首推石燒乾式熟成牛扒 旺角人氣石燒牛重新開業
2020-09-23

自從石燒牛興起後就愈開愈多,可能唔少人都對佢失去新鮮感喇~不過最近旺角呢間人氣石燒牛專門店疫市中重開,仲首次推出香港少見嘅石燒乾式熟成牛扒,供應三個部位,分別係牛板腱、西冷及肉眼,乾式熟成牛扒會令牛肉味更濃郁,牛魔王又有新嘢試喇!


店舖做法係先將挑選過嘅牛肉分切後,儲存於攝氏0度左右、濕度在50-85%特定恆溫及恆濕的環境中放置約20-45天不等,熟成過程中牛肉蛋白酵素會自然令肉嘅纖維遂漸產生變化而提升嫩度。而乾式熟成牛肉外層會同空氣接觸,令牛肉外層流失大量水份而呈風乾狀態,就好似有一層保護膜包圍咁,會令到牛肉本身嘅肉汁及油花更集中。


而餐廳選擇用牛油封住外層嘅乾式熟成方式,主要係令到牛肉味更濃郁,而且能夠保持到水份、口感更嫩滑,而且仲會帶微微橡果香。 


今次新品就有推出三個部位,講到牛味其實三隻都濃郁,不過口感同油花方面就有唔同,睇吓大家鍾意食咩類型嘅牛喇。

牛板腱係喺肩胛骨上面嘅肉,油花分佈均勻,肉質軟腍。


西冷牛扒就較厚肉,肉質彈牙,食肉獸至啱食。


而肉眼就肉汁豐富,油花分佈均勻。


另外餐廳亦有因應疫情推出丼飯套餐,如蒲燒鰻魚丼飯及比目魚丼飯,大碗兼抵食!


磊犇  

地址: 旺角西洋菜南街198號地舖





文、相、片: Yanica

關鍵字
旺角
石燒牛
乾式熟成牛扒
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】零食速報 每周新款零食、酒品點評
1天前
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-10-07
牛大人火鍋姊妹店!旺角新開台式燒肉吃到飽 任食澳洲 M5 和牛、SRF極黑牛霜降牛肉眼
2020-10-19
【即睇10月生日】酒店半價放題 Tiffany & Co.旗艦店導賞
2020-10-06
高級意大利菜餐廳尖沙咀重開 擁無敵海景 即席炮製經典芝士黑松露意粉+抵食3道菜午餐
2020-10-12