鹿兒島直送和牛!必試吉列和牛三文治 尖沙咀新日式燒肉店(有片)
2020-01-22

各位牛魔王注意啦,尖沙咀最近開咗間燒肉店,主打JA鹿兒島直送和牛!霜降脂肪分佈平均,而且肉味濃郁。除咗有唔同部位嘅和牛畀大家自己燒,仲有唔同和牛菜式,包括近年大熱嘅吉列和牛三文治,同大份夠抵食嘅Lunch Set呀。
 


Wagyu Ya主打日本鹿兒島直送和牛同美國和牛,細節位相當用心,例如每個燒爐都有獨立抽風機,無論係舖頭定食完燒肉件衫都唔會有燒肉味。無論係Lunch Set定燒肉拼盤上都加上唔同顏色嘅蔬菜,希望各位食肉獸享受和牛嘅時候同時食多啲蔬菜。
 


黑松露和牛他他($98)

輕輕炙燒過和牛嘅油香更為突出,呢份他他有五重味道:入口口腔瞬間會充滿黑松露油香氣,之後Wasabi芝麻嘅辛辣會攻上嚟,然後係和牛嘅肉味同醬油嘅香味,最後帶啲啲柚子嘅酸味同芝麻嘅香氣,層次分明。
 


Wagyu Ya和牛三明治($388)

近年日本紅到過嚟嘅吉列和牛三文治呢度同樣有,牛扒選用A5和牛西冷,炸成吉列牛扒就外面香脆裡面肥美肉嫩!秘製醬汁蜂蜜、芥末籽、蛋黃等調配,甜中帶微辛平衡油膩感。麵包亦烘至薄身香脆。串起後加上金箔點綴,賣相更加分。
 


牛More拼盤 - Carnivore($888)

牛魔王最愛嘅牛肉拼盤!呢份有齊牛舌、美國和牛牛小排、日本A4和牛肩脊、日本A4和牛三角,同日本A5和牛西冷。美國和牛油花少但肉味會比較香,日本和牛、特別係A5就油花分佈均勻細密,不過肉味就無咁突出。牛舌亦有厚切同砌到好似朵玫瑰咁嘅薄切,厚切食落爽、彈、香口,薄切嘅就再韌少少同更爽口,而無論厚切定薄切都保留到肉汁!
 


三款日本和牛各有特色,A4肩脊脂香同肉味平衡,A4三角油花多食落特別有入口即溶感、越咬越香,A5西冷口感軟嫩多汁。特別一提拼盤上有唔少色彩繽紛嘅蔬菜係畀大家燒嚟食,中場畀味蕾清爽一下,粟米同番薯亦已經蒸熟,燒返熱就食得,特別係番薯燒完點少少鹽食味道更香甜!
 


食燒肉會配燒汁、酸汁同岩鹽,好似牛舌咁點少少岩鹽已經非常香口,油花比較多嘅和牛就可以按自己口味點燒汁或者酸汁。
 

更多【新店直擊】:
1. 電競女神RoseMa開女僕café 親自駐場 施魔法蛋包飯
2. $440嘆盡十道鐵板燒料理!觀塘新開抵食鐵板燒專門店
3. 台灣富豪飯堂名廚主理!山頂新開麵食專門店 必試清燉雞湯麵

 

(午餐)和牛溫泉蛋丼($98)

想食平啲揀Lunch Menu就得,多款日式丼飯最平都係$78/份!用料同樣講究,選用日本雞蛋、日本珍珠米同美國和牛西冷。醬汁味道偏甜,有少少似壽喜燒嘅醬汁。原來師傅係用日本醬油加日本酒調配,一滴水都無加,加埋甜甜地嘅洋蔥同流心溫泉蛋撈飯食一流!
 


而且午餐包埋沙律、前菜、湯同茶碗蒸,前菜都係自家製作。茶碗蒸嘅雞蛋嫩滑到好似雞蛋布甸咁,裡面仲有雞肉、蝦仁、蟹肉等等,鮮味十足。前菜會不定期更換款式,保持新鮮感。
 








Wagyu Ya
地址:尖沙咀金馬倫道29A號地舖




文、相、片:Cathy

關鍵字
尖沙咀
和牛
燒肉
和牛三文治
Wagyu Ya
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】最後倒數!即將結業的老字號及人氣小店
2020-05-19
【隨時更新】零食速報 每周新款零食、酒品點評
1天前
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
旺角新開花藝Cafe 豐富全日早餐+明太子貓耳朵+特調有機花茶(有片)
2020-05-18