今日除咗係復活節之外，亦係班尼迪蛋日！熔岩爆漿嘅流心蛋，加埋煎到脆卜卜嘅煙肉或者火腿，放喺烘底英式鬆餅上面，最緊要配埋個酸酸甜甜嘅鮮黃色荷蘭汁，真係好睇又好食呀！除咗幾間必吃名店好似18 Grams同Bricklane，開飯仔都有幾間心水推介，快啲約埋另一半或者閨蜜去食個靚brunch啦！
上環歐陸feel Oolaa
每逢周末都好多外國人嚟食brunch，門口趟開晒變成半開放式，氣氛悠閒到好似去咗歐洲咁！Eggs Benedict 有傳統火腿菠菜、三交魚、菠菜蘑菇等六款揀，份量十足，仲有好多其他早餐選擇。
圖：Goo goo
靚蛋配靚啡 The Cupping Room
呢間由世界冠軍咖啡師開設嘅咖啡店，咖啡固然係主角，不過佢哋嘅Eggs Benedict都相當出色！賣相靚仔，仲夾住鹹香三文魚。佢哋最近喺上環普慶坊開咗分店，環境更加寧靜舒服！
圖：更多【飲食潮流】： |
升呢龍蝦版 Oui Oui Bistro
呢間小店除咗有經典款式，仲有兩款特別配搭。龍蝦班尼迪蛋有隻去殼龍蝦放喺蛋上面，水波蛋變成溫泉蛋，加上厚厚嘅鬆餅，好有新鮮感！另一款嘅配料係蠔，鍾意新花款嘅就試試喇！
圖：文：Perrins