$98原條即燒鰻魚丼二食!銅鑼灣新開抵食鰻魚主題店(有片)
2019-10-18

銅鑼灣最近開咗間鰻魚控值得去試嘅日本餐廳!主打日本鰻魚,全部即叫即燒,鰻魚丼最平$68份,原條約170g嘅蒲燒鰻魚丼都係$98仲唔使加一呀。再豪啲有三重丼,想特別啲又有鰻魚飯堡。最正嘅係所有鰻魚丼都可以加高湯自己DIY茶漬飯,二食感覺更抵!
 


鰻工房店如其名主打鰻魚,日本鰻魚會按時令挑選最好嘅出產地。有各款鰻魚丼同鰻魚小食選擇,難怪一入舖頭已經聞到陣陣燒鰻魚嘅香氣。
 


原條蒲燒鰻魚丼($98,轉套餐+$30)

最受歡迎嘅一款鰻魚丼,每條鰻魚約170g重,加醬汁喺爐上面燒至皮脆肉香再切成四件方便食用。鰻魚肉唔算非常厚,勝在口感結實,而且燒汁香甜,送飯一流!飯亦特別加上紫菜、自家製蛋絲,絕對夠香口。
 


所有主食都可以加$30轉成套餐,包括溫泉蛋、鹹菜、鰻魚肝白貝湯同玄米茶。鰻魚肝白貝湯更加特別用鰻魚骨、魚頭、魚肝加白貝熬成,味道清甜。
 


而所有丼飯都有二食法:餐廳建議食剩差唔多三分之一嘅時候,請店員畀一碗熱昆布高湯,將鰻魚同飯倒入去,再按自己口味加入白芝麻同紫菜絲,就係鰻魚茶漬飯啦!昆布高湯清澈,帶淡淡鮮味,可以令味道濃郁蒲燒鰻魚無咁膩。
 


三重鰻魚丼($198)

三重鰻魚係指一份有齊穴子、白燒生鰻魚,同蒲燒鰻魚三款,建議按返呢個順序由淡味食到濃味。穴子香氣淡雅而且無泥味。白燒生鰻魚即係無加燒汁從生燒至熟,鰻魚皮特別香脆而且脂香突出,係最有驚喜嘅一款。蒲燒鰻魚就最香最惹味。
 

更多【新店直擊】:
1. 尖咀新開南非鮑魚主題餐廳 Happy Hour嘆鮑魚+任飲汽泡白酒兩個鐘
2. 東京蕃茄沾麵專門店進駐中環 香港限定芫荽蕃茄撈麵
3. 原隻八爪魚!元朗新開章魚小丸子專門店 必試人氣黑松露及明太子味

 

鰻魚飯堡($78)

特別啲嘅有呢份飯堡,飯本身已經有調味再燒香,加上牛油生菜、蒲燒鰻魚、芝士同雞蛋,睇落細細份但滿足度不減。餐廳仲好貼心咁畀埋兩塊紫菜大家可以包住飯堡食,就唔怕食到成枱都係啦。燒過嘅飯外脆內糯,口感有啲似燒飯糰,而鰻魚同芝士嘅香味又好夾。
 


鰻魚芝士玉子燒($68)

玉子燒裡面係半融芝士同蒲燒鰻魚,玉子燒嘅淡淡甜味可以襯托鰻魚嘅蒲燒香味,加埋芝士味道就更加豐富!而且玉子燒熟得啱啱好,嫩滑多汁。
 







鰻工房
地址:銅鑼灣謝斐道468號百達中心地下D號舖




文、相、片:Cathy

關鍵字
銅鑼灣
鰻魚
鰻魚丼
飯堡
茶漬飯
鰻工房
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
2019-12-30
荃灣新開無敵海景日式放題 佔地過萬呎 新張期間88折!
2020-01-03
【2019回顧】 過江龍之年 逾50間海外人氣店登陸 + 2020年預告 (有片)
2019-12-30
【特約分享】新年去始創 食盡中、日、國際賀年佳餚
2020-01-13
迎接全新2020 1-2月下午茶推介
2020-01-06