「只要做，就一定要做到最好。」係香港著名設計師Barrie Ho嘅格言，最近佢仲踩過界，自資喺上環開咗間位於角落嘅當代意大利風餐廳，餐廳靈魂基於傳統下創新，而每一個角落，小至一枱一櫈都同佢嘅設計一樣，做到一絲不苟。

被問到點解想開一間意大利菜，Barrie認為意大利菜對食物好執著，而香港人平時生活大急促，希望佢哋可以認真享受食物，更特意找到有豐富掌廚經驗嘅意大利大廚Mr. Fabio Mariella’s Bio合作。

餐廳位於上環一個小角落，以黑白風為主題，目的在於突出食物色彩。牆身更掛上一幅幅由Barrie親筆所畫嘅速繪，透過強烈嘅線條勾勒出意大利多個大城小鎮風貌，型格得嚟又有意大利浪漫情懷。

下星期就係聖誕，餐廳特意於12月24及25日推出聖誕套餐，包括一款前菜、意粉、主菜及甜品。想享受一個高質嘅平安夜或聖誕晚飯不妨嚟試吓～另外為保持食物質素，餐廳平日只開晚市，去前記得book位啊！

Smoked burrata puree, aged Parma ham

前菜帕爾馬火腿配意大利蕃茄及西西里島血橙，鹹香嘅火腿配上多款品種嘅蕃茄，味道更清新。

Warm Boston Lobster with Pumpkin Tomato Puree

前菜波士頓龍蝦配南瓜蕃茄醬，南瓜同蕃茄都係一樣普通嘅食材，但混合埋就同時食到南瓜甜味及蕃茄酸味，加埋魚子醬仲帶少少鹹香味添。

Homemade pasta with green asparagus puree and truffle sauce

手製意粉配綠蘆筍醬及松露醬，呢道菜係傳統聖誕菜式，手製意粉選用來自意大利嘅semolina麵粉及雞蛋，口感幼滑煙韌。加入綠蘆筍醬及松露醬，味道仲豐富，而上面嘅魚子醬都係松露味㗎。

Oven baked herbs Italian sea bream with sea urchin emulsion

主菜意大利鯛魚配海膽汁，選用意大利鯛魚，底層鋪有一款名為sardinia fregola，係一種粒粒狀嘅意粉，口感較煙韌，配埋甜甜海膽汁又幾夾。

Pan seared lam rack flavoured with Cayenne pepper

香煎羊架配西葫蘆花，用煙肉卷起羊，加上胡椒粉，惹味又不蓋過羊味。

Signature Italian Tiramisu

Tiramisu香濃軟滑，最後當然要食埋先叫一個完美晚餐！

Crit Room

地址: 上環太平山街30號地下C號舖

文: Yanica

相、片: Tom Li