7大特色雞翼介紹 雞翼控是時候有新刺激了
2019-01-28
雞翼,你同我同佢都息息相關。小學大食會、中學聯歡會、公司搞Party,有時阿媽諗唔到煮咩餸…總之就係無處不在。但如果你嫌過去嘅雞翼太平凡而正想離棄佢嘅時候,唔好放棄住!咁就要睇吓下面嘅特色雞翼介紹,去尋找對佢嘅新鮮感!

少女心玫瑰雞翼 雞翼山
「不要儀態⋯只想吃雞翼。」深明呢個道理嘅呢間黃埔小店就提供埋手套畀你不顧儀態地用手食。呢到最特別嘅一定係佢哋嘅款式口味夠刁鑽。好似走少女路線嘅玫瑰雞翼、茶餐廳特飲嘅咸檸七味之類,估唔到雞翼都可以有咁多Style。

美式「混醬」 Wing It!
呢到嘅雞翼主要sell醬汁嘅mix and match。炸雞翼有original同crispy兩款,預先醃好就夠晒入味。當然唔係就咁炸完就食啦,呢到有成十幾款醬汁同調味粉,好多都係自家調製,而且每星期都有新醬汁,最啱貪新鮮嘅人。

即叫即做獨家配搭 咕嚕咕嚕
太子呢間小食店嘅單骨雞翼都好出名,雞翼先剪成單骨同醃至入味,然後慢煮兩個鐘,收到Order再加醬汁同配料煎香。黑糖麥芽麥汁雞翼香甜得嚟有少少脆皮效果,叻沙麻辣雞翼夠惹味而唔會太辣。

邪惡口味 髀魔-雞髀第一店

之前西貢先有,依家太子都有分店。呢間雞髀第一店嘅「魔翼」都好受歡迎。 近期非常人氣嘅鹹蛋乜乜乜,髀魔都有:黃金魔翼,即叫即炸。單骨雞翼唔止方便食,仲更易入味,啲「黃金」鋪滿晒喺隻雞翼到,好邪惡啊!

名古屋名物 世界の山ちゃん
唔係山賊手羽啊喂,呢隻係名古屋名物手羽先。其實都係雞翼咁解,如果掛住日本居酒屋嘅重口味雞翼同鋪頭嘅氣氛,嚟自當地連鎖店山ちゃん嘅夢幻雞翼絕對可以幫你解鄉愁。一啖生啤,一啖雞翼,好好味嘅呢!

抵食之選 豪園小食美食車
圖:nkyfoodie
雖然豪園小食園同豪園麵家主打唔同,但小食都做得幾出色。炸一字雞翼都係大家嘅必叫之選。就算切開咗做單骨雞翼,依然睇得出仲好肥嘟嘟,好有肉。仲有三款口味:原味、蒜醬豉油同芝士。

茶餐廳瑞士汁冇得輸 祥發茶餐小廚


你以為茶餐廳冇雞翼專門店咁好食?咁就錯啦,呢到雖然好似一間尋常嘅茶餐廳,但其實一到食飯時間就大排長龍。唔少人特登嚟食佢嘅瑞士雞翼同雞髀㗎。見到啲汁就想加個丁麵撈嚟食,嗚啊。

文:Yanny
關鍵字
雞翼
鹹蛋
手羽先
單骨雞翼
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】便利店尋寶 每周新品速報
5天前
給自己一個休息時間 10-11月下午茶推介
2019-10-25
【特約分享】食魚生轉運 三種好意頭日本海產介紹
2019-10-14
高CP值放題推介
6天前
鼎王來了!味道服務媲美台灣 必食麻辣鴨血鍋及員工教路秘製鼎王飯
2019-11-01