四季良晨 (新都城中心) (已結業)

今日去左寶琳探朋友，久違的出街可以出去揾下好野食。本人就比較少入去寶琳，所以都係留俾朋友介紹寶琳有咩好食。佢推介新都城二期一間台灣食店，有麵，有飯，仲有小食同特色飲品。間店好易搵，記住揾到百佳就揾到間店！店內裝修都幾好，簡約又光猛，一d都吾暗。位與位，枱與枱保持距離，一d都吾迫，坐得舒服。雖然食物質素好重要，但如果坐得吾舒服都冇用。間店仲整左個花花特色牆，同埋大書櫃！食物方面，價錢正常，夠大眾化，晚餐價十分抵食。我點左個三盛紅燒牛肉麵，要台灣麵底，湯底要紅燒牛肉湯。包括有腱心牛肉，牛腩，牛丸，紅蘿蔔。個湯底好濃味，岩晒一班牛肉愛好者。朋友就叫左鹽酥雞麵，雞扒好大件，外皮炸到好爽脆，食落真係好正。雖然係炸雞扒，但係雞肉仲有好多肉汁一d都吾老。我朋友都係叫左台灣麵底，佢話間店煮麵煮到岩岩好，又吾會煮到好軟，咬落去個口感又吾錯，所以都推介我下次再來食。飲品我就叫左芝士奶蓋桂花烏龍茶，芝士奶蓋厚厚一層十分吸引，飲落去味道到岩岩好，真係真材實料呀，都推介大家可以點來試下。仲有花茶，可以消暑！仲有麵餐份量都吾少，如果係細食的女仔都未必食得晒。不過太耐無出街食飯，我地仲叫左三杯雞同埋花枝丸，三杯雞份

今日去將軍澳同朋友食飯，朋友帶我去食台灣菜四季良晨呢間餐廳隔離仲有間台式飲品，真是啱晒我一次過滿足晒又有台式飲品飲。有午市套餐，餐廳裝修又幾精緻，又有卡位幾舒適。黑糖珍珠鮮奶，黑糖味濃郁珍珠又煙韌，配埋鮮奶好香濃又好好飲。芝士奶蓋白桃烏龍，芝士奶蓋白濃又有淡淡白桃烏龍茶香三盛牛肉麵（腱心牛肉，牛腩，牛丸），牛肉湯底好鮮甜，腱心牛肉又香，牛腩又淋又入味，牛丸又爽彈，麵條又有咬口又索入湯的香濃。塔香三杯雞炒到好入味。台南手工餡餅煎到好香口又煙韌，又大大個餡椰菜又爽脆又有肉碎夠味道。鹽蘇雞排滷肉飯，雞排大大塊雞肉嫩滑又香口，滷肉飯又好入味，椒鹽花枝丸又炸得幾彈牙。

今日同女友係寶琳睇完電影，去左位於同一商場既四季良晨。七點左右去到已經滿座，好彩好快就有位。裝潢幾有特色，牆上每一個格大小不一，入面放嘅東西各不相關卻充滿和諧感。四季良晨除左係台式餐廳，仲有Counter專賣台式飲品。我叫左木瓜純鮮奶。配搭相當新𩓙，天然甜。女友就叫左白桃烏龍茶，味道較清甜。食物方面，三盛牛肉麵既三盛指腱心牛肉、牛腩同牛丸。麵條比較腍，湯底辣得過癮，分量十足。牛腩煮得幾腍，唔會咬極都咬唔開。加$6仲有滷水豆腐，平均$1一件，幾入味。蕃茄濃湯水餃總共有四隻，酸酸地非常開胃。至於女友叫既晩市定食套餐仲超值。鹽酥雞扒唔粉，炸到金黃色脆卜卜。滷肉飯肥瘦適中，而且滷肉分量幾足夠，唔會去到最後淨係食白飯。另外仲有燉湯同菜，真係抵食。

平時都幾鐘意食台灣嘢，又鐘意飲台式茶飲，所以經過見到呢間四季良晨都有啲興趣試下。打開餐牌，有啲set仲有菜加燉湯，均衡飲食，夠健康啦掛，都不過係七十幾蚊姐，幾抵食。比較可惜嘅係牛肉麵冇定食set，只可散叫🥺。為食嘅我地太肚餓啦，叫左兩款小食同飮品頂住肚先😋《桂花雞翼》本身覺得桂花配雞翼好似九唔搭八，但食落有驚喜喎！雞翼個皮好脆，肉夠juicy，個醬汁係桂花糖漿，有花瓣嫁，食落好重花香，配雞翼又意想不到地幾清新幾夾喎！推介！《煎餃子》見餐牌寫個餃子係明係爆湯汁同必食，所以叫左。咬落又真係好爆汁，餡料豐富，唯一係略嫌個皮厚左少少。《仙氣火龍果茶》顏色紅紅地紫紫地咁女仔應該幾鐘意。茶底相信係桂花，上面就係火龍果汁，比例幾平均，火龍果味都明顯，我建議可以叫少甜，可能果味會更出。《芝士奶蓋桂花烏龍茶》個芝士奶蓋偏甜，冇鹹香味，配埋桂花烏龍，飲落竟然有啲似芒果奶昔嘅味道。我個人比較鐘意喜茶嗰款鹹鹹地嘅芝士奶蓋，配純烏龍茶應該會更突出到茶味。其實已經有啲啲飽，但仲有兩個主菜未食😂《滷水豬手飯定食》豬手好入味而且炆得好焾，最想讚嘅係個燉湯，蘋果無花果燉排骨，好清甜好正！！仲有好多湯渣可以食，所以飲完已

新都城近排多咗好多食肆，今晚就同朋友食呢間台灣菜，一嚟到都幾多人等位，睇嚟應該唔差。同其他台灣餐廳一樣要記枱號去櫃枱點餐，餐點會由店員送上。鹽酥雞排滷肉飯$76-鹽酥雞排超酥脆，肉質嫩滑上湯浸時菜-夠曬健康綠豆薏米蓮藕燉排骨-跟餐足料老火湯，唔會油又降火滷水蛋$6-台灣菜必點，好入味三盛牛肉麵養生湯$68-三盛牛肉包括腱心牛肉、牛腩、牛丸，牛𦟌軟Q，牛腩都夠冧，牛丸就彈牙牛味重。值得一讚係個養生清燉牛肉湯，唔油得嚟有陣陣嘅藥材味，好香煎手工餡餅4件$48-好有份量嘅餡餅，點得太多食唔曬，一人一件剛剛好芝士奶蓋阿華田$30-香濃阿華田，同芝士奶蓋唔會有違和感，啱曬做飯後甜品芝士奶蓋阿里山金萱$28-茶味淡雅甘甜，有陣陣奶香同花香，加上香滑芝士奶蓋剛好不膩，推薦！