3月份好評餐廳十強
2018-04-11

踏入3月,今個月嘅十強比較平穩,新舊上榜佔半,有最新人氣餐廳,但亦有一啲開業咗一段時間,但仍然保持水準嘅食店。要知道香港飲食潮流來得快去得快,要站穩住腳絕對唔容易!能夠有得留低嘅,都係有實力兼有質素餐廳,即刻睇睇有邊幾間先!


第10位 炊豕店

呢間位於銅鑼灣嘅小店,憑住一塊靚豬扒已經連續三個月上榜,雖然回落至第10 位,好評仍然不絕。今次店子迎推柚子蜜豬扒,酸酸甜甜好開胃,將炸豬扒嘅油膩感一掃而空。另外每日4pm後供應嘅焗豬扒飯都唔錯,已經食過招牌菜嘅回頭客可以試試。

圖:dywciamnumber5


第9位 Grubers (*新上榜)

來自法國摩納哥嘅漢堡專門店,於亞洲開設嘅首間分店,咁遠水路嘅漢堡有咩特別?原材料當地直送,用法國草飼牛肉並加入唔同香料、墨西哥辣椒、松露等製漢堡扒,每塊扒本身已有味道,再配上秘製醬汁或者雞蛋、芝士等配料,超級豐富!

圖:giannhuieunice2046


第8位 i CREMERiA Café

雪糕係春夏秋冬都會食嘅,連續兩星期上榜嘅i CREMERiA,除咗有招牌金箔雪糕、蜜瓜芭菲,亦有好多人like嘅下午茶套餐,有成6款甜品,包括招牌軟雪糕、蛋糕、白玉、三文治、同埋日本水果,睇落吸引又滿足!

圖:Jacqueline Au小年糕


第7位 Bakehouse (*新上榜)

呢間麵包店都算係最近爆紅人氣店!由前四季餅廚Grégoire Michaud創立,每日都有長長人龍爭住買牛角包,真係好瘋狂!牛角包外層鬆脆,層次感豐富,自家製酸種麵包都好受歡迎,基本上晏晝3、4點已經沽清!49個笑臉零負評唔係浪得虛名嘅。

圖:littlefoodie00Ankihey


第6位 桃園眷村

同樣係連續3個月上榜,今個月繼續留守榜中。台灣早餐喺香港的確比較少有,加上價錢抵食,食物純樸美味,鬆餅夠鬆脆,飯糰用料足而且夠熱辣辣,充滿台灣古早風味。證明食物唔使花巧,都可以滿足味蕾。

圖:leotong嘉菲cc


第5位 夏雪 (*新上榜)

甜品店原本位於西環,擴充至大圍後人氣有增無減,主打窩夫足料大大份,賣相唔錯,而且有多款口味任揀,好似紫薯、黑芝麻,幾有新鮮感。鍾意抹茶嘅就要食抹茶特盛,有抹茶心太軟、銅鑼燒、抹茶啫喱、白玉、蕨餅等。

圖:LionbDininghkfoodelicious


第4位

氣勢如「魂」嘅拉麵店再回勇,重返排名榜兼獲第4位!拉麵咁多年都保持都質素,拉麵得4款口味,除咗原味,火魂為蕃茄辣汁配三文魚、青龍係菠菜汁豚骨配蟹肉魚子醬、太極為墨魚汁配蟹膏金箔,矜貴有特色。

圖:KeilwkRubyWong1122


第3位 ATUM Restaurant (*新上榜)

餐廳以藝術為出發點,每道菜都好似一幅畫咁精緻,而且配搭新穎,三文魚配蜜柑啫喱、帶子配紫薑,不過味道又唔錯,成日都俾到客人新鮮感,所以開業以來都好有唔少好評。今次首度上榜就已進駐第3位,實力強勁!

圖:hkfoodkiller_music_ccman


第2位 橘焱胡同燒肉夜食 (*新上榜)

呢間來自台灣嘅燒肉店,開業半年先至首次上榜!餐牌同台灣一樣,招牌作包括鹽葱牛舌、蟹膏生干貝、牛五花、霜降松阪豬肉等,材料新鮮調味適中,更可以請專人幫你燒,而且坐吧枱係有炭爐,食物更有炭燒香!

圖:Pcsy諸葛老師


第1位 The Point (*新上榜)

位於餐廳來去匆匆嘅銅鑼灣登龍街,一到食飯時間例必排隊,可見呢間薄餅店人氣高企!菜式有創意,包括原隻龍蝦薄餅、水煮和牛、四川麻辣雞肉等款式,餅底做得香脆,而且每個pizza都好足料!餐牌選擇都好豐富,所以有唔少回頭客返來幫襯。

圖:shan820913小慳妹吃好西



文:Perrins

關鍵字
十強
排行榜
豬扒
漢堡
甜品
抹茶
牛角包
雪糕
窩夫
拉麵
西菜
燒肉
薄餅
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
情人節去K11 MUSEA 一文睇晒浪漫餐廳
2020-02-06
全城抗炎 與醫護同行!提供醫護餐飲免費優惠餐廳一覽
2020-01-31
美國人氣肉桂卷抵港!煙韌原味/朱古力/焦糖胡桃卷(有片)
2020-02-06
全城抗炎!60間餐廳推$0-$25酒精搓手液換購計劃
2020-02-12
全城抗炎!衛生保障 推行防疫措施餐廳一覽
2020-02-07