榮哥廚房私房菜

在朋友推介下, 我和好朋友都係抱住應該係一般餐廳水準的心態來到觀塘工業中心. 當我們見到餐廳 -榮哥時, 有一種喜出望外的心情, 令我們好期奇食物!    店員好熱情地安排好張枱俾我們, 并給已準備好今晚的MENU俾我們看時, 有訂枱的名字和時間, 係屬於我們的MENU, 令人覺得好貼心, 好開心!前菜有涼拌鮑魚菇和黑木耳. 鮑魚菇質感厚實, 加上醋更美味爽口彈牙, 而黑木耳加芝麻油一齊涼拌更香脆, 開胃.跟住有有機沙律菜伴芝麻醬, 聽店員介紹此芝麻醬係自家制的, 包括有麻油/橄欖油/柚子蜜來配菜更美味. 流心蛋配厚切茄子, 外觀十分精緻, 咬一口蛋蛋黃流在心, 蛋白好有茶燻的香味, 配上黑魚子醬食皮內軟的茄子特別開胃.我們每人有一盅用川貝陳皮海底椰燉鱷魚肉原盅湯, 材料十足, 好清甜, 有益健脾胃.飲完湯後, 再上有蝦球水芙蓉蛋. 好大隻蝦球, 彈牙爽口; 我們連滑蛋配汁一齊食, 香滑可口, 原來配汁是用胡羅卜制成的.蒜香芝士焗蠔王, 肉質鮮甜! 食完小食後, 再上冰梅黑豚肉排骨, 未食見到外觀以流口水. 酸酸甜甜的肉排和脆卜卜的鍋巴一齊食, 好特別口感, 好想食多件.魚湯浸溫室菜苗, 買相好吸引, 在食時要先把菜苗打散來吸多些濃濃的魚湯之後才食菜苗, 那就食到更美味的菜苗.而飯是蒜蓉海斑片蒸鴛鴦荷葉飯. 廚師好體貼, 令我們可以在餐廳都可以食到健康的五穀飯, 又有惹味的鮮海斑餸飯. 今次真係好抵食, 我們食到好飽, 好满足.最後食鮮果助消化, 也劃上完美的句號.…查看更多

亞妹今日請客，帶我們去了觀塘工業區內的一間私房菜館，雖然地方對我來說有點遠，但食後感覺是值得，因用料靚味道好。其實亞妹時不時捐窿捐罅搵好嘢食，對她所選的一定有信心。有機沙律伴芝麻醬有機菜果然味道清甜，沒有泥味。跟芝麻醬汁好夾。涼伴黑木耳和鮑魚菇開胃菜，越食越起勁。茶燻流心蛋伴黑魚子配厚切茄子流心蛋做到流心效果，有微微的茶香。茄子肉厚有口感。哈密瓜螺頭黑毛豬肉湯味道清甜，好滋潤，材料豐富。帶子水芙蓉原來蒸蛋白，時間掌握得很好，不過老好滑。面上那層是金荀汁做成的茨汁，頗特別。明梅醬燜頭腩酸甜有道，非常入味，有𡁻口。黑松露炒班球好惹味，每塊班球充滿黑松露香，可惜調味方面鹹了一點。冰梅黑豚肉排骨我最鐘意食，酸咪的梅子己入味，每啖排骨滲出梅子香，再加上軟腍的肉質，真的不錯。黑蒜炒飯黑蒜味並不明顯，但炒得好香，飯粒乾爽。…查看更多

係工業大廈搵食已經唔算係咩新奇事, 尤其係私房菜, 難得哈比有興緻想食私房菜, 就一於訂位去食啦!呢間私房菜係友人介紹, 地點唔算難搵, 裝飾佈局精簡, 門口有水種沙律菜及魚缸, 另有電視放映, 坐得算舒服!今晚食既係呢款精心配(每位$338, 另加一), 望落菜式都唔少, 事不宜遲...................可以起菜啦!由頭盤開始食起, 共有4款: 先由呢款有機沙律菜伴芝麻醬食起, 賣相紅綠配幾吸睛, 爽脆沙律菜配以芝麻醬, 中間亦食到少少芥末味, 當然為之醒神一番!繼而有涼伴鮑魚菇, 切成片狀伴以陳醋汁, 食落少少醋酸味, 幾開胃; 涼伴黑木耳, 被視為健康食物, 好多地方都有提供, 呢碟味道帶點咸味, 口感爽口!茶燻流心蛋伴黑魚子醬配厚切茄子, 半隻流心蛋放係炸過既茄子上, 口感一軟一脆, 茄子索左個濃味醬汁, 口腔內有蛋汁既香味同芫茜濃醬汁味, 食落超好味! 食私房菜又點可以無湯呢?! 呢客原盅燉哈蜜瓜螺頭黑毛豚肉湯 (位上), 上枱時仍然好熱, 正! 最喜歡食熱湯, 材料包括哈蜜瓜, 螺頭及豚肉粒, 夠晒足料, 咁足料啖湯點會唔飲到鮮甜味喎, 飲完都飽左一半LU..........哈!幅圖畫咁靚既就係叫做蝦球水芙蓉, 清蒸滑蛋配以一隻彈牙蝦球, 味道清清地, 彷彿為跟住落去既菜式作間場!蒜香芝士焗老外蠔王, 隻蠔真係幾大隻, 原隻連殼上, 中間以芝士一齊焗, 唯覺得芝士份量未夠, 做唔出一夾有拉絲效果, 亦食唔到蒜味, 但隻蠔食落就夠晒口感!冰梅黑豚肉排骨, 味道有少少似中式牛柳, 酸酸甜甜咁, 以鍋巴作底部, 黑豚肉既腍配鍋巴既硬, 一齊食口感夠晒豐富, 效果唔錯!呢款以鮮魚湯敖製既鮮魚湯浸碧綠溫室菜苗, 菜苗夠晒嫩, 食落爽脆, 個魚湯飲落真係好夠魚味, 成個配搭比人感覺好健康!食到呢度其實都已經好飽, 但都唔能夠錯過呢個荷香蒜蓉海斑片原籠蒸鴛鴦飯, 以紅白米作為鴛鴦飯, 粒粒分明又唔會油, 食落仲有少少荷葉味道; 有3蒜蓉海斑片, 肉質腍滑又帶有蒜香味, 份量足夠二人分享, 最後都食得晒............最後以精心甜鮮果匯併作飯後果, 夠晒健康!雖然呢餐私房菜無咩貴價食材, 但食物味道及選菜配搭都睇得出大廚既心思, 確係唔錯!…查看更多

趁著慶祝生日一同享受一餐房菜，正因太長時間沒有再嚐私房菜的韻味。新鮮、獨特、精緻、家常味道就是私房菜的特色吧。我們預先訂了的套餐是「樂融和」實符其名的私房菜呢，前菜是開胃醒神的酸菜，當中包括了”涼拌黑木耳”及”醒胃三蔬”，“涼拌黑木耳”就是黑木耳佔上麻油以清淡酸汁，健康又清新。”醒胃三蔬”分別是酸紅蘿蔔、白蘿蔔和青瓜，爽口開胃。接上是有機沙律菜伴芝麻醬、當中混合了黑醋、芥末和小蕃茄，同樣是引起了我們的食慾。隨後便是”茶燻流心蛋伴黑魚子醬配厚切茄子”，茶燻流心蛋非常精緻，融融的表面及流心蛋黃就好像啫喱一般吸引，味道是香香濃濃蛋香加上一點點魚子醬的咸香，作為支柱的厚切茄子卻有著另一番味道，煎釀茄子配上傳統豉油肉燥醬汁，十分富有家居美食感。“原盅燉川貝陳皮海底椰鱷魚肉湯”正是當晚靚湯。燉川貝陳皮海底椰已夠清甜，再配盅鱷魚肉實在是入冬養身湯。主菜逐一到來，先來“帶子水芙蓉”，帶子水芙蓉就是蒸滑蛋白，表面蓋上甘筍汁茨，味道溫和，配上幼薑絲及主體的煎香帶子一起進食，便會發現帶子的甜被提升了不少。另一主菜便是”生猛海斑兩吃”。先來的是”黑松露醬炒斑球”，斑球厚切配合黑松露醬炒香，斑球肉質較厚而且新鮮，口感十足。還有一些菇菌和甜豆作為配菜，香、色、味並全。再來是”明梅醬燜頭腩”，這明梅醬燜頭腩令我最為滿意的菜色，原因是燜頭腩的火喉十足，沒帶太多炸醬下仍然能香趣可口，加上明梅醬的酸甜味道使人不覺油膩，因此值得推介大家必須品嚐之列。“冰梅黑豚肉排骨”是一款創新的菜色，大廚利用了米通餅墊底，以其吸水力吸收黑豚肉排骨的肉汁，當你一口咬下時便發覺米通餅香味夾雜著冰梅黑豚肉香氣，這亦是冰梅黑豚肉排骨創新巧妙之處。當然冰梅黑豚肉也相當富口感，冰梅獨有的味道配合起來亦恰到好處，非常出色的菜色。蔬菜方面，餐點中選上了”鮮魚湯浸溫室菜苗”，故明思意就是溫室菜苗利用魚湯浸制，這不但保留了菜苗本身的清香，更加上了一份鮮魚的甜美，對於喜歡菜食的朋友是不二之選。主糧是”農坊獨頭糖心黑蒜炒飯”，糖心黑蒜是現時最流行的健康食品，用糖心黑蒜來炒飯突顯了家常飯關顧健康的理念。言而炒飯本身制作出色，每粒飯粒都是獨立地乾身彈牙，可口非常。“甜蜜美滿慶團圓(甜點雙併)”作為終結的句號結在是令我捨不得呢!! 全因家鄉式的”蕃薯糖水”富有著陣陣薑味，加上蕃薯選材高質，每口咬口極富質感。另一點題就是”紫薯炸薯球”，非常巧心作品，外脆內軟的感覺實在是難得的制作，加上甜度適中實在希望一嚐再嚐，可是每位只預設一球，還是要學習知足常樂吧!整體而言，榮哥私房菜站在高水平的出品打造出新鮮、獨特、精緻、家常味道，加上侍應服務友善，又不像大餐店趕下班態度，私房菜實在是晚餐用膳的應有態度。…查看更多