舊區發掘隱世日本料理店
2019-03-28
香港人一向對日本情有獨鍾,鍾意去日本旅行、鍾意食日本菜,由迴轉壽司、日式放題、甚至幾千蚊位嘅 omakase日式精品料理店都係旺區都越開越多 。但其實食日本野又唔一定要去銅鑼灣、尖沙咀、旺角嘅! 事關日本菜勢力早已漸漸擴展至舊區範圍,而且餐廳質素更屬中高檔次,仲因爲地價,收費更為合理!所以早就吸引咗一班熟客仔!今次小編就決定發掘下香港嘅隱世日本料理店,同大家一齊一試究竟!

濤 (堅尼地城)      
係西環十幾年嘅人氣口碑日本料理店-「濤」位於加多近街,幾乎可以話係西環嘅盡頭,位置偏僻隱世,鄰近嘅都係車房、貨倉,正面就係平民化嘅公共屋邨。 舒服有格調嘅環境,加上提供「高品質、時令、季節限定」食品令「濤」於舊區中亦不乏捧場客!

角切魚生飯
三文魚、吞拿魚、時令白身魚切粒加上壽司飯,係店內嘅人氣Set Lunch!

火灸三色魚生飯 (火灸三色丼)
用火槍輕輕燒過三文魚、帶子、左口魚,油份係口中出晒嚟,香氣四溢,加上小小沙律醬,酸酸甜甜,好滿足呀!

汁煮和牛臉肉 (和牛の頬煮こみ)
師傅用日式醬汁炆煮日本菜少用嘅和牛「面珠燈」到完全入味,入口甜甜地,連筋食! 好香! 好驚喜呀!

日本有機豆腐雜菜𩶘湯鍋 (野菜の鯛スープ鍋)

店內招牌嘅𩶘魚湯又白又香濃!加上師傅特意選用嘅日本有機豆腐,豆味十足又香滑!

日式串燒 (五款)
店內特別打造燒烤爐,即叫即燒出新鮮熱辣嘅日式串燒! 燒日本青椒仔、燒厚切牛舌、燒豚肉車厘茄卷、香港少有嘅、燒雞腳筋、燒雞掌肉(左至右)!  


夜食堂(深水埗)  
係百物騰貴嘅香港,竟然有一間充滿人情味又文青feel 嘅平民價日式居酒屋!據知店主曾於日本留學,留學打工時發現日本打工仔彷佛當居酒屋係自己第二個「家」,返港後希望將休憩又平民化嘅居酒屋帶比港人,讓港人放工及假日都有一個價錢合理、食物質素唔會將貨就價嘅聚腳好去處!

燒日本廣島蠔 (焼き牡蠣)(広島産)
由師傅用秘製醬汁及蒜頭粉加上肥美飽滿,肉質鮮甜嘅日本廣島蠔燒到甘香可口!  

自家製大根豚角煮 (豚の角煮)
日式東坡肉係店內必試嘅招牌菜! 食譜源自日本老師傅,每一塊都要煮兩至三日到完全入味,讓客人一嚐正宗日本家庭料理味道!

北海道燒8“虎蝦 (焼き海老)(8インチ北海道車海老)
大大隻北海道優質虎蝦加上蛋黃醬、沙律醬、洋蔥粒同芝士,一齊烤同燒! 口感豐富,小編表示要encore呀!

磯燒鮑魚 (あわびの磯焼き) 
師傅每日到街市購入新鮮時令鮑魚,加上秘製醬汁,燒到剛剛好,鮮甜又彈牙!

麒麟生啤酒冰沙 (麒麟一番搾り生ビール)
麒麟傳統德國產啤酒花而來嘅清爽苦澀滋味再加上獨有嘅零下5度啤酒泡沫冰感,非常適合配合燒物或炸物飲用!依家仲大特價$28咋!


心動不如行動!有興趣就快啲約埋三五知己去嘆下美食啦!


*以上圖片只供參考,所有食品以實物為準. 食品供應因餐廳而異
關鍵字
美食
大廚招牌菜
日本菜
迴轉壽司
日式放題
omakase
廚師發辦
日本
舊區
居酒屋
堅尼地城
深水埗
お任せ
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!屋企都嘆到三層架下午茶 Tea Set外送/外賣自取推介
4天前
全城抗炎!北角酒店最新應變 自助餐都有得外賣?
2020-07-17
全城抗炎!送上門懶人煮食包及套餐大合集2.0 花膠燉湯/火鍋/鐵板燒
2020-07-30