食肉獸必去餐廳推介!
2019-04-23
香港人出咗名無肉不歡,所以燒肉店、鋸扒等一向受港人歡迎,今期小編就決定同大家搞搞新意思,為大家提供食肉好去處新idea!

Sodam Chicken (銅鑼灣)
係韓國擁有70間分店嘅著名連鎖炸雞店「Sodam Chicken」,首家香港分店落戶銅鑼灣,設計簡約時尚,微黃的燈光打落木系傢俱上,格調份外自然、舒適。菜單參照韓國分店,來港後變奏出各式新品,甜或辣任君選擇。同場推出精緻主食及韓式小吃,配以韓式大熱逆插雞尾酒與特色飲品係同朋友聚會開心share嘅好去處!


太陽芝士炸雞
炸雞炸得外脆內軟,雖然經過高溫烹調, 雞肉仍然可以保持口感嫩滑,而且十分juicy。加上烘得金黃鬆脆嘅農夫包裡面放咗大量水牛芝士外脆酥香,水牛芝士、車打芝士、忌廉芝士化成芝士溶漿,炸雞沾上半溶芝士,拉絲效果賣相吸引,味道不會太咸,芝味可口香濃!

三併炸雞 (蝦醬/鹹蛋/檸檬柚子)
炸雞外層脆皮鬆脆,唔會皮肉分離,雞肉嫩滑唔嚡,最緊要係冇骨唔會食落勁方便! 香港風味嘅蝦醬炸雞味道濃厚,鹹香帶出濃濃雞鮮味;檸檬柚子味就有一層檸檬汁,加啲柚子絲鋪左係炸雞上面,食落酸酸甜甜;鹹蛋味入口濃郁鹹蛋黃香,咬落仲有炸雞脆卜卜既外皮同Juicy又嫩滑既雞肉! 三種味食落都令人舔舔脷!

蜜糖蒜香焗雞
用咗蜜糖同蒜蓉去烤隻雞,再灑上可可脆片做裝飾。雞肉有一種微辣喺口腔到縈繞,幾過癮! 全程不落油炸,用秘製烹調法迫出雞自身既油份,低熱量,低膽固醇,雞肉充斥着好香嘅蜜糖味 又滑又嫩又juicy,外表仲脆卜卜!

韓風燒豬仔骨

每日限量嘅韓風燒豬仔骨,非常厚肉,加上辣辣地的韓式醬,醃漬得非常入味!

法墨魚仔辣炒年糕
年糕煙韌彈牙, 韓式辣醬調配得剛好,香甜微辣,十分惹味! 再配上墨魚仔、魚串、蛋等配料, 必點之選! 


Steak Bar (中環/銅鑼灣)
係銅鑼灣嘅Steak Bar,開宗明義主打牛扒,參考日本專門食牛扒嘅小店,店內餐牌走日式定食風格,所有定食均附有前菜、日式沙律和味素飯,價錢親民,以味道取勝,吸引各大「牛魔皇」成為忠心粉絲。牛扒以外,還有人氣熱賣嘅羊架、魚扒以至脆口小食及多款靚酒,定必令你食過番尋味!

吉列炸牛扒
牛扒上檯時只有半熟,附上一個小火爐,當牛油在石板上溶化後,便可放上牛扒。吱吱聲音非常治癒,當煮到喜歡的成熟程度便可以進食。 入口有牛香味而且軟滑,吉烈炸粉厚薄適中,成件牛好香口又脆卜卜,全熟都不會覺得韌,可點鹽或醬油同吃! 

頂級板腱牛扒 (數量限定)
日板腱係牛嘅肩胛部分,中間有一條小筋,所以乾煎時會特別香,店員建議五成熟時進食最為嫩口。入口肉質軟嫩,牛味超濃, 可配搭日本蒜鹽, 燒汁一齊食,增加風味!

羊架
羊架煎得微焦,肉質柔韌細緻,煎香嘅油脂,滿滿油香,入口軟腍但唔會羶! 無需蘸上醬汁,原汁原味,就是最好。

重量級帶骨牛扒(銅鑼灣店限定) (每日限量) 
取自肉眼附近嘅肉,帶骨嘅關係令肉味更香濃,仲足足有18安士重,仲大過部iphone 7 plus仲,自問大胃王嘅一定要挑戰!入口肉質細緻,超香嘅牛肉味,越咀嚼越濃,牛魔王一定會滿足!

牛腹扒(中環店限定)
牛腹扒位於牛下腹,屬於稀有部位,非常稀珍刁鑽,全隻牛只得1公斤。入口肉味濃郁,曾有King of the Beef嘅美譽!


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
2020-09-18
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
油麻地新開小木屋Cafe 嘆西日Fusion龍蝦湯烏冬配咖啡
2020-09-08