食醫吓肚先炸魚皮、鬼馬油條和椒鹽炸大腸。炸魚皮，大細適中，好薄好脆鬼馬油條，油條都係炸得好脆，釀在油條内既墨魚肉好彈牙椒鹽炸大腸，以為賣相同外面炸豬大腸一樣，點知出來唔一樣，好多炸蒜好香好脆，豬大腸啖啖肉，連埋椒鹽和炸蒜一齊食，口感豐富，非常嘢味食緊小食既時候，個湯底就送上花膠響螺燉豬展，睇個湯底非常足料聞已經好香，點知飲落真係不得了！俾到驚起我哋個湯好濃好鮮甜，花膠、響螺、豬展和雞腳都好淋，呢個湯底真係冇得頂如果唔係我哋忍住，就俾我哋飲晒和食晒d湯料，不過現在所剩無幾都要加清湯變左清湯火鍋漁火特選牛盛薈，賣相好靚好吸引裏面有五款唔同部位，極品牛舌心、一口和牛柳粒、手切頂級prime牛肉、手切本地牛邊位和手切本地鮮牛頸脊牛舌心，口感彈牙和牛粒，切得大細剛剛好，所以食落唔韌，好鮮甜prime牛肉，味道比肥牛好味，肉質嫩滑牛邊位，牛味係五種之中最濃牛頸脊，口感爽而有咬口爽彈脆鯇片，肉爽脆而不梅漁火特色四色丸有：鹹蛋豬肉丸、牛肉丸、鮮蝦丸和墨魚丸鹹蛋豬肉丸，豬肉丸內包住粒鹹蛋皇，感覺似食緊鹹蛋肉餅，幾得意牛肉丸，咬落口鹹鹹地，睇真d，原來牛肉裏面包左鹹牛肉，一粒肉丸可以食到兩種牛肉口感鮮蝦丸，蝦丸鮮甜，表面加左蝦皮增加口感墨魚丸，口感彈牙，足以彈死狗冬菇釀墨魚，一啖咬落去有兩種口感，軟綿綿之中帶點彈牙即炸鬆脆響鈴，上枱時還見到有煙出，入口薄而 鬆脆招牌雲吞王、自家韮菜餃，脹卜卜好足料，雲吞好爽，韮菜餃，韮菜好香4個人埋單$1692，今晚又能尋食到一間好食既火鍋，又能同一班損友吹足一晚，真係開心…查看更多

今年生日與中秋節撞期，老公真識做，提早幫我慶生，認真抵錫！原來他已經在漁火訂了位，試試這裡的特色打邊爐－用老火湯做湯底！自家製鮮魚清湯鍋開始前，先嚐了兩碗，魚湯清甜鮮美，湯內的豆腐不妨煲至變老豆腐才吃！魚我所欲也，牛則是老公的至愛，兩者可以兼得！但饞咀的我們當然會在眾多的火煱配料中多選幾樣啦！值得推介的火煱料有：手切本地牛邊位牛肉新鮮之餘，肉味濃厚，有爽脆的口感，不容錯過！牛胸爽切出薄如蟬翼的粉紅色肉片，只需在湯內拖一拖便可吃了，爽口彈牙，一流！加州桂花蚌用料正，件頭大，肉質嫩滑，爽脆鮮甜，好味！鮮鱔片魚肉甘腴豐美，齒頰留香，真是不鮮不食！即炸鬆脆響鈴自家製的響鈴，剛剛炸起，即食也可，香脆鬆化，放入湯內焯一焯，沾滿湯汁後，又多了焾甜的口感！鮮蝦丸、墨丸雙拼蝦丸爽口彈牙，蝦膠內還有大大粒的蝦肉，咀嚼時口感豐富，嗦嗦作響，不愧鎮店之寶！其他不妨一試的有：蒙古肥羊片時令什菜籃整體而言，這裡的食材新鮮，買手應記一功，至於湯底，雖然都是用心之作，但我們只是在開始時飲過湯後，焯過食物後，湯已經不能再飲了，感覺有點浪費！…查看更多

呢輪周圍同啲friend食生日飯，今晚終於可以兩公婆拍下拖去食下野啦。同老婆喺銅鑼灣行完街，見到有座商業大廈，裡面有好多食肆，就揀左呢間漁火海鮮刺火鍋。其實而家銅鑼灣區街鋪仍然係好貴租，所以真係多左好多食肆搬左上不同商業大廈內，但無辦法啦，大勢所趨。店員安排了卡位比我地，隨即遞上餐牌。老婆正苦惱揀咩湯底嘅時候，我就話不如揀個可以比我飲兩碗嘅湯底啦。最後我就揀左最鍾意飲嘅豬肺湯---菜乾白肺燉豬骨湯啦。呢度主打海鮮，選擇都相當多，而且歡迎自携海鮮，但會按量收費。8:15分前埋單並離座有全單9折，而9:30後入座宵夜時段就有8折。湯底到啦，係香噴噴嘅豬肺湯呀。其實我一向都好鍾意飲豬肺湯架，但係喺屋企清洗實在麻煩。所以喺街可以叫到我都會叫黎飲架。呢度嘅豬肺湯色香味有齊，咬落豬肺嘅支氣管，脆脆地相當美味，真係忍唔住要飲晒兩碗先黎火鍋。花枝片味道甘甜鮮美。老婆大人一向鍾意食滑牛，因為佢話肥牛嘅脂肪成日搞到個湯好多油浮面，好唔健康。今次叫個滑牛，肉質鮮嫩，口感滿分。其實牛胸爽係牛胸腔肋骨中間的軟骨部位，佢個樣一啲都唔似牛，但食落牛味好濃而且爽口，同佢嘅白色身體一啲都唔襯。我覺得咁濃嘅牛味，應該係配紅色嘅身體嘅。招牌雲吞王無改錯名，札得漲漲咁，餡料又夠新鮮彈牙。同花膠一樣，其實都係魚鰾，質地軟腍而且爽口。墨魚滑真係好彈牙而且夠鮮甜。桂花蚌只需輕輕一灼，已可食到果份鮮味。食火鍋除左海鮮同牛肉之外，都要平衡下，食番啲菜。我就揀左白菜仔啦，因為我鍾意硬身有口感，所以淥一陣就食得。相反，老婆就鍾意食淋身，所以佢要淥好耐至食得，各有所好。呢個吸收晒湯底精華嘅響鈴，好似又飲左幾碗湯咁。雖然唔係任飲任食，但呢度勝在用料新鮮，好多食物都相當有水準，而且幾位店員態度有禮，感覺舒服。好彩我地早入座，趕到8:15前埋單，最後有9折呀，下次就到時間就食宵夜，8折更化算。…查看更多

銅鑼灣又多了一家新的火鍋店，以燉湯湯底為主打，所以又是時候嘗試新東西了。餐廳坐落在京都廣場，乘電梯上8樓就到了。門口放著新鮮空運法國生蠔呢。餐廳的環境非常乾淨整齊，中間還放有一大幅畫就像塗鴉。座位都有沙發所以非常舒適呢。 店員先給我們醬料盤來混醬，我們都沒有用好多，因為湯底美味的話，這些調味料根本不需要。湯底選擇也頗多，最後選了漁火花甲豬骨煲。 另外還有小吃和刺身，但是我們只有兩人，吃火鍋已經非常足夠，選火鍋配料好了~豬骨煲的湯底是乳白色的，內裏有四大個豬骨，還有數隻大花甲。配料有白蘿蔔、粟米、芹菜、薑蔥還有胡椒。滾後先喝一碗湯，味道清甜，有濃厚豬骨味，多點油就可做拉麵湯底了點了個新鮮牛胸爽，之前沒吃過這類東西所以想試下。牛胸爽是切得薄薄，顏色白中帶粉紅的肉片。一下湯就開始收縮，都頗快熟呢。咬下去口感真的好爽脆，索索聲的，很新奇有趣。看到他們的響鈴是即炸的就立即點了來吃。長條形的響鈴比平常看到的幼及薄，豆香撲鼻，所以忍不住直接吃，嘩每一口都是十分鬆脆爽口，在口中碎掉的聲音證明它好香脆，豆味也甚濃郁，我建議直接吃不放湯更好吃邊吃邊飲湯，加了湯還是濃濃的豬骨味，豬骨的肉不多，但膠原成分重，怎煲也不硬又濃味，是養顏的選擇。花甲大大隻，新鮮肥美又爽甜，正叫了個自家帶子餃拼咸蛋豬肉丸。丸內沒有咸蛋黃的踪跡，但它的味道的確有咸香味，而手打丸的質感當然彈牙。帶子餃內有數小粒帶子，餃皮不會很厚，都不錯。這裡的麵食都是一碟兩份的，豬骨湯配不到拉，就配烏冬吧，顏色又夾每口都連湯吃，味道鮮甜，烏冬又彈牙兩個人這樣吃已經好飽了，刺身那些未有機會，要叫多幾個朋友一起吃才對啊！…查看更多

今日帶朋友黎新開不久既火鍋店，唔好見到三層架就以為食下午茶，呢度係食靚牛肉同新鮮海鮮既火鍋，用三層架擺盤，原來食牛肉都可以好優雅高質，一於來個牛肉火鍋盛宴。新店環境除左明亮廣闊，更有梳化卡位，坐得舒服又唔怕侷促，而且卡位提高私人度，不論情侶、朋友定家庭聚會都好岩。點好湯底同配料之後，店員貼心送上醬料，呢度特別有芝麻粒，而蔥粒也用油拌，唔會乾巴巴。食火鍋點可以無啤酒，啤酒夠凍，仲一路座凍，可以慢慢飲都唔怕熱。店員服務真的好好，又有禮貌。我地點既湯底到左，胡椒白果豬肚煲 $98，湯底夠清不會油，胡椒味頗重。有白果、白蘿蔔同豬肚，白蘿蔔最後吸哂食物既味道，所以好正。而豬肚無異味，爽口不韌。入黎之前見門口放左箱生蠔，新鮮運到好吸引，所以點左黎食。新鮮空運西班牙巨型石蠔，估唔到係超級大隻，有成隻手掌之大，我要3-4啖先吞哂。生蠔夠大夠肥美，肉質飽滿creamy，海水味較淡，通常大隻蠔都唔會好甜，但呢款好鮮甜，帶子位更甜。唔好以為隻蠔會膩，呢款既有餘韻又有清爽味道，食完都仲可以食火鍋。主角到啦，漁火特色牛三拼 $398，用玻璃三層架裝著三款牛肉，夠高雅又有氣派，未食先興奮，狂影相分享下。最頂層有美國極品牛柳粒，份量幾多，厚切吸引之處係有咬感。一般怕中間唔夠熟會煮耐點先食，都食到較韌。但呢度就無呢個問題，牛柳粒特別嫩，有咬感而且多肉汁，真係食唔停口。手切頂級安格斯牛肉，手切真係好考刀工，切得每片都夠平均，用雙飛切法，更能食到牛肉質感，而且望落塊牛肉都大片一點。牛肉較厚身有肉感，軟嫩彈滑，味道濃郁鮮味，也沒有筋位，一點都不會韌。手切雪花安格斯牛，同樣用雙飛切法，牛肉較薄身，食起上來不易膩。雪花分佈平均，牛脂豐腴甘香。可以一次食齊三款唔同質感同味道濃淡既分別，加上用料靚，味道令人回味。爽彈脆鯇片 $68，海鮮都很新鮮，雪白魚用處理夠乾淨，一點也不腥。也用雙飛切法，魚肉夠薄而熟後不易散，肉質結實有彈性，的確很爽口，仲好鮮味。特色漁火三色丸 $88，分別有手打牛筋丸、手打鮮蝦丸及咸蛋豬肉丸，好精緻有特色。手打鮮蝦丸很特別，外層有蝦乾仔包著新鮮手打蝦丸，味道更突出，蝦丸特別很爽彈，很驚喜。咸蛋豬肉丸有創意，而且味道好夾。有如咸蛋蒸肉餅的迷你版，肉丸質感彈牙。即炸鬆脆響鈴 $45，唔好睇少個響鈴，我最喜歡響鈴，所以必叫，呢個即叫即炸，用心製作。除左夠脆卜卜，仲特別鬆化，入口快要溶。加上豆味特別重，應該用靚料做，值得一讚。時令什菜籃 $58，有大冬菇、金針菇、白菜及唐生菜，價錢合理份量足，蔬菜都夠乾淨，如果有埋栗米更好。…查看更多

呢排公司有較多麻煩事, 所以同朋友找個地方發洩一下, 就揀左公司附近既京都廣場, 成楝大廈多數為食肆, 揀左8樓火鍋店, 因為夠新夠大 , 可以大飽口福。人流不多, 環境睇上去頗新, 坐落亦好舒服, 一邊點菜, 一邊自助調醬汁, 青蔥好亮麗, 亦有原粒芝麻選擇, 岩晒我呢位芝麻牛魔王。點了胡椒豬肚湯底, 胡椒味幾重, 有點搶, 先食豬肚飲返杯啤酒, 之後火鍋料到加左湯就ok返。入門口前見到西班牙巨型石蠔，生蠔看似幾大隻, 諗住一試無妨, 竟然比酒店級更好, 除左超大隻，蠔身飽滿鮮甜, 加少少檸汁就ok, 性價比很高啊!~另一伴酒必食-脆響玲, 呢間好特別, 除左基本脆口外, 感覺到塊腐皮比其他店的較薄身,質感似千層酥脆, 而且炸完豆香味更出, 值得一試。接住就特式三色丸, 可以一次試晒牛筋丸, 鮮蝦丸, 咸蛋豬肉丸, 三款都係手打鮮製, 咸蛋豬肉丸算新穎, 豬肉有咸香味互相搭夠, 最彈牙就係鮮蝦丸, 仲有蝦乾仔痴左丸上面, 夠創意。黎到主角出場 "漁火特色牛三拼" 嘩! 嘩! 嘩!~~  夠晒份量又夠晒霸氣啦, 三層宮廷式玻璃碟展示, 頂層有極品牛柳粒, 下面就有頂級安格斯牛, 同雪花安格斯牛, 從"雙飛"牛肉片中睇到廚房師父刀功及鋪排上碟都顯出心意, 味道更不在話下, 夠新鮮先可以人手片出雙飛, 油脂平衡肉質亮澤, 不加醬油更突顯牛味濃郁, 而且份量頗多應夠3~4位用, 真心給讚 x99個!!!另外爽彈脆鯇片, 都係一樣起雙飛顯功架外, 更添口感, 未滾熟前已經好似日本魚生甘靚, 差點忍不住生吃喔! 甘岩胡椒湯底功效下, 鯇魚片一點腥味都冇, 肉質結實有嚼勁, 耐煮也不散開, 呈蝴蝶型, 形式味道都頂尖級數。最後例牌地食返個新鮮什菜籃平衡下, refresh埋個心情, 將煩惱的事暫時遺失在火鍋之中, 和朋友一起共同度過生活中最困,最後捧住滿滿的肚子離去！…查看更多