山田海韓國料理

由正宗韓國人老闆坐鎮，入到去一落完單就會送一set八款小食！有泡菜、薯仔、芽菜、菠菜、豆角、海帶、豆干同蘿蔔絲。個人認為薯仔、菠菜同泡菜係比較好食嘅。呢度啲泡菜辣得嚟偏甜，令人食唔停！我哋兩個人嗌咗兩個餸，飽到飛起！辣炒魷魚份量十足，食夠都食唔完咁。魷魚有泡菜嘅甜味配埋好多炒雜菜，成件事好balance。泡菜豆腐煲，送一個白飯。兩個女仔share食啱啱好！同樣都係好足料，個湯係典型白飯小偷。餐廳無提供drink menu，要買嘢飲就要去對面佢哋自家嘅韓式市場，價錢正常餐廳價！有個加分位係老闆好熱情，成個場個vibe好chill，老闆會一齊乾杯，又會教你正宗燒啤點整！…查看更多

近日留意到有衣間韓國菜，好似唔錯。咁岩同老公响附近就黎試下，點知差到無朋友，而且價錢唔值。我地叫左3 樣野：石頭鍋雞肉飯、炸雞同咖喱豬腩肉。好快就上左好豐富的前菜，味道都唔錯，令我地都好期待接下來的主角們。首先上咖喱豬腩肉，賣相普通，普通到相機食先的我都無影相，類似平時燒嘢食果d肉咁。肉好難咬開，味道一般。食到一半聽到呀姐覆其他客的單時，聽到生菜，即刻諗起係喎，生菜呢？！ 又話韓國人開嘅？生菜唔係免費供應？ 唔係😢要比$55…. 基於價錢唔值同食唔晒，所以無諗住叫。衣家諗起，真係好彩無比佢賺。然後熱辣辣的石頭鍋飯到啦，但辣醬唔係一齊黎，要問人拎。等唔切個醬到的我決定撈住先，發覺同平時食開的唔同，咁黏既？我仲以為撈撈下d熱氣會令水份蒸發d,無咁濕，所以係咁撈，但都無用，個飯直情係爛飯黎。食落無晒口感，feel 唔到d飯粒，人生食過最差的石頭鍋飯。出面任何一間都好過佢！！最後係炸雞，炸雞全部都係雞塊，舊舊都係肉，送酒係一流，炸得都算脆，但炸過火左，食落好乾，無晒肉汁。價錢高少少唔代表野食會好食d🥵衣間野我相信唔會再幫襯了！…查看更多

每個放假日都係覓食的時間。今日行完駱駝漆大廈，經過很多食店，發覺呢間特別多人，抱著人多有好野的心態入座。 餐廳環境幾有韓國地道feel，即時上網search資料，原來老闆係韓國人，怪不得。醬油蟹係呢度特色美食，可惜本人對生醃的甲殼類海產沒有興趣，哈哈。打開餐牌，食物種類不算多，叫了個燒肉拼盤，一份生菜盤，兩罐韓國飲料。贈送的前菜份量意外地十分之多，當中令人難忘的係店舖新鮮醃製泡菜(大碟的那份)，香辣而不太咸，有股鮮甜味。烤肉拼盤內容有牛肋骨肉，雞肉，五花腩豬肉，都是用香料醃製過的，味道不錯。最後要讚賞的是店舖的排氣系統，現場環境不見有煙霧彌漫，空氣算清新。我個人對烤肉店環境十分重視，尤其是空氣。其他方面，職員態度友善，會同你講解食物，亦有提醒手袋的位置遠離烤爐，十分細心，值得一讚。當日有食客生日，老闆立即播放韓式生日歌，與全場食客一起熱烈祝福，場面熱鬧溫馨。…查看更多

突然好想食韓國嘢，第一時間當然諗起工廈入面嘅「隱世」韓國餐廳山田海，午餐好抵食，前菜非常豐富，今次去到有6道前菜，包括泡菜，蜜糖薯仔，苦瓜，菠菜芽菜，辣椒青瓜同西芹，好新鮮、好惹味，仲送白蘿蔔湯同汽水，每檯仲有一壺茶可以任飲，未食主菜都已經飽飽哋。午餐主菜入面，Seefood閏最鍾意食佢個石頭鍋飯，配料有豬牛雞同海鮮揀。今次揀咗牛肉石頭鍋飯($75)，石鍋好夠熱，起到飯焦，脆卜卜。飯面中間有隻蛋，加埋大量調味好嘅牛肉、瓜絲、蘿蔔絲、芽菜、菠菜，撈勻一齊食，每一啖都有好多料，次次食完都大滿足！美味指數：5⃣/5抵食指數：4⃣/5再食機率：100%…查看更多

是咁的原本諗住睇完戲就求其食D野就反屋企，其中位朋友就話帶你地去食韓國嘢，之後我地一行4人就浩浩蕩蕩黎到觀塘！早早都聽個觀塘係一個臥虎藏龍既地方，因為好多好有Heart既食店！Meun有好多唔既選擇，亦都可以食韓燒！呢個前菜真心非常出色，最大碟個泡菜係呢間店自己整！呢個生牛肉伴飯，味道非常濃，牛肉都非常新鮮呢個海鮮湯真心緊火，你完全會飲到海鮮既濃厚，辣味亦都唔會搶咗海鮮湯嘅味道！熱情又好玩既老闆拎左2支燒酒出黎招呼我地，又教我地玩啤酒🍻，走既時候老闆仲送我地去搭𨋢！係呢到食野除左好味之外，人情味係滿瀉！…查看更多

平時lunch都有食開山田海，我同同事們都好欣賞佢地嘅前菜，當然set都唔錯好多選擇！早幾晚有時間同個朋友仔一齊食晚飯，仲試左醬油蟹同燒牛肉，味道好好，但原來夜晚都好多人食架，要食醬油蟹就要打電話問一問先好d啦⋯⋯…查看更多

呢間韓國餐廳夠地道，lunch選擇夠多，前菜正！唔係好夠人手，店員有d忙亂...避開peak hour黎會好d前菜有好多款式，泡菜夠新鮮，薯仔好"淋"！👍🏻👍🏻👍🏻<辣泡菜豬肉飯>好開胃，我食哂所有飯，泡菜撈飯一流！豬肉半肥瘦好正！…查看更多

駱駝漆近呢幾年發展得好好，每層都裝修到好似個商場咁。今日又來到食嘢啦，揀咗間韓國料理。未上樓前， 駱駝漆個升降機一如既往都係人多到極點，如果約咗朋友食飯記得預留大約10分鐘排隊。呢間韓國菜最特別嘅地方係佢嘅前菜真係好誇張好多，主菜都仲未上就已經放滿成張枱，加上其實佢嘅味道都唔差，淨係食前菜已經填飽三份一個肚啦。主菜方面，只能用中規中矩落形容，味道沒什麼太特別，但都叫做一個幾好坐又易搵位嘅韓國餐廳，朋友約埋聚會傾計一流。…查看更多

果日一行10人，因為舊同學生日，成班老友難得一聚，梗係要搵個好地方食餐好，其實每次老友聚會搵地方食飯都係由我呢個公認食神黎決定，不過今次生日果位話上次去過一間好好食，好正宗，又隐世既韓國菜，叫我地一家要去試一下。心諗：「又好﹗今次又比你話下事，吾好食係就知味道。」講真，吾係有朋友帶都吾會特登走入去工廠大廈搵食，不過之前透過open rice都睇過好多觀塘區既工廈餐廳既報導，今次有機會入到工廈搵食，的確係一個吾錯既飲食體驗，癈話少說，一於帶大家直入主題。首先一入到去地方整齊企理，雖然無豪華既裝修不過干淨光猛就已經吾錯，以前成日去開出面D韓國餐廳，D燈光昏昏暗暗咁，食到一半都想訓著。Zzz….成班友仔一坐底，個個都拿住個餐牌研究一番，好似樣樣都好正咁，樣樣都想試，吾知點好，唯有問下個店員有咩好推介，服務態度都尚算良好，佢推介左兩個套餐比我地，一個係套餐海鮮鍋，另一個係韓國拼盤套餐。我無問題，不過我比人叫得做食神，梗係要點番兩樣了能野先顯得我識食架﹗我係餐牌上面見到個醬油蟹套餐，二話不說又點埋。其中我地有幾個大男人話：「10個人食三個餐夠吾夠呀？」心諗又係喎，所以再追加個韓式炆豬手，點知…….配菜全部都係免費﹗配菜全部都係免費﹗配菜全部都係免費﹗食韓國菜有配菜食我地都預左，但係我地無諗過係咁大堆頭同咁多款式﹗雖然好幾款都係大路野，不過有兩款不得不提既係蛋角同自家制既生醃泡菜﹗店員推介話係老闆每日新鮮醃制，果不其然，呢個泡菜的確係比平時係街食到既多一份蔬菜既清爽﹗而蛋卷蛋味香濃，好有返左屋企食飯既感覺。細問之下先知道原來呢間餐廳係家庭式經營，所以絶對會覺得好似去左韓國人屋企食飯既感覺。講真，醬油蟹好多地方都有得食，只要材料新鮮，味道吾會差太遠，每間做法同口味其實都係掌握係個豉油同糖既比例度，一入口，對板﹗係呢個味，吾會死鹹，仲可以食到蟹糕既甘香，人黎，白飯侍候。白飯吾駛多，一人幾匙撈下個蟹糕，人生一樂也﹗個餐裡面其實仲有蝦同鮑魚不過我掛住嘆蟹比班友仔食哂，我只係知道佢地話：「好味，好味，好鮮。」咁。呢個鍋份量驚人﹗基本上你諗得到既海鮮都有，雖然食海鮮我始終係覺得都係我地廣東式蒸法係會最好食既，新鮮既野用最簡單既煮法就已經好好食，不過我黎在韓國餐廳，當然要用番韓式食法，如果吾係要就番其他朋友，我覺得再辣番少少會更惹味。呢個韓燒拼盤個份量都可以叫做交足功課，大大份﹗本來我諗住自己燒顯下功架，誰不知個店員好新切，主動走埋黎幫我地燒，睇見佢熟練既手勢，我諗佢晚晚都做開呢個動作，仲好，可以等我專心D同班老友吹下水，個店員燒完仲幫我地剪埋，臨走前仲叫我地一定要夾埋付送既野菜一齊食。有時一間餐廳既野就算再好食，都要配合埋優質既服務先可以相得益章。吾好話叫你食，我寫到黎呢度都有D手軟既感覺，頭先個幾個大大聲話好擦得既朋友都已經O哂嘴，好後悔頭先無聽個店員講叫兩個餐就算，大家都係一人食左一舊度就算。正當大家都差吾多準備埋單既時候，個韓國事頭婆忽然走埋黎，嘰呢咕嚕咁吾知講咩，跟手個店員笑笑口咁走埋黎幫我地做翻譯，原來個事頭婆係話叫我地食埋D野先好走，吾好浪費食物。哈哈，忽然好似番左屋企食飯咁，比阿媽鬧左幾句咁，比人一種好有家既感覺。不過我地最後都係要打包，因為實在太飽食吾落。總結：整體用餐感覺良好，真心似去左韓國朋友屋企食飯咁。Like左佢地既Facebook會有汽水送。唯獨裝修普通，而且位置比較難搵。…查看更多

觀塘工廠大廈內，由工廠大廈門口到店鋪門口，非常香港傳統工廠環境，貨物升降機，沒有任何裝修及空調的行人走廊，店主及廚師是韓國人，不懂廣東話，但店員是香港人，店鋪裝修都不錯及雖然沒有豪華但尚算舒適，金菇牛肉粉絲湯，比較普通，真係金菇牛肉粉絲，味道可以，但沒有可以大讚地方，招牌炆牛肋骨，比較甜了些，牛肋骨粉量都不少，但紅蘿蔔及白蘿蔔煮得不夠，感覺硬了點，朝鮮什錦拌飯，配料多樣，味道亦佳。以價錢計是抵食，但總結不可以話好好食。…查看更多

逢星期五係一班同事外出食Lunch既日子由於人數不小 所以揀餐廳首要有得book位今早11am打去book時已經話好full 講明左六人要迫埋左四人枱，OK 呢間韓國餐廳食過幾次了以經驗來說，lunch time時間一去到就要盡快落order 尤其係石頭鍋飯，之前試過要等30分鐘 亦見過隔離枱等太耐都無食物要取消單呢樣係呢間餐廳缺點之一落左order之後 店員好快會送上小菜係免費既 我地今次有六個人 送多左碟中間既新鮮泡菜(呢個好好味啊)另外薯仔都好好食 好林好入味*平時兩至四人有都有六碟*今次都係搏一搏 叫左石頭鍋飯因為感覺只有呢個飯先最抵食入面有小量牛肉 有白/紅蘿蔔絲 脆肉瓜絲 冬菇絲 波菜 芽菜同泡菜配料都幾豐富 建議要加辣醬食先好味其實佢個辣醬都不太辣真係好熱 小心辣口！同事叫左呢個豬肉醬飯賣相真係一般 似茶餐廳既碟頭飯不過就承惠七十大元 值吾值就見人見智啦午市套票都會送汽水的同埋午市免加一…查看更多

四個女生，未想到吃什麼之下就去了駱駝漆大厦，看到這裡serve 韓國菜，勁多選擇又未食過，點可以唔試下？坐低睇清楚menu, 真係lunch 都好多款，心多多都唔知食乜好！前菜真係好多碟，四人分，都食得好興奮，泡菜、昆布、薯仔、奄列，好好味。有人食人參雞鮑魚，韓式壽司和粉絲，牛肉湯，我就食炆牛骨飯。牛骨飯的份量很夠，味道唔錯，肉質也好。朋友選的人嵾雞鮑魚，真係有小小的－隻鲍！大家都食得很高興，唯一係午餐包的都係韓式冷飲，如想要熱飲，就要再加錢。因為個餐都唔平，最好包埋。…查看更多

兩個女仔，怕肥、怕熱氣... 又想好坐! 7點幾walk in 走入嚟，人未算多。不過坐坐下個場都爆爆地，好多人都係有book 枱的。叫左蒸蛋、海鮮煎餅、牛肉炒粉絲! (想清清地所以無燒肉~) 不過，之前都嚟食呢度食醬油蟹、炸雞、豬肉... 燒牛肋肉之類! (味道都不錯)前菜款式多，而且不時都會轉下款。涼瓜也是第一次咁食! 另一款泡菜。食辣的主攻泡菜，不好辣的就可以食大豆芽、西蘭花... 牛肉炒粉絲蒸蛋海鮮煎餅…查看更多

由於我們在中午時已經book了5位的枱 最後來了7位 不過有一個獨立的房間還不錯 房裡有一個獨立電視 但當電視正在播放k-pop時 我們在房裡沒有任何聲音 更沒有一個喇叭能夠聽到k-pop 我們首先叫了兩碟肉類燒 但個侍應不停問夠了嗎? 因為我們還點了炸醬麵和海鮮雜菜面鍋 加上價錢又有點貴 而且優惠券只能左星期一至四才能用…查看更多

有人建議食食試下 不過佢係以為樓上店等於私房菜所以過來 佢來搞笑 不過依間算ok  不過侍應真係好少 兩個再加一個執枱  老闆感覺好閒 這店有燒烤有鍋 不過大圍燒烤 跟上就係韓國前菜真係好多 還好是送的 都算係咁依味泡菜最正  海鮮加牛肉  喜歡吃海鮮的不容錯過侍應有幫忙伴  感覺熟手伴出來比較好吃韓式炸雞 感覺普通 有點粉 比較喜歡台灣的鹽酥雞不過同行有小妹妺不吃辣還是努力在吃炸雞  會心微笑XD海鮮就沒有人服務了 果然還是不太會燒海鮮店裏還有醬油蟹  感覺不錯不過沒吃 XD總體來説  店還ok  只係服務人員很少 不過雙對料的品質還ok…查看更多