5大搵食貼士!一App睇盡全港餐飲筍工
2019-08-29

緊貼住香港飲食潮流嘅各位「搵食」達人,睇過我哋嘅報道就會發現,近年多咗好多過江龍餐廳進駐香港,好似上年年底登陸嘅班戟店J.S. Foodies、最近新開嘅日本天丼店金子半之助咁,以後搵食唔使出國都得。 (記得睇到最尾!有彩蛋送你搵食Tips啊)

 

btw你哋知唔知道搵食搵到盡頭係乜嘢?係「搵食」呀!為咗可以搵到更多好嘢食、為咗可以近水樓台先得「食」,梗係加入埋成為餐廳嘅一份子啦~ 機會嚟喇飛雲!而家除咗可以喺OpenRice度搵到有咩餐廳好食之外,仲可以喺度搵埋工,實行真‧搵食!

搵食流程:
方法一:OpenRice主頁>> 餐飲筍工>>按工種選擇

無論你想做餐飲業嘅前線營運,定係後勤部門,只要撳入「餐飲筍工」一欄,就可以按照自己嘅專長同喜好,立即「搵食」!大廚、侍應、調酒師、酒店管理……都搵到,就算想揀埋理想返工地區、受僱形式或者人工嘅range,都唔係問題。

方法二:餐廳頁面>>招聘中(右上角)>>一次過睇同一餐廳所有招聘職位

又或者,咁啱你搵緊食邊間餐廳時見到餐廳請人中,緣分嘅嘢……仲諗?即刻撳「應徵」啦!有部分工作(只限使用手機app嘅用戶)仲可以透過WhatsApp申請添~

餐廳老闆或者負責人亦同樣可以喺度刊登招聘啟示,選擇啱心水嘅應徴者。

最後,送多幾個「搵食」小貼士畀大家:

==侍應篇==

1. 做足功課
臨時演員都係演員嚟㗎,何況你係去見工?背熟「台詞」係基本啦。首先要了解面試餐廳嘅背景、文化、餐牌等,最好事前自己真係有去食過一次啦,咁樣可以對餐廳所提供嘅食物同服務都有多少少掌握嘛。

2. 食得鹹魚抵得渴
做飲食業呢行,眾所周知工時長又假期少,好多時星期六日同公假都要返工,分分鐘就算打風都冇得休息,要做好心理準備先至入行啊。

3. 衣著得體
面試當日早少少起身,執靚個頭,揀件大方得體嘅衫,女生化埋個淡妝就更理想,睇落精神爽利啲。如果係應徵經理或以上嘅級別,建議著返套suit。

4. 應變力高
面試時,或者會被問及一啲處境題,從對答中睇下你嘅應變能力同埋說話態度。記住任何時候都要保持笑容同埋禮貌呀。

5. 鍾意食嘢
唔好笑!呢個真係好重要。正所謂「敬業樂業」,尤其是做侍應經常需要面對客人,向佢哋推介餐廳嘅菜式。要自己都真心鍾意,先至會推介得有力嘛。當僱主都感受到你對食物嘅熱情時,你嘅成功機會就大咗一半啦。

下次再同大家分享其他小貼士啦~ 希望大家「搵食」成功!
即刻搵筍工:https://www.openrice.com/zh/hongkong/jobs/functions



關鍵字
餐飲筍工
搵工
開飯專題
開飯仔為你提供各類型最新飲食情報及優惠,全面照顧你的飲食喜好。
本月熱門
【隨時更新】便利店尋寶 每周新品速報
6天前
尖沙咀新商場開幕 過江龍餐廳一覽
2019-08-30
【2019中秋】最新人氣話題+送禮靚盒月餅集合
6天前
【蠔癡必看】生蠔海鮮的浪漫盛宴!
2019-08-27
台中人氣手工芋泥甜品登陸尖沙咀 必試招牌雙芋仙草奶凍、神仙奶
2019-09-03