古琴雅苑 (QRE Plaza)

諗住去食餐好啲嘅中菜，見評分幾高就去試吓，點知食物名過其實，湯同餸菜都唔夠熱、冇鑊氣，價錢仲要唔平...1）北京填鴨算同啲冷盤前菜比較正常，其他就普普通通2）松子魚望上去幾靚，但食落個汁太酸、魚唔夠脆又腥😬3）乾煸四季豆完全冇鑊氣，有啲好似啱啱淥熟咁（食到呢度已經冇動力再影相🙈）4）"杞子桂花糕"太硬、冇杞子，一般酒樓整嘅都比佢出色以咁嘅價錢同質素，難怪服務員一直問我哋要唔要買package😂😂…Read More

典雅的裝修，環境舒適，最適合與親朋好友相聚品嚐一下京滬菜，我們一行四人，懶得諗掂乜嘢菜，索性點一個夏日嚐鮮set A 四人餐($1218), 有曬必試的北京填鴨和風味松子魚，已經包埋茶位和加一， 抵食中菜第一步：揀茶，呢度嘅特別茶款有玫瑰荔枝，以紅茶作基底，充滿幽香的玫瑰荔枝味，必試，還另外點了一壺桂花烏龍，桂花味唔算好濃，烏龍夠靚前菜冷盤花雕醉雞和雞絲粉皮，到水準，合格湯類點了香菜鮮魚羹，一大鍋可以分成五小碗，打芡做得好，稠度適中，內有魚肉和應該也有一些蟹肉， 品嚐得出鮮甜烤北京填鴨半隻，鴨肉軟滑，刀功幾好，每一片的肉和皮比例適中，唔肥， 不過略嫌鴨皮唔夠酥脆重點菜風味松子魚，吃的不單是味道還有師傅功夫 ，在鱸魚身上片出刀花，蘸炸漿再炸膨鬆成瓣， 淋上甜酸醬汁，這道菜我比較少吃， 吃罷覺得很醒胃，酥脆甘香， 有很實在很滋味的感覺， 咁大條魚，要同幾個朋友一齊食，先ko到佢個餐仲包含其他菜式， 分量真係好多， 食到一半要中場休息一下京醬爆肉絲配荷葉包， 微甜，又幾好食喎乾扁四季豆，做到又乾又扁既standard，合格古琴鹹肉菜炒飯， 呢個炒飯其實好簡單，冇乜太多花巧嘢， 鹹肉味都唔係好出，不過反而好多蛋，蛋香好濃，唔錯甜品杞子桂花糕，味道淡，有待改善…Read More

有人話想響灣仔叫鴨，就黎咗呢度試星期六嘅晚飯。一早book 咗。去到發覺勁多人。好彩早到半粒鐘嘅我哋都安排到位。裏面唔係坐卡位嘅都真係好逼吓。Serve 我哋個姐姐擺餸響我哋檯都成日要企直俾其他職員過...睇過四人餐，覺得唔係特別抵食，尤其是鴨得半隻，唔夠喉。散叫。松子魚：其實炸得幾好，但個汁屬於甜，有朋友嫌甜得滯直情放棄。黑醋骨：骨冇事。汁杰，都係偏甜。重口味。北京填鴨：隻鴨有個特別點，就係佢切咗幾粒肥皮俾你點砂糖食，正如佢介紹，真係入口即溶兼香嘅。至於隻鴨都Ok. 半肥瘦咁。片得都夠薄。不過唔鐘意佢個皮，佢個皮好似加咗木薯粉咁，煙煙韌韌咁，連埋啲鴨同餸食好滯。醉雞：正常。雞滑。但酒唔夠香。紅油抄手：皮薄餡多，唔算辣。幾好味。環境黎講雖然佢裝修唔錯，但成個氣氛都非常趕。唔係啲職員趕你，係啲職員本身好似做緊茶餐廳咁，跑黎跑去，啲碗碟聲好勁。個餐廳叫古琴雅苑，但裏面完全唔係嗰回事。總結：嘢食唔差但啲汁好重口味，環境太趕，應該冇下次。…Read More

古琴雅苑位於灣仔合和中心對面的QRE Plaza，位置很方便。主打原味淮揚菜及正宗北京填鴨。因為一行三人所以沒有點套餐，其實單點更合個人口味呢🤪.意大利黑醋骨：用了意大利黑醋製成的排骨，黑醋汁的甜酸比例剛好💯，排骨好軟腍，每件都有滿滿的黑醋汁，甜甜酸酸惹味又開胃，完全吃到不想停下來，到現在還念念不忘的一道菜🤤.烤北京填鴨（半隻）：幾乎每檯必點，師傅會即場片鴨，首先切幾小片近鴨頸下位置的，名叫[一口酥]可以配砂糖和黃梅醬食，脆口又不油膩，鴨皮極香👍🏻半隻鴨其實份量蠻多，配以青瓜絲、哈蜜瓜絲、京蔥絲、砂糖、京醬和黃梅醬，還有一籠薄餅皮，每塊餅皮之間都夾著一片紙，確保餅皮不會黏在一起，而且更容易取出。片好的鴨皮脆肉嫩，鴨肉味道香濃 , 脂肪分佈均勻，不會太膩。把片皮鴨放於餅皮上，抹上醬料和配料，卷起來吃，味道層次豐富😋.蔥香鮑魚拌麵：看到餐牌的圖片很吸引所以點了，一碟有四隻鮑魚很豐富，鮑魚肉質軟腍，連醬汁吃味道香濃。麵條分量偏小，軟硬度適中，蔥香味頗濃😋.黃金明蝦球：因為十分喜歡鹹蛋黃的香味，所以每次見到黃金明蝦球都會點。鹹蛋黃流沙配上爽口彈牙的蝦球🦐一流.南翔小籠包：一籠有六粒，皮不算薄，幸好湯汁夠多，肉餡味道鮮美.古琴雅苑📍灣仔皇后大道東202號QRE Plaza 19樓 .#古琴雅苑 #北京填鴨…Read More

同男朋友好耐冇食過中菜，所以心思思想黎食北京填鴨。黎到都幾肚餓所以就叫咗個二人餐。一開始就上咗個宋嫂魚羹，味道酸咸幾開胃，但可惜魚有雪藏味之後就嚟咗松花皮蛋豆腐同埋醉雞。呢兩個我覺得係最好食嘅。皮蛋豆腐唔會過鹹，醉雞入味得黎，唔會濃到覺得苦。之後就嚟到主菜之一嘅北京填鴨。見到我就心諗點解啲肉咁厚同我平時食嘅片皮鴨有出入。之後見到啲餅皮更加之SAD，DRY到冇朋友。不過我哋都係為咗過下口癮。之後嘅雞湯津白，比想像中清淡，似係普通烚菜。雞湯冇雞味，金華火腿冇金華火腿嘅味。其實仲有個鴨肉炒飯，不過我唔記得影相，反而炒飯炒得幾好食，粒粒分明。小插曲：不過上炒飯之前佢俾咗個炒年糕我，我心諗我幾時叫過炒年糕啊？原來係夥計落錯單。另外店舖嘅衛生都有待改善。見到d waiter一手揸落我飲過嘅茶杯邊到，佢又冇戴手套喎🤷🏻‍♀️大佬，呢啲時期搞啲咁嘅嘢。…Read More

朋友好想食北京填鴨 我地見到呢間野係openrice 好高分 極少負評就同朋友們黎試下但我同朋友們都覺得佢被overrated 片皮鴨一般 鴨肉唔算多汁鮮味 個人黎講prefer 佢切得薄同埋肉/皮比例差唔多 但佢就做唔到 餅皮ok 嘅 薄得黎夠煙韌其他菜式中規中矩點解佢係openrice 會咁高分嘅呢…Read More

話說大約數個月前唔知响邊度見過介紹呢間嘅填鴨好得、上次收工回港就約埋兩位老細踩上去開餐、点知結果係: 先生唔好意思、今晚fully book了, 請你下次預先打電話嚟訂枱！ 嘩、乜真係咁旺？上星期已預備好今晚再來、約好兩位老細訂好枱…… 準時六点入座、四人枱枱面略細、点了北京填鴨半隻、雞絲粉皮、醃篤鮮、黑醋排骨、干燒四季豆…… 嚟齊真係放唔哂渦！先來雞絲粉皮及黑醋排骨、雞絲粉皮最重要係麻醬弄得要夠味、粉皮要爽滑唔散、這兩点都做得恰到好處…… 黑醋排骨的甜度和酸度亦調得剛好、不多不少、而排骨亦入味肉腍！ 正！跟住主角填鴨出埸、師傅拿着烤得漲卜卜的填鴨在我們面前即片…… 先來一小碟的一口酥(即數片細小的純鴨皮)、店員隨即提示要襯熱食、可配沙糖或黃梅醬、熱喇喇的一口酥入口仍是熱的、鴨皮極香、口感無與輪比！ 剛嘆完一口酥便奉上填鴨一碟、份量足夠四人享用、抵食！ 鴨皮及肉味道既香且味美、對比我以往曾在廣州食過兩間的填鴨有過之而無不及、價錢相若的話我會選擇這碟比較優勝了！嘗完主角後便來醃篤鮮、這個家鄉名湯是我幼兒時最喜歡的、這個湯絕對可尋回兒時的味道！ 而最後的一碟干燒四季豆就跟其他我食過的一樣、四季豆煮得不夠火喉、未夠干身……食得咁高興最後當然要加個高力豆沙香蕉、下單不到五分鐘便送到、快得令我嚇一跳、但出品絕對味美！總結這的出品的確無得頂、絕對有五粒星及值得推介！可番食！…Read More

上網偶然睇到呢間食北京填鴨好似好出名見到又好似好好食再見到年底前平日用銀聯卡有88折一於book 位一家去食訂左8點鐘戈場，早左到，門口mark位戈位員工，係咁咳唔掩口...好彩7點9就入得，唔洗對住佢門口就有個好似烤爐既野藍色簾後係廚房首首先上菜既係醉雞好香酒味，雞肉都夠酒味唔錯！我地一行四人，媽媽超中意食填鴨所以就叫左一隻！佢地會係你面前切你戈隻呢隻就係我地架啦同場都好多人食填鴨！呢度首先會切左幾塊鴨皮比你食，叫做「一口酥」蘸砂糖/黃梅醬食個人覺得呢個一口酥蘸砂糖最好食一放入口，好香鴨味，肥肥地好正如果一隻鴨就會有兩盤填鴨，半隻就得一盤因為我地太肚餓同埋好味既關係我淨係記得影一盤😝唔好睇相好似細細盤咁，其實份量都唔少切到厚薄岩岩好，成件事夾得好好仲有青瓜、哈蜜瓜、京蔥做配菜填鴨醬、黃梅醬做醬汁啲醬同配料完全唔夠，所以就問佢地再添～佢用黎包填鴨塊「薄餅皮」好煙un又唔會太厚清炒鱔糊係成碟都係鱔條，冇筍絲中意食鱔既就岩哂唔錯！冇咩食過唔好食既炒鱔糊😂有鴨香～我媽媽特別中意食我個人就冇咩感覺，哈哈！最後，上網見好多人都有叫羅漢凍我都試下先有咬口既，唔係一「筆」就碎既啫厘感覺係中式甜品，一碟三個戈啲用杯上咁味道似台式海燕窩同念慈庵既混合體但係係幾好食既～總結，整體餐廳食物水準幾好，服務亦都唔錯尤其係後生既女侍應（除左門口喪咳唔掩口個姨姨之外）不過環境上，間餐廳有啲困聲同好嘈填鴨真係值得一試再試4個人，食左8百幾，平日用銀聯卡有88折折後$766我地未食完已經諗緊幾時再黎食好…Read More

同事喜愛食片皮鴨, 我哋一行十人就滿足她齊齊Lunch去食片皮鴨呢度有2人至8人餐可選擇, 每個餐都有分有片皮鴨同冇片皮鴨可選擇! 而我哋就揀咗個$1348 嘅片皮鴨餐再加小籠包及銀絲卷(蒸同炸嘅各一) !套餐有十款食物 : 雞絲粉皮~這個花生醬味幾濃, 又夠多醬汁, 味道不錯烤北京填鴨(1隻) ~ 廚師會係我哋面前將食鴨片開, 鴨片夠香脆, 肉質都嫰 ! 另外會有個叫一口酥嘅鴨皮配砂糖食的, 一口酥好香脆, 但好似食咗一啖油落去咁宋嫂鮮魚羹 ~ 好重芫荽味 , 鹹淡適中金銀炒鱔糊 ~ 醬汁幾好食, 又唔會過鹹糖醋排骨 ~ 肉質幾腍, 醬汁又唔會太甜, 幾好味木桶包菜飯 ~ 似是一個美極醬油撈飯其他食物不過不失 每款食物份量看似唔多但其實都夠食! 唔知係咪lunch 嘅關係, 啲菜上得好快, 但感覺就好似好趕急咁！#純粹個人口味…Read More

大時大節同長輩食飯 ，傳統中菜一定係穩陣之選。但食得多都幾悶，今次一行六人揀左古琴雅苑，貪個名優雅別緻，菜式大致係經典穩陣野，類近上海婆婆/小南國定位。一開波就嗌左個節日六人餐，咁食中菜都唔預佢逐碟逐碟上，實係上到成枱都係，係估佢唔到唔跟次序到一個點係食到中後段先上「古琴全家福」呢道湯，仲要限時2粒鐘，食得都幾趕。前菜係「精美四小拼」及「松花皮蛋拌豆腐」，刀工唔錯，選擇亦多，大家可以每樣試d，調味都正常，唔會過咸。接住落黎就係萬眾期待既「北京填鴨」，姐姐係你面前即刻片皮，好細心地分左2碟，等大家唔洗爭崩頭。食落肥瘦適中，有鴨香，配菜有比較少見既哈蜜瓜，幾盞鬼。之後就係相對大眾既主菜，「乾燒黃魚」、「賽螃蟹」、「獅子頭」、「十三香農家雞」以及「木桶包菜飯」。老老實實6人餐黎講真係太多，食到中段大家都已經好好好好飽，而在座咁多位亦絕非細食之人，最後為左唔打包，大家都係監粗倒落個口度。以一般酒樓黎講呢個份量隨時係一席份量，我寧願店家減少1-2道菜、或者全部少d份量、減下價，再唔係大家起碼7-8人先好叫6人餐，如果唔係做硬大嘥鬼！縱使我地飽到kai，但個甜品－腰果露實在太香太好食！！！唔係沖粉，質地係比較稠身，食到一粒粒腰果，好香濃好好味！呢種幸福既感覺就好似食利苑食到最尾一定要用杏仁茶做結尾咁圓滿。埋單人頭約$300位，食到呢個質素、咁多菜式，我覺得都不錯啦！唯一係座位唔算方便老人家出入、食得太急趕都唔岩老人家慢慢坐，如果係要帶長輩黎，要考慮多少少。…Read More

登登登登登，係到食北京填鴨真係好難忘🤩因為有專業師傅拎隻填鴨出黎即場係你面前慢慢切，再一塊塊放上碟，除左食野，又可以當睇下表演🤓更值得再幫襯嘅原因，就梗係因為食物水準好高，。填鴨好香口，烤得剛剛好，加埋熱烘烘又薄嘅皮，真係皮薄涵靚，而且其他野食一樣絕不會令人失望不過，好又價錢合理嘅餐廳就一定好受歡迎，所以朋友要兩個星期前book定台咁濟，walk-in 就一定唔得。餐廳雖然裝修雅緻，但唔算真係好大，想同屋企人親戚聚餐嘅話絕對推介，但係記住預早book台…Read More

放工老細請同事去食飯，去了公司附近的古琴雅苑，七點多去到都已經全場爆滿，好彩提早訂位。落單後可以吃些餐前小食開下胃。宋嫂鮮魚羹：有點似生菜魚肉的感覺，魚肉大小平均，薄薄一片，加上些蛋花、香薿等，湯甜而且清新，不會太濃味，正好能在餐前先開開胃。北京填鴨：有大廚就身在客人面前即片即食，既有味覺享受同時又有視覺效果。廚師先由鴨胸片起，鴨胸部份的皮會點糖吃，該處的鴨皮比油份十足，入口有濃郁油份甘香，加糖能減輕油膩感。之後的北京式片皮鴨是有皮連肉一起片出，非港式只片皮不起肉的做法，鴨肉味道沒有平時的凍鮮味及血水味，外皮燒到油脂滲出，以包皮包裹，加上平時的青瓜絲及京葱絲，另外還有蜜瓜絲的清甜味，中和片皮鴨的油膩感，食到停唔到口。嫩雞芙蓉繪蹄筋：外貌似賽螃蟹，但炒蛋白下面其實是豬筋，平時牛筋就食得多，豬筋都是第一次試，肉質腍中帶點咬口，比牛筋更有咬口，不是炆到入口即溶化，蛋白炒得很滑，而且不會太油膩，加點鎮江醋可減輕油膩感。木桶包菜飯菜飯是以老抽上色，有很香的老抽味但不會太甜，裏面有些椰菜，但飯粒非常乾爽，粒粒分明，還有些蝦米碎，簡簡單單但非常好味。…Read More

新年當年要食中菜先應景！係Openrice 搵左好耐又睇左好多review先決定去呢間，新新地好似好，最主要係想食北京填鴨～先黎個每年必食既「撈起」吧～呢個加左番薯乾幾特別，好有咬口，不過其實都係中意撈果下，撈完一年順順利利！再黎個魚羹，其實我好中意食羹，足料又有口感。非常欣賞呢個宫保蝦仁，係四川麻辣！好香口同埋有我最愛的腰果，蝦亦炒得入味～重頭戲北京填鴨黎喇～師傅係你面前片，刀功絶對要有返咁上下先得，先黎個脆片過下口癮先～咁樣上碟真係殺死幾多部相機特別之處係配料有埋蜜瓜，好爽口而且中和到個油膩感，個皮亦夠薄，好正第二個重頭戲年糕蟹！每次菜單上只要有呢味我就一定嗌～蟹的精華落晒年糕到，醬汁味道恰到好處唔會太濃太咸，蟹亦好入味，大讚咁heavy之後要來個豆苗中和一下。結尾的木桶飯意外地出色，因爲個樣好似好咸，結果係飯粒粒分明，調味亦適中，不錯。愛腰果的我才發現糖水係腰果露！不過感覺稀左啲又甜左啲，露呢啲野真係好花功夫。…Read More

第一次嚟到灣仔古琴雅苑，人非常多，好彩一早已經訂位。古琴雅苑最出名的菜式自然係正宗北京烤鴨，不過,今次食完，除了烤鴨之外，我仲有其他菜式推介。先講烤鴨，據說這裡請來了曾在全聚德工作多年的北京師傅坐鎮。而且鴨子亦由北京送抵香港，感覺由食材到製作都非常正宗。今天便會他一會。推來烤鴨，色澤非常靚仔，傳來陣陣香味，已經流口水。特別留意師傅片落去後，鴨皮和肉身之間有一層黃金色晶瑩的油脂，烤得非常靚！師傅先片出「一口酥」，配上特製的蘆薈蜜糖醬和砂糖，入口香濃油脂香，超正！烤北京填鴨（$328）。片出兩碟連皮帶肉既鴨片，配合哈密瓜、青瓜等配料，包住食。粉皮不易破，粉感不重，所以吃著鴨味更顯著。而鴨亦不騷，油膩感不算太重，個人覺得相當不錯，連食了5、6卷都不覺膩。椒鹽黃魚（$138）皮脆肉嫩，非常可囗，而且表皮沒有厚重炸粉，不覺油膩，食落有淡淡胡椒香味。唔覺意夾晒成條。無乜扣分位，值得推介！香菜鮮魚羹（$88/例）素來不愛芫茜的我，反而覺得呢個湯幾正！清淡得黎帶點惹味，同樣是胡椒味濃，魚肉有咬口，相當不錯。新春撈起($228)年近歲晚，見這裡出了賀年菜單，於是叫了一個非常有意頭的「新春撈起」攞個好意頭，入面有炸芋頭絲、青、紅、黃蘿蔔絲、三文魚和炸蓮藕片等材料。腰果露($28/碗)堅果類食材最適合磨成糊狀甜品。這裡的腰果露是我甫看到MENU已經想叫的一款甜品。果然，這腰果露很香很細緻，而且不算很甜。值得推介！總結其實小妹平時對於烤鴨呢樣野唔係特別偏好，因為好怕烤鴨的油膩，尤其整得唔好既烤鴨更係食落滿嘴都係油，一卷起兩卷止，今次居然食到5、6卷之多，我都好意外，加上價錢唔算貴，一隻只是$328，的確係唔錯。此外就係魚類的菜色都好似整得唔錯，例如今次食的魚湯同炸魚，大家黎到可以試下。…Read More