三木日本料理

國慶假期前夕，準備迎接難得嘅long weekend, 當然外出吃餐好嘅，朋友說想吃放題，記起之前同事曾經推介三木日本料理，就帶她一起去喇。餐廳位處於加拿芬道與河內道交界，K11對面,交通非常方便，我們大概八時三十分到達，剛好第三輪放題開始，餐廳裝修很典雅，門口是和式裝潢在接待處等了五分鐘店員就安排座位，吃放題指定動作，立即拿起那疊像電話簿般厚的點菜紙，點刺身，原來更可加$39升級極上刺身我們幾乎所有刺身都揀選，送上檯時頗為震憾，大大的盤鋪滿很多刺身，胃口即時大增，起動了三文魚很肥美，夠鮮味；特大甜蝦很鮮甜，無腥味，象拔蚌爽口鮮味好搶，真係推介，螺片和鮑片都很有水準特別推介是帆立貝，厚身而且有鮮味，要慢慢品嚐一下。輪到吃壽司時間，我們至愛是軍艦壽司，共點了四款，送上檯時紫菜仍保持極脆，值得一讚，味道方面，鮑魚軍艦有鮮味，芥辣八爪魚夠晒辣，很惹味，海膽和蟹糕都不錯炸蝦天婦羅，蝦非常大隻，又粗又長，而且蝦肉彈牙又熱辣辣，好味，如果粉能夠薄少少就十分好了吃放題又點少得燒物，由於已經有點兒飽，就精選兩款來吃，燒雞翼很香脆，夠咸夠香，雞軟骨燒得夠很脆身 一，俱很美味其餘熱食雖然選擇頗多，但為免浪費食物只叫了幾款，辣酒煮花螺非常麻辣，牛油栗米有蜜糖味燒和牛粒，牛柳夠腍身，味道亦調得很惹味吃飽後，最後環節當然是甜品，我們分別點了芝麻及柚子雪糕，柚子雪糕味道很濃，而且入邊有小粒柚子肉，很清新感覺，一定要試整體所有食物質素都不俗，而且上菜速度很快，主菜刺身和壽司更是非常有水準，這個價錢黎講很合理，下次再黎尖沙咀一定會再試，…Read More

在尖沙咀有一間日式放題，拍得上旺角的放題餐廳。餐廳環境寬敞，但裝修上沒有太多的修飾，十分簡約。海膽軍艦軍艦上的海膽份量算是多，口感軟滑，壽司飯結實。北寄貝沙律沙律醬底下藏了數塊北寄具，沙律菜較為清淡，需要靠沙律醬去提升味道，整體也不錯。日式蕃茄沙律數塊大大片蕃茄，十分鮮甜多汁，與沙律菜一起吃特別的爽甜。黑松露野菌忌廉湯這十分特別，好像一碗粥，賣相不太吸引，忌廉湯內有一粒粒的菇，淡淡的黑松露香，味道原來也很夾。刺身(三文魚，極大甜蝦，螺片，北寄貝，虎蝦，赤貝)日式放題怎可以錯過大大盆的刺身呢，第一視覺觀感是可以增加食慾，放上刺身的美感，算很好吧，三文魚軟滑，甜蝦彈牙帶點蝦汁，螺片好爽口，不過不失。串燒(雞軟骨，鹽燒海蝦，鹽燒牛舌)寫了不多串燒，上枱時放的位置有，扇形的放上串燒，好喜歡吃雞軟骨時咬軟骨的口感，燒烤的香味加上檸檬汁，酸酸甜甜，味道很好，海蝦好彈牙，牛舌煙煙韌韌，燒得好香。日式芝麻球用這作甜品也不錯，內裏有很多芝麻，十分煙韌。…Read More

這排做野實在太辛苦了，所以一定要慰勞一下自己，在朋友介紹去"三木"食返過放題先, 環境比一般的放題餐廳寬敞, 唔會好迫, 所有感覺不錯.一上桌係北寄貝及帆立貝沙律, 好新鮮, 清新開胃估唔到放題有黑松露野菌忌廉湯, 味道濃郁.嘩，放題竟然有鮑魚，海膽壽司，鮑魚彈牙爽口，海膽鮮甜，而且好有海水味，好幸福呀。 茄子，溫室南瓜天婦羅好甜美，蝦好大只，而且天婦羅炸漿炸得非常鬆脆。刺身我們幾乎全部叫曬，我以為2 人寫2=2 件，一上桌估唔到竟然有咁多，呑拿魚入口即溶，劍魚腩好肥美，象拔蚌爽口，真係大滿足。火焰三文魚腩入口即溶 & 火焰牛油北海道帆立貝壽司, 帆立貝好大只又新鮮，真係我抔茶 燒物我們叫了鹽燒雞中翼, 雞軟骨串, 豚肉雞軟骨餃子, 蒜香一口牛肉粒, 金菇牛肉卷, 黑椒牛仔骨燒等等, 火喉控制得宜, 香口惹味, 牛肉肥廋適中, 不韌, 明顯所有食物係即叫即燒, 因上枱時還熱辣辣.竟然重有甜品, 柚子雪糕清甜，真係有柚子肉, 好味, 我鍾意.由於食品的選擇比其他的放題餐廳多, 而且食物質素亦好平均, 唔錯唔錯, 即刻把近人的辛勞減輕. …Read More

想同朋友開懷地吃一餐, 最好不過就係食放題, 又唔洗好似自助餐咁, 成日出去, 可舒服地坐在座位任食, 座位足夠, 而且見到唔少一大班人十幾個也可習埋一齊, 暢懷咁食, 我們隔離就坐在一行16人的日本人, 即日本人都棒場, 即冇唻錯啦。菜牌超大本超重, 原本裡面超多款式, 有生,有熟,炸物, 火煱,燒物, 飲品, 甜品等等, 星期日晚上7:00黎到$258/位,可食兩個鐘零十五分鐘,第一輪梗係叫刺身啦, 一座刺身及冰山保鮮, 賣相不錯, 有盆景及絲花裝飾, 我哋點了三文魚、帆立貝、赤貝、珍寶甜蝦、虎蝦、象拔蚌、鳥貝兒等等, 全部都好新鮮, 鮮甜, 肉質爽口, 尤其兩種蝦, 真係好大隻, 好黏口。還叫了花之戀及軍艦包括蟹肉蟹膏,海膽,帆立貝沙律, 紫菜脆卜卜, 海膽新鮮, 甘口的。飲品也多選擇, 任飲的。還有燒烤包括豬軟骨, 好脆口, 燒冬菇, 還有餃子雞翼, 裡面好似係辣醬明太子, 微辣, 雞皮脆身, 另外還有吉列蠔,熟食還叫了青口, 蒜香一口牛柳粒, 牛仔骨, 好惹味, 有牛油味, 不會太燶, 還有清酒煮硯, 及鹽粒枝豆, 好清爽,另上了炸蝦,多春魚天婦羅, 脆醬不會太厚, 剛好,炸物還有章魚粒餅, 裡面好creamy, 另一大塊為可樂餅, 超大塊, 裡面較似薯餅, 最愛係芝士年糕, 裡面烟烟韌韌,特別的有秋葵蝦卷, 好新穎的菜色, 還有燒雞翼, 雞腎, 同燒牛舌,最後有芝麻雪糕, 好濃郁的芝麻香味,柚子雪糕,好清新酸甜, 重有沖繩菠蘿椰奶雪糕, 好椰香奶味, 好幼滑, 旁邊各有果汁爆爆珠,令雪糕增添其他味道。埋單每人$283 , 真係好超值, 因為食物新鮮, 而且上菜好快, 另人食得好暢懷呀!…Read More

已經是第二次幫襯三木，感覺良好。餐廳位置「就腳」，環境舒適，是十分乾淨企理的。服務員的態度更是一讚，話說我跟朋友細細聲講話「好凍」，路過的服務員即時將冷氣温度調高！十分貼心，值得嘉許！食物方面，我是十分滿意的，最先幫襯三木是被「海膽軍艦」吸引而去的，刺身也是十分新鮮，就連一般放題餐廳很難做得好的熱食，三木也是十分出色的，個人就很滿意啦，會繼續幫襯！…Read More

朋友試過話呢間放題唔錯，於是決定同女朋友試下，但搵左15分鐘先搵到，因為個大廈既入口比較難搵到，一上到去，好彩book 定左位 ja,好多人等緊walk in, 內裡環境都算唔錯，光鮮及整齊。一坐底，當然係做食放題既例行工作。。就係閱讀menu, 種類都好多，應有既都有，應該可以滿足我地，而且刺身既種類都十幾款，最重要有帆立貝同象拔蚌，唔係間間有，then...瘋狂order!刺身同壽司最先黎到，帆立貝雖然唔係大大塊，但入口十分滑而且充滿鮮味，而象拔蚌口感十分豐富爽口而且一點也不腥，刺身整體夠冰凍及新鮮，係放題黎講水準係十分高。壽司都唔錯，d 飯唔會太實及太大舊，拍得住出面散叫。炸物都十分好。整體黎講，炸得夠脆，熱辣辣而又唔會過於油膩，而且炸粉又唔會太厚，但天婦羅唯一美中不足就係冇我最愛既蟹棒天婦羅 ，而我本人推介炸墨魚餅，炸得香脆，入口彈牙，之後encore多左5舊 粟米就正正常常，冇乜特別，但都幾好味。魷魚鬚係最令我suprise,意想不到地咁好食，魷魚鬚口感豐富彈牙，而且炸得熱辣辣，似岩岩新鮮炸出黎，炸粉冇太厚，唔會食到骨肉分離，絕對係食咁多間放題黎講最好味既魷魚鬚。then..例牌工作..encore!香矛豬扒就食得多，但蘋果香矛茶就真係未試過，飲落有d 似蘋果加薄荷咁，但都幾好飲同解渴。另一個surprise就係甜品! 甜品算多款式，有十幾款，我地試左柚子雪糕、焦糖燉蛋、牛乳奶凍、木糠布甸，全部都拍得住出面糖水鋪，但最值得推介就係抽子雪糕，第一次食放題見到柚子雪糕，雪糕充滿柚子味而且仲有柚子粒，口感有d雪芭feel. 食完之後成個人透心涼，絕對推介一定要試。整體黎講食物質素唔錯，而上菜速度又快同冇乜漏單，絕對值得encore!…Read More

自從早前吃過放題後，就被放題所吸引了！於是再找找有沒有口碑同樣不錯的放題，結果找到了這間「三木日本放題」。「三木日本放題」位於尖沙咀，地點就在K11的對面，地理位置十分方便！這裡的環境很不錯，是我吃過眾多放題中坐得最舒適最寬敞的一間。可能因為我們有Book位和早到的關係，所以有4人枱坐，超Lucky！另外見到也有其他客人即使是2人都獲分配4人枱的。對了，這裡的Booking都很Full的，所以大家有興趣去的話一定要先訂枱！當然早點到達也有可能和我一樣會有點好處啦！(笑)先來看看刺身！有三文魚、吞拿魚、帶子、玉子燒、極大甜蝦、虎蝦。各式各樣的，賣相都不錯，三文魚切得很厚，帶子很鮮味，虎蝦更是有膏的！頭一回吃的東西已經令我留下不錯的印象呢！之後有再Encore，三文魚較第一次來的薄，但都是不錯的。虎蝦和帶子依舊維持高水準，吃了兩轉刺身都夠了，還要留肚吃其他東西啊！接著來的是反卷，左起：鰻魚雙壓、三文魚雙壓、天婦羅蝦反卷。鰻魚雙壓及三文魚雙壓很好味，非常推介！至於天婦羅蝦反卷就一般，因為蝦已經不脆了，有點可惜。另外還有手卷，Order了我最愛的軟殼蟹手卷和海膽手卷。軟殼蟹很脆而且還是暖的，味道亦很不錯！海膽手卷很足料，手卷裡有很多海膽！雖然知道食放題還吃手卷很笨，但還是忍不住啊...好，來看看火炙壽司吧！賣相都很不錯的。上排左起：火炙海膽虎蝦、火炙黑松露帆立貝下排左起：火炙三文魚腩、火炙海鰻全部都好好吃！雖然是火炙，但沒有平日在壽司店吃到的燒焦味，所以全部都非常推介！特別是火炙黑松露帆立貝，我已經完全中了黑松露的毒了，超喜歡黑松露的氣味。軍艦方面，我們點了海膽和香蔥鮪魚腩。海膽絕對是必食的吧？入口滿口都充斥著海膽的氣味，太棒了！至於香蔥鮪魚腩，我覺得一般，可能自己不習慣這種像蓉一樣的口感吧。之後有我很喜歡的串燒！左起：雞軟骨串、鹽燒海蝦、鹽燒雞中翼。另外我還點了鹽燒鵪鶉蛋，可是分開上結果沒把它拍進來。雞軟骨串比想像中硬和大顆，但也能容易咬得到的，味道不會太鹹，不錯！鹽燒海蝦及鹽燒雞中翼都不錯呢，我真的很喜歡串燒啊！ (心)在鐵板燒的一欄中，我們點了蒜香一口牛柳粒，這個真的超超超超推介！！！完全將我在日本吃過的味道重現出來！就像置身於日本吃鐵板燒啊～牛柳粒表面有點香脆，裡面的肉質十分柔軟，味道亦烹調得很好味，超讚！天婦羅方面，我們點了珍寶天婦羅蝦、紫菜天婦羅蝦和溫室南瓜天婦羅，可是只來了兩款蝦天婦羅，這裡偶爾也會出現漏單的情況呢。天婦羅剛炸起就來了，所以十分燙口和香脆，即叫即做令我對這裡的印象更不錯！本來以為紫菜天婦羅蝦是會有一塊紫菜，沒想到是在脆漿中加入紫菜，從未吃過這樣的紫菜天婦羅蝦，感覺非常特別，而且味道亦非常好！脆漿加入紫菜後，入口時會吃到紫菜的香味，完全取代了脆漿那種油膩感。雖然珍寶天婦羅蝦都同樣不錯，但吃完紫菜天婦羅蝦後，反觀就變得有點及不上了。之後亦有吃其他炸物等等，實在有太多款式的食物了，每款都好想吃但是實在吃不下這麼多，所以唯有下次再去試吧！最後，一定要留肚吃甜品！外面的放題店通常都是雀巢雪糕、雪米糍，但這裡的甜品有別於外面的放題店，會令人感到非常有誠意的！不單止款式多，而且口味特別，賣相更是精美，我覺得它比一些虛有其名的酒店自助餐供應的甜品更好！先來看雪糕，光是雪糕已經有很多特別的味道，而且是每一球盛著的。4球分別是：柚子雪糕、紫薯雪糕、綠茶雪糕、芝麻雪糕柚子雪糕味道很Fresh，就像平日飲柚子蜜一樣，雪糕還有柚子果肉！紫薯雪糕是近期超Hit！味道不錯，很香紫薯味，在這裡吃多少球都可以啊！綠茶雪糕很冰感，感覺自己像吃刨冰，所以不太能吃到綠茶味呢...芝麻雪糕雖然於有顆粒的口感，但是很香芝麻味，這個都很喜歡！其他甜品方面，賣相很精美對吧？超吸睛的！分別有：北海道3.6牛乳奶凍、綠茶芝士布甸、木糠布甸、忌廉泡芙、意大利芝士餅、朱古力慕斯。實在點太多了，幸好都能吃得下，全部都是高水準之作呢！這間三木日本放題實在不錯，會再去喔～ …Read More

之前同朋友出尖沙咀行街，同朋友行街唔想煩諗食咩，最好既選擇就當然係食放題啦。最後我地揀左尖沙咀站附近既三木日本料理，交通方便，食完就可以搭車走。當日雖然係星期日，夜晚大約八點半，不過都唔需要等好耐就有位。入面環境比較昏暗，不過可以接受。有A-N既食品點紙以供選擇，另有特上刺身孖寶(HKD38/份)。其他包括:刺身，壽司，軍艦、火灸壽司，手卷，反卷，日式沙律，串燒、日式小食，鐵板燒，天婦羅/炸物，一品料理/湯品、丼/烏冬、甜品、飲品。因為部份食品即叫即做，上菜速度不算快，一開始需要點時間等待。一開始我地每人一碗日式蟹粥，蟹味甚濃，好味道。不過粥既米量較少，水多，搞到好似蟹湯。之後就到刺身啦~雖然兩個人，但都叫左滿滿既一碗！我不太懂刺身，不過友人覺得頗新鮮，最後仲加單叫多d。我們只點了火灸壽司，推介火灸海鰻壽司，鰻魚汁同鰻魚配合得好好味。但係鰻魚汁放落其他火灸壽司稍為有點甜。串燒:有機菠蘿燒和日本糖芯蕃薯串真係必食，兩個都好好味！即使同樣係燒，仍然保留水份，仲好甜。香辣雞肉串都可以嘗試下，少少辣，幾野味！炸物:可以嘗試下自家制墨魚餅同日式香蕉年糕，幾特別，唔係度度有得食。芝士年糕又係必叫食品，外脆內軟。暖暖地既時候食，入面既芝士仲會拉得出絲。一開始我地諗左好耐咩叫雙壓壽司，所以叫左兩件鰻魚雙壓壽司試下。雙壓壽司比起普通壽司細件，飯比較實，呈長方形，幾得意。最後甜品，我地叫左柚子雪糕同紫薯雪糕。紫薯雪糕有濃濃的紫薯味，朋友話一開始還好，食得多就無咁好味。而我點既柚子雪糕比較有驚喜，除左比較似雪芭，陣陣冰涼。仲有柚子肉係入面，唔會太酸，可以一試！食飽之後仲坐左陣先走人！服務員態度良好，當我地有吉碟吉杯既時候，好快幫我地收走同添茶。不過廁所有點不太乾淨，第一次去既時候，地下好多紙巾。第二次再去既時候就無咁污濁，應該有人清理過。價錢尚可，食物選擇範圍多，交通方便，多人又或者諗唔到食咩既時候可以去嘗試下！…Read More

和友人黎到三木放題，第一個印象就係環境舒適好多～平時去放題既位子總係非常淺窄，但依間環境就唔同～寬敞坐位再加外景實在令人好輕鬆XD刺身方面，三文魚唔算切得厚但夠長身，味道ok，但太凍鮑片唔錯，亦都幾中意食，大隻甜蝦食落去會太腥，唔會再嗌甜蛋同預期中一樣，一個字「甜」XD壽司方面，三文魚唔錯，同刺身差唔多，而且溫度岩岩好，唔會太凍而帆立貝則麻麻，中間有調味粉，影響晒成個味道，本人唔太中意較推薦既係火焰三文魚壽司，半熟既三文魚再配鰻魚醬，烘過既三文魚配鰻魚醬實在一流！雖然唔想食飯，但都番嗌左次XD黑松露帆立貝壽司則可以一試～花之戀竟然冇飯（之前食開都有），中意三文魚同沙津醬既朋友去到邊都一定會食件HAHA軍艦方面，我覺得好麻麻，螺頭太辣，海膽冇食開，一食覺得好腥Q_Q熟食方面，芝士焗帆立貝好香芝士味，溫度黎到岩岩好，一啖過好正八爪魚丸唔建議嗌，好窿而且粒八爪魚細到食唔出啲味，咩醬都冇清酒煮蜆份量幾多，啲酒味係甜甜地，而且黎得好快，味道都唔錯炸物方面，件件都勁多油，飽飽地唔建議嗌咁多，食多左好膩較推薦食一口芝士，其他既都一般佢地既天婦羅唔錯既選擇，穩陣之選就係虎蝦天婦羅，夠大隻，而且炸得恰到好處，唔油而且夠脆，紫菜味虎蝦天婦羅好脆同好夠味對蟹粥有啲失望，成個粥整係食到咸咸地，毫無鮮味，唔建議嗌炒野菜真心大碟呀，黎到都有啲驚，多人食可以點，但少人建議不點，真係食唔晒呀！味道還好，不過會油油地甜品方面，佢地甜品既選擇都幾多，如果大家食完仲有第二個胃就可以大食甜品～雪糕有柚子蜜，綠茶，豆腐，芝麻4種味，最出果隻味係柚子蜜呢～而甜品種類真係多到數唔晒～好似食緊甜品放題咁xd多數都唔錯，可以一試，木糠布甸好好食，朱古力杯果隻陣可可味勁出，3.6牛奶布甸都唔錯呀~不過最後食到勁飽，大家都頂住個肚番去xd另外一題，佢地剩半個鐘就會提你last order，所以都要食得幾快，但佢地上菜速度一般有上錯菜既情況發生，不過係咁舒服既環境下放題，都算唔錯～希望可以比到個參考大家XD…Read More

尖沙咀日式放題新選擇@三木日本料理和友人到尖沙咀行街,本想去另一家的,但沒有訂位情況下到了三木日本料理食放題三木日本料理位於尖沙咀加拿分道地點就在K11旁邊第一輪(晚上6:00-8:15PM), 第二輪(晚上8:30-10:45PM) 而星期一至三的價錢 每人HK$238(成人不連加一)日式放題在尖沙咀說是中價之選大約8點半左右,可能係平日關係,沒有人在等,反而感到舒服點食啦!一大埋的ORDER紙看得眼花暸亂空間感十足,我們被安排坐在4人桌日式茶碗蒸蛋味道不錯,可是不夠熱如果熱D就好啦點了一堆刺身,每次一人限點2件蝦、蛋、三文魚、八爪魚、榮螺片、帶子...份量很大方除了蝦之外(蝦有點霉),其他都很新鮮帶子很甜,但如果可以比多點就好了蛋是來貨的,可以不點魚生沙律清清地,細細碟,不錯串燒點了蝦,雞軟骨,雞翼和牛舌好入味以牛舌最為出色!又厚又香,而且很林鐵板燒點了牛舌和牛肉粒,肉質很嫩,可惜的是附加的汁有點黑椒,我不喜歡黑椒,若汁可以不直接吱在面就好了!希望他們日後可以改善,因為其實好多人都唔鐘意有汁的蝦天婦羅和紫菜蝦天婦羅推介紫菜蝦天婦羅,好香脆又夠味友人食了4只呢!海胆和帶子手卷回本菜!海胆份量很多!海胆味道也鮮,不過由於太飽,食一舊就夠啦軍艦壽司有海胆呢!必食,都係果句,由於太飽,食幾件就滿足啦!蟹肉蟹糕軍艦也很好味,賣相雖然一般,而且蟹肉只是用蟹柳(如用鮮蟹肉就更好了!)蟹糕味很香,味道很難忘火炙壽司點了黑松露帆立貝、三文魚腩和海胆蝦好在是細細件,可以食多幾款食完生冷野,友人點了一個泡菜鍋暖暖胃估唔到竟然好好味!飲啖熱呼呼的泡菜湯,感到好舒服燒三文魚頭和菠蘿,菠蘿有點酸,沒有再點三文魚頭燒得香脆,份量又大件!推介!甜品時間!雪糕有綠茶和柚子味道是普通,不如留肚食甜品creme brunee &北海道3.6牛乳奶凍Encore左二次有圖有真相超好味,如果出去食,絕對是酒店貨式另外有泡芙,芝士蛋糕和木槺布丁都十分好味,食到尾好飽還想食呢!…Read More

♥ 放題 ♥ 肥美帶子刺身盡在三木日本料理最近常常與朋友飯聚, 每次想吃什麼好都想爆頭~友人提議食三木日本料理食放題, 好吧~未試過, 一試無防一進內, 環境尚可, 位與位之間有適當距離,而且設有獨立房間給想擁有私人空間的客戶唯一令夏沫有點不舒服, 就是餐廳用白光燈, 令人感覺很不柔和個人比較不喜歡這個光線坐下不久, 侍應就突然放下一碟大蝦及帶子刺身, 是送的啊~二人份的帶子超美肥的, 好鮮甜美味啊~大蝦也很鮮甜爽口呢~可惜這個是按人頭送的, 想再叫都不能了~嗚~之後當然二話不說再叫刺身啦~味道不及送的好, 但味道還可以的, 只是比下去了啦~哈哈~~當然少不了點夏沫最愛的菠蘿, 燒菠蘿真是好好味啊~我們都點了海膽手卷, 海膽是美味的, 但紫菜就一點都不乾爽, 很難撕開呢~建議大家點海膽軍艦好了~任食確是值回票價~^^~天婦羅炸得香脆可口不油膩牛油栗米好好味啊~好香牛油味不過最令夏沫驚喜的, 一定是牛舌, 想不到厚切但爽口嫩滑, 值得推介其他食品不過不失, 沒什麼特別甜品時間最開心, 可以勁食呢~XD我們兩個人點了四球雪糕雪糕有櫻花及柚子特別的口味個人認為有很多點了沒有來, 光線不太喜歡, 但剌身很新鮮肥美喜愛剌身的, 值得一試離開時看見門口有張優惠介紹, 原來10位或以上來會送皇帝蟹一隻~好吸引啊~人頭費只需二百多元, 送一隻皇帝蟹就相等於免了一個半人頭費囉~^^~…Read More

每到聖誕節時間當然要同朋友出來聚會，今次又是去吃放題,我們今次揀了TST三木日本料理，這裡走高檔次路線，環境十分好有格調，三木採用book位制度，可以控制人流 ，就算早到亦要等候，我們早了15分鐘到達，我們book咗8:30,我們等了15分鐘，我們坐下後立即點食物，今次冇出現甩單情況，我同朋友覺得有甩單冇所謂，反正放題可以再点過,我覺得三木幾好味,材料十分新鮮，250元一位這價錢在TST來講又可以吃到好飽，我們吃足2小時，十分滿足的聖誕大餐，服務又唔錯味道:我覺得整體幾好味,三文魚魚生同生蝦刺身又好新鮮，味道十分鮮味環境:我覺得幾好服務:這間又OK價錢:250元我覺得三木又幾好吃，下次同屋企人再來試下這間放題…Read More

這次去吃了一家還蠻新的放題~是在尖沙嘴的三木日本料理~~店外還貼了這個料理級的放題~還沒開始就很期待囉~~可能因為是新店的關係~所以所有的餐具碟子都很新~是窗明几淨的感覺呢~這家放題也是有厚厚一大疊的點菜紙~好像是A到J還K???反正就是有好多好多的選擇囉~~而且還送了一人一隻的...是赤蝦嗎??反正很大一隻的就對了!!!看那蝦頭大得很誇張~長度有杯口直徑吧?!!!但實在太大一隻,讓人很膩呢...炸物其實吸引力不大~因為會很飽肚...還會長痘痘...T.T軍艦方面~左邊兩個上面的是蟹膏~但朋友吃了說覺得有點腥~不過這家還有海膽軍艦吃~實在很吸引呢~(但海倫不吃海膽的...)重點刺身來了~海倫最推介的是榮螺跟象拔蚌~甜蝦相較於市面的大呢~但感覺也比較膩...帆立貝跟剛才的一樣好吃~但朋友吃到三文魚上有鱗...不過海倫沒有吃到啦~是她太幸運了~~燒物方面極推介牛舌!!!燒得有點焦焦的非常香~而雞翼也不錯呢~~之後試了這個一口牛柳粒...肉...是霉的...天婦羅們以蕃薯最吸引~因為海倫覺得天婦羅還是要用大蕃薯的那種~而不是一口蕃薯的~炸粉很薄,亦不會太油~燒菠蘿不太好吃...朋友說應該是罐頭的~反正吃起來有點怪怪...而燒蕃薯仔很甜很不錯~~炙燒壽司方面~好像有燒太熟囉......所以好像都變得比較乾...甜品方面有多款雪糕口味~海倫個人最推介芝麻及綠茶~另外還有奶凍一類的~而照片的是焦糖布丁(還燉蛋??)~朋友說很不錯~但海倫不吃的...所以沒有機會試呢...而這家的泡芙也不錯~(雖然應該不是自家製的...)可能因為是新店~所以客人不算很多~而店員則很足~沒有漏單之餘~店員很殷勤的換骨碟~而且都很有禮貌~值得加分呢~…Read More

最近聽到位朋友介紹一間新開嘅放題場，正好在揾地方同朋友興祝生日，結果就試下book 位，我地一同八人坐咗係間私人大房入面，超VIP 感覺😜仲有專人serve 我地，勁有面☺️坐㡳無耐，嘢食都未點完，就嚟咗盤牡丹蝦同帶子，牡丹蝦肉質勁有膠感甜美，特大帶子鮮甜無得頂，唔似其他放題場用赤蝦充牡丹蝦，俾二百幾蚊，有啲咁嘅質數，賺哂，跟住又嚟一隻松葉蟹，嘩，果然厚肉，甜美.😙😙😙本人並不是位大食家，但見到佢地有咁多款嘢揀，即管食過勁，各款刺身我都試下，最正都係三文魚，極有鮮味😊帶子一拍入口個種鮮甜口感😊同甜蝦嘅膿厚鮮蝦味👍👍果然回味無窮😘😘😘跟住一睇，嘩，有我至愛嘅海膽，不過只提供係軍艦入面，點都要食番十件八件，海膽充滿海水味，味道極鮮👍仲有多種選擇，炸物就一般啦，天婦羅鬆脆炸醬薄，極為鬆化，串燒品種極多，不過要介紹一下個串燒牛舌，厚切，黑椒啱啱好👍👍串燒波羅，甜到要飲多幾杯茶先掂😜最後佢地有自制嘅甜品，媲美高級自助餐仲耍家，牛乳奶凍，甜而不膩，豆腐雪糕，柚子雪糕食極不厭，今次真係要介紹俾各放題友😀😀…Read More