質感歐陸菜餐廳
2019-11-04
平時同男女朋友食嚟食去都係西餐?不妨試吓隱含各國菜式元素嘅歐陸菜 (European cuisine)。今期小編同大家介紹適合情侶拍拖嘅香港歐陸菜餐廳,下面依情侶拍拖食飯嘅餐廳好去處必定要好好收藏喔!

Gotthard Base Restaurant & Lounge (北角)      
2019年新開嘅意大利同瑞士菜餐廳,店名以可從瑞土通往意大利,世界最長隧道嘅瑞士南部鐵路 - 聖哥達基綫隧道(Gotthard Base Tunnel)命名,店內有仿隧道嘅圓拱形天花,餐廳以「A Taste of Switzerland & Italy」作招來,餐飲設備嚟自德國,酒店大廚坐鎮,務求以合理價格提供酒店級西餐,誠意十足!

傳統烤瑞士軟芝士 配風乾牛肉片,火腿片,香草薯仔, 酸青瓜及珍珠洋蔥
(Traditional Melted Raclette Cheese with Boiled Potato, Air Dried Beef & Ham, Gherkins & Pickle Onion)

港人熟悉嘅傳統意大利熱熔芝士Raclette,配以香草薯仔,酸青瓜,意大利風乾牛肉同火腿片等做成豐富嘅拼盤, 非常適合三五知己開心share!

帶子蟹肉香草醬闊條麵 (Tagliatelle tossed with Bay Scallop, Crabmeat & Pesto Sauce) 

以新鮮羅勒、芝士、橄欖油、蒜蓉等,自製成嘅意大利風味香草醬香味濃郁,配搭彈牙嘅闊條麵和帶子、蟹肉,香氣四溢! 

香草焗紐西蘭羊鞍架 (New Zealand Lamb Rack Persillade)
紐西蘭羊鞍,帶有脂肪紋,甘腴嫩滑,煎到6-7成熟,嫩滑口感,配以意大利香草香氣,入口有肉汁,惹味而不羶!

香煎智利爐魚配牛油海鮮汁 (Chilean Sea Bass enhanced with Shellfish Beurre Blanc)

有「白金鱸魚」之稱嘅智利鱸魚,油脂豐厚,魚肉肉質幼嫩滑溜,魚皮鬆脆;連配菜也用上海鮮,做出來有啲似海鮮大雜燴,豐腴不膩,海鮮迷一定會愛上!

法國鴨胸,香煎鴨肝配黑松露菌意大利飯 (Barbary Duck Breast, Seared Foie Gras & Truffle Risotto)
意大利飯先以牛肝菌,黑松露醬,雞湯等煮過,再配以半熟嘅法國鴨胸與香煎鴨肝,誠意十足! 

Sparkling House Seafood & Oyster Bar (九龍灣) 
2018年開張的「Sparkling House」,位於國際交易中心二樓平台,以藍色為主調,主打生蠔、海鮮同輕食,全落地玻璃,景觀開揚,地方闊落,餐廳有室外和室內座位,可容納過百人,適合包場活動或同朋友嚟開支紅酒嘆生蠔 have a chill weekend!  

自家製美式蟹餅漢堡包 (Housemade Crab Cake Burgers)  
自家製蟹餅搭配千島醬迷你漢堡、炸薯條同沙律菜,味道鮮甜又啖啖肉,正呀! 

龍蝦意大利薄餅 (Lobster Pizza) 
薄身脆口嘅自家製披薩,配上足料波士頓龍蝦肉、彩椒、洋蔥、芝士同自家製龍蝦醬一齊食,入口啖啖新鮮,啖啖大滿足! 

香煎鯛魚柳配檸檬牛油汁 (Pan Seared Sea Bass Fillet with Lemon Butter Sauce)
香煎嚟自歐洲嘅可持續海鱸魚柳,配上檸檬牛油汁同烤薯菜一齊食,帶出魚肉肉質嘅鮮美! 

白酒煮活青口配薯條或蒜蓉包 (Mussels Bowl with Fries/ Garlic Bread)

香濃嘅香草同白酒煮鮮甜嘅荷蘭活青口, 青口鮮美可口,仲可以配薯條或蒜蓉包沾醬汁食,非常適合三五知己一齊開心Share!

悅滿軒(美孚)  
座落於饒宗頤文化館嘅悅滿軒,裝修優雅,環境寬敞又休閒,上下兩層高嘅室內空間可坐近百人,務求為附近嘅居民同遊客提供優質嘅歐陸及法國菜。餐廳特意選用天然無激素肉類同有機蔬果,非常適合週末嚟打卡影相之餘,嚟食餐健康嘅好西,have a nice and chill weekend!  

House of Joy Tea (兩位用)  
第一層: 雞尾醬配蝦、牛油果蟹肉小食
第二層: 迷你牛肉漢堡、火腿.布里芝士迷你三文治、法國鵝肝脆波
第三層: 馬卡龍(檸檬味,綠茶味)、迷你提子烤餅、意式椰汁奶凍  

美國頂級牛腹肉12安士 (US Prime Hanger 12 oz)  
餐廳採用嚟自美國同澳洲嘅無激素,手抗生素 天然牛肉,配配燒車厘茄,燒蒜頭同香草一齊食,好juicy!  

蘋果木煙燻美國野雞 (Apple Wood Smoker Game Hen)
一開蓋煙霧瀰漫,打卡之選!唔知睇得又食得!美國野雞經蘋果木煙燻過後,入口嫩滑,保持到肉汁又有啖啖嘅蘋果木香味,配埋西𦭐頭茸,椰菜仔同墨西哥汁食,好正呀! 

意大利托托蜆配昆布湯 (Italian Clam w/ Khumbu Soup)

肉質肥美嘅意大利托托蜆,配上昆布,法國葱同芫茜,煮山蜆肉本身嘅鮮甜味,係可以品嚐海鮮原味道嘅湯!

烤澳洲羊架 (Grilled Australia Lamb Rack)

澳洲羊架加上自家製羊肉腸配上甜甜嘅砵酒汁,入口肉嫩多汁, 吃起來充滿香草嘅香氣!

Y Pasta (銅鑼灣)      

餐廳以深藍同白色為主調,環境舒適開揚,加上 開放式廚房,感覺舒服。食品方面,採用超過十款傳統同創新嘅意大利進口pasta及手製麵讓食客選擇,亦有多款小食,pizza同主菜選擇。係到慶祝生日同週年紀念,餐廳更會幫忙係甜品碟上寫上心意祝福,非常有心!除了堂食同外賣外,亦提供到會及包場服務,係旺區開飯之選!

QB明太子醬北海道帆立貝意粉 

選用日本QB蛋黃醬同明太子醬,加上蟹籽同北海道帆立貝,配上每日新鮮製造嘅意大利麵,鮮味十足,難怪深受食客熱烈追捧,係店內嘅人氣Number one! 

忌廉黃金蟹肉意粉
用牛油慢炒鹹蛋黃至溶化,加入忌廉製成自家製鹹蛋黃醬,再加入蟹肉同蟹籽,邪惡好惹味,係港人至愛!

原條蒲燒鰻魚溫泉蛋米仔粉

用上10吋長嘅原條蒲燒鰻魚,加上自家調較嘅醬汁,同溫泉蛋配坊間坊間少有嘅米粒 型狀的orzo pasta,配搭新鮮,口感一流!

海膽意大利飯釀北海道赤魷魚
味道濃郁嘅海膽煮意大利飯釀入新鮮嘅魷魚筒,配海膽忌廉汁再加埋個脆炸魷魚鬚伴沙律,高貴又有新鮮感,點可以唔試呀!

慢煮美國頂級安格斯肉眼扒26安士 (需一天前預訂)
低溫慢煮美國最高級數嘅肉眼扒,26安士重,厚切一吋半,慢煮保留到肉質同肉汁,性價比超高,必試之選!

心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany

關鍵字
瑞士菜
歐陸菜
拍拖
意大利
芝士
意大利風乾牛肉
意大利飯
薄餅
打卡
饒宗頤文化館
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【隨時更新】零食速報 每周新款零食、酒品點評
6天前
【6月生日優惠】免費食酒店龍蝦自助餐 100樓望維景食嘢8折
2020-06-02
食豪啲啲 城中5間海鮮+肉扒父親節自助餐
2020-06-10
5月份好評餐廳十強
2020-06-05
至甜初夏 6月下午茶推介
2020-06-15