筲箕灣大街密密食
2009-12-11

香港有不少食街,港島東區要數筲箕灣的東大街,食魚蛋粉會找安利,食咖喱會去恆河,食小菜就到權發,食街的美食豈只這些?從筲箕灣地鐵站C出口的焗豬扒飯開始,沿東大街開始美食之旅吧!


(Photo by 唔食都知唔好食)
熱賣焗豬扒飯 金城餐廳
電視效應而令更多人認識金城餐廳,其招牌菜為龍躉片炒河及焗豬扒飯,前者為茶餐廳甚至酒家都少見的菜式,後者則被譽為全城最好的焗豬扒飯,OR的食家們雖未一面倒贊同,但亦盛讚其豬扒飯了得,無論炒飯底、番茄汁都質素高,唯獨是用雪藏豬扒炮製有點失色,不過「焗豬」即叫即製而且價錢合理,難怪成為必點菜式。
唔食都知唔好食:那蛋炒飯吃起來很乾身,粒粒飯也分明,不會黏得如吃湯汁飯,此點是在細微的地方做得很好;至於豬扒,是先炸過的貨色,咬下肉身很腍,但有吃肉的質感,而且不易「痴牙」,豬扒很是肥美,尤甚是連骨的肉,特別有油脂的豐美,也比快餐店的好,總括來說是非常滿意的。
小勁健:先來是「龍躉片炒河」,龍躉片是新鮮魚,有魚味亦不腥,河粉雖切得幼身,但又不會炒至碎爛。其實味道沒甚麼特別,跟一般的濕炒河粉沒大分別,只是在茶餐廳可以吃到龍躉這種深海魚,這感覺頗為特別。


(Photo by 風仁丸)
串燒飄香 印尼沙嗲屋
每日四點後由筲箕灣地鐵站B1出口走出地面,就會聞到一陣沙嗲香,因為印尼沙嗲屋就在此時開檔,店子小小但其串燒極受街坊歡迎,主理的印尼華僑夫婦從印尼引入材料,豬雞牛羊醃得入味加上即叫即烤,沙嗲醬又麻辣香兼備,不夠飽加多個炒飯或炒粉絲,非常滿足。
蝗蟲同學:即叫即燒,勁熱辣又香噴噴,好吸引。沙爹汁味道極濃郁,微辣,比其他地方食到的無咁甜又無咁重花生味,勁正。羊肉極juicy,羊味幾香,夠腍又唔嚡口,正,一向最喜歡九龍城廣場對面嗰檔的出品,但呢度的比九龍城更出色,絕對值得試試!
froggie:這裡的串燒真的很好吃,尤其是那甜中帶少許辣的沙嗲醬,濃而惹味,連我這些怕吃辣的人都接受得到…至於串燒中的牛肉,不算十分彈牙,但肥瘦均勻,不難咀嚼。最驚喜的還是那沙嗲醬,味道竟然停留在我口中縈繞不散!


(Photo by 不眠王子)
獨賣雞蛋仔 低調高手大街小食
雞蛋仔周街有得賣,但卻不是每一檔都做得好,要有齊即叫即製、色澤金黃、粒粒飽滿、外脆內軟、蛋香撲鼻等特點的雞蛋仔就要看你的彩數。今年開業的低調高手大街小食就專賣雞蛋仔及格仔餅,因為做得認真專注,吃到完美雞蛋仔的機會自然高。不過叫自己做低調,其實好高調……哈哈!
大便晴子:你話超級非常咁好食,唔係~因為食落唔係有suprise+發現新大陸果隻~(雞蛋仔呢d小食有幾可令人會有suprise?)不過合格就一定係!比起各旺區10蚊底完全唔合格既貨色(請我都唔食,浪費個胃既空間),呢度完全係可以滿足到閣下食雞蛋仔既期望+慾望~食完一底仲想黎多底~
不眠王子:雞蛋仔色澤金黃,粒粒脹卜卜,熱烘烘嘅外層夠晒鬆脆,裡面亦夠鬆軟,仲有幾濃嘅蛋香添!好好味呀!睇吓相中粒雞蛋仔裡面幾飽滿,因為高手將個雞蛋仔鐵模灌到滿一滿,絕對無偷工減料架!


(Photo by 蝗蟲同學)
出色豬髀海南雞 冠泰海南雞飯
專賣、兼賣海南雞飯的店越來越多,去年中開業的冠泰可算是港島區跑出的一間,受到不少食家讚賞,起骨的雞肉滑溜且肥瘦適中,呈金字塔形狀的油飯夠爽身但有雞油香,而提味的醬汁亦夠酸夠辣夠惹味;泰式燒豬脾也做得同樣出色,肉質鬆化口感豐腴。
Furnace:海南雞飯奉上時,雞飯以金字塔形狀奉上。外形只是其次,味道才可見真章。雞飯入口有一陣淡淡的雞油香味,食落對辦。雞肉皮比較厚,但肉質也算嫩滑。
Gourmet KC:燒豬脾很對辦,皮厚肉豐,吃起來入味,口感豐腴,皮下的肥油也甘香,點的是酸辣汁,美味;瘦肉的部份也不韌,肉質鬆化;在旁的酸菜更是好吃,吸收了豬脾的油份,香味四溢,是下飯良品。


(Photo by 羊家兄妹)
一口創意雲吞 吞食本色
雲吞作為廣東傳統美食,香港可以吃到雲吞的店多不勝數,東大街卻有一間店只賣雲吞,口味卻有20多種,以新鮮豬肉配搭各種食材,例如蠔仔、鮑魚、粟米、鮮蝦、南瓜、西洋菜、茄蛋甚至有加入粉膠的及第雲吞,全部一口Size非常過癮。不過要留意此店家庭式運作且店子小,遇上人多等待時間就會長一點。
大眼Girl:最終order了一碗蠔仔鮮肉($22)及鮑魚鮮肉雲吞($19),每碗有10粒"的色"雲吞,勝在真係皮薄餡靚;蠔仔鮮肉雲吞真係食到濃味蠔仔,至於鮑魚鮮肉雲吞,講真食唔到有鮑魚,但係食到D豬肉真係用新鮮豬肉做,好美味啊!下次會再去試埋其它味先!
羊家兄妹:蛋黃鮮肉雲吞幾特別呢~因為我很喜歡吃蛋黃的…不過蛋黃略嫌熟了點…有些少硬…蠔仔雲吞的蠔仔味很重…食友說連湯都可以喝得出蠔味…蠔仔都算大隻…幾新鮮肥美的~海哲雲吞就實在吃不出海哲的味道了…只吃得出海哲的口感…爽爽的…所有食友都一致認為帶子雲吞最最好吃。


更多東大街美食

關鍵字
魚蛋粉
咖喱
豬扒飯
龍躉片
沙嗲
雞蛋仔
海南雞
燒豬脾
雲吞
筲箕灣
滋味分享
開飯專題
開飯仔為你提供各類型最新飲食情報及優惠,全面照顧你的飲食喜好。
相關文章
【當時得令】筷子基綠楊嘆正宗海南粉
2017-01-05
【當時得令】三盞燈周邊的茶記隱世美食
2016-11-17
2017亞洲50最佳餐廳 香港七間餐廳上榜
2017-02-22
【編輯推介】平靚正之選:祐漢熟食中心
2016-08-22
再戰東大街 有咩小店值得食?
2017-04-19
【飲食潮流】MOS Burger有咖喱飯食?期間限定原隻軟殼蟹漢堡
2017-02-24
餐廳資料
更多
收起
本月熱門
【隨時更新】零食速報 每周新款零食、酒品點評
1天前
食豪啲啲 城中5間海鮮+肉扒父親節自助餐
2020-06-10
至甜初夏 6月下午茶推介
2020-06-15
灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
2020-06-11
甜蜜蜜暑假 7月下午茶推介
6天前