小火焰韓式咖啡廳 (觀點中心)

呢間韓國菜餐廳既午市晚市menu都試過，質素一直都幾穩定，所以某日係觀塘煩惱緊食咩好既時候，就即刻諗起呢度😋當日食左：🧀卡邦尼年糕($98+10%)呢個年糕份量好大，入面有煙肉同蘑菇，仲有一隻溫泉蛋係上面，由於屋企人唔食生蛋，所以就只係撈左落一邊🤣年糕好軟糯，所以唔會食到牙骹好攰。醬汁非常creamy，撈埋溫泉蛋變得更好食，而且仲勁拉絲😍好好食，食左大半兜都唔覺得膩🐥炸雞Combo($88+10%)←必點!💯入面有芝士薯條、甜辣炸雞塊同炸雞軟骨。每次嚟都一定會叫呢個set，因為真係好抵食！薯條除左上面有芝士醬，每一條都有芝士粉，食落甜甜地但好有芝士味，而且每條都好脆，炸得啱啱好👏🏻甜辣炸雞既醬汁好好食，唔會太辣但好惹味，炸雞就算沾滿醬汁都依然好脆👍🏻炸雞軟骨份量好多，每粒都好香口，唔會太硬，忍唔住一口接一口係咁食🤤🍫糯米糍3.6牛乳雪花冰($78+10%)最後梗係要食返個甜品啦🍧雪糕球既朱古力味極濃，雪花冰底好綿，牛奶味都幾出，配埋朱古力粉同杏仁片好夾。個人最鐘意就係個糯米糍，皮好煙韌，入面既朱古力cream輕盈得嚟朱古力味好出，成個甜品都好好食，食完好滿足💖…查看更多

豬五花炒粉絲 62元 +10元 泡菜餃子  1. 韓式粉絲爽口彈牙,配合辣醬及豬肉確實是非常好的開胃菜/主食2. 10元2粒的泡菜餃子熱辣辣,是一道好值得推介的小食魷魚水冷麵  68元 +10元 卡邦尼年糕1. 韓國冷麵絕對有首爾的水準,3條大大的魷魚令你忍不住不停進食2. 沒想到卡邦尼醬可以與韓式年糕談上一場驚天動地的戀愛,哈哈!蜂蜜提子脆米炸雞(半份)  98元4款炸雞中最具特色,上桌時好熱,附有手套,將炸雞沾上蜂蜜醬汁和提子脆米是一種完全有創意的配合芝士海鮮煎餅  78元最後才上菜的煎餅,相信是太多人選擇吧?幸好芝士不是太多,不會掩蓋煎餅和海鮮的味道,跟我在韓國吃過的不相伯仲糯米滋3.6牛奶雪花冰  68元飽滿嫩滑的雪花冰,有3粒朱古力糯米滋,作為最後一道甜品為這餐劃上完美的句號~飲品:熱蜂蜜生薑茶(跟餐) & 凍岩鹽焦糖咖啡(+13元)1. 暖胃健康的生薑熱茶2. 提神又止辣的微甜咖啡總結:餐廳的環境寬闊,店員的服務態度正面,上菜速度高及有求必應。每道菜的份量都頗多,而且是熱辣辣,可見即叫即做有保證。價錢公道,加入了西式菜的口味,令人更容易接受韓國菜,非常不俗的一次體驗。…查看更多

為咗有飯食，大胃要將自己晚餐嘅時間推前到6點前搞掂，今日直頭4點幾已經食晚飯，咁早食當然要食好啲食多啲啦佢地上菜勁快，落單冇耐已經有嘢飲到仲要飲落唔係hea沖，又快又有質素前菜竟然有醬油蝦揀，仲要入味又新鮮食韓國嘢，泡菜點都走唔甩呢間嘅炸雞好食過好多出名嘅炸雞店，爽身又嫩口豬手撈沙律第一次食，仲撈咗啲雪梨，口感唔錯開頭以為呢個鍋得牛肉，原來⋯仲有粉絲同年糕，湯暖身又好飲卡邦尼年糕保證飽肚撈蛋食好好味，年糕唔會好難嚼，煮得啱啱好甜品最正係個雪糕，撈蛋糕同奶凍都好食呢間有口罩套提供，夠晒貼心…查看更多

幾年前已經想食小火焰！估唔到幾年後依然咁受歡迎！星期五晚既小火焰真係超多人 建議大家預早拎飛溶岩芝士炸雞麵包 $148果然係呃like之選 農夫包裝滿半融芝士 芝士面層烘得金黃 將炸雞浸落芝士之中再拉起 輕易做岀拉絲效果炸雞即叫即炸熱辣辣 外皮炸得幾脆 肉質嫩滑帶肉汁 略嫌炸皮厚左小小溶岩芝士唔係走鹹香路線 反而比較重忌廉味 仲可以切開農夫包 沾滿芝士一齊食 農夫包質地比較紥實 食完超飽肚個人超鍾意旁邊好濃芝士香既墨西哥粟米脆片柚子明蝦水冷麵 $88大熱天時最好食個水冷麵 清涼又消膩水冷麵質地彈牙 當中加有爽口唔少青瓜同蘿蔔絲 蝦肉鮮甜彈牙 如果有多幾隻就好啦蘿蔔味湯底清甜 偶爾咬到柚子 酸酸地幾清新開胃卡邦尼年糕 $78雖然其貌不揚 但係食落又幾唔錯拌勻蛋黃後 本身較為稀身既卡邦尼醬汁會變得較濃郁creamy 好香忌廉味 但又唔會太膩配上鹹香煙肉同磨菇 味道層次豐富 重口味人士表示調味再重啲就正松露曲奇脆脆3.6牛乳雪花冰 $58一入口個下真係好衝擊！雪糕好濃松露味 初初唔係太接受到 但係加埋底下既3.6牛乳雪花冰味道無咁突岀 甜甜地帶啲松露味 估唔到又幾夾 雪花冰好綿無冰感 濃郁牛奶香雪花冰舖滿曲奇脆脆 口感豐富 亦充滿飽足感 真係要兩個人先食得晒 性價比幾高整體而言 價錢唔貴 食物質素幾高 值得一試！…查看更多

1️⃣「卡邦尼年糕🍳($78)」-最好食係呢個 (小編自己都出過食譜xd)個汁好香好creamy 好煙靭🤣👍🏻The carbonara is delicious. The sauce is rich and the rice cake are chewy. Love it-2️⃣「熔岩芝士炸雞麵包🍗🍞($148)」-個麵包偏淋身🍞相比芝士味 奶香味會更出🧀鍾意佢有墨西哥脆片🇲🇽The fried chicken bread with lava cheese is not as cheesy as I thought. I like it serves with the tortilla chips.-3️⃣「爐版燒布朗尼($68)」-打卡一流 熱辣辣嘅布朗尼似新鮮出爐🔥 brownie係濕潤癡牙嘅口感 睇住雪糕慢慢係上面溶好開心🙈The iron plate brownie is sticky. I love the icecream melting on the top.-💰：$70 - $180 (+10%)📍：觀塘Kwun Tong性價比CP value：🤤🤤🤤⚪️⚪️飽肚fullness：🤤🤤🤤🤤🤤味道taste：🤤🤤🤤⚪️⚪️環境environment：🤤🤤🤤⚪️⚪️服務service：🤤🤤🤤🤤🤤(提供信封✉️裝口罩😷)Score：70/100…查看更多

呢間韓國聽身邊試過既朋友都推介說不錯，所以三八婦女節相約好姐妹來這裡聚會下，在觀塘地點方便，我地一早BOOK定枱不用等位，還安排到窗口位置，不用坐大堂，但地方頗為迫。見有二人套餐選擇，價錢都幾抵。不過覺得散叫會開心D，可以叫D真係想食的。炸紫菜卷來到感覺有些細碟，炸得香口，味道都不錯，內裡是粉絲羽衣甘藍特色菜餅聽到羽衣甘藍感覺好似健康左咁，同埋少地方有得食卡邦尼年糕普普通通鷺梁津海鮮石鍋炒飯呢個有驚喜，幾好味。海鮮都幾鮮甜溶岩芝士炸雞麵包呢個必食，芝士夠邪惡，炸雞不油膩。白桃乳酸特飲 & 凍岩鹽焦糖咖啡…查看更多

兄弟姊妹出嚟食個飯，梗係搵間氣氛後生D嘅鋪頭（上網睇其他人食評又好似講到好正咁），費事成日話我地啲老嘢同D後生嘅有代溝，唔講咁多廢話，食評依家開始。👴🏻（撮要內容；炒淮山麵一定必食！！！🐎意外黑馬水準勁好食，蘑菇雞翼都唔錯， 十分推薦，紫薯沙冰必飲，CP值超高，卡邦尼年糕水準一般，熔岩芝士麵包炸雞水準一般，炸雞🍗/打卡📷愛好者可以一試😘，炸紫菜卷幾好食，可惜份量一般，綠茶朱古力雪花冰水準一般以下，窩夫好似泥膠，質感好似謝霆鋒焗嘅嘅雞蛋仔😨）👴🏻👴🏻環境給店員服務 7/10分琴晚就九點到開始入座，店裏面環境乾淨整齊，店員提醒我哋入座至離開鋪頭開始計算90分鐘，環境都算闊落，就算老爺我而D大肥佬拖個行李喼係路上面行都仲有小小位剩，如果有帶手袋/書包/公事包，四人卡位可能坐落有D迫，不過老爺我入座前見到係籃可以借嚟擺嘢，同埋上菜嗰陣枱面嘅位置大概只可以放四五碟嘢食（已經計埋自己啲碗碗碟碟，餐具餐牌位位置），店員服務真係絕對加分，老闆亦都要為佢哋絕對加薪，落單叫嘢食嗰陣，問店員有咩推薦，店員答樣樣都咁好食，喺再三詢問下，店員推薦我哋淮山麵，真係推薦得冇錯👍🏻👍🏻👴🏻熔岩芝士麵包炸雞$128炸雞炸得唔錯，至少食落唔會柴唔會乾，沙律OK，但份量較少，雖然話係熔岩芝士麵包，個芝士只有上面嗰浸，下面嘅醬只係忌廉汁，建議最好將芝士同忌廉汁撈埋先點炸雞會更好，個脆片都唔錯，脆片上面係芝士醬，當小食就咁食真係唔錯，點埋個芝士忌廉汁認真更加好食，個包偏硬身，切開點醬食還可以。👴🏻卡邦尼年糕$78年糕唔會過硬，軟糯煙韌，卡邦尼個忌廉汁幾香，溫泉蛋切開，少少蛋汁連埋年糕蘑菇煙肉忌廉汁，一齊食真係唔錯🤤。👴🏻酥脆蘑菇雞翼$48 必點！即係忌廉汁蘑菇釀冇骨雞翼，超級無敵推薦🤪🤪好鬼好食，可能佢有經過焗烤，肉汁都鎖住晒喺裏面，咬開肉質爆曬出嚟，而且蘑菇同忌廉汁嘅香味同雞翼好撘，再加上本身雞翼係有調味過，有微微嘅香料味，令成個配搭更加正！（記得等佢攤凍少少，咬開太熱小心辣親）👴🏻炒豬腸（唔記得左個名同幾錢😭sorry）用辣醬炒（真係幾辣），上枱嗰陣好香，因為鐵板上枱，食落嗰陣好辣嘴，可能個鐵板真係太熱，有燶底嘅情況，嗰陣淨係食咗一舊就退貨，因為真係燶得太勁，但係味道唔錯嘅。👴🏻蟹黃炒淮山麵$88 超級無敵推薦必點！！！除咗蟹黃之外，仲有少量嘅海鮮（兩隻蝦一隻青口仲有少少魷魚鬚）算新鮮，淮山麵我都係第一次聽，食落有啲似生麵，同埋果汁係重點！！酸酸甜甜幾清新，撘埋個麵食真係勁正！👴🏻紫薯沙冰 （又唔記得咗幾錢😭sorry，好似大概40幾蚊） 性價比超高，大份夾抵食，仲要勁香紫薯味，唔係化學嗰隻紫薯味，好鬼正。👴🏻三色窩夫$58 感覺似中伏唔推薦點！！！🤮窩夫質地似泥膠，上面話佢似謝霆鋒雞蛋仔，實在太俾面佢，又唔淋又唔硬咁，同埋食落有浸怪味（唔係臭嘅，香嘅，唔識點形容，唔似肉桂味），仲有個糖漿食落甜到漏（仲要係唔好食嗰隻甜）仲有個雪糕係算最好食（勁似朱古力味X巢雪糕）所有嘢完全唔搭，我覺得可以叫做難食，嚴重破壞我味蕾。（可能有人鍾意可以試吓，但切勿以身試伏🤘🏻）👴🏻綠茶朱古力3.6牛乳雪花冰$58 唔太推薦聽個名就好好食啦，唔知識落點樣呢，全部都好一般，綠茶雪糕（冇錯又係好似X巢雪糕）朱古力（粉，冇錯係朱古力粉🤪）雪花冰係有牛奶味（吾重牛奶味），到最後紅豆係我覺得扣分嘅位（食落去有浸鐵銹味仲要勁甜😨嗰陣我仲好擔心以為係食完窩夫嘅後遺症）最後評價係整體一般，紅豆敗筆。 （我覺得可以慳返叫多個小食或者其他嘢都好，除咗窩夫！🌚）總結係個窩夫搞到我好大怨氣，不過其他都唔錯好食，環境其他都唔錯，淨係個炒淮山麵已經可以令我再返嚟食多次🤪🤪🤪。…查看更多

唎幾日都幾凍，放工唔想去咁遠食飯，所以係近近地係觀塘睇下有咩食天氣熱左幾日又開始凍返，想食d熱野，但又唔想打邊爐d衫吸唒d味咁岩見到小火焰韓式咖啡餐廳有d湯鍋同埋石鍋飯食，一定夠唒熱， 一於就試下餐廳就係APM格黎行多一兩分鐘既觀點中心1樓７點３左右去到，坐滿左８成，好彩２個人都易搵位，好快就入左去餐廳係用木系裝修，感覺幾舒服本身想食石鍋飯，但係見到有牛骨湯，應該係期間限定，所以揀左黎試下黎到韓國餐廳唔係唔食炸雞呀？半份點都要既，蜂蜜提子脆米幾特別，就唎款啦年糕又係一定要叫，唎到年糕都有好多款式，不過都係叫返最鐘意既卡邦尼年糕飲品選擇仲多, 最後揀左紅豆椰子沙冰第一樣黎既係骨筒同手套, 一包入面有2隻蜂蜜提子脆米炸雞 (半份) $88蜜糖、提子乾、脆米既份量都好足，食唒ｄ雞都仲有蜜糖剩一淡雞一淡提子乾，食落感覺冇咁油膩脆米令到炸雞咬落更加脆雪香牛骨湯$128雪香牛骨湯，有火一路加熱，全程都卜卜卜卜，好熱，冬天食岩唒牛仔骨有成４至５塊，淡淡肉仲好多配料添！卡邦尼年糕$78最怕年糕太乾，唎到既卡邦尼年糕好多汁，絕對唔會乾，蛋黃味極濃！紅豆椰子沙冰$46好多時飲沙冰都會飲幾淡就得返ｄ冰係到，唎到既沙冷水冰比例做得好好，飲到最後都唔會有白冰剩低紅豆味好濃！…查看更多

平日的我很少吃韓國菜，今晚難得來到觀塘，便來到小火焰餐廳品嚐韓國菜。 從外面看，已看到人頭湧湧，很多人呢！ 進去後，我們安排坐在卡位，座位舒適～先來看menu,我們點了一個二人套餐，除了有salad,還有兩個主菜、甜品及兩杯飲品，十分豐富呢！ 先呈上的是香芒炸雞沙律，炸雞略為spicy,但整道菜酸酸甜甜的，配搭得不錯👍其後，呈上的是韓式滋味炸蝦🍤 炸蝦的賣相精美，咬下去香口往後，呈上的是拉絲芝士香燒雞翼伴泡菜炒飯。由於有泡菜的關係，炒飯會帶有少許辣味，但味道不錯，加上有雞翼，所以份量很多！跟著，呈上的是卡邦尼年糕。年糕中間有流心蛋，令年糕更滑嫩，年糕更有拉絲呢！最後，呈上的是甜品牛乳奶凍，滑溜溜的奶凍，好味！此外，還有兩杯飲品，我點了白桃乳酸特飲，先生則點了凍檸茶，白桃乳酸特飲賣相漂亮，酸酸甜甜的，好飲😁整體來說，食物份量多，味道都不錯，值得推介…查看更多

今日同朋友一齊去le間餐廳食晚餐，都幾多人，要排左一陣隊先到我地入去餐廳環境都好舒服，但係就有少少凍我地叫左一個卡邦尼年糕同焗羊膝燴粉絲2個餐都上得快 同貌相都唔錯卡邦尼年糕真係好好味D年糕俾d卡邦尼汁緊緊咁包住 食落又有口感卡邦尼又濃又cheese味 食落去都幾飽肚 💯之推介去食焗羊膝燴粉絲就略嫌唔好味 羊膝味係好濃郁 d汁太少 粉絲又太多 好多都沾唔到d汁 變到好硬 味道又淡 成個菜式都降左唔少分 愈食就愈唔想食 冷氣會令到d粉絲變得更硬…查看更多

忙咗一個星期，終於等到Happy Friday! 要同同事食餐好嘅😍同埋，我要食甜品呀！！！食物有好多選擇，我地揀咗好耐😂最後點咗<雪糕筒黑松露芝士意粉>、<卡邦尼年糕>、<紫薯吐司伴紫薯雪糕>。<雪糕筒黑松露芝士意粉>黑松露係我至愛！個雪糕筒好可愛，嗰球係芝士球(超邪惡呀！)，撈落意粉一齊食，好creamy😍黑松露香味，加埋芝士，正！燒烤菇好大塊，咬落好Juicy，推介！<卡邦尼年糕>年糕軟硬度適中，好煙韌，撈蛋汁好食！(呢個汁令我好想撈白飯食添😂)主角來了！<紫薯吐司伴紫薯雪糕>餐廳好細心咁預先切好8份❣️食得方便。吐司中間係年糕，好驚喜！吐司上面有柚子蜜糖，連埋好濃嘅紫薯雪糕一齊食，我覺得好幸福！呢個甜品真係無得輸！值得一讚係，店員服務態度好好👍🏻Happy Friday我又多一個好地方！…查看更多

臨急臨忙同朋友約食飯，咁因為我想食韓國野🇰🇷，比較就腳容易搵嘅鋪頭呢就揀咗呢間。打電話book枱嘅時候店員其實都有講明5分鐘留枱同埋2小時用餐時間。可能因為星期一夜晚，天氣又好凍(得9℃的晚上❄️⛄️)，所以都唔算好多人，大概坐左半間鋪。因為book咗枱四個人，咁店員都安排左四人位置俾我哋，大家入到室內除低啲禦寒衣物其實都佔咗好多位，真係坐都冇位坐。我哋問店員可唔可以俾張凳我哋放野，有一個店員見到我哋咁多野，好好咁主動問我哋不如幫我地換過張大啲嘅枱，幫我地換左去張6人枱，即刻坐得舒服哂！藍柑白桃梳打(後面)-朋友話都幾好飲草莓番石榴熱情果梳打(前面)-係幾好飲既，不過睇返個名其實我又真係飲唔到咁多隻生果嘅味，應該係熱情果搶咗草莓同埋番石榴嘅味。卡邦尼年糕-個人來講其實比較鍾意食辣嘅年糕，所以呢個對我來講不過不失啦。拉絲芝士牛肋條伴泡菜炒飯-牛肋條呢就有三條，唔會太老。芝士真係好邪惡啊拉絲🤤，呢個真係好食薯條(芝士味)-呢個我真係食唔停口😋！本身薯條上面已經冇芝士粉，另外再有芝士汁可以點，雙重芝士阿正！芝味味炸雞-menu寫明炸雞要等20分鐘，所以上菜嘅時候熱辣辣，可以話係我今日喺呢間餐廳入面食過最熱既野雪糕筒黑松露芝士扁意粉-店員上菜嘅時候話俾我地知果球白色既其實係cream cheese，要撈埋先至好食。不過不失。食落其實姐係卡邦尼年糕拎走個年糕換意粉加左少少黑松露味。…查看更多

好耐冇食過韓國野，今日心血來潮，決定同朋友走去食返餐先😉黎到呢個位於觀塘少有嘅韓國餐廳。呢到嘅環境非常開揚。座位闊落。我地揀左2點幾平日嘅時間去食。第一係因為啲扮工人士返曬工第二係學生哥都未放學啦😈餐廳會不斷播放各韓星嘅韓文歌，搞到我啲朋友韓妹上身，真係係到唱歌同討論韓星😄我地落單啦！我地揀左韓醬燴牛肋伴韓式肉醬飯🍚、卡邦尼年糕、傳統亞豬媽泡菜辣炒年糕、溶岩芝士炸雞麵包🍞、綠茶latte☕同草莓熱情果梳打🍸首先介紹下韓醬燴牛肋伴韓式肉醬飯🐂🍚。醬汁酸酸辣辣好開胃。而且牛肋好軟腍腍。飯同芝士同牛肋撈埋黎一齊食非常好味😍因為芝士比較多，有小小濟。好彩我地多人一齊分咋😂之後到卡邦尼年糕。呢個冇咩特別。唯一好係年糕煮得軟硬適中👍但佢多左一份濟嘅感覺同有小許鹹😂無論係汁定年糕都係。。所以我就唔太推介😶之後就到傳統亞豬媽泡菜辣炒年糕。👩我覺得呢個好食過卡邦尼年糕。因為呢個又係酸酸辣辣咁，起碼有小小味覺上嘅刺激。年糕依然軟硬適中👍重頭戲到溶岩芝士炸雞麵包。🌋🐥🍞首先佢真係成個麵包裝滿芝士，好足料。但好快就硬曬。要食得快。但就算你食曬啲雞，如果個麵包想點芝士醬都係點到一，兩舊麵包仔咋😯因為芝士已經硬左啦😂炸雞嘅皮都有小小厚，但仲可以接受😜最後到綠茶latte☕。因為我很愛綠茶，有啲要求嫁。我覺得唔係好達到我嘅要求。我覺得仲係偏甜同冇乜綠茶味😦如果你中意甜啲就岩曬你口味啦！總括黎講，係ok嘅。可以一試囉！另外如果多人先好似我地咁嗌咁多。但我地食完都好飽好濟😂仲有佢係有加一嫁！…查看更多

起初以為這店只有甜品吃，但仔細看看便知道還有不少食物可以選擇的。先來一個卡邦尼年糕，第一個要做的動作就是攪拌，將溫泉蛋完全溶入忌廉醬中。不單顏色變了，連味道都變得濃郁了，除了忌廉味，更有蛋味。配合韓式年糕一起吃，是個很好的配搭。之後這個牛肋肉芝士大包真的很有份量。驚喜的是牛肋肉很柔軟，很易入口，而牛味也很重。芝士配牛肉及包就更不用多說了，極之美味及配合。而那個包的外層很脆，是不可不吃的呀。來一個較為清淡的菜色：石鍋餃子。之前兩味雖然都較為濃，但這個較淡味的不但沒有顯得太淡，反而有種清新感，讓人喜歡。除了餃子，也有白菜及粉絲，也是真材實料的。甜品時間又怎可少了雪花冰，味道是較日式的綠荼紅豆。雪花冰的質感做得非常好，軟軟綿綿，享用時真像在雪地裡享受般。另一個甜品是心太軟配雲尼拿雪糕。心太軟的黑朱古力很香濃，甘甘的，正好由雲尼拿雪糕才中和一下。…查看更多

觀塘食韓國野嘅餐廳唔太多，呢度就係其中一間。平日夜晚7點幾去到都已經9成滿，好彩岩岩冇一枱走先有得入去，真係都幾多人。店裡裝潢都有韓國咖啡廳嘅風格，上面仲有最新嘅mv睇添。我地一坐低我地見到差唔多每一枱客人都有叫一個充滿芝士嘅麵包，隔離仲有啲炸雞。我諗應該係王牌食物，所以我都打算叫黎試下。最後我地叫左個卡邦尼年糕同熔岩芝士炸雞麵包。卡邦尼年糕份量都幾多，一個人食都已經好飽，年糕係比較粗身款，咬落去唔會過軟同過硬，好煙韌。味道就真係充滿濃濃嘅卡邦尼醬汁。入面有菇同煙肉碎提味同增加口感，上面嘅草香都令年糕更香，多啲層次。中間仲有溫泉蛋，流心蛋黃撈埋落年糕到增加加分。醬汁份量岩岩好，條條年糕都可以包晒。不過如果啲汁更入味就更好，中間略為淡左啲。見到入黎個個都叫呢個炸雞，我地當然都唔執輸。外賣相當吸引，有一個烤到外皮脆卜卜嘅麵包，日間全部都係芝士，芝士表面都烤到焦焦地。隔離係無骨炸雞，炸雞size 唔算大，岩晒放落啲芝士到。芝士炸雞嘅配搭，係永遠都唔會失敗。炸雞點落啲芝士到，充滿拉絲芝士，熱辣辣咁食，食落口炸雞外表被芝士軟化左少少，仲有炸雞表面本身淋有酸酸地嘅汁，多重口感同滋味。雖然炸雞肉質普通，但因為無骨同有芝士搭配，令整道菜加分唔少。另外，麵包都好食，麵包外表係脆，入面係軟綿綿，加埋吸引左啲芝士，好似食緊芝士火鍋加級版咁💕同埋呢個份量好大，最後啲麵包食唔晒，照呢個價錢都好抵食。整體質素都幾吸引，特別價錢方面都抵食，觀塘區嘅好選擇…查看更多