秋冬美食首選<br>網友最愛中式火鍋店
2007-11-05
雖然香港人一年四季都愛打邊爐,但秋冬始終是火鍋的季節,講氣氛的話就首選中式火鍋店,三五知己圍爐共聚,食物在湯內滾呀滾,熱氣騰騰,實在是人生一大快事!OpenRice 的食家最愛又是哪一間火鍋店呢?\r\n\r\n(截止11月1日以食肆得到的Smile 數目減去Cry 的結果排名)\r\n\r\n\r\n\r\n第一位鴻福海鮮四季火鍋\r\n\r\n近年新開的火鍋店很多都賣裝修食環境,但原來大家最愛的,還是店舖裝修簡樸,著重食物質素的街坊小店。位於暗巷內的鴻福是集炭爐火鍋及燒烤於一身的食店,最大賣點是具特色的湯底,包括鹹菜魔鬼魚湯、四川酸辣湯、藥材鱘龍魚湯等,有60多種配料選擇,到現場就會發現每枱最少有兩個爐,因為一個食火鍋,另一個食燒烤,享受雙重滋味。\r\n\r\n\r\n(Photo by JJcaptain)\r\n\r\n\r\n(Photo by 搵黎緊係食啦)\r\n\r\n網上食家評語節錄:\r\n

  • seafood hot pot(1856529):用炭打邊爐有特色但係BBQ我就覺得一頭煙…海鮮類都幾多,特別仲沙鯭仔…仲意食內藏既仲多選擇,肥鵝腸、雞澗、魚腸同豬天梯都正,仲試過鯊潤,魔鬼魚湯底簡直一流。\r\n

  • JJcaptain:魔鬼魚湯底味稍淡,但經加入配料後,最後變得鮮甜。可恨胃納太小,否則若加一個出前一丁淥而食之,必定更勝山珍海味。大蜆就真的貨真價實,夠巨夠肥美,剛燒熟之際再加上少許自製蒜頭辣椒醬,吃得不知人間何世。\r\n

  • 搵黎緊係食啦:魔鬼魚湯底真係正到難以用筆墨形容,只有新鮮及相當材料先至可以做到,豬骨煲底亦不甘視弱,亦有人成舊豬骨夾起慢慢損。\r\n

  • ET:咸菜魔鬼魚湯底係必叫,當晚有新朋友第一次食都讚不絕口,話d魚好入味,好滑。\r\n

  • herbert:兩個湯底係豬骨同8魔鬼魚,豬骨係比較濃,魔鬼魚就比較淡,食到後期,濃濃的豬骨味滲透了出來,吸收了豬骨味的菜係好正。\r\n\r\n推介食物:魔鬼魚湯底、豬骨煲底、鱔圈、龍蝦\r\n\r\n瀏覽鴻福海鮮四季火鍋其他食評\r\n\r\n\r\n\r\n第二位老坑火鍋\r\n\r\n在紅磡要經過不少長生店才找到的老坑火鍋,並沒有嚇怕一眾老饕,更由於枱不多,晚晚都有人滿之患。這裡最受歡迎的是番茄蟹湯底,每鍋湯都有約一斤重的花蟹、番茄、蜆肉、芹菜等,越滾越鮮甜。網友更推介手切本地肥牛,用上每斤最少賣$60以上的肉眼邊,難怪成為九成食客的火鍋配料首選。\r\n\r\n\r\n(Photo by SMASHING PUMPKINS)\r\n\r\n\r\n(Photo by Herbert)\r\n\r\n網上食家評語節錄:\r\n

  • kevinchm:番茄湯很濃,crab很甜,料多到8人都差點食唔晒,墨魚很新鮮,切到細細粒,好食和爽,牛肉味夠濃,整體都好好,朋友都喜歡。\r\n

  • Herbert:番茄蟹煲:9分,這個湯底,一個字形容:堅。上墊時先喝一輪,已經清甜無比,到後期再飲更加吸收了其他食物的精,係越來越甜,但無過濃的感覺,淋了的番茄同薯仔依然入味…剩計飲番茄蟹湯已值回票價。\r\n

  • SMASHING PUMPKINS:本地肥牛很有牛味,入口無渣,可惜只能配級一碟…美國牛約屬代替品,水準也不差,金錢展有質感,肉味也夠。四寶丸有牛丸、墨丸、鯪魚球、蝦丸,新鮮自家打造出來,款款彈牙…牛脆骨名乎其實的脆,挺有口感。\r\n

  • 里奧:番茄蟹鍋比估計中大,整整兩只中型花蟹,嘗過蟹肉後絕對是鮮活貨色…手切牛肉果然是名不虛傳,勝在有趙頭口感,沒有過多肥脂…其次的炸魚皮亦是不可多得。\r\n

  • small jj:炸魚皮:在滾水中輕灼即食,微脆,朋友們都說得…4寶丸:細細粒,但全部好彈口,足料。\r\n\r\n推介食物:番茄蟹煲、手切牛肉、炸魚皮、四寶丸\r\n\r\n瀏覽老坑火鍋其他食評\r\n\r\n第三位新星海鮮火鍋酒家(銅鑼灣駱克大廈分店) \r\n\r\n擁有多間分店的新星,的確是近年崛起的飲食界新星,它主打任食火鍋價錢夠平,尤其宵夜時段更抵食,最受網友歡迎的火鍋配料首推雪花肥牛,雪花分佈均勻且厚薄適中,另外不少特色配料如炸芋片、鱔片也很受歡迎。\r\n\r\n\r\n(Photo by 花妮芝)\r\n\r\n網上食家評語節錄:\r\n

  • 花妮芝:呢度D肥牛係雪花o個隻,好美味!其餘D餸都算新鮮,好過其他好多間任飲任食的食物。\r\n

  • :於任食來,一般的火鍋材料也算齊,最愛的餃子也有多款選擇…值得一讚的是肥牛,很多火鍋店都是薄薄的數片便稱之為一碟,而新星的,厚薄適中,而且真正能稱上雪花肥牛,看得見,吃得出的雪花。\r\n

  • Baby G:鯇魚片掂…最欣賞是炸竽片,夠粉一流,成晚食了差不多大半個竽頭,好食到唔停得口。\r\n

  • viviornitien:好好味,任食火鍋中,呢度材料較新鮮,蝦和蠔都頗大隻,魚甜。做開酒樓,座位較專做火鍋的闊落。\r\n

  • 伊沙貝拉:肥牛和黑椒牛根丸呢兩樣係最好食ga!腐竹都唔錯ga!\r\n\r\n推介食物:雪花肥牛、炸芋片、黑椒牛根丸、包心丸、鱔片\r\n\r\n瀏覽新星海鮮火鍋酒家其他食評\r\n\r\n\r\n\r\n第四位德興火鍋海鮮酒家(尖沙咀半島中心分店)\r\n\r\n歷史悠久的德興火鍋,多間分店近年重新裝修,以具格調的裝潢示人,一洗以往擠逼嘈吵的感覺。要吸引客人食物質素還是重點,除了其招牌湯底如野山菌湯、鮮茄大豆芽甘筍湯受歡迎,網友更欣賞其火鍋配料選擇多又創新,好像有一般火鍋店少見的花膠、牛心、鮮鵝腸等。\r\n\r\n\r\n(Photo by 豆沙包)\r\n\r\n網上食家評語節錄:\r\n

  • 四月笨笨:已光顧不下3次,昨日又重回舊地,雖是例牌的任食火鍋,好在沒有時間限制。肥牛是必食推介,口感爽,雪花脂肪適中,我們10人點了7至8碟!\r\n

  • perspex:見到比較少見的牛肉滑,田雞,花膠及牛心,特別一提佢地肥牛的質素不錯,刨好上碟時一卷一卷的方便客人夾起,不像其他店一疊疊痴住晒,Total大約有近百款火鍋料提供,選擇夠多。\r\n

  • elmotoro:牛骨鍋~鍋內有番茄,南瓜,牛骨,牛骨好好味…配料~選擇都算多,最特出既有帶子、魚翅裙、花膠仔、魚肚。\r\n

  • moprettymo:食物最特別的,是有鮮鵝腸!此物都唔知幾耐無喺香港食過!真係估佢唔到!鵝腸爽鮮肥美,是人生一大美味!\r\n為食多多(138167):花姿片(好食)、墨魚滑(好玩,爽口)、肥牛肉(好有牛味呀~又大碟)、鴕鳥肉(幾好喎~)、炸魚皮(好脆呀~)、花膠仔(幾特別,原來花膠打邊爐都幾好食喎~)、雞腰子(好大碟~)、肥鱔(好爽口呀~)依度個menu有中文、英文同日文架!好方便外國人~\r\n\r\n推介食物:肥牛肉、牛骨鍋、鮮鵝腸、花膠仔、鴕鳥肉\r\n\r\n瀏覽德興火鍋海鮮酒家其他食評\r\n\r\n第五位小肥羊火鍋(銅鑼灣廣場店) \r\n\r\n99年於內蒙古成立,04年開始打入香港市場的小肥羊,8年間開店逾700間,更計劃於今年上巿,受歡迎程度可想而知。此店主打羊肉及不燥湯底,羊肉來自內蒙古錫林郭勒大草原的羔羊,標榜高纖維低脂肪且無污染。不少網友均讚賞其藥材湯底,內含草果、枸杞、桂圓、紅棗、黨參、白蔻等多種藥材,其去羶、去燥的功效最適合配羊肉享用。\r\n\r\n網上食家評語節錄:\r\n

  • U eat I eat:環境OK…上次散叫就唔算抵,今次叫餐真係幾抵食。\r\n

  • 歌莉:本人一向除了烤羊排之外都不好羊肉…這一次跟隨家人到小肥羊打邊爐…被誘下試了一片羊片…嘩~驚為天人~入口即溶…就像靚牛肉…一點”蘇”味都沒有。\r\n

  • bebechu:滋補藥材湯底($34)-仍然咁好味,我最鐘意佢啲藥材味。肥羊粉(寬)($28)-必食,個樣就似粉皮,食落好煙韌彈牙,又索到啲湯底味。每次食完”小肥羊”都好回味佢個”滋補藥材湯底”,好味到直情好似食任何餸都咁正。\r\n

  • jess_1029:服務方面值得一讚…爸爸多次詢問侍應或部長有關菜式的問題,縱使當時該店顧客很多,但他們也能耐心解答問題…總括來,小肥羊的火鍋配料頗有新鮮感,味道也不錯。\r\n\r\n推介食物:滋補藥材湯底、肥羊粉、班肉鮮蝦雲吞、極品羊肉\r\n\r\n瀏覽小肥羊火鍋其他食評\r\n\r\n
  • 關鍵字
    節日
    開飯專題
    開飯仔為你提供各類型最新飲食情報及優惠,全面照顧你的飲食喜好。
    相關文章
    【品酒有問】南非葡萄酒巡禮 南非鮑南非包都有得食
    2017-03-22
    小心食到停唔到手!尖沙咀新開Shake Shake薯條(有片)
    2017-04-07
    日本Legoland下月開幕 Lego形薯條超過癮
    2017-03-10
    3月份好評餐廳十強
    2017-04-06
    原隻北海道海膽x日本鮪魚 天后新開Omakase店(有片)
    2017-03-29
    海鮮最強! 母親節自助餐三選
    2017-04-21
    本月熱門
    【隨時更新】零食速報 每周新款零食、酒品點評
    2020-06-26
    食豪啲啲 城中5間海鮮+肉扒父親節自助餐
    2020-06-10
    至甜初夏 6月下午茶推介
    2020-06-15
    灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
    2020-06-11
    送A4和牛拼盤!最平$298任食兩小時 銅鑼灣新開鬼怪主題日式燒肉放題店
    2020-06-22