超過1200萬打造!佐敦全新50年代舊香港風主題火鍋店 超靚花花主題牛肉拼盤+牛乳玫瑰鍋
2021-03-15

想開始一場充滿視覺及味覺嘅享受,佐敦呢間全新嘅主題火鍋店絕對滿足到你!呢間火鍋店以50年代舊香港風為主題,重現昔日華人洋行氛圍,餐廳足足用咗1200萬打造,真係可以堪稱為全港最豪華嘅火鍋店!品牌取名為「香江花月」其實暗藏兩個唔同意思,除咗訴說昔日50年代舊香港五光十色嘅文化外,最特別係火鍋以鮮花入饌,將繁花盛放嘅主題融入火鍋湯底中,務求令客人有更新鮮嘅火鍋體驗。


淨係打卡位都已經多到數唔晒,好似等候區咁,係一條好夢幻嘅泡泡時光隧道,唔講以為去咗TeamLab;另外仲有由多部古董電話組成嘅牆身、藥材舖嘅百子櫃子戥秤、雜貨店嘅滑輪、舊米舖嘅稱陀、當時盛行嘅打字機及留聲機等,充滿舊香港情懷~


招牌牛乳玫瑰鍋($168/鍋)+香江拼($788)

食物方面一樣夠晒睇頭,好似呢個牛乳玫瑰鍋+香江拼,香江拼其實即係牛肉拼盤,有和牛牛柳粒、安格斯牛、牛胸油、牛𦟌、牛心椗、牛柏葉及牛脷等。最特別係會以原木圓盤奉上,將各款牛肉捲成花朵般,好有心機,絕對適合各位foodie相機食先!


招牌牛乳玫瑰鍋選用日本北海道全脂牛乳配上來自日本嘅玫瑰烹煮,有濃郁牛乳香氣之餘帶有淡淡玫瑰花香,層次感豐富。


更多【新店直擊】:
1. 將軍澳全新鐵板燒!日籍主廚主理 必試黑毛和牛西冷薄燒+甜品鐵板班戟
2. 銅鑼灣新開港式大排檔風味鑊氣小炒!卜卜脆炸豬手、豉汁白鱔煲仔飯、招牌拔絲咕嚕肉
3. 新蒲崗新開海膽主題日本菜 必試日本直送北海道海膽刺身+海膽湯麵


金泊清酒海鮮鍋($368)

日本清酒一向甜度同酸度恰到好處,最適合同海鮮如鮮蝦、蟹及蜆同煮。金泊清酒海鮮鍋首先以大廚秘方爆炒,配以紐西蘭牛油、洋蔥及蒜頭等令海鮮逼出鮮味,隨後加入清酒湯底一同熬製,有濃郁酒香之外味道仲好鮮甜。最後仲會喺面層灑上奢華嘅金箔,即刻高級咗!


自家製三色墨魚丸($78)、三色餃($88)

自家手打墨魚丸,有鹹蛋黃、黑松露及蟹籽口味,口感彈牙。而三色餃只會喺收到客人柯打後即包即出,包括黑松露長腳蟹餃、芝士鮮菌餃及野生松茸餃,鮮味十足。


冬甩墨魚菓子($78)

以墨魚及蝦製成嘅兩款冬甩墨魚菓子,除咗食得出本身墨魚粒粒,仲加入杏仁及腰果,口感香脆彈牙。


鳳琉香($68)、瑰洛月($68)

鳳琉香以自家製嘅菠蘿味糖漿配以干薑水,仲有一個香味波波於杯頂上製成煙霧彌漫效果,打卡一流!而瑰洛月則以洛神花玫瑰蘋果等材料製成糖漿,製成玫瑰型紅色冰花,以確保唔會因冰塊而令飲品味道變淡,帶有清新消滯功效。


香江花月 

地址: 佐敦佐敦道35號百誠大廈2樓






文: Yanica

相: Tom Li


關鍵字
佐敦
火鍋
懷舊主題
打卡
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
4天前
悠長假期 復活節下午茶推介
2021-03-26
【2021生日優惠】超爽著數!免費任飲任食日式燒肉/火鍋(持續更新)
4天前
【最平$298最貴$938】佐敦新開日式和牛燒肉放題 獨家引入鹿兒島小田和牛
7天前
【只想專注做好牛腩】金融經紀轉行灣仔開濃湯牛腩麵店 招牌牛骨濃湯崩沙腩河
2021-04-01