相信唔少Häagen-Dazs嘅粉絲都收到風，佢哋又有新產品引入咗香港喇！係由法國入口嘅白色杯裝法式乳酪雪糕系列呀，開飯仔當然又已經即刻買咗返嚟試味啦。

三款口味分別係原味、士多啤梨味同夏威夷果仁味，有分迷你杯版（$29.9）同家庭裝版（$75.9）。

原味係幾清新，完完全全就係酸酸甜甜嘅乳酪嚟。

而佢哋一向好受歡迎嘅士多啤梨味變咗做乳酪雪糕之後，繼續有粒粒果肉，果味同樣清甜突出，不過乳酪味就相對較淡。

至於夏威夷果仁，就係同時食得到晒乳酪同堅果味，係香嘅。一粒粒果仁混埋落啲乳酪雪糕度，都幾大粒同幾多下。每啖除咗有軟滑嘅乳酪，仲有得咬下咬下咁，冇咁單調，係幾開心呀。如果你嘅quota只係夠試其中一款嘅話，咁就一定係呢款喇。

發售地點：
OK便利店優先發售、惠康都有得買
6月起各大便利店及超巿有售

文、相：Kar