10月份好評餐廳十強 | OpenRice 香港開飯喇

上個月推出「9 月份好評餐廳十強」後網友反應甚佳，部份食家「按文索驥」，找到不少未曾嚐過的美食。10月份哪些餐廳獲得最多好評，能打入十強之列呢？\r\n（Cover photo by SMASHING PUMPKINS）\r\n\r\n\r\n

排名	餐廳	好評數目
1	時新快餐店	20
2	蘭芳園	18
3	澳洲牛奶公司	15
4	萬豚屋	9
5	勝香園	9
6	金華冰廳	9
7	Simplylife Bakery Café	9
8	華姐清湯腩	9
9	Mi Casa Chilean Oyster Bar	8
10	百佳咖啡餐廳	8

\r\n\r\n\r\n第一位時新快餐店\r\n（連續第2 次登上《每月最多好評餐廳十強》）\r\n\r\n當外國的連鎖漢堡包店相繼登陸香港，突然間大家又反璞歸真，想起港式漢堡包的味道。上次時新登上「9 月最多好評餐廳十強」的第4 位，今次更躍升第1位，除了很多首次品嚐的網友食評，更多的是食過翻尋味的食家。有食家發現除了漢堡，原來薯條亦值得一試。不少網友更盛讚其服務態度一流，奄尖要求亦一一做到。\r\n\r\n

\r\n（Photo by r1123flight222）\r\n\r\n網上食家評語節錄：\r\n

r1123flight222：雙層芝士漢堡，口感一絕，同老外o個d完全唔一樣，加埋溶化中既芝士& 秘製沙律汁(真係唔係出面普通o個d)，真係好味…另外一定要叫炸薯條~波浪形，粗粗壯壯，落少少鹽再加埋茄汁真係人間極品。\r\n

vil：漢堡扒肉汁豐滿，邊咬邊流汁，而且入口即溶，啖啖都充斥著洋蔥香，再加埋半溶狀態既卡夫芝士。哈哈，真係無得彈。建議等塊芝士俾漢堡扒熱溶先食。\r\n

Bu Bu：朋友的漢堡要走沙律醬，而我的就除了要走沙律醬外，還加了兩片芝士，還要求一片上，一片下，中間是魚柳，師傅笑笑：無問題，服務態度令人滿意…這樣的服務，這樣的食物，這樣的價錢，大笑臉一個！讚！下次我會堂食！\r\n

Gourmet KC：發現最好吃的，原來是炸雞腿…出來的效果是皮很脆…雞腿理所當然是雪藏貨色，但肉質卻十分嫩滑，肉汁充凝，炸雞腿吃了幾十年，這裡的，也算是有水準的了。\r\n

艾文妮：服務又係超好，無論清潔姐定大廚，都笑容滿面，我只點個包都會自動波俾杯水你，就算有d伯伯婆婆只係入黎借廁所，都永無黑面say no。\r\n\r\n必食菜式：雙層芝士漢堡、魚柳包、炸雞脾、炸薯條\r\n\r\n瀏覽時新快餐店其它食評\r\n\r\n\r\n第二位蘭芳園\r\n\r\n蘭芳園在10月份的食評毀譽參半，不少人專程幫襯馳名的雞扒撈丁，發覺質素大不如前，但同時亦有很多食家讚賞其出品名不虛傳，事實孰真孰假？看來要自己試試才知道。除了著名的撈丁和奶茶，有食家推介白汁牛脷飯和咸檸七，不妨列入下次點叫菜式之列。\r\n\r\n

\r\n（Photo by 蝗蟲同學） \r\n\r\n網上食家評語節錄：\r\n

米飯班仔：第一次去蘭芳園已經俾衣到的食物吸引住，直到現在變左做常客了…佢d撈丁真係好好吃，唔單只d出前一丁彈牙又有口感，其配搭的食物又一流。\r\n

蝗蟲同學：一如以往叫心多多撈丁…從賣相到食味，我o既第一個反應都係”乜求其咗咁多!?!?”-公仔麵腍得很，完全唔係之前食過o既彈牙質感；荷包蛋煎得熟透，同之前食過的溏心蛋無得比；好彩鹵水雞翼同回鍋肉無驚無險。\r\n

猩猩之王：叫左個白汁牛”利”飯同咸檸七，牛”利”又夠味又夠林，咸檸七又咸又甜夠過癮。\r\n

正常的醜小鴨：牛排又”淋”又”正”，好好味，$34-$36一個套餐，簡直超值同超水準，曾經去過一間日本形式的coffee shop食一客牛排都要$80-$90…都係蘭芳園經濟得，又有水準，品質的保證。\r\n

黑紗：撈丁有咩味，只倚靠一pat雞茸醬，唔掂。奶茶熱比cold香，西多係幾好，新鮮又香脆，不過咖young味偏甜。不如傳說中出色。\r\n\r\n\r\n必食菜式：雞扒撈丁、奶茶、白汁牛脷飯、咸檸七\r\n\r\n瀏覽蘭芳園其它食評 \r\n\r\n\r\n第三位澳洲牛奶公司\r\n\r\n有去過澳牛的朋友，除了會掛念那裡的香滑炒蛋，伙記們快手快腳工作的情景亦會不自覺地浮現腦海，因為快是此餐廳的特色，早餐、茶餐、快餐的選擇基本上都差不多，多士和炒蛋是最受歡迎的item，伙記以極速時間落單和送上食物，基本上20分鐘就可食飽離開。但想幫襯就要有心理準備，這裡不是給你慢慢歎茶的地方。\r\n\r\n

\r\n（Photo by 搣叉燒） \r\n\r\n網上食家評語節錄：\r\n

hkpigpig：炒蛋，名不虛傳，比好多地方炒既特別金黃，滑，好味，你試下就知。p.s. 伙記態度需要極力改善，有客人黎到就即刻喝佢去佢比你個位坐低。\r\n

chrisko：炒蛋真是很好吃，又熱又滑，難怪這麼多人。但更令我大開眼戒的是這兒的效率，點了快餐後3秒便送上叉燒通粉，30秒內便有炒蛋多士，這兒像一個戰場，每個伙記都像在衝鋒陷陣似的，很大壓迫感，人流不絕，我不能相信這是一間餐廳。\r\n

pamelapenpen：記得第一次黎食o個時係被佢d炒蛋吸引，但後來發覺…多士才是愈食愈有味道…我諗我大大話話都幫親左佢5/6年…d野食有咩點變過…仍然係多士+炒蛋+通粉+熱好立克。\r\n

姚東師傅：總括黎講野食絕對係出色一流，但價錢以同區黎講就偏貴，廿蚊都落唔到樓，而且速度驚人，由落單到進食，每人平均十五分鐘，想坐耐少少都唔得，裙甩褲甩咁食一餐都唔知為咩？\r\n

搣叉燒：熱辣辣的蛋治烘底就登場喇！塊飽飽好厚，而且啲蛋都好厚！第一啖食落去已經覺得好滿足，因為真係好好好好味。其好味程度絕非一般半餐廳做到！\r\n\r\n必食菜式：炒蛋、多士、蛋治烘底\r\n\r\n瀏覽澳洲牛奶公司其它食評\r\n\r\n第四位萬豚屋\r\n\r\n萬豚屋以石鍋手打烏冬最馳名，煙韌彈牙，上桌時石鍋燒得熱熱的，有網友甚至寫食評建議降低石鍋的溫度，因為熱辣辣地進食很花時間，不過幸好烏冬沒有因進食時間長而變得太腍。豚肉是另一不可錯過的選擇，無論是一口豚肉或是豚肉烏冬都大獲好評。\r\n\r\n

\r\n（Photo by Jenz） \r\n\r\n網上食家評語節錄：\r\n

cheese monster：豚肉即豬腩肉，但不太肥，很大件，烏冬真的很彈牙，而湯亦很好味，加上一隻剛剛熟的雞蛋，手打烏冬真是名不虛傳，怪不得這麼多人一早來排隊。\r\n

Jenz：鮮蜆生蠔濃湯手打烏冬：上檯時是超熱的，濃湯原來是杰杰的龍蝦湯，非常鮮甜卻感覺沒有味精，真材實料！烏冬果然很出色，有點半透明的狀態，煙韌彈牙，很有嚼勁。\r\n

Clownray：主角烏冬，一如各位食友所講，非常彈牙，算是香港頂級…一口豚肉，非常好吃，極力推介。\r\n

angiengan：石鍋手打烏冬─GOOD，烏冬彈牙，湯底香濃，石鍋的熱力令雞蛋處於半生熟的狀態，配料新鮮，非常好味。\r\n

業餘為食家：這裡的手打烏冬口感很好，已熱窩盛載，無論吃多久多慢還是保持著熱騰騰的…這店光是吃烏冬就已經值回票價了。\r\n\r\n必食菜式：各式手打烏冬、一口豚肉\r\n\r\n瀏覽萬豚屋其它食評 \r\n\r\n\r\n第五位勝香園\r\n（連續第2次登上《每月最多好評餐廳十強》）\r\n\r\n9月份和10月份同樣登上《每月最多好評餐廳十強》第五位的勝香園，不愧為全港最受歡迎的茶檔之一，10月的食評中有慕名而來的新食客，亦有不少幫襯多年的常客，有食家發現食得多出名的番茄牛肉通粉和檸蜜脆脆，再次光顧時點叫其他食物原來亦有驚喜。\r\n\r\n

\r\n（Photo by Gourmet KC） \r\n\r\n網上食家評語節錄：\r\n

Gourmet KC：是日就要了個腿蛋治烘底加番茄。本是簡簡單單的一件三文治，做得也很有心思。蛋是夾著火腿去煎的，做成三層的效果…多士烘得鬆脆，火腿煎蛋熱辣辣又美味…一份三文治沿開四份，砌得很有心思，沒話可說。\r\n

geisi：檸蜜脆脆果然好好食：個包外脆內軟，又唔會”lone”，牛油加檸蜜個配搭好特別，開胃得黎又唔漏。\r\n

小連：最驚喜的是呢度既脆脆，我想即是脆豬仔包，點了蜜糖香檸脆脆，好好味呢！食到停唔到口，於是試多個豬排蛋脆脆，料足味濃，很特別。\r\n

tkd_beaver：番茄牛肉蛋麵~相比下番茄多牛肉少~不過牛肉都幾”lum”，個湯無番茄牛肉通甘濃，不過都一樣好味。好大碗，食到捧住個肚走~\r\n\r\n必食菜式：番茄牛肉通粉、檸蜜脆脆、腿蛋治烘底\r\n\r\n瀏覽勝香園其它食評 \r\n\r\n\r\n第六位金華冰廳\r\n（連續第2次登上《每月最多好評餐廳十強》）\r\n\r\n「平靚正」是不少港人的購物哲學，其實用在金華冰廳身上也可以，$5一件厚油占多、$5.5菠蘿油、$12菠蘿蛋包，超值的價錢加上不錯的質素，吸引大量食家慕名而至，有食家更讚許這裡出品的菠蘿包為他食過最好食的菠蘿包，就算未算是全港最好的選擇，也是不錯的選擇吧！\r\n\r\n

\r\n（Photo by Yan~*）\r\n\r\n網上食家評語節錄：\r\n

豆腐人：相信好多人都會食過呢到既包，真係又脆又香又軟，今日唔洗排隊就可以買到…好新鮮，拎係手熱辣辣，點都會再食。\r\n

littlehehe：有次路過口痕買左件油占多，5蚊件熱辣辣脆卜卜仲要係”厚片麵包”…好好味，而且佢係用一個白色紙袋裝住好懷舊的，掂呀！\r\n

Yan~*：菠蘿蛋包真的不錯，聽上去$12一個有點貴，但菠蘿包大大個又鬆香軟，加上蛋配搭特別，值得一試。\r\n

Swan River Fiona：腿蛋包的蛋係荷包蛋的friend，一咬落去會有蛋汁「必」出黎，同片火腿的味兒好match~仲要係熱呼呼的，cool~我地忍唔住，叫埋蛋撻食，新鮮出爐，好滑。\r\n

蝗蟲同學：菠蘿油賣相幾靚，份量澎湃，層皮極脆，個包軟熟熱辣，加埋一片未溶晒又鹹鹹o地o既牛油，超好食！係so far我食過最好食的菠蘿油，極力推介！\r\n\r\n必食菜式：菠蘿蛋包、菠蘿油、腿蛋包、油占多\r\n\r\n瀏覽金華冰廳其它食評\r\n\r\n第七位Simplylife Bakery Cafe（九龍塘又一城分店）\r\n（連續第2次登上《每月最多好評餐廳十強》）\r\n\r\n同樣是麵包，與樓上第六位的金華冰廳相比，Simplylife Bakery Cafe的出品的確比較貴，但兩者的風格完全不同，Simplylife賣的是悠閒的歐陸風情，有謂外國的月亮特別圓，所以賣貴一點也大有捧場客。而且說真的，這裡的麵包用料講究，食物選擇多，食物質素和環境皆不俗，所以在眾多Bakery Cafe中脫穎而出。\r\n\r\n

\r\n（Photo by popa）\r\n\r\n網上食家評語節錄：\r\n

cheesy_cheesy：so far食過咁多款bakery products，每一款我都好鐘意，全部都係一食落去就鐘意！好彩我唔係住係附近，否則一定會成日買！\r\n

Puppy11：松露菌全麥扁意粉─喜歡吃有咬口的意粉，這碟正合心水，不怕太齋，汁夠濃，菌亦香，以為細碟，但食完已很飽。\r\n

sunny：一坐低D Staff會介紹今日係咩soup/salad…sp.ice tea/sofa drink…好有耐心…除咗食物質素連員工都好有質素…最impress是waitresses的服務水平，有禮貌，態度好。\r\n

popa：今次買的是合桃麥包，買的時候仍是溫暖，應該是剛出爐，這裡的麥包的特點是皮極為煙韌…麵包的麥味極為充足，密度也高，而亦毫不小家地放進極多大大粒的合桃，又香又有咬口。\r\n\r\n必食菜式：合桃麥包、松露菌全麥扁意粉\r\n\r\n瀏覽Simplylife Bakery Cafe 其它食評\r\n\r\n\r\n第八位華姐清湯腩\r\n\r\n天后電氣道有多間賣牛腩的餐廳，要數最出名的還是華姐清湯腩，除了因為清湯腩好食，不少人都在食評中讚華姐親切態度好。講回食物，這裡的牛腩軟腍，湯夠清，原來華姐會根據牛腩的紋理去切，所以牛腩特別腍。最出名的清湯腩可選半肥瘦、全肥或者不肥的，不怕肥的一定要試全肥。\r\n\r\n

\r\n（Photo by Raikkonen）\r\n\r\n網上食家評語節錄： \r\n

麥坤：清湯腩比大利更香更濃，湯底非常濃郁，本來二十蚊既清湯腩米粉因為學生減兩蚊，仲話送埋杯原價六蚊既豆漿，真係好底食！最抵讚係服務態度，全無出名的架子，且非常親切有禮。\r\n

Raikkonen：爽腩光是見到樣子就知爽，筋膜部份特別多，吃下並不感到油油的，雖然牛腩既味道不及一般牛腩濃烈，但味道是相當好的。\r\n

艾文妮：湯底十分清，一上檯時油份十分少，好清甜好香，難怪一坐低時，見到對面位年青人不停一啖啖咁飲落肚，牛腩炆得好淋，份量亦唔算少，好好味，抵佢咁出名。\r\n

samurai：有幾件爽腩卻帶來意外的驚喜，原來筋膜下附帶的小團像脂肪的東西卻不是脂肪，咬下去像這厘的東西甘香絕倫，之前從末試過，慢慢咀嚼，像是大口吃著雄大閘蚧膏，但卻充滿牛味，令人回味無窮，是爽腩之極品。\r\n\r\n必食菜式：爽腩\r\n\r\n瀏覽華姐清湯腩其它食評\r\n\r\n\r\n第九位Mi Casa Chilean Oyster Bar\r\n\r\n位於大坑、店面毫不起眼的Mi Casa，44 個食評中只有1 個喊臉，共有42 個笑臉，小小的蠔吧究竟有何吸引之處？食評一面倒讚賞此餐廳坐得舒服，食物夠新鮮，生蠔鮮甜勁有海水味，沙律意粉質素甚高，而且服務態度親切周到，最重要是價錢不算貴，難怪晚晚滿座，想光顧記住先訂位。\r\n\r\n

\r\n（Photo by krikri）\r\n\r\n網上食家評語節錄：\r\n

蝗蟲：發現那兒廚師的手劫果然甚佳…南美海鮮湯味道不濃不淡口感頗特別。其次我再點了一碟鴨肝雜菌意粉…無論獻汁的餚製以至粉的軟硬度都是近年來吃過的意粉中最好的其中之一。\r\n

BB Maximus：磨菇忌廉湯─非常香濃…驚喜的是那片勁香脆的蒜蓉包。Oyster Platter─非常新鮮和肥美爽口，一口一隻連蠔殼內的海水一併放入口中，各姊妹都欣賞到忍唔住合上眼”唔！好好味呀！”\r\n

神戶牛牛：蠔殼內既海水係精華所在，海洋味湧上心頭。其他菜亦做得非常出色…鵝肝野菌意粉必食之選，鴨肝既油脂令到整碟pasta味道提升，香味四溢。\r\n

莎小姐：第一次去的時候已經好impressed with佢地既食物質素。煙鱔沙律─真係一試難忘…實在太好味！鴨肝意粉─我partly都係為左呢個再黎架…真係好香好味…so far食過我會食完又會想食既意粉…\r\n\r\n必食菜式：鴨肝雜菌意粉、Oyster Platter、磨菇忌廉湯、南美海鮮湯\r\n\r\n瀏覽Mi Casa Chilean Oyster Bar其它食評\r\n\r\n\r\n第十位百佳咖啡餐廳（九龍灣德福廣場分店） \r\n\r\n這間九龍灣分店於今年中開業，餐廳一網打盡湯、主菜、居酒屋料理、甜品等綜合菜式，食評讚賞的食物亦各有不同，包括石頭飯、南瓜湯、三文魚、咖啡凍餅，平均來說食物質素不錯，而且侍應笑容可掬，值得一讚。\r\n\r\n網上食家評語節錄：\r\n

wingma1124：食過幾間pokka，覺得呢間最好~個甜品拼盆(唔記得個名)呢個極力推介呀！呢到d石頭飯都好味~唔會太乾身，加埋d韓國辣椒醬一流~\r\n

過客：好鮮甜既南瓜茸湯底唔錯，忌廉焗椰菜香濃既忌廉汁加埋牛油焗得好香，原來椰菜都可以咁好味，日式燒蚝餅大大碟夠睇頭仲好香口，蟹腳黃金炒飯D飯炒得夠乾身一流…真係估唔到喺九龍灣係有好嘢食架！\r\n

識食嘅人：先嚟有香噴噴茨茸伴田螺，有燒到半生熟嘅三文魚好滑好正，香口嘅燒蚝餅…最掂嘅係嗰杯女士最啱飲嘅仙人掌青萍果汁。掂！掂！掂！\r\n

Pokka 會員：有個侍應介紹我食個咖啡凍餅，厚厚嘅凍餅面頭有濃郁嘅朱古力汁，賣相非常！非常！吸引，入口夠冰凍，有D 似雪糕，好正，正到停唔到口。\r\n\r\n必食菜式：石頭飯、仙人掌青蘋果汁、咖啡凍餅\r\n\r\n瀏覽百佳咖啡餐廳其它食評\r\n