走肉新風潮
2019-08-19
近年香港推崇健康飲食文化,愈來愈多人相繼由肉食變成素食甚至純素食者 ,有見及此坊間不少餐廳都推出多菜少肉或素食餐單,素食餐廳越開越普及,食物款式亦應有盡有。今次就同大家分享幾間就算無肉都一樣色香味俱全嘅特色素食餐廳,等大家食得有營又有型!亦係大家Green Monday嘅好去處!

齊齊素 (牛頭角)       
港鐵九龍灣站附近新開嘅一間素食自助餐,主打新派自助素食,提供多款中港西式素菜。餐廳由有五星級酒店經驗嘅師傅坐鎮,每日炮製出超過40款蛋奶素、五辛素、純素特色素食,出品分類明確,素食種類會清楚列明係食物名牌上,日日都會有新菜式,唔怕悶。用料亦非常講究,堅持唔落味精,使用菇粉、冰糖、椰子花糖和玫瑰岩鹽等天然調味料,做到同素食一樣咁吸睛,確保無論係素食者定係食肉獸都會愛上!

泰式牛肉沙律
齊齊素嘅沙律系列,所有蔬果都嚟有機農場,保證新鮮又不含農藥。素牛肉口感紮實,加埋新鮮有機蔬菜, 酸酸地好味又開胃啊!

泰式大蝦紅咖哩
採用泰式紅咖哩醬同天然香料,煮香辣又惹味嘅素蝦同新鮮蔬菜,係色香味俱全之選,鍾意食辣嘅人必定會愛上!

咖哩薯仔炆牛腩

港式咖哩香而不辣, 薯仔吸滿濃濃咖哩汁, 素牛腩有咬口, 滋味無窮,超級好送飯!

德國豬手法包
貌似紅腸嘅豆製素德國豬手口感特別,配上新鮮番茄、生菜同沙律醬再夾埋法包一齊食,係新奇又飽肚之選! 


Coffee On The Sand (馬灣)   
一家由真正土耳其大廚主理嘅Cooking School兼餐廳。餐廳裝飾用上土耳其風格,店內放滿土耳其杯具、精緻土耳其燈、拼布飾品等非常有異國風情,讓食客一入內就猶如置身土耳其嘅感覺,用新鮮地道食材讓食客全面享受土耳其文化!

廚師素食薄餅 (Chef Veggie Pizza)
薄餅底層用上土耳其秘製茄醬,第二層放咗唔少蔬菜同芝士,第三層放氺新鮮香草葉,整個薄餅味道好豐富,有層次感!美觀又好食!  

特色園池素肉飯 (Bahçe Veggie with Rice)
用上秘製土耳其鷹嘴豆醬料、土耳其式紅蘿蔔秘製醬加上蔬菜,混合糙米飯一齊吃,微酸又醒胃,食落口感豐富,唔會太肥太油,配搭得宜,十分惹味,仲相當飽肚,難怪咁受外國人同亞洲人歡迎!

土耳其鷹嘴豆沙拉(Turkish Hummus)
用上土耳其鷹嘴豆,再加上香草同橄欖油等材料製作,如客人喜歡亦可加上新鮮檸檬汁配搭,係開胃之選!

特色素食炒蛋 (Melemen) 
按特定次序先後煮番茄、洋蔥、雞蛋同香草,煮出土耳其伊士麥 (Izmir) 著名嘅Melemen,最適合好似當地人咁,Brunch嘅時候夾薄餅一齊食!

熱沙上煮土耳其咖啡 (Coffee on the Sand)
香港罕見嘅傳統土耳其咖啡,主要將咖啡粉磨都很細,直接放入一種名為Briki嘅不鏽鋼鍋鍋中,並將咖啡壺放在已預熱沙堆中,一直到煮沸騰為止,然後全部倒入杯中,等咖啡渣沉澱後即可飲用,為保留最原有味道,咖啡並沒有隔渣,所以會飲到一粒粒咖啡粉,口感會較濃稠、微酸,帶點苦澀,並有用沙爐煮嘅香氣!


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
素食
走肉
土耳其
green monday
有營
自助餐
天然
蛋奶素、五辛素、純素
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】最後倒數!即將結業的老字號及人氣小店
2020-04-01
【隨時更新】零食速報 每周新款零食、酒品點評
5天前
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
【特約分享】超抵外賣陪你抗疫 即睇將軍澳飲食地圖!
2020-03-10
【隨時更新】全城抗炎!多間集團餐廳及老字號宣佈 暫停晚巿或休業 (內附名單)
6天前