4月份好評餐廳十強
2017-05-10

又來到好評餐廳十強嘅時間,今次雖然多咗新餐廳上場,但其實睇真啲大多都係分店為主,一間餐廳做起咗擴展版圖去其他地區,令到更加多人有機會試到都係好事嚟嘅!今個月仍然有長期大熱嘅拉麵、火鍋、韓國菜同café 等等,唔知下個月又有冇咩驚喜出現呢?



第10位 麵道

呢間拉麵店曾經多次上榜,相信大家都唔陌生!人龍經過多月仲係咁長,絕對係實力證明,醬油豚骨湯、伊勢海老豚骨湯及雞白湯三款湯底各有捧場客,最受歡迎係用龍蝦頭、蝦殼同蝦籽熬成嘅龍蝦豚骨湯拉麵,蝦味濃厚又唔算太鹹。小食好似天婦羅無骨雞翼、辛口餃子都相當有水準,唔怪得咁多人專誠去食嘅。

圖:Joyischingbee0808



第9位 永興冰室 (*新上榜)

呢間新開嘅冰室位於太子,除咗地道嘅港式茶記美食好似沙嗲牛肉麵茶餐、乾炒牛河等小炒,仲有焗咖喱雞飯多士盒同焗鮮茄豬扒飯多士盒,方型麵包入面釀咗配料同飯,賣相吸引,份量大到足兩個人食!甜品就可以試即叫即製雪山梳乎里,好似人頭咁大,好少茶餐廳會做!另有蕃茄薯仔鰂魚鮮蜆湯、檸檬雞中翼等特色招牌作。

圖:eat_eat_everyday小慳妹吃好西



第8位 新泰東南亞餐廳

又再見到新泰上榜,冇計啦天氣愈來愈熱,食酸酸辣辣嘅泰國菜就最開胃!尤其是泰式生蝦,蝦肉處理得乾淨,自家製醬汁夠香辣醒胃,幾乎每枱必點。泰式串燒加埋花生醬,又係香口惹味之選。呢度嘅甜品都好受歡迎,除咗芒果糯米飯,建議試試泰式拼盤,一碟有齊椰汁糕、千層糕及馬豆糕等糕點,最啱多心嘅女士喇。

圖:釣魚Yung面包超人



第7位 叁薯 (*新上榜)

呢間喺旺角出晒名嘅米芝蓮薯仔專門店,最近開到去尖沙咀,分店位於食肆林立嘅厚福街,仲有少量座位可以堂食,方便過旺角店!最多人食嘅重量級芝士焗薯,佈滿半溶芝士同酸忌廉,質感軟滑綿密似薯蓉,連薯皮都可以吞埋落肚!仲有好多小食好似炸薯角、流水芝士薯波同七彩爆谷雞粒都非常香口架。

圖:eat_eat_everyday



第6位 スーパー丼 (*新上榜)

正當海鮮丼嘅熱潮慢慢冷卻,但又有新店繼續開,呢間丼專門店環境與眾不同,簡潔門面似café 多啲!刺身丼同熟食丼各有8款,招牌北海道海鮮丼有齊大拖羅、油甘魚、海膽、帆立貝、三文魚子同蟹腳,刺身由築地直送夠新鮮。熟食可以試試北海道玉子黑松露和牛丼,用日本生雞蛋,和牛入口更加滑溜。

圖:chongjackymc1w43hk



第5位 辦館 (*新上榜)

原本開喺上環半山嘅咖啡店,最近喺中環同一個髮型用品店合作,有髮型師在場幫你set頭!分店裝修似足茶餐廳水吧,寫明「水滾茶靚」,充滿港式懷舊風情。咖啡推介Rose Latte,有淡淡玫瑰花香,亦有少少玫瑰花瓣,賣相靚。呢度仲有一系列嘅特式多士,好似黑松露芝士多士、火腿溫泉蛋芝士多士、棉花糖多士等。

圖:IAMTHEREALFOODIE



第4位 Sister Korea Café (*新上榜)

大圍店人氣高企,曾經上過每月十大,新分店開喺長沙灣,而且好近地鐵站,更加方便!舖頭有大量oppa駐場,裝修又夠young,最啱一大班fd子聚腳!雖然冇韓燒,但有其他韓式地道菜式食好似部隊鍋、芝士排骨等,必吃飛機醬缸醃蟹,有專人拆蟹再同麻油紫菜飯撈勻一齊食,蟹膏甘香鮮甜,生蟹肉滑溜,每日限量供應架。

圖:chickenandppwendy.ng



第3位 養心殿台式養生鍋 (*新上榜)

打邊爐都有得養生?冇錯,呢間被稱為「港版無老鍋」嘅台式火鍋,以養生為主題,好似寧神養心鍋湯底加咗川芎、白芷、天麻同當歸等藥材熬4個鐘而成,味道有淡淡藥材香,可以先飲湯先至再落配料打邊爐,其他款式如人參雞、麻辣同薑母鴨湯都好受歡迎。配料都有特色,同台灣一樣有凍豆腐同鴨血,充滿台式風味。

圖:loveeat.kyKaFaiChan2803



第2位 L’attitude (*新上榜)

餐廳入面有大量得意影相位,好似白兔同熊人公仔、白雲等,無論係少女定係小朋友都一定開心!餐牌選擇豐富,菜式以多國嘅café菜式為主,食物加入咗大熱嘅元素,好似蟹膏帶子海膽拌飯、海膽蟹肉牛油梨芒果他他都係招牌菜,棉花糖雪糕仲有可愛造型,價錢合理而且服務唔錯,抵佢成為今個月嘅第二位!

圖:popotamIAMTHEREALFOODIE



第一位 鯛魚湯專門店 (*新上榜)

本來開喺鰂魚涌嘅小店殺入灣仔,立即成為每月十大嘅第一位!鯛魚湯花好多時間熬製,3公斤只可以做到8碗,湯底帶奶白色而且魚味濃郁,配飯或者烏冬亦得。限量發售嘅皇帝蟹腳海膽鯛魚湯飯,甘香鮮甜,上枱時用火爐保溫保持熱辣辣。其他配料仲有鮑魚、花膠、魚肚及廣島蠔等,好有特色,唔怪得咁受歡迎啦!

圖:IE食神俠侶eat_eat_everyday




文:Perrins

關鍵字
每月十強
排行榜
拉麵
泰菜
海鮮丼
韓國菜
火鍋
cafe
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
3月份好評餐廳十強
2017-04-06
【新店直擊】冬日良伴:一人一個小火鍋
2017-01-31
【編輯推介】韓風炸雞:屋裡炸雞
2016-06-09
【飲食潮流】人氣海鮮丼專門店熊本祭 必試鮮味八代鏡蠔
2017-03-01
2月份好評餐廳十強
2017-03-06
【新店直擊】粉色系Café潮聖打卡必到
2017-03-03
餐廳資料
更多
收起
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
2020-09-18
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
油麻地新開小木屋Cafe 嘆西日Fusion龍蝦湯烏冬配咖啡
2020-09-08