29
JUL 16
分類: 港飲港食
關鍵字: 澳門  /  水蟹  /  水蟹粥
2887 0
過澳門咁方便,搭程船一個鐘就到,有時搵個weekend過下去食嘢都唔錯。去親澳門就好似由朝食到晚,一日食成五、六餐咁。冇計啦,樣樣都話必食嘅,葡撻啦、葡國雞啦之類,水蟹粥當然都唔少得啦,lunch廚食又得,宵夜食又得。咁去邊度食最得?介紹4間餐廳過你哋啦。

水佬榮飯店



Photos by donna2004

呢間喺下環嗰邊嘅,啲蟹全部都係即叫即劏,好新鮮。不過變咗就要等耐少少先有得食喇。為咗一煲鮮甜嘅蟹肉粥,都值得等下嘅,雖然話就話係水蟹,但好彩嘅話都會有少少膏食到。

肥仔文美食



Photos by lo bb

生滾水蟹粥直情係呢度嘅招牌菜,一窩有兩隻水蟹,又嫩又甜。啲粥煮得好綿,撈下個底仲會發現有乾瑤柱一齊煮,唔怪得咁甜啦。而主角,即係水蟹亦都好新鮮,有少少膏同時都有少少肉,有驚喜。

六記粥麵



Photos by eatmugfoods

呢度嘅水蟹粥一鍋有兩隻蟹,所以都幾夠味,好鮮甜。 大廚用猛火煲嘅關係,煲粥綿綿der好有口感,唔會話好似粥水咁好稀,仲煲到啲蟹汁出晒嚟,融晒入粥度,所以啲粥睇落都有啲淡黃色,食落就更加好有蟹味喇。

牛記咖喱美食



Photos by barrykwok

就咁睇呢間餐廳個名,淨係會以為食咖喱,邊諗度原來佢哋都有蟹粥食,仲要都幾好食。呢度嘅水蟹粥有幾個size揀,碗啦、細窩同大窩,睇你幾多個人些牙啦,細窩都有兩隻水蟹㗎,蟹肉都算多,而且幾滑,而粥底就溝埋蟹嘅味,係甜嘅。


文:Kar

隨時接收最新資訊
讚好OpenRice專頁!



相片
借酒又唔一定要消愁嘅,放咗工同三五知己飲少少水果酒或者梅酒,微醺下傾計更暢所欲言。日本嘅SHUGAR MARK...
相片
Nutella醬已經唔能夠滿足朱古力控喇,之前歐美國家先有嘅麥提莎醬,香港都有得賣喇!
unknown
文章搜尋
更多
年份
推介文章
你知道我們的飲茶點心文化是從哪裡來的嗎?最早的茶坊源自於中國廣州,以前的茶坊比較像路邊攤,只是提供旅客喝杯茶吃個小點的歇腳處。後來人們漸漸發現茶葉幫助消化,於是才慢慢增加各式各樣的點心到菜單上。 更多
過去熱門文章
仲記得上集同大家回顧左呢D限定既口味(點我重溫!),來到第二集,小編又會再次介紹其他限定既口味! 更多
Top