魂燒

本人一向都係愛蟹之人，對蟹可以話係又愛又恨，一方面被蟹肉既鮮甜味美所吸引，另一方面亦為拆蟹肉既艱難而為之卻步，冇辦法啦，為食又懶惰嘛哈哈。最近係網上見到有雜誌介紹一碗極為吸引既蟹黃飯，見到啖啖蟹膏又唔洗自己拆已經令我流晒口水，趁同朋友飯聚我就一於黎試一試！一去到發現原來係位於一條人來人往既街上，而且座位唔多，旁邊可以清楚見到師傅燒緊串燒，傳黎陣陣香味，名副其實係一間小店，我一坐低即刻叫左吸引我既蟹黃飯同幾款燒物同朋友一齊分享。特制激爆蟹黃飯 ($128)一上枱既賣相已經令人食指大動，金黃色既蟹膏滿滿咁舖係珍珠米上面，香濃味鮮，口感有一點黏黏，但完全唔會有一點腥既感覺，證明材料新鮮。而且飯面上既並非冇誠意既來貨蟹柳，而係兩條拆好既蟹腳，味道鮮甜，忍唔住令我一口接一口咁食晒d飯，非常滿足到我呢個愛蟹之人！唔想太有罪惡感又可以試多d其他食物，不妨好似我咁兩人分享一碗。海鹽安格斯一口牛($25)牛肉燒得剛剛好，肉質唔會因為過熟而太韌，用海鹽黑椒簡單調味既好處係可以保留肉既鮮味。汁燒茄子 ($18) 燒過既茄子肉仍然好juicy，加上燒汁十分惹味，兩個人share半條實在唔夠喉！汁燒雞中翼串 ($15)雞翼一向都係燒烤中最受歡迎既食物，燒過既雞皮配上雞肉真係冇得輸，不過略為乾身了一點。沙津醬燒免治雞肉棒 ($22)免治雞肉既口感嫩滑啖啖肉，但食食下發現有咬口既粒粒，原來係加左雞軟骨，南瓜雪糕 ($45)首先賣相已經十分吸引，以原隻小南瓜裝住雪糕，一嘗之下，發現雪糕非常重南瓜味，仲有濃郁既椰香味，兩者好夾，而雪糕口感亦夠香滑，令第一次食南瓜雪糕既我好驚喜！如果能夠加入少量南瓜粒增加口感，效果可能更好！小店雖小，但五臟俱全，而且單看手拆既蟹膏既心思已看誠意十足，值得支持！…查看更多

砵蘭街中有間好細好細的居酒屋、卡座只六張高凳、另外還有普通位在街外、甚有風味。途經被燒烤香味吸引注腳了、應該有點驚喜吧！麻雀雖小、小小舖頭創意無限、餐牌上多款燒烤可供選擇、但最吸引我的是‘限售‘這兩字、特製激爆蟹黃飯、好嘢無理由不試。嘩啦啦！金黄一片、簡值以本傷人、蟹膏鋪滿整個飯碗、口水己流。蟹膏入口甘香濃稠、整個口腔充滿膏香還有點漿口。松葉蟹腳肉鮮甜多汁、美味。值得一試。驚喜一浪接一浪、南瓜雪糕香滑綿綿、南瓜和椰香味頗為突出、幸福滿瀉。雖然環境比較擠迫、但誠意的美食搭夠、值得推介。…查看更多

行過聯合搵野食, 見到呢間巷仔燒烤店幾多人等, 門口即燒見到海鮮大隻新鮮, 所以等一陣都唔緊要啦, 座位有室外及室內, 室內好細, 只有BAR枱位置, 坐到5-6人,室外有街頭及小巷小食風味門口還有實物SAMPLE, 賣相不錯, 所以都跟佢叫了, 首先叫了秘製燒帆立貝($34), 好大隻, 有燒汁, 金黃色, 裙邊爽口, 再上了香蒜燒生蠔($28@), 好大隻, 好多汁, 新鮮喎, 燒羊扒件$28 , 唔會好羶味, 好香口, 好腍身, 還有牛肉薯餅 $28, 不錯，非常香脆可口，不會好油膩。主打的特制激爆蟹皇飯,配上松葉蟹柳, 賣相好名貴喎, 蟹皇鋪滿面, 好香濃蟹膏香味及蟹肉,夠足料, 底為白飯底, 尤其係松葉蟹柳, 好鮮甜的蟹味, 新鮮, 唔夠喉, 再叫了一口芝士, 好似箭豬仔咁, 外皮脆卜卜, 一咬下, 芝士半溶, 好烟韌。最後還叫了甜品, 南瓜雪糕$38，及$38, 兩個都好清甜, 好滑，食完一輪燒烤的飯後甜品, 好爽呀, COOL DOWN晒。…查看更多

這裡的蟹膏飯香傳遍千里，早就紅透網絡，所以吸引了很多人來排隊！加上店內位置不多，部份食客需要坐到街邊的室外位置進餐，環境不太理想，不過食物才是我看重的！進店後，就坐到吧枱的位置，只有幾個坐位！面對着的是廚房，師傅在裡面煮食，我們都可以窺探得到，但缺點是油煙會沾滿身。除了蟹膏飯，其實這裡還有其他選擇的！例如和牛飯、麵、鰻魚飯等都很吸引，另外亦從店名可看出，店家還主打串燒，所得不得不點幾串試試。先來的是燒粟米，燒得金黃有光澤，不過吃下發覺有點乾身，粟米本身不多汁，幸好粟米的天然甜很突出，挽回不少分數。再來是燒菠蘿，跟粟米完全相反，這個超級多汁！一咬下去，甜甜酸酸的菠蘿汁四濺，不用甚麼調味都已非常生津！還有西京燒牛，西京燒銀鱈魚就吃得多，但用西京方式燒牛還是第一次，牛肉塗上了甜甜的醬汁，更突出了牛的濃郁，不過筋部太多，吃起來有點難嚼。來到主角蟹膏飯！蟹膏多得鋪滿整個飯，完全不見一點白色，只見橙橙黃黃的蟹膏，非常邪惡！蟹膏味未算很濃，反而偏，鹹或許等當造的蟹季會好些，但用來拌飯倒是不錯。驚喜的是上面的蟹棒，不是普普通通的假蟹柳，反而有真實的鮮甜！還有這個鰻魚飯，鰻魚及粟米各一半，如果是整個都蓋滿鰻魚會更滿足呢！鰻魚的肉頗滑，但醬汁不夠，令飯身有點單調，即是拌上粟米還是有點太乾。餃子及芝士丸一樣，即叫即炸，非常熱燙！餃子可蘸麻醬，外皮炸得很香脆，不過就有點過於油膩，而且亦脆得有點太硬，還好內裡肉汁豐盛，但略嫌肉汁偏淡。另外紫菜芝士丸很特別，用薯蓉作為丸的外層，炸過後香酥鬆化，咬外流出液態芝士，淡淡的奶白色，但芝味濃濃，很好吃！可惜在別處未能找到一樣的東西呢！可能要再回來才能回味得到了！最後當然要以甜品作結，這裡的甜品主要是雪糕及蛋糕。選了比較不常見的南瓜雪糕，聽說這種雪糕在凍肉店都有售，但南瓜味的好像未見過。雖然味道上沒什麼南瓜的蹤影，但奶香濃郁，質感厚滑，完全是超水準的！雪糕份量亦不少！南瓜盅挖得非常深，足夠兩人分享的。雖然蟹膏飯沒想像中的出色，反而其他食物更有驚喜！等人潮減退後，可能會為了芝士丸或串燒再來！…查看更多

今日特登黎左呢度食蟹膏飯！之前睇雜誌見到介紹所以就黎左，因為之前打過黎想book位唔成功，知道有好多人會黎排隊，所以今次我地特登5點9未開店就黎到，等到6點正式開始就有得食！一黎就叫左個蟹膏飯先，係人人黎到都會食既！真係超多蟹膏啊！不過就有d太鹹，所以要撈勻晒底下d飯先好食，如果成啖蟹膏放入口會鹹得濟。不過蟹膏咁足料，都冇失望既！除此之外，重叫左個鰻魚飯。鰻魚岩岩好可以蓋住半個飯，都足料既，但係汁就真係少左d，個底大部份都係白飯，單調左d。串燒叫左燒菠蘿同燒粟米。粟米就唔係好夠牛油，但係本身粟米質素高，夠晒甜！燒菠蘿就好正，超多汁啊！又夠晒甜！好彩有3舊咁多，夠晒我地share食。重有就係燒安格斯牛一串，都幾多汁，不過就唔夠軟淋，可能因為有d筋位。重有叫左d小食。炸餃子係新鮮即炸，熱辣辣好脆口！呢度有一口芝士同紫菜芝士波，唔知有咩分別呢？但係我地就揀左圖中呢個紫菜芝士，都係即炸既，外面個皮有d紫菜，入面流晒d芝士出黎，d芝士好濃味，搞到我好想試埋一口芝士！但係冇辦法啦，已經叫左好多野食太飽！最後食埋呢個南瓜雪糕，佢另外重有香桃雪巴，都係有個桃裝住既，不過我地就冇叫到，揀左呢個南瓜。雖然就唔覺有南瓜味，但係d雪糕又幾滑，唔會話水稀稀咁，唔錯唔錯！…查看更多