粉麵關注組留意!人氣麻辣餐廳及涼皮專門店指定食品8折
2022-08-05

麵類咁多唔同選擇,各有唔同口感同特色,難怪咁多人都係粉麵fans~今期介紹5間有麵食外賣優惠嘅餐廳畀大家,包括麻辣專門店、主打涼皮嘅餐廳及東南亞麵食等,間間都好吸引,而且疫情仍在擴散,買返屋企食就食得更安心喇!

 


麻辣風雲(旺角、銅鑼灣、荃灣) 指定食品8折

主打各式正宗川菜,選用來自四川嘅香料,菜式加入大量辣椒等香料,麻辣控必試~推介秘製麻辣炒薯粉,湯嘅薯粉就食得多,炒薯粉真係少見啲,口感更煙韌,而且一入口就感受到麻嘅感覺,香濃惹味。另外老干媽炒年糕都好受歡迎,年糕同樣口感煙韌,配埋老干媽麻辣醬,真係辣得好過癮!


兩姊妹涼皮有限公司(太子、元朗、長沙灣) 指定食品8折

愛辣人士有福了,呢間餐廳主打重慶涼皮及涼麵,一開業已經大受歡迎,而且仲開多兩間分店添~餐廳賣嘅係正宗重慶味道,最吸睛係招牌自家製辣椒油,加咗三款辣椒油製成,味道好有層次感。最近天氣咁熱,食返碗重慶涼麵就最正,配埋芫茜、蔥、花生、碗豆及青瓜絲等食材~


果子外賣店|海南雞飯·喇沙摻摻(大角咀) 指定食品7折

位於大角咀主打海南雞飯及喇沙摻摻嘅東南亞菜外賣店~推介人氣喇沙摻摻,湯底用咗大量嘅乾蔥頭、蝦、香茅、南薑、紅辣椒等嘅食材去熬製,帶有濃郁嘅椰香同埋少少辣味,食完都唔會口渴。麵底可選油麵、米粉或兩款混合,份量都好大。碗料方面可以選擇海鮮、香茅豬扒及牛肉,本身亦配有豆卜及魚片,好足料呀。


酸辣姐(九龍灣) 指定食品8折

米線關注組注意!九龍灣工廈最近新開一間川式粉麵專門店,主打米線、酸辣粉及涼皮。米線有湯同拌兩款,湯底用五斤豬骨熬成骨湯,味道都幾鮮甜,加埋自家製酸辣醬就更香濃。而拌麵就會加埋蒜粒,啱晒重口味人士。配料就好似車仔麵咁自選,如風琴豆腐、魔芋爽、雞絲及海帶菜呢啲索湯食材都好適合配米線食~


農米莊(尖沙咀、旺角、太子) 指定食品8折

呢間粉麵好適合注重健康嘅朋友,皆因佢主打雞湯米線,如懷舊藥膳雞湯米線,湯底藥材味都幾突出,帶有淡淡雞嘅鮮味,配料有蟲草花、紅棗及杞子等,好足料。另外酸菜魚雞湯米線都係人氣之選,湯底酸酸辣辣好開胃,而且魚肉無骨仲好嫩滑,好有驚喜。


買開外賣嘅可以用埋呢個全新粉麵關注組優惠(推廣日期:2022年7月21日至2022年8月25日),輸入優惠碼「HALF」「ND10」, 前者消費滿$60減$30,後者消費滿$50,額外減$10!  

除咗上述優惠外,OpenRice都會推出不定期嘅外賣自取優惠,想知更多詳情可以Keep住留意OpenRice App啊! 仲等?(按此立即落單)  


粉麵關注組優惠:

ND10: http://www.openrice.com/info/takeaway/tc-ND10.html 

HALF: https://www.openrice.com/info/takeaway/tc-HALF.html




關鍵字
外賣自取
餐飲券
優惠
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
更多
收起
本月熱門
【2022生日優惠】持續更新!8月壽星嘆免費生日蛋糕+串燒放題優惠
2022-07-29
【隨時更新】零食速報 每周新款零食、酒品點評
1天前
【隨時更新】最後倒數!2022即將結業嘅人氣餐廳
3天前
尖沙咀最新露營主題日式燒肉店!3700呎室內Glamping體驗
2022-07-25
全港8大人氣沙嗲牛麵!煲仔沙嗲牛肉麵、 沙嗲牛肉沾麵
2022-08-03