好燒式串燒專門店 (砵蘭街)

今日難得跟朋友出來飲酒收工鬆一鬆，梗係要食番少少串燒墊下個肚先，平時成日排長龍，我地一於都試一試！鹽燒牛舌芯/燒雞胸軟骨串（2串）/西班牙黑毛豬/冬菇/雞髀菇牛舌芯好好食，大大塊勁厚切好有口感，而且每一塊油脂分佈均勻，超香濃牛味，爽口彈牙，配上鹽燒吊味，必食！雞胸軟骨好少機會食，依度燒到金黃色，軟骨十分脆口，特別之處係佢連少住許雞肉真係補充骨膠原兼蛋白質之選！西班牙黑毛豬名不虛傳，豬味十分濃郁，油脂比例合適，師傅手勢好好，燒到滲油但不會燒焦。冬菇非常多汁，外層十分乾身，令胡椒味十分突出，冬菇新鮮爽彈，抵食之選！雞髀菇菇外層乾身，撲滿孜然粉，爽彈之餘仲好有菇香味！ 牛油栗米（原條開二）/秋葵/串燒豆腐栗米粒粒鮮甜多汁，搽上牛油好好食！栗米要燒得好食實在唔易，有時內裡未熟會硬骨骨同埋好乾，但餐廳燒得十分好，仲要大大條保證食得過癮！秋葵每一條都好新鮮多汁，脆身之餘唔會有太多黏液，貴為健康之選！串燒豆腐外脆內軟，豆味濃郁，灑上少少胡椒粉好惹味！雞腎串/厚燒玉子/泰國露筍/鹽燒白鱔雞腎串撲上少許孜然粉好好食，肉質爽口彈牙，每一顆都大大顆，師傅燒得一點都不馬虎，外面少少焦香脆口，內裡剛剛熟還保留了好多汁。厚燒玉子甜甜地中和了肉類嘅鹹味，雞蛋好軟熟又有蛋香，金黃色好吸引！泰國露筍嫩口無渣，每一條都翠綠色好多汁，仲帶少少甜味。鹽燒白鱔係燒烤必食之一，好喜歡皮脆肉嫩，白鱔好新鮮彈牙，又厚肉，師傅好細心挑晒骨，保證食得過癮！ 蒜蓉燒茄子（原條）茄子燒得好軟熟，肉質鮮甜，蒜蓉味濃，鋪滿成條茄子，老闆好大方，俾左條特大嘅我地過癮，而且上碟熱辣辣，食得好滋味！ 低溫去骨燒乳鴿首先，擺盤一流，即使去骨仍見到原隻乳鴿，慢煮後肉質鮮嫩，有點點煙燻嘅香氣，乳鴿無骨真係啱晒唔鍾意整污糟手指嘅大家！呢個真係大驚喜，必推！ 墨西哥薄餅芝士雞肉薄餅煎到好脆，但內裡幾煙韌，餡料有三色椒，所以會有少少辣，芝士味都好濃郁，會有拉絲嘅效果，整體十分開胃嘅小食。 ~~~~~~~好燒式串燒專門店 (砵蘭街)  砵蘭街110號地舖推介菜式：鹽燒牛舌芯、鹽燒白鱔、雞腎串👍出色味道👍地點方便👍環境熱鬧…查看更多

是日較夜找吃的，找到這家於砵蘭街開得較夜的串燒店。餐牌選擇頗豐富，既有肉類蔬菜又有不少海鮮選擇，還有一些主食及較飽肚之選。和友人相當餓下肉類蔬菜海鮮都選了一些試試，辣度選了小辣，另點了串燒必備啤酒。蒜蓉燒茄子: 個人吃串燒必定會點茄子，且要原條上！茄子軟淋，上面舖滿蒜蓉、辣粉、孜然粉及蔥花，非常惹味，讓人一口接一口停不了。雞全翼: 另一串燒必點雞全翼，雞翼大大隻脹卜卜，咬下皮脆得卡擦一聲，內𥚃仍然肉汁滿滿，很高質。燒雞胸軟骨: 比起普通雞軟骨更喜歡雞胸軟骨，更大條更爽脆又沒有雞軟骨外層的肥膏，且會連著一點雞胸肉，更香更好吃。一份更有2串，非常抵食。燒鴨舌: 初次見串燒店有鴨舌，原來鴨舌也很適合燒。鴨舌滷得相當入味，而且鴨舌取的位置較多，像台灣鴨舌般可吃到完整一條舌，也貼心剪去了後方的小幼長骨，送酒一流。燒牛舌: 一串5件厚切牛舌，牛舌已煮至軟淋，表面焦脆，不錯。串燒豆腐: 豆腐大大件且燒得每面都香脆，有豆香，表面搽上了一點蜜糖，令表面更焦脆而帶點香甜味，再加點辣粉，很是滋味。燒馬友魚: 海鮮選了馬友魚，$148大大條。特別喜歡馬友夠肥美且魚肉軟滑骨又少，魚皮燒得乾身香脆，可大片夾下吃很爽快，店家燒魚功力相當不錯。沾上一點店家附上的泰式風味醬，更惹味提鮮，友人都不斷大讚岀色。秋葵: 秋葵新鮮大條，條條飽滿無渣爽脆，不錯。娃娃菜: 輕輕烤過但仍然相當多汁及保留了菜的甜味，挺好。韮菜: 量很多，韮菜夠濃味確實適合用作串燒，夠惹味。墨西哥薄餅(芝士雞肉): 主食點了墨西哥薄餅一試。薄餅一夾起芝士已拉絲，內裡夾著大量芝士、雞肉及墨西哥辣椒，作為芝士控很滿意。整體食物高質且選擇甚多，食材新鮮以及價錢實惠，值得encore。…查看更多

收工同啲同事周圍搵食 估唔到就嚟打風呢間串燒舖都仲有開上到枱先發現原來整體質素都唔錯❣️ 蒜蓉燒茄子(原條) $40燒到豉油蒜蓉味入晒去 而且面頭搽滿蒜蓉 相當足料 啖啖juicy🍆❣️墨西哥薄餅芝士雞肉 $52呢個係獨家研發 墨西哥薄餅包住黃椒紅椒仲有芝士雞肉同洋蔥🧅微甜加上濃濃嘅芝士香 仲要即燒 淨係賣相都勁吸引❣️煙肉露筍卷 $22鹹香煙肉🥓包住多汁嘅蘆筍 香濃爽口❣️燒雞胸軟骨串(2串) $40脆卜卜嘅口感牙痕啱晒 而且油脂極低 減肥人士都可以過下癮❣️鹽燒白鱔 $49燒過嘅白鱔肥而不膩 軟而酥香 薄薄地嘅鹽粒增添風味 唔會太過死鹹🐟❣️鹽燒牛舌串 $30塊塊都係厚切煙靭有𡁻口輕輕燒過溫度啱啱好❣️厚燒玉子 $24最新產品十分彈牙 冇加過多嘅調味料 食返最原始嘅🥚香❣️菠蘿 $20BBQ必嗌 熱辣辣嘅火焰🔥將菠蘿水份迫晒出嚟 鮮甜juicy❣️翠玉瓜 $32爽脆多汁嘅蔬菜首選 表面網痕十分加分 賣相勁吸引❣️蒜芯 $19好多人都以為呢個會好大蒜味🧄但意外地其實食落十分香甜❣️燒日本甜心蕃薯 $20細細粒啱晒做餐後甜品 高溫燒過後番薯🍠甜度再度提升 一定唔可以錯過❣️串燒豆腐 $23一串三舊搽咗燒汁之後更加惹味 外脆內軟形成強烈對比 啖啖肉嘅感覺好正…查看更多

約左友人放工去旺角晚餐，大家攰到唔想林食咩，知道好燒式串燒專門店於砵蘭街有分店，大家二話不說朝店奔去，好彩行快2步唔洗等，過多陣店舖開始爆滿了。 店內雖沒有豪華裝飾，但以食物質素及店員服務取勝，店員還提醒串燒可自選辣度。 日式汁燒魷魚筒 $88魷魚筒分成三串上碟，塗上薄薄燒汁，味道甜美，魷魚夠淋身好易嚼。 炸池魚 $38池魚仔大條香脆滋味，炸粉夠薄又唔會好咸，值得一試。 蒜蓉燒茄子（原條） $38開邊茄子舖上滿滿蒜蓉，每啖茄子都濃濃蒜味，中意濃味既朋友必點之選。 陰公豬 $28個名太QQ忍唔住要叫，冬陰公味香濃，甚有泰式風味。 厚燒玉子 $22玉子一串4粒，厚厚玉子味道甜甜地，熟度燒得剛剛好。 串燒豆腐 $20豆腐外皮微脆，好似食緊臭豆腐既感覺，內裡又不會太乾，好味。…查看更多

朋友話我知砵蘭街都有好多美食，今晚就黎到好燒式串燒專門店。餐廳客人好多，致電訂位的電話響過不停，好在朋友有準備，較早前已訂位，所以不用等候便可入座。先讚一讚餐廳的飲料竟然有涼茶可以選，好貼心，不用擔心食完串燒會好熱氣。睇一睇menu, 串燒店竟然有白酒忌廉煮澳洲藍青口，咁特別，所以點左一客試下。青口的份量好多，粒粒青口都開了口，好大粒，又有大量的配料，包括洋蔥粒，甜椒， 蘆筍，所以，好鮮嫩，而個汁有微微酒香及超濃郁的忌廉味，唔會太膩，好creamy.而海鮮類我揀左蠔同扇貝，蠔有4款口味可以揀，我揀左蒜蓉味，好香，蠔都好肥美，又新鮮。而扇貝係巿價，都係用蒜蓉蒸，係好一貫的做法，扇貝大粒厚身，燒完唔會乾左，仲好鮮甜。我地仲揀左牛肋串，店員好細心，知我地會share, 俾左D鋏我地夾出黎分享，。牛肋肉肉味濃，唔會乾身咬唔開，火喉到位！無論燒野食定食串燒我都會叫牛油金菇包，金菇被勁香的牛油浸住，非常入味。串燒豆腐，平民化的食物，但又好好食，外脆內軟，面頭的燒醬汁甜甜的，幾特別。我地仲叫左唔同的串燒及燒物，樣樣都係即叫即做，熱辣辣上台，非常好。臨走老闆話太子好快開分店，到時一定再去捧場。…查看更多

提早收工，便獨自到附近的串燒店吃串燒。還未到收工時間，店內人不多。秘製醬汁配串燒，微辣，串燒加了這個後會突出鮮味。吃串燒必點涼茶。加多寶($14)比汽水能解辣和解燥熱。每次吃燒魷魚鬚($19)都會怕燒到韌，這裡燒得剛剛好，帶嚼勁而不韌，配上微辣的辣汁，是我吃過的眾多魷魚鬚中，韌度最適合的最好吃的。煙肉露荀卷($18)，煙肉包著露荀，煙肉的咸香，與露荀的爽脆清淡成對比。串燒豆腐($16)是串燒必點食物，這裡也不例外。老闆說豆腐炸過兩次後再把汁澆上，外脆內軟，是這裡必點的串燒。燒蠔(蒜蓉)($28)比想像中大件，肉質軟滑肥美，伴蒜蓉是最佳配搭，突出肉質的鮮味。黑松露菌蝦多士4件($58) ，黑松露醬落得大方，蝦肉及多士皆脆，口感微帶嚼勁。黑松露什菇墨西哥薄餅($43)主要是用墨西哥薄餅夾著大量黑松露醬、芝士和什菌來燒。薄餅又薄又香脆，配上半溶芝士令薄餅不會太乾，芝士本身亦見拉絲。什菇不會燒得太乾，仍然能保留菇汁，伴大量香黑松露醬，難怪這麼多人推介。最喜歡吃牛油金菇包($34)，以錫紙包著金菇來燒，燒得剛剛好不會過乾，上桌時是淡淡的牛油香味。每一口都是淡淡的牛油香和嫩滑爽脆多汁的金菇，牛油香而不膩，齒頰留香。餐牌上有中英對照，方便外國客人點菜。食物即叫即製，上菜極快，服務態度不錯，值得一讚。…查看更多

久違跟友人相約旺角吃飯，因為天冷很想吃熱辣辣又香口的東西，所以就選了這間位於砵蘭街的好燒式串燒專門店。我們大約 8:30 左右到，全場坐無虛席，所以想食好東西要趁早報到 ! 等候期間先來看看有什麼好吃，餐單種類非常多，不止有燒烤，還有西餐可選擇，燒烤專門店來說很特別。等了近30分鐘終於入座，幸好老板先幫我們下單，很快就可以上菜，非常有效率 !黑松露什菇墨西哥薄餅 - $43 上菜時已傳來陣陣黑松露香味 ! 薄餅外皮烤得香脆，芝士亦有拉絲效果，再配上三色辣椒跟什菌，吃下去辣辣的非常惹味 ! 牛油金菇包 - $34 嘩! 這道看似平凡的菜式原來一點都不簡單!鮮嫩的金菇吃下去有一陣很特別香甜的牛油味，不消一會已被我們吃光!我們還在猜裡面是否加了特別調味料 ?飯後八掛詢問老板，得知原來是用上挑選過的高級牛油，普通貨是做不出這味道。果然只要花心思，普通之作也會變成驚喜之作 ! 蒜蓉燒茄子(切片)  - $32茄子新鮮多汁，加上蒜蓉與孜然粉的香味，吃下去非常可口。串燒豆腐 - $16日式燒汁味道調配出色，如更香脆口感更佳。鹽燒牛舌串 - $26 作為牛舌愛好者，一定是燒烤必點 ! 牛舌非常厚肉，吃起來有嚼勁，烤得十分爽口。安格斯牛肋串 - $20牛肋烤得剛剛好，不會過熟，肉質鮮嫩多汁，十分惹味 ! 蜂蜜綠茶 - $15最後一定要配上我最愛的蜂蜜綠茶 !整體概括 : 燒烤與西餐兩者均出色，老板烹調用心，挑選食材有要求，價錢亦見親民，很有誠意的小店，值得再來支持 ! …查看更多

尋晚食完日式串燒，今晚想食下港式，同朋友大概7點入去已經坐滿哂人。見到餐紙好多野都好想食，但朋友比較簡飲擇食，而且唔食辣，所以我最想食果d都無叫到🤦🏻‍♀️，但唔緊要其他都幾好食。🌮墨西哥薄餅芝士雞肉 $38第一次食呢種薄餅，比相像中好味。烤得脆既餅皮夾滿芝士、雞肉、黑松露、彩椒等十分豐富。餅皮帶麥香味，芝士份量多有拉絲效果，重點係墨西哥青辣椒，食完真係齒頰留香。🍢炭燒牛舌串 $26比想像中大份，好抵食，肉質厚實，食落口感嫩滑、肉汁豐富。🍢煙肉金菇 $18呢個朋友叫，個人覺得普通。🍢串燒豆腐$16外皮微脆塗左鰻魚汁，裡面軟熟，香甜可口，好滋味，都係必食之選。🍢四季豆 $15爽口juicy～🍢泰國蘆荀 $19份量多，清甜爽脆。🍢虎皮尖椒 $15除左本身已有辣度外，仲有絲絲甜味。🍆蒜蓉燒茄子（切片）$32平時都係原條燒，第一次食一塊塊。蒜蓉香味重，好似食緊蒜蓉包甘，火喉控制剛好，保持多汁美味。🍫🍌朱古力香蕉 $18燒熟透既香蕉食落軟綿綿，絕對係一道唔錯既甜品。🍹綠茶、涼茶 $15食左熱氣野就梗係要飲返支涼茶啦～整體都燒得好好，唔會太乾，味道也不俗，奈何朋友唔食辣，少左食串燒既風味😝唯有下次同其他人再黎😭。…查看更多

今日一條友屋企無飯開，又好想飲啤酒，於是決定出旺角行下順便去食串燒嘆啤酒啤啤佢這店地方都幾整潔，雖然串燒店但唔會一陣油煙味，抽氣都做得幾好先嚟枝藍妹，啤酒夠哂凍，食串燒好緊要魷魚鬚爽口彈牙，仲可選辣度中辣對於我剛好，另附上泰式辣汁點串燒食牛舌燒到兩邊微焦，入面仲好嫩食串燒記得要點蔬菜類唔好只食肉喔當天翠玉瓜好新鮮，燒到微焦也不失爽脆多汁大花蝦蝦頭有膏㗎，而且好鮮味彈牙用咗少少蒜蓉去燒已經非常美味多春魚兩邊燒得乾脆，入面魚春位仲香軟燒豆腐也不錯整體嚟講好平好抵食…查看更多

這天剛好是之前的考試放榜日子, 幸運地亦勉強PASS, 朋友得知後便馬上請我吃晚飯慶祝. 地點要選油尖旺區, 而且2人消費不能超過$500(不能太狠).  以這個價格來說, 油尖旺不太容易找得到西餐, 中餐又難點菜. 串燒是較少份量又可讓人多試不同食物的好選擇. 若是油尖旺的串燒, 我還是選擇來這家之前光顧過的好燒式, 價格不貴但食物水準高. 可惜的昰, 這晚不少人訂了位, 雖然時間未至7點, 但令我有點擔心客多影響質素. 上次已有看過枱邊的雜誌剪報說這裡的意粉有酒店水準, 可惜上次太飽沒能一試. 這次便點黑松露意粉一試. 這個意粉用的是扁意粉, 把上面放著的松露醬撈一撈, 整盤意粉帶著濃濃的松露香. 而扁意粉的口感剛剛好, 意粉汁的濃稠度也收得剛好. 以這個價格來說確是做得極出色. (補充: 當然松露醬及不上鮮刨的松露, 但平衡價格當然不可能.)這個原粒蒜頭之前有嚐過, 這次來自然要再點一次給朋友嚐嚐. 朋友讚蒜頭的口感有點像芝士, 但沒有蒜頭的刺激性臭味, 即濃郁又軟滑. 這個是我的必食之選. 這裡的豆腐用的有點像百頁豆腐的感覺, 燒出來的外皮脆身, 內裡乾身但較有咬口, 燒時也有些許蜜糖, 頗好吃. 自己較喜愛點燒的雞中翼, 畢竟全翼進食時不太方便. 但剛好看到鄰桌的雞全翼燒得賣相好看, 自己其實也頗愛吃雞翼尖, 便點2隻試試. 果然雞全翼燒出來較多肉汁, 而且能吃到不同部份的肉質. 不錯. 煙肉露荀卷自然不少見, 但這件露荀卷則小巧輕盈得多. 全部用上細條的露荀, 吃起來脆口清爽. 煙肉金菇卷相對較少有, 沒想到的是吃入口沒有絲毫煙韌, 或許是切了細段而且去掉金菇的頭尾的效果吧? 自己燒相信不捨得這樣下功夫.  燒豚肉的火候控制得頗好, 夾起來一看已看到肉質帶點油潤, 肉汁完全保留得了, 配著店子的泰式酸辣醬吃很惹味, 而且份量出奇地大份. 最後點一份翠玉瓜清一清口, 朋友說自己BBQ也會烤翠玉瓜, 沒想到厚切直接燒來得好吃得多, 外焦而內嫩, 內裡充滿水份. 這個份量來說, 2人剛剛吃得飽足, 選擇的款式亦多. 埋單只要$350左右, 朋友第一次來感覺這個價格是有點驚喜的. 翻食指數: 90分.  若綜合價格來評價, 味道水平4.7星, 交通方便, 雖在旺角鬧市但店子整潔, 食物款式多而不貴. (此指數平衡店舖交通, 味道, 環境, 價格... 等等, 個人作出的評價.)…查看更多

當吃完正餐後,又想約朋友吹水,原來食串燒都是一個唔錯的選擇,這間小店在旺角和油麻地之間,就算平時行完街想休息下,食下串燒都唔錯,和街邊買的價錢也差不多.小店坐位都算多而點菜紙都好清楚,有些推介的串燒都有註明點完食物後,店員就給了碟醬料我雖然有點飽,但友人好多都好想食,所以都叫了很多不同款的食物,因即叫即燒,所以都等了一會,食物送上,羊肉串 只有少少羶味,一般人都可以接受,羊肉都大粒,食落更有咬口。雞中翼 (2隻) 燒到好香口,皮燒到脆脆的,應該是用上中國雞翼,覺得比起用美國雞翼好,會更加入味。煙肉金菇卷 煙肉金菇卷做得也好好,將金菇去了頭尾,每件細細件的，一口一啖，完全沒有難吞的感覺。因之前食的都是很大件,很難咬得開,但這裏好細心,完全無這情形發生煙肉露筍卷 煙肉配上唔同的蔬菜,有唔同的感覺。配上露筍,煙肉的油脂被露筍吸收咗,露荀爽甜中亦有煙肉的香味。黑松露什菌墨西哥薄餅 這款食物好少在這些店鋪食得都,但做得都好出色.有4件,外表看起上來已很香脆,食下去,薄餅真的好脆,內裏的黑松露很香濃,食落去知道唔係平野,同啲什菌好夾,裏面啲餡更是脹卜卜的,每一啖都好滋味。龍蝦汁大蝦意粉 一隻大蝦已經俯伏在意粉上,食落已覺得好新鮮,彈牙啦。橙橙的龍蝦汁沾滿了每一條意粉,意粉不會太林身,食落就感覺到淡淡的龍蝦味,餐廳用了濶條意粉,更加吸收更多的汁，更加好味安格斯西冷扒 5成 雖然不是好大件,但已切好一件件,方便進食,西冷扒燒得好好,外表燒到脆口,而內裏的肉質紅紅的,剛好5 成熟,完全唔覺靭,加埋芥辣一起吃,又產生了不同的化學變作用串燒豆腐 小店先炸豆腐兩次,再用鰻魚汁燒,所以外脆內軟,又有甜甜地的味道,真的好好味。,一串唔夠喉。翠玉瓜1 份,份量都好多,雖然好厚切,但咬落去好多汁,脆中帶林,雖然是燒但完全唔覺乾身。炭燒牛舌串 火喉啱啱好,大小適中,好爽口,燒到有少少焦燶，我喜歡,是不錯的選擇食了咁多串燒,當然叫番個咸檸飲下,消除下熱氣啦,哈哈.…查看更多