創壽司

本身想食元氣下午茶，可惜年30 晚，下午茶暫停。本住慳家精神，OpenRice 一下上環附近有咩抵食日本野。見到呢間，100 蚊以內有個刺身丼，仲要有海膽既，咁一於試下啦，如果中伏都冇咁傷呀嘛！由於佢冇tea set, 而我係tea time 時間幫襯，所以我包場坐就坐得唔太舒服，因為係好似bar 枱咁既，坐時腳掂唔到地，但所有野就好乾淨先點餐，用8 達通比錢，再坐低等食。等食期間，就發現牆上有好多老闆同明星影既相，雜誌介紹既報導，仲有同周忠師傅影既相添，個心又安全一野佢先上個熱湯比我，我就以為會係粉開水面豉湯，原來唔係喎，好fresh 呀，好飲一番丼到了，見咁多3 文魚，又心諗，早知叫第二款啦，因為我開頭係比3文魚腩同海膽所吸引既，依家變左蟹膏3文魚添，局食啦點知，真係驚喜，佢個3 文魚好味！同我平時食小店刺生簡直兩回事！ 3文魚腩唔係太多白色紋，但食入口就好甘香，食完一舊仲想再食。蟹膏，不得了，無海膽有蟹膏補番無蝕！呢個蟹膏creamy! 而且重口味！我好鍾意食完大滿足，要多d 幫襯！佢有好多種combination我無選擇困難症既，今次都有困難，所以打算每次幫襯都試一款新。…查看更多

談到外賣壽司店，第一時間便會想到爭鮮，可是不少人都覺得爭鮮實為「頹食」，久而久之甚至乎將外賣壽司店判定死罪，認為外賣壽司店就等於「頹食」。事實上，現在外賣壽司店遍地開花，選擇亦不僅是廉價低質貨色，這間評價極高的創壽司正正是近期嚐過覺得中等價錢而質素不錯的一間。一番丼 ($88)套餐包括丼飯、三文魚湯及一杯熱茶。一番丼材料包括海膽、三文魚、三文魚腩及三文魚子，丼飯新鮮即製，飯粒微暖，沒有過硬過軟。海膽完整大瓣，肥美之餘沒有腥澀。三文魚肥瘦均稱，而三文魚腩亦相當厚切肥美。三文魚子飽滿多汁。附送的三文魚湯味鮮之餘不會過鹹過油，吃完較為生冷的魚生飯後暖一暖胃。炙燒芝士長鰻魚壽司 ($32)除了普通壽司之外，店內還有七款加長版壽司，包括長三文魚壽司、長吞拿魚壽司、長鯛魚壽司、長劍魚壽司、長油甘魚壽司、蒲燒長鰻魚壽司，以及這款炙燒芝士長鰻魚壽司 。鰻魚不單止長度十足，連厚度亦同樣十足，肉身較為堅挺，口感不會軟爛，不過芝士味不足，被鰻魚味道蓋過。帶子甜蝦戀 ($32)海膽蝦之戀、三文親子戀以及帶子甜蝦戀三款特色壽司中選了這款一試，以帆立貝、甜蝦及蟹籽製成，賣相精緻。雖然丼飯的份量較少，男士們未必夠飽，不過款式相當之多，在附近工作的話也不失為一個午餐好選擇。…查看更多

友人在上環工作，食過覺得不錯向我推介這間壽司店。剛巧今天有事到上環一趟，順道試試水準究竟如何！事前打電話去order食物～因友人說過平日中午時分店舖忙碌到應接不暇，而且因食物即叫即造關係，一定要用上相應的時間。店身小小，座位不多。牆身有電視機播放節目及貼著明星食客的照片！門口處寫上每週精選及推介的丼飯，最適合懶人～一番丼 - 有海膽、三文魚、三文魚腩及三文魚籽。三文魚腩肥美新鮮，海膽食落甜甜，亦沒有腥味，色澤也不錯。三文魚籽粒粒飽滿，豐富口感～米飯軟硬度亦適中。鹽燒鯖魚飯 - 份量十分多，分兩餐食都可以。鯖魚面層燒得微脆，肉質嫩滑，滴完檸檬汁後食會較易入口，而且魚骨亦較少。粟米粒甜甜，車厘茄酸酸，味覺大不同！咖喱吉列炸蝦飯 - 日式咖哩汁食落甜甜的，內裡有蘿蔔粒及洋蔥。炸蝦份量中規中矩，炸得亦算酥脆可口不太油膩～不過兩飯之中還是鹽燒鯖魚飯較深得我心！…查看更多