韓珍 (帝國中心)

甫踏入餐廳，就有種重返首爾的感覺，老闆及部份店員均為韓國人，服務親切殷勤。🥗前菜沙律、泡菜、青瓜、枝豆配鹹魚仔、芽菜、鵪鶉蛋，每樣都好有韓國風味😆🦀醬油蟹 ($250)蟹肉鮮甜十足，呈燈黃色的蟹膏滿滿，醬油蟹每日新鮮製造，空口食都唔會過鹹，亦唔會有腥味🤤蛋黃紫菜飯帶着麻油味，放在蟹膏上，紫菜飯的鹹香伴入蟹膏的鮮味，絕對是白飯神偷🤣八方美人 ($588)共有八款海鮮及肉類：包括牛舌、雪花牛肉、豬頸肉、護心肉、豬頰肉、醬油雞肉、烤大蝦、鮮鮑魚🐷護心肉算係豬嘅稀有部位，係橫膈膜同肝之間嘅筋肉，食落有嚼勁亦不會肥膩🐮 雪花牛肉脂肪分布平均，牛味很重，厚薄適中，食落入口即溶🦐大蝦肉質彈牙，燒埋個蝦頭，有好多膏🤤👅薄切牛舌邊位咬落有少少脆，入面就有少少嫩，非常爽口😋店員幫忙把鮮鮑魚烤得恰到好處，肉質軟腍得嚟又有少少咬口🥬將啲肉加入生菜，再配埋蒜頭🧄等其他配菜，口感豐富。🍳跟餐亦附送蛋餅，上碟時熱辣辣香噴噴，記住要快啲食喔🤤💁🏻‍♀️餐廳滿座，店員應接不暇，但都會主動幫你翻一下肉、燒蝦剝殼、換燒烤網👍🏻雖然大部份人都係食燒肉，店內油煙抽氣極佳，食完都唔會成陣味。…查看更多

我好鍾意食燒肉，所以一直都搵緊邊間燒肉可以令我一食再食，呢間韓燒餐廳聽左好耐都未食過，之前聽朋友講呢一間嘅前菜好好食，今次終於試到。韓珍係一間韓國菜餐廳，而隔離嘅bong樓係佢嘅副線，餐廳全部係由韓國人主理，不過佢哋英文足夠同大家溝通到，而且仲會主動教大家點燒，甚至幫大家燒。呢度嘅老闆仲要係G Dragon父母嘅朋友，係居港嘅韓國夫妻。韓珍除左主打韓燒，仲有提供好多韓式料理，最多人叫嘅好似有醬油蟹、炸醬麵、糖醋排骨。肉方面都係選用美國或韓國進口肉類，而冷麵、蔬菜、醬汁同調味料都係用韓國進口。雖然我去我晚係啱啱打完風，差唔多晏晝先落波，但夜晚八點去到其實餐廳都差唔多滿座，不敢想像如果係平時冇打風係咪會更加多人。座位都幾闊落，好多都係四人座位以屏風分隔，目測容納五60人都好足夠。睇過餐牌，本身想點嗰個係四色牛肉加五花腩，不過當晚四色牛肉全部冇晒，冇得試招牌菜有啲失望，於是就叫咗個有肉有海鮮嘅拼盤，喺未落單嗰時店員已經上緊前菜。-🥬 前菜 💰0（👅: 7.5/10）呢度嘅前菜非常慷慨，有7款前菜，前菜既款式每日都會唔同，而且可以無限追加， 當日有沙律、泡菜、芽菜、洋蔥、蘿白、魚糕、滷蛋，個人最鍾意泡菜同滷蛋。除左7款前菜，仲會有一個鐵板芝士蛋。上枱時熱辣辣，入面有流心芝士、粟米、洋蒽、青紅椒，食到芝士味，因為有椒食落有小小苦味，不過令到個蛋咬落爽口。-🥩 八方美人 💰588（👅: 7.5/10）本身諗住試佢個四色牛肉五花肉餐，不過佢全部都冇晒，所以就叫呢個有肉有海鮮嘅餐，叫八方美人因為佢有八種食材，呢個set有牛舌、雪花牛肉、豬頸肉、護心肉、豬頰肉、醬油雞肉、烤大蝦兩隻、鮮鮑魚兩隻，非常豐富，如果唔想淨係食肉，想試吓海鮮可以叫呢個。傳統嘅食法就係用生菜包住燒肉、青椒、生蒜同燒肉醬一齊食，再加上拼盤上面嘅蔬菜同雜菇，可以抵銷燒烤嘅油膩感 。呢度嘅肉普遍都係無咩點經過醃製，冇咩大量嘅調味，主要係食返肉嘅原汁原味。牛肉普遍牛味重啲，脂肪比較少，不過偏韌身。雪花牛肉油脂比較多啲，脂肪分布算係平均，不過比較厚身，咬落算juicy，不過比起平時食既雪花牛肉有啲韌勁，同埋部份位置有筋，牛肉味算重比起牛舌。然後係我每次烤肉一定會叫既牛舌，牛舌比較薄身，所以好容易燒，咬落係有韌勁嘅牛舌，而唔係入口即溶嗰種，不過今次嘅牛舌驚喜就唔大，個人鍾意厚切有韌勁好似日本嗰種，一係就勁腍身既牛舌。而豬頸肉算係滿意之一，係豬前邊頸嘅肉，咬落爽口，比較冇咁韌，油脂算係幾種肉入邊最豐富，肉味幾香。護心肉係豬橫膈膜同肝之間嘅肉，老細拍下我心口話我知係心口前面嗰舊肉，所以一隻豬其實得好少，肉比較厚身，脂肪唔算多，咬落去肉質較結實，偏韌小小，食落肉味算濃郁。醬油雞肉係我最鍾意嘅其中一個，已經去晒骨嘅雞扒肉，肉夠厚，咬落爽滑夠嫩，因為已經用甜醬油醃製過，食落非常入味，唔使點醬汁都已經好夠味。本身對海鮮冇乜期望，反而幾有驚喜，唔知其他食客係咪都係咁，個時咁啱同老細傾緊計，佢見我未燒隻蝦就幫我哋燒，仲教我哋喺中間切開就可以完全去殼，啱晒啲想食蝦但懶得剝殼嘅人。蝦非常大隻，肉質算唔鞋，食落幾鮮甜。鮑魚本身真係冇期望，因為食過好多燒肉或者打邊爐，啲鮑魚都係冇味或者好韌，點知咬落去一啲都唔韌，仲好彈牙，因為已經用醬汁醃製過，所以非常夠味，而且食到鮑魚本身嘅鮮甜味。-🍜 炸醬麵 💰88（👅: 8.5/10）之後就係韓國菜入邊我好鍾意嘅炸醬麵，要喺香港食到正宗嘅炸醬麵唔容易，呢間似喺韓國食到嘅味道。呢度炸醬麵嘅醬汁感覺比韓國食到嘅冇咁甜，不過對於未食過嘅人來講係相對甜啲，我覺得可以接受，都唔會過鹹，食落唔會覺得好溜，而且醬汁份量比起麵多好多，就算食完碗麵都仲有好多醬汁，醬汁入邊仲會有好多豬肉。可能因為醬汁太多嘅關係，麵條會相對腍，不過麵條係非常掛汁，所以每一啖都係食到炸醬嘅味道。加上醬汁嘅洋蔥、豬肉、青瓜，係正宗嘅炸醬麵味道。-🥤 Korean Sweet Rice Juice 💰20（👅: 7.5/10）叫咗一罐韓國傳統甜米露黎試，飲落好似比較甜嘅竹蔗茅根，下邊有啲好似米粒，唔會淨係齋飲咁單調。-🥤 Citron Tea Cold 💰20（👅: 7.5/10）飲落係比較普通嘅柚子茶，唔係太甜亦都唔會冇味。-🌟食物種類唔少，有好多唔同嘅拼盤，如果你係食肉獸可以試吓四色牛肉加其他肉，如果想食海鮮咁八方美人都係一個選擇，今次冇機會試到招牌嘅四色肉，不過呢個拼盤海鮮都唔錯，而肉主要係食返原本嘅味道，有調味嘅就只有雞肉，而肉係比較有嚼勁啲，唔係入口即溶嗰種，如果想要啲重味啲嘅肉咁四色牛肉會更適合。而前菜都可以無限添加，前菜種類非常多，非常滿足。環境來講，冷氣抽風都足夠，唔會話太大油煙或者太過熱。店員服務都唔錯，雖然係韓國人不過佢哋英文都可以同人溝通，而且會講解點樣燒或者直頭幫你燒埋。雖然店舖客人幾多，不過店員都會經常幫手換鐵板，會時刻留意每枱嘅情況。價錢方面，如果係食肉嘅套餐，價錢大約300至400，晚市來講算係中價嘅韓燒，喺未試到佢嘅招牌四色肉嘅前提下，我覺得炸醬麵比較出色，另外聽講醬油蟹同水冷麵都唔錯，下次黎可能會試吓佢嘅其他韓式菜式。-👅味道: 8/10🍴環境: 7/10💰消費: $300-400pp (服務費: 10%)…查看更多

🎏️ 食盡油尖旺 — 韓珍✨都幾有驚喜幾正宗😎🇰🇷#90cp尖沙咀篇 #90cp韓國篇➖➖➖➖➖食韓國嘢去尖沙咀韓國街就去得多🤔 食食下都想發掘下新嘢 見近排都幾多人介紹呢間韓燒 仲要幾地道 由韓國人主理😏🇰🇷 就夾左女朋友仔嚟同我試😙美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ NA01 八方美人 $588八方美人顧名思義當然有八種食材😤 肉類方面佢有6種肉分別係 牛舌 雪花牛 豬頸肉 護心肉 豬肩肉 醬油雞肉🥩 其實種類同份量都多 而我哋最鍾意嘅就係雪花牛 啲脂肪分布得好均勻 牛味都重🤤 除咗肉類佢仲有海鮮 有兩隻蝦同埋鮑魚 隻蝦仲要勁大隻🦐 跟餐仲送咗個蛋餅 細食啲嘅話其實兩個人叫一份呢個隨時都夠🤪✨ 605 海鮮豆腐辣湯 $98呢個辣湯都好有驚喜 感覺真係好似去咗韓國食咁🤤 食落唔算太辣 而且佢嘅豆腐都好嫩 湯入邊都有唔少蜆肉🤤🙌🏻 絕對係我食過少數嘅高質韓式湯品!! 跟餐仲有碗飯 俾你撈飯食真係一流😆 💰Total: $755💡溫馨提示💡食物質素好好 而且都好正宗🇰🇷 不過真係估你唔到平日晚市都咁多人😲 如果假日嚟嘅話可能要等位添!! 大家留意翻💁🏻‍♂️➖➖➖➖➖📍 韓珍 (帝國中心) (尖沙咀)尖沙咀麼地道68號帝國中心地下高層UG43號舖…查看更多

尖沙咀分別有兩間分店，Book咗唔好去錯。餐廳大，但都要book，平日去都聽佢講有啲full。服務好，雖然餐廳比較忙，都會自動換烤架，幫手夾肉去燒，簡短講解下，又會用鉗幫剝蝦殼。Menu食物好多款，選擇困難症好彩店員有幫手介紹。上菜前會有好多款前菜，泡菜，醃蘿蔔，豆皮，芽菜，蝦乾等小碟都可以refill。✨味道77分，服務80分，環境75分。.🔸八方美人($588)總共有八款肉類，有醬油雞肉，大蝦，鮮鮑魚，雪花牛肉，牛舌，豬頸肉，豬肩肉，護心肉。好在可以每款肉都食到啲，肉質素不錯。店員解說韓國人鍾意食牛先，因為覺得牛較珍貴。鍾意可以烤完就咁食，又可以包生菜點調味食。另外，會送個煎蛋薄餅。.🔸海鮮豆腐辣湯($98)正宗韓國人鍾意烤肉之後選擇飲豆腐辣湯，又或者牛胸肉大醬湯，泡菜豬肉湯。微辣，有蜆，魷魚，豆腐，各種配料，味道剛好，就咁飲都唔夠鹹，另外仲配一個白飯。.🔸韓式桃汁($20)好香桃味，飲落厚身，唔太凍。…查看更多

#尖沙咀平時算少嚟尖柬呢邊食嘢，今次有朋友約咗嚟食韓燒，位置嚟講好易搵，店內都幾大，而且座位都坐得舒服，以韓燒嚟講，一入去都唔會話好重油煙，抽油煙方面都做得幾好😛值得一讚係店員好主動跟進我哋嘅進度，幫我哋燒下之餘，亦都好勤力幫我哋換爐呢個位好加分﹗------------------------一揀咗嘢食就好快嚟咗好多配菜，分別內豆腐乾、泡菜、翠肉瓜同沙律，特別少見同幾媑意嘅，就係「魚乾仔」呢個前菜﹗好特別🎖️前菜整體幾高水平😆特別泡菜都難得好啱胃口，酸度啱啱好﹗蛋餅：嘢食嚟之前好似會送你一個蛋餅，估佢唔到而且入面仲有芝士做到拉絲------------------------八方美人 $588主食因為又貪心又懶，所以揀咗set，第一次咩都想試下，就叫咗呢個又有海鮮又有牛雞豬嘅啱嘅 2-3人套餐「八方美人💃」一個Set有晒牛舌、五花牛肉、護心肉、豬頸肉、豬頰肉、海蝦、鮑魚、雞肉～每樣起碼有三塊，第一次食咩都試到，可以試到唔同嘅肉。小編就最推介豬頸肉😚，好爽口，第二名係五花牛肉，油脂都肉味都好香，第三鍾意就係雞肉，本身有醃咗味，燒完就咁食好滑﹗如果有得再揀會想直接叫一碟豬頸肉XD五花肉 $130好霸氣嘅一條😂肥瘦都適中，肉質偏實啲…查看更多

有好多年無去過韓國旅行了，遲啲疫情消失，韓國可能喺我嘅首選。韓國呢10幾年變化好大，多左好多Oppa😂，好想去潮勝！現在只可以望梅止渴，今次揀左間高質韓式燒烤餐廳，用嘴巴去旅行。嚟到尖東呢間 #韓珍，Oppa 親切嘅招待，好有身在異地嘅感覺❤️餐牌好多選擇，燒肉、火鍋、人蔘雞湯、石鍋拌飯等等。我地叫左韓珍新鮮嘅 #八方美人 套餐，夠2-3人食！。有👅牛舌、🐂雪花牛肉、🐖豬頸肉、護心肉、豬頰肉、🐓醬油雞肉、🦐大蝦、鮑魚，豬牛雞海鮮都有齊，豐富又滿足！一落完單，店員即刻蹦蹦聲上前菜，放滿左半張枱，好誇張😂 等我排返好佢影張靚相先👍🏻 今日有泡菜、魚仔、喬頭、青瓜、薯仔、沙律，仲有個蛋薄餅。我個baby等待期間已經食晒啲沙律🥗，我就食其他酸酸辣辣嘅配菜，好開胃下！食完仲可以refill架🤫醬料都有5、6款，配合唔同嘅肉類點唔同嘅醬，將肉嘅鮮味提升。左起有蒜頭、辣椒、麻油、韓式醬、韓式芥末... 真係任君選擇。Oppa店員都好helpful幫手燒野食，記得要先用肥膏開鑊呀。每份肉有4塊，肥瘦爽嫩嘅部位都有得食。鮑魚本身已醃好，燒完上碟就食得，唔洗再點醬，有彈性得黎好鬆軟，正。食緊嘅過程Oppa都密密換鐵板，燒物可以保持原汁原味。最後點左兩杯Fruit Ade結尾～～ 一流嘅服務、高質嘅食物，原來GD都嚟過！真想快啲再食韓珍😍一流嘅服務、高質嘅食物…查看更多

冇得去韓國旅行 唯有喺香港搵間正宗啲嘅韓燒 懷念一下去韓國食燒肉嘅感覺啦 今次嚟到尖沙咀嘅韓珍 佢老細係韓國人 職員係講英文同埋韓文為主嘅 平日嘅夜晚去到都好多人 睇吓Menu有咩食先 佢選擇除咗燒肉之外 亦都有一啲熟食 不過唔想諗咁多 就叫咗個拼盤叫完嘢食之後先係上咗幾款唔同嘅小菜 個人覺得蝦同埋魷魚泡菜係最好食嘅 另外都有一個沙律同埋有一個芝士蛋 通常韓國餐廳食嘢 呢啲小菜都可以追加嘅 食完之後叫老細encore左多一次呀呢個八方美人拼盤有豬牛雞仲有海鮮 一次過滿足晒四個願望呀 個店員仲有過嚟幫我哋手燒添 鮑魚本身已經有味 所以燒完就咁食唔使點任何醬都好好味 牛嗰啲呢就點少少鹽已經可以帶到佢嘅鮮味出嚟啦正宗生菜包係擺完菜 跟住擺塊肉 再點啲大醬蒜頭上去 一次過包埋嚟食 然後一啖塞哂落口 食燒肉咁熱氣 梗係要叫番杯啤酒下下火啦 叫咗一款Stella啤酒 另一個係呢個浮誇成支啤酒倒轉插喺個杯度嘅cocktail 甜甜地幾好飲呀食食吓老闆走過來同我哋傾偈 我用我嘅韓文同佢講咗幾句 佢都好surprise我可以用韓文同佢對答 好想去韓國旅行瘋狂講韓文呀 …查看更多

🇰🇷韓國人主理 親切感服務一流嘅韓燒🍖
原來之前GD來港都食呢間韓珍燒肉😳
尖沙咀有2間分店 今次去左尖東店
一入去韓國店長叔叔好親切帶位
座位好闊落 走廊又好大
仲夠位放多架車仔裝燒肉

一落完單店員會拎一堆前菜漬物比你😯
放滿半張枱 有泡菜 沙律 包肉嘅生菜🥬等
最搞笑係有個鐵鍋煎蛋🍳我仲以為送錯😂
個蛋食落仲有少少苦瓜味本身想點八色五花肉拼盤點知賣哂🥺
不過叫左個更豐富嘅燒肉拼盤!!🍖八方美人$588
當中有 牛舌, 雪花牛肉, 豬頸肉, 護心肉, 
豬頰肉, 醬油雞肉, 烤大蝦(2隻), 鮮鮑魚(2隻)肉類每樣都有4片 仲要好厚肉👍🏻
我鍾意唔醃嘅燒肉 可以食到肉既肉質同原味
呢到嘅肉食落係油脂剛好
比較有口感但又唔會有筋
雪花牛肉肉味比較濃 韓牛同和牛感覺好唔同
海鮮都係正常水準 蝦係有蝦膏的🦐由其是鮑魚好淋一啲都唔韌😋
🍖蜂窩五花腩$150超級厚嘅腩肉絕對係生酮最愛😍
可以燒到焦焦脆脆界左花嘅腩肉口感係會比較淋
.
韓國店長叔叔時不時會嚟同我地換鐵板
又教我地張燒好嘅肉放上蔬菜上面溫住👍🏻
佢仲係店內為慶祝生日嘅客人唱opera🤣
後尾同我地傾計先知佢係唱開opera!!!超勁
呢到比我一種韓國旅行感覺🇰🇷✈️
依加疫情飛唔到 都可以去食韓燒頂住先
.
📍韓珍尖沙咀麼地道帝國中心UG43號舖@_hanchamfood…查看更多

🇭🇰韓珍·好耐冇食過韓燒啦 見到呢間個四色五花肉好似好吸引咁 我哋就決定黎試下 雖然最後我哋冇嗌到🤣🤣呢一間餐廳真係超級legit 老闆同埋侍應都係韓國人 而且間舖頭至少有3-4檯都係韓國人 好似超級正宗咁😈·前菜佢前菜都幾多 有五款韓式嗰啲拌碟再加一個沙律同埋一個蛋餅😏啲前菜我覺得都幾好食 尤其係個鯷魚仔個調味幾特別 個泡菜都幾岩我胃口😎之後佢個蛋餅都幾出色 佢係薄薄咁樣一層 中間有少少芝士 食落都幾開心 同埋幾開胃🥳·八方美人$588因為我地想食海鮮所以就揀左呢個拼盤 佢超級豐富😍每樣肉都有3塊 海鮮就2隻 所以最後我地太飽無位試佢D豬腩肉😢呢度D肉無超多調味 比較原汁原味 但係重口味既我都係點左超多醬黎食🤣🤣佢個醬油雞肉好嫩 食落好好味🐤豬頸肉同豬頰肉都超出色 尤其係包住生菜同埋泡菜超正 個護心肉我自己就覺得un左少少 唔知係咪因為佢比較厚身既原因🐷雪花牛肉同牛舌都唔錯 不過個牛肉食落有少少筋 所以口感差少少🐮最後係佢D海鮮 出色到不得了🤤個鮑魚超級新鮮 口感好好 而且燒完個感覺好正 完全唔會un😍😍我男朋友話個蝦都超級出色 勁鮮甜 而且肉質好食 D蝦膏都勁鮮🦐推介大家試下佢D海鮮 真係相當唔錯 我自己覺得仲驚艷過D肉🤤🤤🤤·#rbyeat#rby韓國菜#rby尖沙咀·📍尖沙咀麼地道68號帝國中心地下高層UG43號舖📍尖沙咀寶勒巷6-8A號盈豐商業大廈1樓…查看更多

飛唔到韓國 留港都可以歎到真正韓燒事關呢間餐廳由韓國人主理老闆 侍應 食材 全部都係designed by Korea呀朱媽仲好好服務 勤力換爐網睇唔過小編手殘 仲幫手燒埋🥰🥘八方美人分量足夠2-3人 種類超豐富全部都好新鮮 尤其係海鮮 即刻想encore 🐥醬油雞肉: 醃得恰到好處 🐮牛舌: 爽嫩 一啲都唔韌 🐮雪花肥牛: 牛味重 🐷護心肉: 珍貴嘅食材 一隻豬得好少 🐷豬頸肉: 爽口 🐷豬頰肉: 脂香油潤 🦐烤大蝦: 處理得好乾淨 鮮甜彈牙 🐚鮮鮑魚: 磯燒鮑魚嘅味道👍🏻小編至愛🥘特級牛肍骨油脂分佈平均骨肉均稱 脂香軟腍🥘蛋薄餅鐵鍋熱辣辣 蛋邊香脆(P.S隨套餐附送).不得不提 前菜真係好好好好味小編忍唔住厚面皮refill左幾次但呀朱媽依然好好服務🥰…查看更多

尖沙咀東這邊人流相對少，酒店多，遊客多，一到夜晚，反而靜靜地，所有我都鍾意喺附近食飯。這家餐廳位於商場內，店內很多韓國人和外國人用餐，食飯好似置身外國一樣。餐廳提供套餐，也可以分開點，但套餐夠方便，適合我不想再煩食咩。前菜都幾有誠意，有洋蔥牛肉、青瓜、西蘭花等。還有免費烤雞蛋，很正！⭐️八方美人$588有牛舌、雪花牛肉、豬頸肉、護心肉、豬頰肉、醬油雞肉、烤大蝦和鮮鮑魚。最好食最有驚喜是醬油雞肉，因為雞肉經過醃製調味，味道更濃郁，加上雞肉很嫩，味道很好！雪花牛肉的牛肉味都好突出，牛舌薄薄一片，有咬口，正！豬肉沒有經過醃製，入口味道比較淡，但沾醬料吃也很不錯！之後就是吃蝦和鮑魚，入口新鮮，蝦肉彈牙！鮑魚軟腍，讚！⭐️韓式桃汁$20⭐️韓式梨汁$20韓燒一定要飲杯冰涼飲品，桃汁味道清香，梨汁甜度再高小小。…查看更多

今晚同朋友黎開尖沙咀, 一早已經book左位黎 韓珍 試試呢度既韓燒喇~~ 地點就係帝國中心咋, 幾方便 店面幾大 幾寬敞 ~ 但同時枱與枱之間 又有返一層層間隔, 私隱度不錯啊 環境亦都好乾淨同光猛~~ 比起舊印象中既韓燒店 呢度的確係整潔好多!! 本來我地比 八色珍味拼盤 吸引住, 點知落單個陣 員工反而recommend我地試 八方美人set 因為呢個set 除左有八色珍味拼盤有既肉類之外, 仲有埋海鮮 價錢仲平d !! 所以我地都改左叫呢個set喇 XDD set既食物黎之前, 員工就先送上前菜~ 呢度既前菜 真心好豐富同多元化!!! 包括:: 6款韓式泡菜+麻醬沙律+鐵板蛋薄餅(呢個最特別 !!) 然後 店家自製既醬汁 都有3款啊~~ 蛋薄餅用上鐵板上, 熱辣辣的, 蛋既質感亦都好香滑, 入面仲有三色椒 唔會太油, 好好味!! 另外 好鐘意呢度既泡菜!!! 因為辣度都算幾勁下!! 所以食得好過癮 每次食到覺得頂唔順既時候 就可以食返沙律菜中和下, 又或者食件蓮藕都得~ 然後好快 主角就上枱了! 八方美人 $588 係一個for 2-3人分享既 牛肉+豬肉+雞肉+海鮮套餐, 包括有:: 牛舌, 雪花牛肉, 豬頸肉, 豬護心肉, 豬頰肉, 醬油雞肉, 烤大蝦x2, 鮮鮑魚x2 牛舌 係唔太厚既厚切黎 >v< 口感不錯~~ 仲有令人滿足的油脂感呢 雪花牛肉 呢一個牛味超濃郁! 同時有返適當油脂感, 整體係好正!!! 醬油雞肉 提提大家, 雞肉係一條條咁上既 燒到咁上下就要剪開佢黎燒先燒得平均同快熟好多啊~ 同朋友一致覺得雞肉醃得好入味 好出色 另外細細粒咁燒, 令到外圍好香脆, 係非常值得推介的一款呢 豬頸肉 正常質素, 不過不失 豬護心 呢個部位係屬於有口感的一款, 而唔係走軟腍路線 如果鐘意食比較軟腍口感既朋友 就未必會鐘意呢一款啊豬頰肉 竟然有少少一咬即化feel呢! 不過就略嫌少少乾身, 覺得豬頸肉比較好食~ 大蝦 好容易就燒得好香喇!! 肉質亦都夠彈牙, 幾好~~ 唔好放過拌碟既 雞脾菇 呀!! 剪開佢地黎燒, 一樣好好食! 鮑魚 本身對於鮑魚無乜特別期望, 但一食竟然有驚喜 (btw大家燒鮑魚個陣要專心d ... 我同朋友燒得太耐 後來可能因為個殼有少少水份既關係, 成件鮑魚突然自己飛脫左出黎!! 所以大家要小心留意住唔好燒得過耐呀... 有需要亦可以搵店內職員幫手, 佢地都好樂意的) 原來鮑魚本身有被璣燒過呢, 所以食入口甜甜地的 好好味!! 明明2個人食咁多就已經好飽... 但為食既我地 見到menu上既蛋卷又心郁郁 最後都係叫埋... 最最最後都係食唔晒 要打包拎走 LOL 長韓式雞蛋卷$158 足足有成50cm長!!! 寫就寫係二人份, 但係我同朋友都覺得起碼要3個人先會食得晒! 呢個蛋卷好特別 因為入面既餡料竟然係高麗菜黎架 !! 另外仲有d蟹籽同香蔥 ~ 所以雖然好大份 但食落都唔覺好膩既 ~~ 而且今餐食左咁多肉 呢份咁多菜就正好中和返 蛋卷面頭係沙律醬同木魚絲啊~ 覺得沙律醬可以再多d !! 最後 想讚一讚呢度既員工 佢地都幾主動會幫下客人 特別係見到某d肉 我地唔係好知要點燒既時候 佢地會自動過左黎幫手 不過佢地唔識講中文, 大家可以用英文/韓文/做手勢 同佢地溝通呢~ (唔使怕 佢地都好醒目 好快會知你有咩需要喔) 整體食物質素不錯, 係會回頭的一間韓燒店…查看更多