俺流塩らーめん (新都會廣場)

營業中

休息中

今次為大家介紹埸這間葵芳是機緣巧合之下前往的，在附近工作完又不想到葵廣企着吃午膳，誰不知到了新都會廣場，卻十分多人在等不同餐廳，眼看這間排隊人數較少，就等了5分鐘進去。日本當地也有這間拉麵，絕對是過江龍。這間的圖文都十分吻合，跟餐牌很貼近不是一般圖片只供參考。我選了俺流男盛拉麵$89，吃拉麵一般怕麵較硬，有炸雞及叉燒👍🏻炸雞十分香口，炸粉不會過多，這間拉麵舖更是全隻溏心蛋，而不是半隻，所以吃起來非常滋味，還有叉燒也算是厚切的吃起來不算油膩，整體而言不錯。朋友選的俺流柚子拉麵，送上來已經柚子味撲鼻清香，令人倍感食慾，賣相相對就少了一些顏色，不過湯底不錯。份量比男盛少但只需$73午飯時間飲品沒有加配略嫌失色。

見啲間拉麵店甘多人排隊，一心嘗試食下睇下有幾好味點知真係好驚喜……但只係失望個種驚喜…..成碗拉麵白雪雪，有啲圖文不符🙂Never mind …食左先講….點知.豚肉盛盒拉麵🍜 - 拉麵有鹼水味，已經扣哂分…..豚肉一啲軟林，一啲口感偏硬😅個湯都有少少豬骨湯味….俺流男盛拉麵🍜 - 基本上同豚肉盛盒拉麵無異，唯一有驚喜嘅係雞肉味道都可以，口感ok🙂.雖然拉麵店係商場，但店內位置唔通風，成餐飯都算係焗住甘食🙃如果想試啲間拉麵店嘅朋友仔，建議坐近外邊位置比較好🙂

假日商場內很多間餐廳也要排隊，但未必和美食掛鈎。拉麵可按個人口感選軟，硬和普通，看似以客為本；但卻失了日式拉麵的本色。日本每一間拉麵店也代表每一位師傅的特色。以份量而言，尚算合格，拉麵口感不過不失，沒有太大驚喜。可自選不同醬料，調較個人口味也算有點特色。溏心蛋咬開有流心，雞肉滑嫩，湯有點柚子味。點餐紙更可選擇要或不要一些配料如：葱和筍；簡化流程，值得一讚。雞翼外皮煎得不夠脆，幸好餡料算入味。什麼是俺流，真是不得而知。以一般餃子評價，底部有點脆，頂部又沒有過硬；配上醋也算惹味。一口一餃子，方便食用。原本此鰻魚飯應該有三星，雖然汁少了點。可惜不知廚師加了什麼調味粉在配菜上，令舌頭有點麻；味道和鰻魚汁格格不入。如果這是俺流特色，真不知道有多少人會欣賞。這肯定是我一生中食過最不合口味，或者應該說是最難食的饅魚飯。

今晚又同豬豬黎到葵芳新都會 , 本來想食韓燒 , 但門口排緊隊 仲要等左陣都無一個侍應出黎門口招呼 派籌 , 咁唯有食其他野啦轉身離開韓燒店門口 就見到 哩間拉麵店疫情之前 , 此店日日都大排長龍 , 都無機會試今日見完全唔洗排隊 (因為就收鋪既關係) , 所以就入去試試啦一入門 , 侍應話收21:30 , 我們只有大約45min用餐時間 , 時間都OK既睇睇Meau , 餐牌唔算特別多野揀 台面有三款特式醬料 , 可以試下味我地2個人叫左#03 黑蒜油熟成濃湯拉麵#08 俺流男盛拉麵#57 大阪燒餃子（6件）哩度既拉麵可以俾你選擇 軟硬度 , 多蔥走蔥 , 多荀走荀 , 小油多油都得.拉麵黎講 , 算幾好食 , 基本配流心蛋1隻 , 湯底夠味 , 但食到底會覺得咸麵量都多 , 特別要讚下哩度既叉燒 , 係厚切 , 而且好淋又香口有烤似味大阪燒餃子 : 好味 又特別 , 唔係度度都有得食 , 可以一試因為就收鋪既關係 , 侍應都等住收工 , 唔會自動加水 , 而且客人未走就開始拖地 , 有點被催促既感覺 及 有欠衛生2人埋單 $236 , 性價比高

weekend晚飯時間，度度都排長龍，見呢間條龍比較短於是決定排呢間拉麵店。兩個人排咗15分鐘倒就有位了。排緊隊果陣已經比定menu我地睇，一坐低就落得單。我地叫咗基本嘅俺流塩湯拉麵，同一碗豐富嘅俺流男盛拉麵！幾特別嘅係佢有唔同嘅醬，仲建議你唔同嘅拉麵可以落唔同嘅醬去增添風味，我落咗黑蒜油湯底味道不過不失，覺得可以有更好嘅選擇，下次會想試下個撈麵，好似幾得意！另外覺得好可惜嘅係果碗好豐富嘅男盛拉麵入面有兩舊炸雞，放係湯度淋晒.......

今日同媽咪出荃灣拜山，本身媽咪想食味千（佢係忠實fans😂，好難迫到佢食其他拉麵)。但因為巴士係葵芳站落，所以就係番呢頭搵野食。係新都會行左陣街，睇水牌見到呢間鋪係日文名，就諗應該都有拉麵食，所以就決定食呢間。午市黎講都唔算等好耐，等兩三張檯就有。等入座既同時，侍應會比menu同order紙我地睇定、剔定要食啲咩。佢地既拉麵都有十零款可以揀，麵質、蔥、筍都可以選擇，但就唯獨得男盛拉麵可以揀熟成／辣塩湯。入座之後，第一眼就留意到檯面啲調味料🤔。除左有一般既辣油、胡椒粉個啲，最特別係有三樽野，分別係黑蒜油、梅子醬同柚子胡椒。我估係要黎加落湯到，等湯底既味濃啲，所以我加左最大路既黑蒜。另外試左少少個柚子胡椒，覺得太鹽，都係乖乖地食番黑蒜油🤣。媽咪嗌左「黑蒜熟成濃湯拉麵」，我就揀左「俺流男盛拉麵」，因為見佢最多料。湯底好香濃，麵都好彈牙🍜。最感動既係溏心蛋係一隻，唔係半隻🤩，平時啲拉麵都係得半隻。至於啲叉燒都ok，不過我本身就麻麻地叉燒，唔鐘意食到肥肉。碗麵仲有兩大舊炸雞，真係好大塊。啲色有啲淺，唔太似唐揚炸雞。不過因為上菜個陣直接浸左落湯到，個皮已經唔脆😭，啲雞另上會好啲！整體黎講係中上水平

這店舖在葵芳開業有一段時間，但每日午飯及晚飯時段都現人龍，今晚七時半左右到，只是排了10分鐘左右便有枱，枱與枱之間排放緊密，坐得不算舒服，食物質素不錯，湯底味道濃厚，麵質可自由選擇軟硬度，叉燒厚厚的一片，比其他日本拉麵的薄切叉燒來得更有口感，溫泉軟滑溏心，一口咬落蛋汁立即溢出，平均$80一碗，可算抵食。食完一碗麵已經非常飽，點了的海鮮野菜餅已吃不下想打包走，但店員表示因店家並不設有外賣，所以沒有提供外賣盒，膠袋或紙袋一律欠奉為免浪費唯有撐下去！

平日夜晚行經呢間拉麵店見到都多人等緊就去試下 我地分別嗌左三個拉麵俺流男盛拉麵、辛辣熟成濃湯拉麵、俺流塩湯拉麵，另外再嗌左兩樣小食：明太子芝士燒餃子同日式胡麻雞肉沙律明太子芝士燒餃子好快就到、但好咸、餃子係軟身 我諗普通煎餃會好食d食完其他野食都陸續上沙律係芝麻醬 雞肉唔錯 但唔知點解食到最底 又係好咸拉麵方面首先食左俺流塩湯拉麵、因為係最淡個個，佢既湯係清清既雞湯、拉麵就正正常常不過不失之後就食辛辣熟成濃湯拉麵，佢只係有少少辣味，拉麵既硬度簡左適中，但食落係有少少腍，呢個麵都係好普通最後就食俺流男盛拉麵，有一粒糖心蛋、兩舊炸雞、兩塊肉。圖片明明係糖心蛋食個陣變左流心蛋可惜我唔食流心蛋炸雞一上個陣已經食左，但件雞已經腍左lu呢個拉麵煮到岩岩好、不過個湯愈食愈咸最後都係覺得俺流塩湯拉麵好食d 無咁咸但整體黎講都麻麻 應該唔會再食

個人比較喜歡吃辣味湯底的拉麵，午飯時間十二點多到這裡人不多不用排隊。不過這裡的環境比較開揚，店舖有個區域與兩座扶手電梯共享位置，因此有些食客坐的位置是正好在扶手電梯的底下，可能會有點侷促感。而有些位置就正好在扶手電梯扶手位置的旁邊，周邊食客都會在來往的行人視線範圍內。儘管如此，這裡的拉麵個人覺得很不錯，湯底味道辛辣味不會重口味，吃叉燒會沾上放在桌面的梅子醬/柚子醬，喜歡軟拉麵。麵的份量剛剛好，而且點餐和上食物的時間都很迅速。已經來了好幾次了，附近的朋友想吃拉麵首選這家。

之前行過葵芳呢個商場見到一間好奇特嘅店鋪，係一間電梯底下面嘅拉麵店，特別在於好迫但係出面又有好多人等位。呢間又係日本開過嚟嘅拉麵店，香港人見到日本過嚟開嘅店都總係會湊熱鬧去試，既然咁多人排隊，試下都無壞嘅！平日嘅8點幾嚟到都仲有一條小小嘅人龍，大約等左3個字左右就有位。排緊隊嘅時候侍應已經俾定餐牌同order紙俾人落定單先。叫左俺流男盛拉麵、黑蒜熟成濃湯拉麵同埋柚子椰菜。柚子椰菜我覺得鹹左少少，叫碟菜都係想清番d調味料可以輕手少少。俺流盛男拉麵除左叉燒同蛋之外仲加左兩件炸雞。我諗因為係增量版所以預左係俾男人食掛，待應問都無問就擺低俾男人 =.=但係其實係我叫嘅。湯底比起黑蒜油濃湯拉麵清，麵質我揀左普通，食到尾就覺得太淋。至於舊炸雞，我覺得唔放入麵度可能會好少少。炸雞上枱嘅時候已經浸左一半淋晒喇！黑蒜油湯底比較濃，我自己就鍾意淡味d，所以我鍾意盛男拉麵個湯底多d！雖然拉麵味道都過得去，不過呢度嘅座位真係好迫下。最差嘅位係之前有食家坐過近扶手電梯附近嘅位，一開始本來都係安排我坐呢個位，真係名符其實嘅握手位。最後見到一張大枱有位要搭枱都即刻涉過去啦。呢個價位嘅拉麵，我諗個位其實可以唔洗咁迫.