蟹迷出動!灣仔蟹店首次引入鮮甜北海道野生大閘蟹(有片)
2017-10-10

又到咗食大閘蟹嘅季節喇,灣仔有間食蟹嘅專門店,首次引入咗北海道石狩川嘅野生大閘蟹,第一日開賣,一個下晝已經賣晒500隻喇!不過,這些機會仲有可能屬於你哋嘅……嚟緊仲會陸續抵港嘅。

介紹下呢種北海道石狩川野生大閘蟹先,一年兩季當造,分別係4、5月,同9月尾到11月頭,即係而家。同其他大閘蟹相比,野生大閘蟹個肚有坑紋,顏色灰白啲。

蟹膏都幾多呀,鮮橙色幾creamy,都幾甜,如果細蟹嘅話,分分鐘啲膏仲多過啲肉呀。堂食嘅話,跟餐加錢($350,6兩)就有得食,師傅會用木箱原隻蒸熟。

懶豬唔想自己拆嘅話,可以請師傅幫手呀,拆完之後砌到靚一靚,還原返晒落個蟹殼度,一匙一匙咁嗶嚟食,正。


想再開心啲,就可以叫黑魚子海膽大閘蟹,同樣都係拆晒肉,肉同膏撈埋一齊,on top再加一層黑魚子同北海道利尻海膽,一啖食到三種口感,更見鮮甜!

除咗堂食,外賣都得,早啲預訂就得。外賣盒會送埋蟹醋同紫蘇葉呀。最平160蚊4兩就有交易,大隻啲去到11、12兩嘅就500零蚊隻。

餐廳提供

有晒健康證明㗎可以放心,大閘蟹迷出動喇!BTW,唔好話開飯仔唔提你,佢哋大約每星期返貨兩次,想食要早啲預訂呀,嚟緊最快就應該係今個星期五晚有得食喇。


蟹膳
地址:灣仔譚臣道3號地下


文、相:Kar


關鍵字
灣仔
大閘蟹
海膽
日本
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】零食速報 每周新款零食、酒品點評
3天前
【2021生日優惠】持續更新!6月壽星送海鮮拼盤
2021-06-01
《優秀開飯熱店大賞2021》賽果公佈
2021-05-24
5月份好評餐廳十強
2021-06-04
中環點心茶館重現港式優雅茶藝文化 前富豪飯堂老師傅主理 招牌菜韭菜炸蟹盒
2021-05-21