正宗山西刀削麵皇

今日約咗網友喺荃灣西交收，返嚟呢度，瞬間就勾起咗細個喺呢區長大嘅回憶。本來諗住食一間出名嘅米線鋪，但因為人實在太多，排隊會趕唔切交收。突然諗返起，係呀，呢度有間陪我中學時代走過好多路嘅刀削麵店，冇得諗，即刻轉身去嗰邊。細細個嗰陣，無論公開試考成點，成績差都好，都會嚟呢度叫碗麻辣肚絲刀削麵，喺嗰陣辣到出汗又淚流滿面嘅時刻，好似所有壓力都可以跟住眼淚散去咁。今日再嚟，感覺仲係咁親切，入到去見人唔算太多，唔使等位，我就叫咗一碗 麻辣豬頸肉刀削麵（$56），仲加咗一杯 豆漿。呢碗刀削麵嘅麵條係即場手工新鮮削出嚟，每條麵都帶有適中嘅厚度，入口煙韌有嚼勁。湯底嘅麻辣香氣即刻撲鼻而來，但試咗第一口發現，唔知係咪自己耐辣咗，今次嘅辣度冇以前咁誇張，不過味道仍然好好，麻辣嘅後勁仲係存在。湯底鮮而唔油膩，豬頸肉嫩滑，口感厚實，每一片肉上面都吸滿咗湯汁，配合刀削麵嘅勁道，成個口感相當滿足。碟 麻辣豬頸肉 另上，表面灑滿咗啲香脆嘅蒜蓉同辣椒碎，令豬頸肉嘅味道更加有層次。每咬一口，都感覺到肉嘅煙韌同蒜蓉嘅脆香一齊喺口裡爆發，好正。飲品方面，叫咗一杯 豆漿。豆漿順滑，帶有豆香，配搭麻辣刀削麵嘅時候，飲一口就可以即刻中和辣度，感覺好清新。雖然呢次嘅辣度冇以前咁強烈，但整體嚟講，依然係一個重拾青春回憶嘅好選擇。呢間刀削麵鋪依然係嗰種熟悉嘅味道，叫人食完又想再嚟。可能唔再為壓力流淚，但為咗呢碗麵再流一次淚，絕對值得。…查看更多

朋友力薦我一嚐，說 包我喜歡！我在門口排隊時，見到入面的食客食得好滿足，我滿心期待的！我點了小辣 招牌的麻辣刀削麵套餐（牛肚絲），侍應好快便上了一碟牛肚給我。由於我都係第一次食，不知辣度。見到牛肚的辣醬和生蒜 便興奮地全部攪拌。一試，果然係 勁勁勁勁好味！牛肚吸曬麻辣味，而且啖啖有生蒜的味道不過會愈食愈辣！絕對不能輕視的辣刀削麵是即叫即削，而且經常滿座，所以大概都要等10分鐘！但麵質出奇地彈牙條條厚薄適中，絕對是手功菜非常推薦大家一試！試食攻略先將一半，辣醬&生蒜和小食攪拌！然後試味，調至個人喜愛的辣度最後將剩餘的辣醬和生蒜 放入刀削麵的湯底裡！味道更佳…查看更多

刀削麵係即叫即削即煮嫁！見到廚房師傅抱住一大舊麵團削麵條，感覺好正宗、亦都好有誠意，起碼唔係買現成貨黎應付客人。口感超正！每一條都好有咬口，就算浸耐左，刀削麵既質感依然保持有嚼口，唔會因為湯既熱力變淋，非常好！而湯底係較清，冇咩油脂，試左一少啖，味道都唔算太濃郁或油膩，但配麵食就好好味，我真心覺得可以唔洗要餸，直接食一碗清湯刀削麵都好滿足👍🏻清淡既湯底用左蔥同芫茜吊味，夾埋一齊食，好正嫁！下次要記得嗌多蔥多芫茜><刀削麵份量十足，食左好耐都仲有，但因為煙煙韌韌既口感，我都慢慢食曬麻辣手撕雞好油。手撕雞浸係用左大量辣椒油、麻油加醬油整成既醬汁到，吸曬油，每咬一啖手撕雞個口就有一種被油漿住既感覺，個人不喜歡手撕雞冇咩肉味，就算有都比生蒜同辣椒蓋過；因為撕得太細，冇咩口感，但可以食得出肉既質地唔係淋身既，都可以接受。麻辣手撕雞入面拌左青瓜同生蒜，青瓜清新，起解油膩既作用。生蒜令辣勁更強。麻辣醬都幾麻下，唔係我中意既味道。麻辣手撕雞份量適中，因為我麻麻地咁油同辣，所以覺得食極都有。食完仲有口渴既感覺，無下次整體而言，刀削麵有驚喜，餸較失色單就刀削麵評分，我會比五粒星一定會因為刀削麵而encore餸方面下次就唔再要麻辣啦～…查看更多

荃灣出名有好多餐廳今次我想同大家推薦呢間刀削麵店🍜我同朋友今次一同叫左2個麵1️⃣麻辣牛肚絲刀削麵佢將會餸同麵都單獨分開上唔會俾啲湯浸冧曬啲牛肚絲仲要佢會加上大量蒜蓉同辣椒醬係啲餸上面個人係唔太鐘意食蒜蓉不過今次都要對蒜蓉另眼相看蒜蓉同辣椒醬既味道混合左令到本身牛肚既腥味冇曬仲要好香😋有一種令人食上癮既科學作用2️⃣麻辣豬頸肉成碟都係啖啖豬頸肉😋仲要豬頸肉好入味食落好爽口，唔肥唔膩🙈🙈都係一樣上面有好多蒜蓉同辣椒醬3️⃣刀削麵佢既刀削麵每條都好有厚度同好有咬口每條都好有分量食得出係手打刀削麵😎佢啲湯底雖然多味精多油但係啲刀削麵呢啲湯既精華 真係好正 令到本身冇味既麵 味道變得好豐富🌟…查看更多

今次黎到荃灣食呢間小店，聽講午市晚市都經常排長龍，所以今次我就下午茶時間黎食，等左一張枱就有位🤘🏻－先講下佢個招牌刀削麵，口感煙韌彈牙，配上牛蔥清湯，可惜麵條厚薄長短不一，所以有啲較厚身麵條食落有啲未熟透既感覺🙄，而且麵條掛唔到湯，唔太入味，有啲失望☹️－配菜方面，手撕雞同燻蹄份量都唔少，仲有，佢個秘製麻辣醬真係要大力讚👍🏼👍🏼，有一種會令人食上癮既獨特味道，麻香辣三樣有齊，再加上大量蒜頭，真係重口味得黎又勁好味！🤤🌶…查看更多

套餐包凍豆漿，所以唔使加錢。有豆味而且不會過甜。麻辣手撕雞$30，兩人就叫細份，雞肉撕成一絲絲，吸哂麻辣醬汁，味道不重，少少麻加微辣，岩返香港人口味，仲夾著爽脆有咬口的青瓜同食，又可中和麻辣味。金錢肚豬大腸刀削麵$46，金錢肚鹵得夠入味，彈牙好咬。豬大腸處理得好，沒有怪味，大腸肥美又香口感豐富。刀削麵好煙韌有咬勁，雖然吸唔到湯汁，但連湯汁食好順滑。牛腩豬肚刀削麵$46，牛腩炆得鬆化，好淋身。豬肚好嫩又冇腥味。刀削麵加埋蔥花好香，湯頭味道咸香，清晰冇肥高而味道濃郁。兩餸套餐包飲品，好抵食。…查看更多

數數手指，已是第三次到訪這間荃灣有名的刀削麵店。之前吃過都很喜歡，今天氣溫急降十度當然要吃點熱食暖暖胃呢！雖然是平日的晚上卻毫不冷清，被安排到接近收銀處的四人座位，難免要搭枱，不過也不打緊。來到當然要再嚐刀削麵！而配料也很快便選定好了，反而小食方面想了良久才得出結論。最先來到的是我點的雙拼刀削麵套餐，配料為上海水餃和榨菜肉絲＄４０。我想大概不到１至２分鐘便上菜，效率之高嚇了一跳！刀削麵一如既往紮實有咬感，咬起來煙煙韌韌，這種口感自從第一次吃過後便念念不忘！看著廚師在對面的廚房從麵團削出一條條不規則的麵條，即削即製，別有一番風味。還附有蔥花和芫茜，根據個人喜好再混和來吃。不要看麵條數量不多，卻意外地十分飽肚！配料方面我選了上海水餃和榨菜肉絲，一碗有三隻餃子，應是自家製，這家上海水餃的餃皮比一般厚，但我很喜歡這種咬感，裡面的餡料不太濃味，沒有湯汁，配搭起來卻很好吃。很喜歡。榨菜肉絲也十分足料。baka則選了麻辣蒜泥燻蹄刀削麵餐＄４０。刀削麵跟配料是分開上的。燻蹄上有大量蒜泥和麻辣汁，不吃慣如此多蒜泥相信都幾重口味。燻蹄有很多片，十分足料。因為我不吃麻辣，所以只略試了一兩片。另外送上的刀削麵是清湯，可根據個人喜好調教麻辣程度。baka都吃得津津有味，好不容易兩人都吃完這兩大碗刀削麵，真厲害呢！又叫了涼拌青瓜＄２２。簡單的一道小食，有時媽媽都會弄涼拌青瓜，清爽酸辣，脆脆的吃得很舒服。　而且吃辣時最好點一道涼拌青瓜中和味道。套餐跟豆漿，沒有特別。因座位接近廚房，所以不時會望向那邊看廚師拉麵團，看店員和廚師的對話應是一家人，有講有笑，後面亦不乏年輕人幫手，氣氛很和諧，很有家的感覺，就想他們的生活一定過得很充實快樂。雖然這裡座位未必寬闊，卻不會坐得不舒服，刀削麵水準一流，仍會再來吃！不過下次想試一試同樣是自家製的拉麵呢～…查看更多

這天午飯時間，同事們提議到這裡吃刀削麵，說是荃灣的名店。於是剛到下午一時，我們便爭取時間立刻連跑帶跳的捨棄電梯而沿著樓梯趕到這店門前。到達的時候門外已有約十人在等候，幸好等候期間都不斷有食客午餐後離開，所以我們只等了約十分鐘便獲安排入座。等候期間看著店外的兩個餐牌，基本上入座前已經心裡想好要點什麼吃，所以剛坐下不久我們便可以點餐。這天我點了麻辣豬大腸刀削麵，由於是初次來吃，未知這裡的辣度如何，所以吩咐了店員要小小辣。餐飲方面則簡單的要了豆漿。豬大腸原來是跟刀削麵分開上檯的，首先送來的是用碟上的豬大腸。豬大腸本身已經滷得夠入味，大腸的肥膏不多，吃來感覺上不會太內疚。大腸上面再鋪上大量蒜蓉及麻辣汁，由於我只是要了小小辣的關係，所以吃起來只是微辣，豬大腸入味得來又不會太淋，咬起來仍有點咬口，這碟單吃已經是個不錯的小食。接著的刀削麵熱騰騰的送上來，碗內有著不少的蔥花和芫茜，正合我的心意。刀削麵先看形狀是兩邊較薄而中間的部份是較厚的，所以吃來口感也是兩邊較軟而中間的部份則較煙韌。湯底看來清澈但喝起來味道也很濃，吃完麵後整個下午也沒有口渴的感覺，所以應該沒有太多味精。最後的凍豆漿豆味和甜度也不高，只是一般的水準而已。…查看更多

星期日已睡到中午的我，决定外出搵食，不要白白浪費難得一天的假期！適逢近来的星期日節目是搵樓，所以一定要醫飽肚皮才出發！正宗山西刀削麵皇已不是第一次到訪，但是日就是心血來潮想來碗刀削麵。雨田先生雖然家住荃灣，但對於這麵家也要尋找一陣子哩！這麵家內裡比較狹窄，我們到達時經已三時，但店內已經坐無虚席！很誇張哩！坐下來，已有姐姐站在我們身旁, 感覺到要盡快“柯打”食物喔！我的是雞翼魚腐配刀削麵+熱豆漿$38，豆漿是跟餐送的，很香的豆味，沒有加糖的味道。魚腐超級贊♥外面脆脆的，裡面煙韌彈牙。大愛♬雨田先生的是五香牛肉水餃刀削麵+熱豆漿$38，牛肉薄薄的，有點像牛展。外面的小小一碗麵，但份量十足，而且刀削麵好像吃不完似的。除了刀削麵，不忘試下其他食物醉雞$38，酒味不太濃，適合一家大細吃；但雞肉略嫌‘鞋身’。雨田先生話之前去的是另一家刀削麵，但覺得這間較正宗！食飽飽，出發去搵樓！加油。…查看更多

曾經睇街坊廚神介紹過,第一次光顧抱著即管一試的心態,直到而家已食過不下十次,每次去荃灣開飯都將呢間列入考慮之列!食物:     顧名思義,刀削麵係主打,但拉麵都唔差,秘訣應該係廚師即製,眼見師傅拎住一大舊粉團削呀削呀,要單手拎住已經好唔簡單,仲要條條均一,準確無誤落入滾水中煮熟,果然唔簡單!!    最常食既有麻辣豬扒刀削麵(單點$32),麻辣金錢肚刀削麵(單點$32)!由於豬扒首領喜歡重口味,炸得香口的豬扒/金錢肚上淋上麻辣醬汁同大蒜,正!(不過食完唔好同人講野)    刀削麵好食,有咬口,好鍾意麵食有呢種質感啊!拉麵都唔錯,不過我始終愛刀削麵多d!    可惜既係,試過呢間既擔擔拉麵,我覺得麻麻,下次都係麻辣豬扒刀削麵穩陣,可能個人口味,我覺得食麵帶甜味有d怪掛?!環境及價錢: 光顧呢間野唔好預左好好坐,因為好食既野自然多人!建議店主加裝一部強力d既抽氣扇,可能open kitchen既關係,店內空氣有d唔流通,食完野件衫有陣炸豬扒味,不過整體可以接受,野食唔貴,單點一餸刀削麵$32,跟餐多杯野飲$35,咁既價錢,食到咁既質數,算係好ok啦!!…查看更多

We decided to go on an adventure to Tsuen Wan last weekend to try this restaurant. There was a short line outside when we got there at 12:30 but didn't have to wait long. We ended sharing a long table with a family of 5. Between the two of us, we decided to try the spicy pig stomach with knife-cut noodles and the pan-friend xiao lung bao. When the noodles came, they looked like regular noodles at first. I had knife-cut noodles before in the US and the noodles I got there were usually more irregular in shape where the noodle was more like a triangle. The noodles here had some thickness in the middle and were thin on the sides. They were chewy and the broth was rich in flavor. Pretty good so far.The spicy pig stomach came on a separate plate. There were some hot sauce and garlic garnished on top while the pig stomach was sitting on the spicy oil and sauce. The taste was spicy enough and the pig stomach was good, but they were too separated in my opinion. I loved this dish in Seattle where this restaurant did a fantastic job stir-frying the pig stomach and hot sauce together so the pig stomach was infused with flavor. Here, it was more like dipping the bland pig stomach in sauce, which was not as good in my opinion. I remember I was addicted to this dish in Seattle but I won't be craving for it at this place at all. Lastly, our xiao lung bao took a while to come. It arrived on a pan with the buns sitting on egg. I was curious what the difference would be between pan-fried and steamed xiao lung bao. Unfortunately it's not always a good thing to deviate from the usual sometimes. The xiao lung bao was crispy on the bottom but the skin was thick and there were no soup on the inside. Nothing special and very disappointing. As this place is far for us HK Islanders, it's not a place I would seek out specifically to eat again. …查看更多

來到荃灣區, 沒有理由不來這家「開飯得獎熱店」試試刀削麵。看見師傅現場刀削麵表演, 已經知道是現製貨色。事實上麵條甚具麵粉香, 而且質感煙韌, 份量龐大, 是一碗無論份量和質量也相當的刀削麵。花雕醉雞則較為遜色, 從肉質看來便知道不夠嫩滑, 而且是製作了較久的貨色, 花雕味不太濃, 只是淡淡的, 「檸茶」越吃便越把心飛往元朗的爽爽。$38 一碗, 價錢屬偏高, 以刀削麵來說, 水準其實不俗, 但卻沒有令「檸茶」再訪的衝動。…查看更多

一直都想試,但如果男友可以早得閒又好少stay係荃灣遲得閒刀削麵又close左,今日終於唔遲唔早咁試左唔食肉既無咩好食,於是我叫左個淨刀削麵男友叫左豬扒菜飯,仲加個小籠包...刀削麵 : 好好食!之前食過d好似食麵粉咁既刀削麵令我有陰影...不過呢個真係好好食!豬扒菜飯 : 我食左啖菜飯覺得唔錯,而男友話豬扒好好食小籠包 : 十五蚊五隻,要求都唔好咁高啦,男友話ok不過我無食,評唔到最後男友今餐飯食左一客豬扒菜飯,五隻小籠包,同埋半碗刀削麵見佢個樣飽到想死…查看更多