高質FINEDINE日菜推介
7天前
正所謂「辛苦搵嚟至在食」,人生有大部分時間我地都係食同睡,所以當然要對自己好啲啦!所以今次小編就搜羅咗城中嘅高質FINEDINE級人見人愛嘅日本菜,無論你要食飯慶祝定同朋友聚餐,或者好好慰勞自己食餐好,都一定有間啱你!

Zeng (銅鑼灣)       
位置銅鑼灣嘅酒吧餐廳ZENG,取名自香港人經常講嘅「正」字,主打型格玩味同東西薈萃美食,一系列融合東西方元素嘅特式雞尾酒同充滿驚喜嘅佐酒菜式,加上舒適環境,露台景觀飽覽270度維港海景,啱晒識玩識食識享受嘅你!

和牛卷海膽
生和牛牛柳薄片加上加拿大海贍,配日本芥末蛋黃醬,再放上黑魚子同食用金萡片,一匙一啖,感覺勁奢華!

龍蝦拉麵
特意選用加拿大波士頓活龍蝦,加上經蒜香牛油處理過日本拉麵,配搭龍蝦濃湯,再放上蝦子蛋白泡沫同黑魚子,絕對係非一般嘅拉麵享受!

生牛肉他他
選用和牛牛柳加入水瓜柳同乾蔥,配上注入松露醬嘅蛋黃作醬汁,再加黑魚子, 入口有牛鮮味,係極致享受!

意式龍蝦剌身

選用加拿大波士頓活龍蝦,配上芹菜絲、西芹絲、西芹以及辣根汁同檸檬欖油汁,簡單咁帶出龍蝦本身嘅鮮甜味!

火焰鹵水五花腩
選用美國原件豬腩肉,以低溫慢煮5小時後,再以自家調制鹵水汁低溫烹調5小時,最後點燃中國玫瑰露燒酒,倒係豬腩表面提升香味和感,睇得又食得之選!  

福川鐵板燒日本料理 (灣仔)   
灣仔新開嘅日本料理餐廳「福川鐵板燒日本料理」,店內裝潢優雅簡潔,集お任せ(Omakase)廚師發辦同西日融合鐵板燒於一身,讓食客可以同時食到兩種風味!餐廳堅持選用高品質食材,大多都是每天由日本空運到港,保證新鮮當造!餐廳分為日式Omakase區同鐵板燒區,各唔同風格,但都師傅都會係客人面前即席製作,強調與客人交流,為客人炮製啱口味嘅美食。餐廳另有優惠嘅午市套餐,有興趣嘅朋友仔切勿錯過啦!

鐵板燒餐-川
廚師係鐵板前來回走動,烹製每道菜過程都係一場小型演出。各款由日本空運而來嘅食材,經由廚師嘅精心炮製,都變成美食! 套餐包括: 前菜、刺身、甘鯛魚、日本産活鮑魚、藍龍蝦、和牛肉厚燒、 雜錦野菜、 漬物 、炒飯、 麵豉湯及甜品。

鐵板燒餐-松
係鐵板上烹製嘅過程,依靠和牛自身嘅油脂來滋養烘烤;海鮮同和牛係食用前只需灑上少少胡椒和鹽,已經可以品味到佢嘅鮮美紛芳!
套餐包括: 前菜、刺身、甘鯛魚、大蝦、時令貝類、和牛肉薄燒卷、 雜錦野菜、 漬物 、炒飯、 麵豉湯及甜品。

鐵板燒餐-梅 
鐵板燒非常講究新鮮,餐廳為突出食材嘅原汁原味,用料極為考究。再加上百變的醬汁,可以係簡單嘅食材上得到風味迥異嘅味覺效果。
套餐包括: 前菜、刺身、銀鱈魚、帆立貝、鴨肝、美國牛肉薄燒卷、 雜錦野菜、 漬物 、炒飯、 麵豉湯及甜品。

紅蝦
全球知名嘅西班牙紅蝦加上用咗蝦頭膏同自製醬汁伴嘅天使麵,芳香撲鼻,入口滋味滿溢!


煙熏黑毛豬
食橡果長大嘅西班牙伊比利亞黑毛豬,油脂分佈均勻,豬肉帶有濃郁嘅橡果香氣,堪稱豬界中「和牛」。肉味香濃柔軟,絕非一般豬肉可相比。係鐵板上製作時更有煙熏效果,好啱打卡!

焼肉ジャンボ Yakiniku Jumbo (中環)       
被東京Timeout雜誌選為10大最佳燒肉店之一,同時又係Tabelog排名第2嘅燒肉名店「焼肉ジャンボ」,終於都嚟到香港啦!成間燒肉店佔地超過5,000平方尺,環境寬敞舒適,並沿用日本店嘅爐下抽氣設計,客人食完燒肉啲衫同頭髮都唔會殘留太多油煙味,而且食物質素有保證,和牛每周新鮮空運到港,最多只會保存5天,以確保新鮮度、色澤同細嫩度,食肉獸們仲唔快啲訂枱,約朋友仔屋企人一齊嚟思下鄉!

野原燒 
由Yakiniku Jumbo創辦人南原竜男所研發嘅「野原燒」,特別選用帶嚼勁且肉味濃郁嘅A5和牛外脊,以人手切成 0.8厘米薄。係爐上猛火炙燒10 秒鐘前,先用秘製調味醬輕醃數分鐘,夾起後沾滿即打嘅九州雞蛋漿,口感幼滑軟腍,同時又可以突出和牛嘅鮮香,滿滿油香帶來極尚享受! 

稀少部位:梅花肩肉 
燒肉店供應超過20款和牛部位,其中梅花肩肉除咗帶有和牛獨特嘅肉汁風味,霜降比例亦比腿肉高,且肉質柔嫩,數量有限,必食之選!

黑毛和牛壽司 
日籍師傅手切嘅A5黑毛和牛,特選最鮮美嘅部位製作,即席略燒後肉香四溢,再鋪係用玄米茶煮嘅手握壽司飯上,飯粒同牛脂相互融合,令和牛嘅滋味更上一層樓!

特上牛舌

澳洲M5和牛嘅特上牛舌肉味濃郁,口感扎實又彈牙,店內另有薄切嘅牛舌同更厚切嘅頂級牛舌可供選擇。

和牛他他
選用肉味濃郁且肉質柔嫩嘅A5黑毛和牛內腿肉切成細粒,再以燒汁調味,美味可口,係開胃前菜嘅首選!  

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
FINEDINE
日本菜
日本
高質
鐵板燒
銅鑼灣
拉麵
焼肉
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】便利店尋寶 每周新品速報
6天前
給自己一個休息時間 10-11月下午茶推介
2019-10-25
高CP值放題推介
2019-11-07
鼎王來了!味道服務媲美台灣 必食麻辣鴨血鍋及員工教路秘製鼎王飯
2019-11-01
糧尾打氣!5間灣仔平價飯堂推介
2019-10-24