荃灣新開無敵海景日式放題 佔地過萬呎 新張期間88折!(有片)
2020-01-03

喺香港地講到日式放題,選擇真係多到數唔晒,不過可以睇埋靚景的話就唔多啦。荃灣最近新開一間日式放題,賣點就係食客可以飽覽無敵海景,而且位置相當闊落,食都食得舒服啲啦。


餐廳佔地過萬呎,除咗室內位置外仲有戶外露台餐座,近排涼涼地就最啱啦!室內裝潢以日式和室風為主,設有卡位及廂房,整體感覺簡單舒適。價錢方面就係正常日式放題價錢,平日晚市放題特惠時段成人$258一位;高峰時段$278,不過有埋呢個海景即刻抵返晒。


食物方面,供應過百款食物、甜品及飲品無限量供應。講明放題,當然唔少得回本嘅刺身,刺身質素達標,值得食嘅有油甘魚、馬刀貝、帆立貝及赤貝刺身。至於壽司亦有不少選擇,如芒果軟殼蟹、芝士炸蝦卷及店舖獨有的品川壽司。另外有海膽壽司選擇,不過海膽質素尚有進步空間。


更多【新店直擊】:
1. 創造最快摘星紀錄!米芝蓮一星日本法國菜進駐尖沙咀
2. 韓國國民早餐Isaac Toast登陸沙田!香港限定三款新吐司(有片)
3. 灣仔新開大排檔風味鑊氣小炒!必試金牌煲仔飯、拔絲咕嚕肉、避風塘炒肉蟹


熟食方面表現就唔錯,如黃金燒帆立貝大粒厚肉,而且好惹味,都係其中一個回本之選;芝麻雞翼炸得香脆,雞肉亦充滿肉汁。炸蠔亦熱辣辣呈上枱,炸得鬆脆,鹽燒牛舌水準亦正常。


另外較特別有呢個鹽燒油甘魚頭腩,油甘魚頭腩充滿魚油香,連埋檸檬汁食恰到好處。而粟米蝦粥都清淡鮮甜~


而出面都設有自助區,供應熱食及多款冷盤,雪糕方面除咗朱古力同雲呢拿,仲有港式奶茶及菠蘿椰子呢啲特別啲嘅口味,仲有日本清酒任飲啊!



品川日本料理

地址: 荃灣大河道100號海之戀商場3樓3013號舖








文: Yanica

相、片: Tom Li


關鍵字
日式
放題
荃灣
海景
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
情人節去K11 MUSEA 一文睇晒浪漫餐廳
2020-02-06
【隨時更新】零食速報 每周新款零食、酒品點評
4天前
全城抗炎 與醫護同行!提供醫護餐飲免費優惠餐廳一覽
2020-01-31
全城抗炎!衛生保障 推行防疫措施餐廳一覽
2020-02-07
美國人氣肉桂卷抵港!煙韌原味/朱古力/焦糖胡桃卷(有片)
2020-02-06