$78嘆火山石燒牛扒+任食前菜 旺角新開自助燒牛扒專門店
2019-04-08

對於食肉獸嚟講係好消息:又多一間抵食扒房出現!旺角呢間新店主打用火山石燒牛扒,用自動售票機揀啱心水牛肉部位同分量,最平$78有交易!而且沙律、湯、白飯唔洗額外畀錢一律任食,非常抵食呀。
 


牛極同其他最近大熱嘅自助燒牛扒店差唔多,入座前要先去自動售票機揀牛扒部位同分量,畀錢同安排入座後就可以先去自助吧,自助吧有沙律同兩款沙律醬、麵豉湯、白飯同檸檬水,都係任食任飲呀。
 


牛扒會由師傅煎至約一成熟,再放到烘熱至攝氏300度嘅火山石板上面。聞起嚟香味十足,原來師傅煎牛扒時會加自家製和牛牛油,難怪肉味特別香濃!店家建議大家每次切一小塊牛扒放喺熱石上面,按自己喜好燒至理想熟度。如果覺得石板唔夠熱,可以請店員更換㗎。
 


牛肩肉眼($118/300g)

牛肩肉眼係最平嘅部位,$78有180g,女士們應該都夠食,男士們就可以考慮300g或者400g喇。牛肩肉眼特點係雖然中間有一條筋,但勝在油脂唔算多而且分佈平均,肉味香濃。食起嚟的確有筋,可以自己煎至約半熟,筋位煎得脆口啲更易咬。肉質富彈性。
 


牛肋骨扒($98/200g)

牛肋骨扒顧名思義係帶骨嘅,就咁記好似其他無骨嘅抵食啲,但牛骨附近嘅肉零舍香口吖嘛!呢間店嘅師傅仲相當花心思,特別原條牛肋骨買返嚟自己剪,做到每件得一條骨而且係厚切。
 


牛肋骨扒煎香後外脆內嫩,牛肉香味相當突出!其他部位仲包括脂肪較少嘅紐西蘭牛柳,同鮮嫩而口感豐富嘅西冷。
 

更多【新店直擊】:
1. 食糖水都有得健康!大角咀新開中式fusion養生糖水店
2. 牛魔王出動!尖沙咀新開熟成牛專門店 黑毛安格斯西冷+燒牛腰肉料理
3. 地獄廚神Gordon Ramsay英式歐陸餐廳山頂重開!嘆傳統英式Comfort food

 

日本和牛($248/300g)

如果想食到入口即溶口感嘅話,就要揀最貴嘅日本和牛啦!選用鹿兒島黑毛A4和牛,呢一期用緊牛肩里脊呢個部位,口感嫩得嚟又有彈性。
 


因為和牛油花比較多,食落的確比另外兩款更有入口即溶感。略嫌筋位多咗啲,不過油香同肉香都唔錯,配搭白飯一齊食就最啱。牛扒本身有落少少天然海鹽同黑椒調味,亦可以自己再加少少蒜蓉蘸醬或者自家製燒肉汁,前者微辣富蒜香,後者甜鹹惹味。
 






牛極
地址:旺角通菜街78號地舖




文、相:Cathy

關鍵字
旺角
牛扒
牛肋骨扒
和牛
牛極
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
2019-04-08
邊行邊食!灣仔區掃街5大推介
2019-03-22
【特約分享】多間特色餐廳進駐 尖沙咀新食力銀座38
2019-03-25
A4和牛沾麵配雞白湯 李泳豪旺角新開拉麵屋
2019-03-27
無辣不歡!5大麻辣愛好者必試川菜推介(有片)
2019-03-27