東歐餐廳

餐廳東歐風情很濃厚餐牌選了番茄汁招牌芝士酥皮焗牛脷 Hot starter中特別又吸引人的菜式 不加思索就選擇它了它比兩個主菜晚幾分鐘送上 猜想應上要焗熱的關係吧那酥皮蓋在上枱時揭開而露出芝士與牛脷粒酥皮是偏硬的質地 但沾點芝士汁果然濃郁美味牛脷粒剛好是一口的大小方便進食 質感軟腍夠綿牛味香濃 加上滑滑的芝士汁添加鹹香的味道芝士汁其實是表面有半融芝士而下方是忌廉汁 倒上意粉也不錯 濕稔感更高份量意外的多 吃極還有的感覺 比主菜驚喜俄式焗兔肉 四大塊兔肉壓著了一堆拌在忌廉醬汁中意粉以小石鍋的呈盤方式特別又有特色 而且熱騰騰的感覺誘人卷起一球意粉作第一口 味道略能保留彈牙感而不過粉忌廉汁鮮味不稠 偏於清爽的感覺 實在的掛上意粉感覺不錯兔肉方面連皮帶骨的焗製 撒上香草後顏色更漂亮兔肉質感似騷香的雞腿 味道香濃但肉質未太嫩滑油膩感適中 不失為一個值得一試的新菜式俄國炆羊肩 一條粗大的羊肩肉與大塊薯仔和蔬菜一起炆煮羊肉呈粉色色 不能起肉 不過肉質未算太幼嫩腍身唔重羊肉獨有的騷味 不過倒應該適中平常怕騷的人羊肉不太夠入味 反而蔬菜比較軟腍多汁頗美味尤其薯仔夠腍又是更大的幾塊 很飽肚整體食物份量好大會好飽肚餐廳環境就好有俄國氣氛 橙色略暗的燈光充滿特色…查看更多

朋友知我喜歡搜羅特色美食，記得早前在某電視節目內看到中環有間東歐餐廳，食材夠晒特別. . . 又有魚子醬又有鹿肉及兔肉，還有不少少見有的菜式，聽到後當然二話不說，立即約個時間來個東歐小聚踏過餐廳的門檻，有如踏過了邊境，跟街外的感覺完全不同，暗暗的環境加上一個個半圓拱門，亦有點走進山洞的感覺。場內雖然不算太大，但各樣的佈置及擺設也甚有心思，餐廳較入位置還有一張L形大梳化，剛好自成一角，還帶點住家的親切感餐廳除了菜式夠特別之外，酒品同樣著名，餐廳內有一個小小的酒吧位置外，再看看近門口位於,何解會有一件大褸呢?其實店方除有供應Cocktail及果味啤酒外，還有Vodka及Whisky等烈酒，客人還可走到冰窖感受天寒地凍下來一杯烈酒的感覺，不過由於小妹酒量太淺還是試一下只有4.5% VOL的果味酒算了Kiss cider strawberry $69[分數:7.5/10]雖說是啤酒但感覺似是汽水多於酒類，酒色浪漫，果然令人聯想起「kiss」呢～入口帶微甜，但沒有汽水的膩感，還帶有淡淡士多啤梨的清香，然而酒味不算太濃，更沒有苦澀感，相當適合愛甜的女生們呢醃三文魚,魚子醬沙律 $78[分數:8.5/10]先來個頭盤沙律，看到這種的魚子醬類別蠻多的，不過大多價錢不斐，幸好找到一款便宜點但也有加添少量魚子醬在內的醃三文魚沙律一試！沙律份量也不算太少，有四大片醃三文魚、麵包脆粒、大量的沙律菜、香草及最矜貴的魚子醃三文魚,魚子醬沙律 $78急不及待地取點魚子醬一試，黏度較一般所吃的高，入口充滿了鹹鮮，配上沙律菜中和一下就最好了。而醃三文魚則切得較厚，味道跟煙三文魚沒太大分別，但鹹度稍為高一點，肉質亦比較實一點。至於麵包脆粒及沙律則同樣好吃～麵包夠脆，沙律夠新鮮～非常不錯什錦冷肉拼盤 $98[分數:7.5/10]由於想多試幾款食品所以前菜方面就稍為多點兩款，當中兩款還要是集多款食品於一身的拼盤，什錦冷肉拼盤 內共有4個款式，有自製腩肉、牛舌、火腿及煙燻香腸，每款各有4-5件，適合多人分享~以下就按本人的喜好由高至低介紹吧什錦冷肉拼盤 - 牛舌[分數:8.5/10]一向以為外籍人士都不太愛內臟或牛舌豬舌這類食品，所以即使有供應這類食品理應不太好吃，然而厚切的牛舌竟煮得腍腍的，沒有添加太多調味品，能清楚吃到原始的舌香，相當不錯什錦冷肉拼盤 - 煙燻香腸[分數:8/10]第2款好吃的就是煙燻香腸，香腸較有口感，帶有陣陣煙燻過的香味，鹹度不會過高，香口非常什錦冷肉拼盤 - 火腿[分數:7.5/10]火腿就相對普通一點，帶少許口感，感覺不會爛爛的，比較實在，鹹度同樣不會太高，若果略嫌味道較淡，還可加點味道有點似芥末的紅色配料同吃什錦冷肉拼盤 - 腩肉[分數:7/10]沒想過東歐菜會出現類似腩肉的東西，肉色有如味道，同是淡淡的，脂肪一層一層的，不算太多，但肉質就比較粗糙了什錦芝士拼盤 $98[分數:8/10]另一款是什錦芝士拼盤，拼盤內共有4款芝士，感覺份量太多了，不竟是芝士，多吃過是蠻膩的，幸好店方有提供一小碟蜜糖可沾著吃，能消去一點膩感外味道不會太過單調之餘，還能中和了一點鹹度。4款芝士當中，我最愛的還是煙燻芝士，口感軟硬適中，質感順滑，淡淡的煙燻香配上芝士香，味道教一般的芝士豐富多了招牌芝士焗牛脷盅 $ 78[分數:9/10]在多款特色食品當中，我最愛的絕對是「招牌芝士焗牛脷盅」，盅面上是大大塊的酥皮，酥皮就像一頂圓圓的帽子覆蓋在芝士牛脷的上方。帽子輕易就能打開，揭開後~哇~內裹是滿滿的芝士溶，牛舌就被芝士溶完全覆蓋著，邪惡程度絕對爆燈招牌芝士焗牛脷盅 $ 78先試試這層酥皮，跟一般酥皮湯那塊有明顯的分別，質感較硬，有點像脆身的薄餅皮，雖然少了鬆化感，但同時少了一份膩感，即使沾上芝士同吃亦不會過膩。至於牛舌粒入口同樣軟綿綿的，表面掛上一層芝士汁，所以芝士味相當濃烈，由於芝士味只停留於表面，所以內裡就只餘下牛舌香，感覺甚佳俄式焗兔肉 $178[分數:7./10]由於有朋友曾在內地讀書，對兔肉經巳見怪不怪，但對於人生首次吃兔肉鬼我，實在有點忐忑，感覺有點殘忍但又想要一試。兔肉以石窩形式送來，兔肉比想像中的大件，而且份量蠻多的，底下還有大量的意粉作伴，加上石窩喳～喳～的聲響，份外吸引俄式焗兔肉 $178先試一口兔肉，還以為小小的兔子肉質會嫩滑非常，但原來味道跟雞肉有幾份相似，但質感又有點像豬肉，只有部分帶脂肪的位置才相對嫩滑，有點失望，幸運的是兔肉不帶騷味，沒有想像中的恐怖。至於底下的意粉，味道反而較淡，而且水份吸多了，變得過淋了。雖然味道一般，但總算是個新嘗試吧！..東歐餐廳 (中環)中環閣麟街46-48號地下∼∼∼∼∼∼∼∼∼∼∼∼∼∼∼總消費：$ 740味道：7.5/10環境：8/10服務：7.5/10衛生：7/10抵食：7/10…查看更多

網上無聊搵下有咩好野食個陣，見到呢間野做緊折扣優惠，於是禁入去睇下，首先見到d環境幾吸引同特別，而且烏克蘭俄羅斯野，我又未試過，睇過餐牌後，更加想試下，因為未試過鹿肉、兔肉，於是約齊人去網上預約呢間餐廳，滿足我既好奇心。我地一共四人，食左1千多，叫左d啤酒同汽水，折左百幾蚊左右。6. 什錦冷肉拼盤 $98【個醬都幾特別既，加左好似增添幾分美味，唔加既話，就超普通】23. 家鄉煙肉馬豆湯 $50【見到有人推介呢個湯，而且個名幾特別，於是試下，比想像中美味，推介！】27. 俄國牛羊肉湯 $6541. 俄國焗蘑菇 $68【我地4個人，但個類似厚多士既野得3塊……】67. 俄式焗兔肉 $178【兔肉"好林"，有好多幼骨，底下係意粉、再底下係層油油油】76, 烏克蘭烤牛扒 $198【要左四成熟】79. 俄國宮廷焙鹿肉 $198【d飯好入味，仲有d蘑菇】88. 基輔炸雲尼拿雲糕 $59首先，我地去到門口見到，其實都唔洗訂位，因為眼見都有幾張空枱，不過訂左好d既，唔洗等。門口冇人招待，企左陣先有人行過黎，於是我就比我既book位短訊佢睇，佢睇完之後，就同我地講話入面冇4人位啦，叫我地坐出面，於是我地4人係唯一一枱坐出面既，坐出面有好有壞既，好既就方便傾計，空間好似比我地擺晒咁，壞既係點餐時要叫多幾聲，甚至聽唔到。 上菜、收野都快。叫菜個陣用英文讀No.本身我滿心歡喜以為可以入下雪房影下相，點知見到個餐牌寫住，要入去，最低消費一杯酒，我又唔飲既……但影響不了我要試兔、鹿既興奮，試過後，都冇咩大不了，就覺得試過就ok。我地4個差唔多係最後走既客人，唔計雪房內，我見到老闆都好好招呼，對其他客人，又幫對情侶用佢地既心型椅子拍照，但唔知係咪熟客定初次黎既客人，總之就對其他客人好好招呼啦！我地就食完比完錢就88 lu~~~不過我幾欣賞佢既餐牌、內在環境，幾有氣氛，偶然黎下都ok既，野食又唔會太貴，係飲品貴左d，水都唔會免費比杯你。…查看更多

6月5日, 菲菲比比129週月快樂! 又到咗食大餐嘅時間~ 今次揀嘅係位於中環soho充滿俄羅斯特色嘅東歐菜館Ivan the Kozak! 因為之前食過, 對餐廳充滿俄國風情嘅環境印象好深刻, 早前見到佢推出$138包頭盤、湯、主菜、甜品嘅團體餐, 就二話不說買咗喇! 是夜平日餐廳只有一、兩枱客, 基本上全間餐廳任我地坐, 我地就揀咗個比較闊落又有d裝飾嘅四人枱坐低~::: 烏克蘭正宗羅宋湯 ::: 未去過烏克蘭, 唔知正宗嘅羅宋湯應該係點, 但呢個羅宋湯同平時飲開嘅絕對唔同~ 湯中嘅蔬菜全部都切成幼絲, 茄味唔算突出, 肉味亦較淡, 整體味道較酸, 但無一般羅宋湯咁多油. 因為之後嘅頭盤同主菜都係啖啖肉加濃重醬汁… 呢個湯清清地當係開胃菜確係唔錯~::: 俄國煙肉馬豆湯 :::呢個湯個味道會同羅宋湯有個大對比, 味道比較甜d, 亦都因為加咗煙肉, 所以亦有一陣鹹味~ 一路飲會有d肉呀, 豆茸咁, 都有口感, 唔錯~::: 招牌芝士焗牛脷+ 俄國焗蘑菇 + 三文魚子醬 ::: 團購餐包每人一客三文魚子醬, 另外再自選兩款頭盤, 我就揀咗招牌芝士焗牛脷+ 俄國焗蘑菇. 三文魚子醬以crepe包裹, 伴以少許蔥粒碎蛋沙律同食. 味道其實同平時食日本野嘅三文魚子差唔多, 都係鹹鹹腥腥, 不過配埋沙律同crepe食又幾得意.芝士焗牛脷係一pat野咁, 賣相十分求其… 但味道其實不錯~ 牛脷雖然牛味不足, 但質地夠軟腍, 配上濃香芝士好惹味!俄國焗蘑菇其實都係一pat忌廉蘑菇, 配多士同食~ creamy蘑菇加脆口多士口感同味道都好夾~ 好味!::: 豬腩肉冷盤 + 烏克蘭香煎薯餅 + 三文魚子醬 ::: 豬腩肉冷盤有三片薄切肉, 由於係薄片加上係凍食, 基本上豬味已經係無乜, 好在亦食唔出腩肉嘅肥膩感. 奉上德國麵包一片同酸瓜條, 原意應該都係減輕腩肉嘅肥膩感, 但因為本身個肉都唔覺好肥, 麵包又頗乾, 所以兩樣野夾埋又凍又乾, 酸瓜亦無乜作為.烏克蘭香煎薯餅已經唔熱, 仲頗油膩. 薯餅外皮已經淋咗… 咬落亦食唔都一絲絲嘅薯肉, 反而變為一patpat… 薯仔味道係香甜嘅~ 但因為太油, 再撈埋d酸乳酪醬… 感覺就係膩… ::: 俄式焗兔肉 :::印象中無認真食過兔肉, 所以主菜之一就揀咗要一客俄式焗兔肉試下~ 呢碟兔肉都相當之大對頭, 大大件起碼有半隻兔仔嘅份量! 兔肉連骨架原件上碟, 除咗胸位之外又有脾位, 而且可以輕易同骨架分開,肉質都頗嫩滑, 不論賣相以至肉質其實都好似雞肉咁~ 醬汁係由大量蔬菜絲加白醬煮成, 忌廉味中滲出淡淡蔬菜甜味, 同兔肉亦頗夾! 之不過份量實在太多, 加上醬汁又太濃膩… 再食埋d配菜等真係十分十分飽!::: 焗蘋果鴨胸 ::: 記得之前食過焗蘋果鴨胸係原盅上嘅, 十分之有特色, 亦算係呢度嘅招牌菜之一~ 不過今晚呢味蘋果鴨胸就改用碟上, 風味大減, 亦難以分辨邊d係鴨胸邊d係蘋果… 鴨胸切成一件件, 但由於蘋果醬汁味道太濃, 鴨肉味亦被掩蓋不少. 蘋果醬汁甜中帶酸, 蘋果粒亦煮得粉粉腍腍, 唔係唔好食, 不過唔係我地杯茶啫~::: 俄國蘋果肉桂薄餅 ::: 其實食完主菜已經好飽好飽! 好彩呢個蘋果肉桂薄餅都唔算太大件… 整體唔會太甜, 亦唔會好膩~ 唔錯.::: 雪糕 :::雪糕就係普通貨色~ 加d朱古力醬咁囉…::: 捷克啤酒 ::: $55雖然唔係成日飲啤酒, 最主要呢個生啤嘅味道好富麥味, 苦味比較多~::: Peach Beer ::: $40食歐洲菜經常都有d唔同味道嘅果味氣酒飲, 最常見嘅都係apple cider之類嘅野, 今晚就試咗個蜜桃啤酒~ 蜜桃味好香甜, 令酒變得好易入口, 好好飲!餐廳位置係有d隱蔽, 不過因為之前都曾經去過, 所以都唔算難搵, 反而一開頭上錯樓梯行咗去餐廳酒吧嗰層… 而其實餐廳入口係喺地下. 雖然是夜人客唔多, 但其實侍應亦只係得兩三個, 所以服務係比較慢… 其中一個唔係好熟手嘅女仔仲要無落單, 搞到我地等咗成半粒鐘先有得食! 其實服務質素未夠殷勤, 但態度係好嘅~ 期間都有主動問下我地d野啱唔啱食, 亦都好落意幫我地影相! 總括而言, 論環境氣氛呢度係有嘅~ 食物呢, 就可能要食番d正常menu先知係咪夠正宗. 有機會都會再嚟試~ 不過今次個團購餐就只係值個ok啫!…查看更多

當晚小弟生日女友請食飯，為了給我驚喜一切由她安排，事前我是完全不知道要去哪裡吃甚麼的，後來到步後才知是一間名叫 Ivan The Kozak 的東歐 / 俄羅斯小酒館。說起俄羅斯菜，之前我只去過尖沙咀諾士佛臺的 Balalaika，覺得很不錯，很喜歡那裡的食物酒水環境氣氛，所以前後起碼光顧過五、六次。但今次第一次來到 SoHo 附近的 Ivan The Kozah，一進門即被那明顯經過細心佈置的 exotic bistro ambience 所深深吸引，連我女友都發覺我十分雀躍，直頭係未開波先興奮。現場所見，幾位笑容可掬的 waitresses 均為老外，聞說大廚亦是地道東歐人士。這裡亦和 Balalaika 一樣有零度以下的 Ice Room 供你暢飲 Vodka。打開餐牌，除了有各種不同的 Vodka 外，發現還有一系列市面罕見的東歐紅白餐酒。二話不說先來一枝匈牙利的 dry red，香氣不俗。我們點了一個頭盤及三個 Main Courses，分別係芝士焗牛利盅、俄國傳統炆牛肝、俄式焗兔肉、俄國宮廷炆鹿肉 (見圖)。賣相精美，食味一流，比起 Balalaika 絕對有過之而無不及! 最抵讚係食物及酒水價錢均比 Balalaika 便宜。"內臟魔" 如我強烈推介那口感細膩的炆牛肝。中場過後再點了一枝格魯吉亞 (Georgian) 的 semi-sweet red，果香濃郁。此酒號稱當年史太林 (Stalin) 日日都飲，孰實與否雖不得而知但已令我覺得它 (突然變得) 很 grand 臨行前好客的老闆 Ivan 見我們之前飲得開懷，還邀請我們入雪房免費來一 round Vodka 呢! 細談之下 (其實我就快凍僵) 發覺我們真有緣, 原來老闆 Ivan 和他太太以及小弟和我女友全部都是三月之星 Conclusion:小店 (instead of 大財團如 King Parrot 經營的系列餐廳) 就是有這種窩心的感覺。All hands down & two thumbs up. Highly recommended.…查看更多