4月份好評餐廳十強
2009-05-04

最近兩間於旺角新開的食店成為OpenRice的風頭躉,由前龍景軒點心部主管開設的點心專門店添好運,以及來自台灣的茶飲店貢茶,開業約一個月即登上每月好評餐廳十強的最高位置;而另一新店Pro-Burger亦憑著抵食的安格斯漢堡升上第九位,雖然經濟不好,但有質素的食店還是得到食客支持的。
(Cover Photo by 不眠王子)

排名餐廳好評減劣評數目
1添好運點心專門店25
2貢茶       24
3時新快餐店    17
4糖百府       13
5澳洲牛奶公司      13
6鼎泰豐   12
7大記攦粉糕點專門店 11
8勝香園         11
9Pro-Burger   10
10聯記川王涼粉    9

*排名機制:以當月的笑臉減去喊臉食評數目計算,如結果相同再按笑臉數目以及當月餐廳所得的平均得分排名。

注目上榜餐廳

(Photo by 不眠王子 & 唔食都知唔好食)
第一位 添好運點心專門店
金融海嘯令百業蕭條,但亦有人趁機創業,生意好得店舖每日水洩不通,說的是上月食評冠軍添好運,老闆培哥放棄高薪厚職一圓創業夢,他曾任米芝蓮三星食店龍景軒的點心部主管,自己開的點心專賣點環境和服務當然次一等,但點心卻甚有水準,蘿蔔糕、腸粉、蝦餃等很受歡迎,尤其酥皮叉燒包可以一日賣上750個。雖然味道了得,點心即叫即蒸,但顧客抱怨等候時間太長,服務混亂,如能加以改善就更好。
不眠王子:晶瑩鮮蝦餃一如其名夠晒晶瑩通透,$16直情超值,蝦餃皮薄餡靚,蝦肉亦鮮味彈牙,未食完就想encore。酥皮焗叉燒包絕對係呢度嘅皇牌點心,酥皮焗到熱辣辣兼有陣牛油香,叉燒餡夠蜜味而且仲係熱烘烘架!人人嚟呢度主要都係為咗食佢咋!
唔食都知唔好食:煎蘿蔔糕表面微焦,香口夠熱而不燶,在內有蘿蔔絲及腊味,最抵讚的不是有蘿蔔絲咁簡單,而是它糕身蘿蔔味很夠,是真真正正的蘿蔔糕,相信是用了刨蘿蔔時榨出來的汁,物盡其用,儲起用來搓粉而成,真的令人感動,唯一要挑剔的就是本人愛多一點腊味
ywjoseph928:鮮蝦腸粉,粉皮做得薄很順口,不會吃到厚厚的粉皮,口感也很好,醬油味道也不錯,只是蝦的鮮味有一點點不足,但已經比很多店做得還要好,這個值得點。

 


(Photo by蝗蟲同學 & Yan~*)
第二位 貢茶
旺角一向都街頭小食的試煉場,最新台式飲品專門店貢茶亦選址旺角,這間從台灣來的過江龍以招牌奶蓋茶馳名,奶蓋即是在茶的表面加一層奶泡,跟隨杯上的指示飲用可分別感受到奶香、茶香及奶茶香,就是先不用飲筒大口飲,然後用飲筒穿越奶泡享茶香,然後才攪勻享用。全店供應約40款飲品,甜度和冰量也可挑選。
蝗蟲同學:珍珠係細粒版,Q度一般,「半糖」甜度就原來頗低,感覺上茶味更突出,而且「奶蓋」d奶(其實係平日喺e.g. Pokka或UCC飲咖啡供應的cream)本身都少少甜,都唔錯。十分唔錯的一杯台式飲品,值得試試。
Yan~*:我一接杯馬上插管試飲原味烏龍茶了;烏龍茶口味十分清新,然而選原本糖度對我也過甜了,對非甜魔相信更是難以接受,建議選少甜。然後開始啜吸奶蓋,口味極為濃郁似是花奶所開,淨食是相當之甜膩,伴以清香烏龍茶會較易入口。
vil:面層奶蓋外形似鮮打忌廉,味似北京的蜜糖酸牛奶,濃郁中帶幼滑。奶蓋之上灑上少許綠茶粉,更帶清香。跟著杯蓋指示,不用飲管,打開杯蓋來呷,讓嘴角先沾了奶泡,更覺滿足。不足之處是略嫌奶蓋太少。

 


(Photo by strawberrybabe & 喜歡新鮮)
第七位 大記攦粉糕點專門店
何謂「攦粉」?據知攦粉是瀨粉的本名,大記的老闆沿用中山的做法,將米漿倒入圓筒中擠壓出,直接將壓成的攦粉加入湯中煮熟,所以這裡的攦粉較一般瀨粉粗身,有如粗身米線,但米味更突出。除了攦粉,老闆炮製糕點亦很到家,芝麻糕、桂花糕、桂圓糕、杏仁糕、紅棗雪耳糕等用料十足,堂食外賣都很受歡迎。
LI-睇錢食飯:鯪魚球:金黃色賣相好。即炸香噴噴,外脆內軟滑,魚味濃;蜆蚧醬:鮮味、惹味,蜆仔鹹香。攦粉:湯底輕清,芽菜清甜爽脆;個人覺得攦粉口感勝烏冬,因她有雙重口感,外腍內香滑。
choychoybeanbean:桂花糕好味呀!!!好重桂花香又清甜。南瓜糕食到南瓜肉但係食唔出d味,反而好重忌廉奶味,幾濃下。杏仁糕一食落去好似飲咗杯杏霜咁,仲有好多杏仁咬添。
beru:茶果湯($12)-湯好好味,好多蝦仔,如果d湯熱d沖好。湯既味道跟大家樂既家鄉銀針粉一樣架,當然大記就多料d啦。雞攦粉($18)-d粉好q,好好食,d雞及湯就麻麻地啦,如果用茶果湯上就正啦。

 


(Photo by 不眠王子 & =架架麵=)
第九位 Pro-Burger
漢堡包專門店開完一間又一間,這間位於街角的Pro-Burger標榜100%安格斯漢堡及自家打製口味,雖然漢堡包款式不多,不吃牛的亦有卡津雞腿漢堡及香煎魚扒漢堡選擇。但吃牛的就會覺得很抵食,因為招牌珍寶煙肉芝士安格斯漢堡亦不過$62,重量足有360克,跟薯角飲品亦不過$76,據知老闆曾於本地酒店工作接近30年,有相熟貨源所以做到售價相宜。但店舖面積小座位只有6、7個,繁忙時間外賣就不用迫。
不眠王子:360克珍寶烟肉芝士安格斯漢堡絕對夠震撼,360gram嘅prime級安格斯牛肉仲厚過個包,$62超抵食啦!咁巨型,攞上手都唔知用邊度做focus一啖咬落去好,大啖咬落去,juicy到爆晒汁,肉味都幾重噃!
=架架麵=:煎魚柳漢堡,沒有炸魚般熱氣,而且魚柳新鮮,厚,吃落啖啖肉!難得一吃的魚柳漢堡!我喜歡!Pro-burger相信是我們在香港吃過最好味的burger吧!由麵包到牛肉都做到一絲不苟,我們回到公司亦向同事推介了這專業漢堡!
winnie姐:而薯角雖然奇貌不揚,但食落外脆內軟,有香濃薯仔味又有少少辣味,再加埋礶冰凍可樂真係人生一大樂事,超正!今次真係無揀錯,而且重會再試其它漢堡套餐。

 


(Photo by suki_9999 & 唔食都知唔好食)
第十位 聯記川王涼粉
由兩夫婦經營的聯記川王,太太是100%四川人,而且堅持每個月都到四川入貨(每個月尾都會關門一星期),所以炮製的川菜正宗不過,好似受歡迎的蒜泥白肉、酸辣粉、口水雞、川北涼粉等,都是真正四川風味,嗜麻辣菜的無不讚好。由於店舖牌照關係菜式都用外賣盒上菜,而且座位不多,但每晚來光顧的人仍絡繹不絕。
suki_9999:食左少少條脷同個咀已經麻哂la,但係果種感覺真係好正wo又,青瓜好爽,好味,口水雞都ok wo,我既涼粉都好好味,多麻and多辣,正呀!
姚東師傅:麻辣牛舌真係幾麻辣,香香嘅辣味配上少少嘅麻味,麻辣味道點到即止,洽到好處,好正;而牛舌又夠腍夠鬆,肉身唔鞋,一d都唔韌,掂呀;涼粉就夠爽口而且夠滑身,加上係凍吃,感覺係辣中帶涼,勁正。
唔食都知唔好食:大量的辣椒浸在紅色的辣椒油之中,加上有花椒、八角,吃下去也是挺麻的,雖說今天用的不是桂花魚,是有點失望的,但吃下去此魚也是肉質纖細嫩滑,也有給的愛吃的魚扣位置,更是嫩滑異常呢,但稍嫌的是魚片基本上是魚件,不是魚片,稍為失色了。

關鍵字
點心
蝦餃
蘿蔔糕
腸粉
珍珠
奶蓋
烏龍茶
綠茶
攦粉
瀨粉
桂花糕
漢堡包
四川
口水雞
涼粉
酸辣粉
排行榜
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
【新店預告】海底撈預計年中進駐油麻地 唔洗上深圳都嘆到肉麻服務?
2017-02-15
【開飯教煮】酒店大廚示範至尊蘿蔔糕 小秘招保證口感更豐富(有片)
2017-01-17
被遺忘的時光 香港傳統茶樓推介
2016-12-20
【無綠不歡Green Monday】六和素食
2017-01-09
北區美食天堂聯和墟潮聖指南
2016-12-19
【編輯推介】平靚正之選:祐漢熟食中心
2016-08-22
本月熱門
【愛心熱店專訪】派飯背後 深水埗明哥:我唔認為自己有愛心,我只係用心 (有片)
2017-03-07
The Cheesecake Factory 確定5月登陸尖沙咀 Menu率先睇
2017-03-15
【開飯熱店入圍名單巡禮】新晉美食集中地 荃葵青區餓虎藏龍
2017-03-07
2月份好評餐廳十強
2017-03-06
一個人喺灣仔食乜好?
2017-03-08