金記冰室 (置富南區廣場) (已結業)

相信鍾意食香港地道茶餐廳嘅朋友，對於金記冰室一啲都唔陌生，今年佢仲積極擴充，係唔同嘅地區開分店，之前我都響西營盤食過已經覺得好正，今次偶然嘅機會下去置富花園探朋友，佢說帶我去置富廣場吃茶餐廳，估唔到原來係食金記!😱因為我自己覺得置富商場有少少殘舊，我都唔期待會食到啲乜嘢好嘢，以為係普通街坊茶餐廳，點知我朋友帶到我出平台，見到大大座類似輪船造型的建築獨立在平台之外，冰室冰室四個大字仲似識發光勁華麗👍真係令我好驚喜又期待！😝😝😝入到去入面環境又係勁靚和光鮮，裝修充滿懷舊氣氛之餘燈光勁充足，一啲都唔會覺得昏暗，😄可能係新裝修，和廣場的殘舊形成強烈對比，令到我放工本身勁累，入到去之後都覺得好醒神好想狂吃！😋😋😂佢嘅焗豬扒飯（$51）我覺得必勝嘅名菜之一，飯底炒得好香又唔會過硬，豬扒肥瘦均勻，咬落去軟林卻有口感，唔會痴牙亦唔會覺得醃得太耐而梅，加上芝士番茄醬成件事就係那麼的啱啱好😆我和友人們一人一口很快把它K.O.👍😋另外我哋叫咗個麻辣雞絲米線($36),這個較我們想像的清淡，湯頭不算麻辣，比較普通😬。食咗清淡嘅我哋要吃一個重口味嘅咖喱牛腩飯($52), 佢嘅咖喱牛腩飯係典型我最愛嘅香港風味咖喱，做得非常出色👍😋牛腩牛根够軟滑，個咖喱醬真係非常送飯，薯仔完全入晒味，牛腩較多嘅關係我同朋友係咁搵薯仔來吃，相信有好多人同我地一樣，咖喱牛腩係鍾意食薯仔多過牛腩，對嗎？😂見到佢是日晚餐，有清蒸海上鮮（$98）我朋友最鍾意吃魚，侍應話今日係蒸倉魚，我哋就揀咗豉汁蒸倉魚😋倉魚即叫即蒸，吃得出新鮮，大量豆豉和蔥花，豉汁味非常香濃同樣係送飯嘅好菜👍😋餐飲方面值得推介係佢嘅冰鎮奶茶,同泰興嗰款一樣但係佢嘅茶比較有茶味濃郁一點，配餐加$5就有算好抵！另佢嘅蛋白杏仁茶同樣係推介，加配餐只需要加$13，杏仁味不會很淡，中間仲加咗一團水煮蛋白，成件事誠意加晒分啦！😆本身食到呢度我哋已經覺得好滿足，點知朋友話建議食埋個甜品令我哋更加滿足！係佢嘅金粒西多士加雪糕($36)！😱omg!!!!佢嘅西多士唔係一大片落去炸果啲，而係切到一粒粒一口一粒嘅形狀再去炸，再砌返金字塔咁樣，而且我唔知點解佢可以做到一啲油膩感都冇，配上煉奶或者雪糕有冰火嘅感覺，做到咁心機錢都要啦，但佢淨係賣你$36😱😱😱好痴線啊呢間金記冰室個老細係乜嘢人嚟㗎，點解啲嘢食好食之餘，會令到你不斷係咁想叫嘢食嘅？今晚我個胃爆左都仲係覺得好想食！😂😂😂______________________________店名：金記冰室 (薄扶林)環境🏝：8/10服務💁🏼‍♀️：8.5/10 價錢💰：8.5/10食物質素🍝：8.5/10 整體🙆🏻‍♂️：8.3/10 地址:薄扶林置富南區廣場3樓318號舖…查看更多

黎左住置富朋友屋企玩, 玩完夜晚肚餓落街食野, 商場入面連鎖店唔啱食, food court 又收左工, 步出商場諗住搭車出去食果陣就見到呢間金記冰室, 座無虛席, 個肚打緊鼓諗都唔諗就入去食la😂晚飯黎講, 有老火湯有白飯有野飲都係收呢個價錢, 算係中規中矩啦🙈老火例湯都幾足料架, 睇下幾多湯渣😍加$5就可以轉冰鎮奶茶😮👍凍飲都要加$3啦, 呢個價錢有驚喜👍唔會比d 冰溝稀左, 但可以凍到尾, 冰鎮奶茶可謂係港式冰室既招牌之一晚餐D - 韭王叉燒炒滑蛋 - $68炒蛋好滑好香, 拍得住其他著名既連鎖餐廳, 但叉燒比較大舊, 如果切細舊d 會更加好👍金銀蛋肉碎浸時蔬 - $44呢個小菜如果喺酒樓叫, 起碼$50, 呢度性價比超高啦😍一樣係有齊咸蛋黃, 蛋白同皮蛋, 而且個上湯好香, d 白菜仔浸到入晒味🤤金記生炸雞脾配沙律 - $50見到現場都有幾多人食緊呢個生炸雞脾, 雖然係夜晚但都照叫啦😝果然不負所望, 生炸雞脾d 肉汁鎖晒喺皮下面, 個皮夠薄夠脆👍而且隔油都隔得幾好, 唔會油淋淋😍晚餐G - 豉汁蒸盲曹 - $98食到咁上下, 個蒸魚終於黎喇😍因為係即叫即蒸, 所以要等下, 都好正常丫, 要食到好野一定要比d 耐性😂蒸魚既時間掌握得好好, 剛剛好熟最鮮嫩最香滑🤤西多粒配雪糕 - $36最後要整番個甜品先得, 西多士亦都係港式冰室既另一個精萃所在, 配埋朱古力雪糕一齊食, 一凍一熱簡直有冰火口感😂😂…查看更多

難得番番母校附近，而這正正又是午飯的時間，所以聯絡上以前的班主任吃一頓午飯懷緬過去一番。班主任帶我來到附近商場食飯暢談，這次找到一間自成一格的餐廳，正是金記冰室。這裡用上少許歐陸式加上海洋風格的裝潢。睇完menu,我地就叫左一個set lunch + 其他野我們分別點了一客芝士肉醬雞扒焗飯$52和一客白汁粟米炸雞脾焗飯$53，外加一隻沙嗲牛肉軍艦$26。飲品方面則選擇了兩款特飲，我選擇了熱飲的蛋白杏仁茶，而老師則點了出名的無冰奶茶。味道方面，沙嗲牛肉軍艦沙嗲味濃郁，牛肉份量比預期來得多，加上麵包經過烤焗，令其表面帶點香脆，而在牛肉上鋪設了少許新鮮菠蘿，在吃的時候有點不同的口感外，還令沙嗲味帶點清甜，這個舉動足以令人拍案叫絕。而兩客的焗飯在侍應捧餐時仍然是滾熱狀態，這令人足感滿意，額外一提的是炸雞脾是頗為出色的，除了外皮香脆外而內裡仍能保持肉汁鮮嫩，實屬難得，還有雞脾也較其他餐廳為大，這足證了餐廳用料充足。餐飲方面，無冰奶茶完全可以稱得上奶滑茶香，而正正是無冰的關係，所以比其他街外的凍奶茶為濃，因為這裡是用冰鎮方式，沒有冰水溶化入奶茶之中，令其淡化。蛋白杏仁茶味道濃淡適中，杏仁味十足，而蛋白則令口感香滑無比，兩者混和後在其互相配合下，令兩者發揮出更高層次的味道。沒想過在這次懷緬之旅中能找到一間不俗的餐廳，下次有機會再來這間餐廳一再嘗試其他的菜式。…查看更多