高CP值放題推介
2019-11-07
香港人瘋狂愛打邊爐,無論咩天氣,咩季節都會想滾就滾﹗正因如此,香港嘅火鍋文化亦變得多元化,更出現自助餐同放題形式嘅火鍋店,比食客一次過滿足幾個願望,仲可以一個價錢包哂咁飲飽食醉,啱晒三心二意嘅您!

緣聚鮮鍋 (荃灣)       
一間主打高CP值嘅自助餐加任食火鍋嘅火鍋店,HK$200有找就可以任食自助餐和火鍋!場內有11個食物區-壽司區、刺身區、火鍋區、沙律區、熟食區、甜品區、飲品區等,真係多到食唔曬呀!

頂級牛板腱
晚飯時段入座即送頂級牛板腱一客,牛味極濃!

牛肩脊
任食牛肩脊爽口彈牙,又充滿牛味!

湯底
湯底多達9款選擇:黑蒜、豬骨、壽喜燒、味噌地獄辣、番茄、海鹽、芫荽、風味麻辣,鴛鴦湯底,一定有一款啱您口味!

即場切原條吞拿魚

駐場壽司師傅每晚即場切原條吞拿魚,師傅刀工了得,睇住師傅表演,感覺好治癒! 各款刺身即叫即切,新鮮高質!

熟食區
場內熟食區有炸物、熱食;甜品區有朱古力噴泉、布甸,最令人驚喜嘅係連夾糖都有。  

牛大人台灣火鍋吃到飽 (旺角)    
牛大人火鍋吃到飽由台灣師傅親自主理,主打台灣地道特色湯底及風味食材,,提供九種不同的湯底款式及台灣直送美食,務求顧客吃到飽,也吃得好。 

牛大人紅燒牛骨鍋 
採用優質嘅牛腿骨先燒後燉而成,湯底既能散發燒牛骨嘅濃郁香味,又保留到牛骨中嘅細緻味道!以慢燉烹調釋放牛骨中嘅營養物質,熱量低又含豐富蛋白質,燉煮途中更需要耐心撇去浮沫令湯頭保持清澈,一鍋紅燒牛骨湯絕對係牛大人嘅心血結晶! 

牛夫人秘方麻辣鍋
具有獨特牛骨清香,以辣乾、大紅袍花椒、郫縣豆瓣同三十多種中藥材熬成。先烤後煮嘅牛骨帶有濃郁香味,係醇厚滑順中帶有豐富多變嘅層次,氣味醇香,味鮮回甜但又唔會搶咗食材本身嘅滋味,配以大、中、小辣度,適合唔同人士享用!

台灣鳳梨雞鍋 
台灣最經典嘅古早鍋之中,以鳳梨搭配苦瓜熬制嘅雞湯醇厚滑順中帶豐富多變嘅口感,氣味醇香卻又唔會搶食材本身嘅鮮味,清熱解毒嘅苦瓜同止渴開胃嘅鳳梨相輔相成!  

澳洲和牛M5 牛肩卷
牛肩卷位於牛嘅後頸,油花分佈均勻,肉味濃郁!

第二市場真滷牛肉飯 
滷肉飯係台灣經典小吃之一,牛大人推陳出新以滷牛肉代替一貫滷豬肉做法,讓滷肉飯更加香氣四溢。嫩而唔膩嘅滷牛肉配上白飯,讓人忍唔住大喀一碗!


緣聚西日餐廳 (屯門)       
集日式放題與刺身火鍋於一身嘅餐廳,場內共約有160個座位,裝潢走以時尚工業風,設有以貨櫃為元素嘅玩味裝置。餐廳提供IPAD嘅快速點餐配備,提供刺身、西日扒類、燒物、卷物、天婦羅、火鍋等。

澳州羊扒
澳州羊扒羊架燒到好香口,食落口唔會太羶,啖啖肉,正呀!

壽司
手握壽司即叫即做,飯粒粒分明,醋飯好紮實,唔會一夾就散,細細件份量啱啱好,可以食多幾款!壽司配料有多款選擇,款款都食得出鮮味!

花膠碗仔翅
花膠大大舊,湯調得稠身,芡漿卻埋得很薄,入口滑膩,唔會糊成一團,好味!  

雪燕甘柚肉榴槤雪糕 

雪糕非常真材實料,入口好重榴槤味,加上雪燕同甘柚肉,口感一流!

刺身升級任食即生蠔及蟹腳
食客仲可以加錢升級食埋即開生生蠔同蟹腳,樣樣都好新鮮好鮮甜,令人食到停唔到口呀!  

好味煌海鮮火鍋專門店 (佐敦)  
營業到凌晨2:00嘅2.5小時任食火鍋海鮮放題,係晚飯宵夜嘅好去處!食客可任點超過80款火鍋生料,並設有自取配料區,多款蔬菜、丸類,肉類、雪糕任揀!仲有汽水、啤酒任飲,保證可以飲飽食醉!場內有大枱、卡位細枱同VIP房,價錢實惠,無論三五知己定一家大細都啱晒您!

燒日本重慶麻辣雞煲
雞煲份量足,醬汁濃郁,用上大量香料炒製嘅秘製醬汁搭配嫩滑雞件,入口香辣惹味,食完後可以加入清湯打邊爐! 

四川麻辣鍋底
湯底有多款選擇,椰子雞鍋湯底清清地,正好突出雞肉新鮮,就算沒有加入額外的味精及調味料,雞肉本身的鮮嫩、鮮味已好食到停唔到口!

手切肥牛
牛肉有手切肥牛同安格斯牛肉兩種選擇,手切肥牛色澤一睇就知勁新鮮!輕輕一煮就食得,牛味香濃,值得encore!

海鮮配料
可以任點嘅海鮮種類繁多,包括生猛鮮蝦、鱔魚片、帶子、美國桶蠔,樣樣都鮮甜美味,食多幾樣,回本話咁易!

任食配料  
除咗海鮮仲有多款新鮮蔬菜、必食嘅墨魚丸、龍蝦丸、貢丸、牛丸等等,款式多到簡直令人有選擇困難症!


鍋霸吃到飽台式養生火鍋 (佐敦)   
鍋霸主打台式火鍋放題,環境乾淨衛生,餐廳面積頗大,環境舒適,大部份以卡座為主,屬於按人頭收費嘅火鍋吃到飽。 台式火鍋湯底有多款任選,更有超過60款火鍋配料任吃,仲提供自家製飲料如冷泡茶、烏梅汁等,十分有誠意呢! 

藥膳養生湯
以十多款藥材如紅棗,當歸,北芪,黨參,杞子,雞殼等,熬製超過五小時,作為火鍋湯底,客人可以係打邊爐之前先品嚐藥膳養生湯嘅味道,在煮嘢食,而且客人加湯時,都會加翻藥膳清湯,唔洗怕越吃越淡!

即炒鹹蛋黃黃金魚皮 
魚皮每日新鮮到貨,即叫即炒,每一塊都甘香爽脆,味道濃郁,沾湯吃更另有一番風味, 而且更配有全港首創shake shake黃金魚皮,配以四款味粉,海苔,香辣,芝士,梅子,每一款口味都獨當一面! 

多款特式火鍋配料
選用美國Prime Grade安格斯肥牛片,同西班牙無激素豬肉片,仲有超過七十款火鍋配料如海鮮、肉類、炸物、手工自家制配料等等供客人無限追加,讓食客們可以輕鬆回本!

自家製手工飲品  
每日新鮮手工製作最時興嘅飲品,有桂花烏龍冷泡茶、四季春冷泡茶、烏梅山楂茶、冬瓜檸檬茶,款款都包裝精緻,屬打卡之選!而且所有非酒精飲品也是任飲嘅,種類繁多!


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
高CP值
火鍋
放題
打邊爐
任食
任食火鍋
自助餐
刺身
壽司
海鮮
麻辣
雞煲
價錢實惠
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】便利店尋寶 每周新品速報
2019-11-29
【2019聖誕】早鳥優惠! 聖誕自助餐推介
1天前
【2019聖誕】年尾叉電 聖誕下午茶集合推介
2019-11-19
秋風起!5間大閘蟹放題食店集合
2019-11-19
【2019聖誕】約會之選 聖誕市集推介
4天前