特濃芫茜湯車仔麵、傳統手吊燒雞 尖沙咀新開懷舊港式茶室(有片)
2019-07-29

尖沙咀戲曲中心繼傳統中菜館後,最近多咗一間懷舊港式茶室進駐。食物方面夠晒多元化,無論係港式車仔麵、中式吊燒雞、特色滷水同埋西式小食都有得你揀~


芫茜湯車仔麵

講到車仔麵,都可以話係香港代表食物之一。芫茜湯基底係用原隻雞熬製嘅雞湯,再加上濃郁自製芫茜醬,全個湯都係濃郁茜味啊~芫茜控唔可以走寶。唔知揀咩麵底嘅推薦呢款台灣百年老字號手造麵,質感有啲似平時食開嘅油麵,但就比較彈牙。

配料秘製原件花膠有成隻手掌咁大,充滿骨膠原。

芫茜控食完車仔麵唔夠喉,可以試埋呢個芫茜滑蛋煙三文魚三文治。


蝦兵蟹將海鮮湯車仔麵

呢個世界當然有好多開飯仔囡們係唔敢食芫茜嘅!唔駛怕,呢個蝦兵蟹將海鮮湯都係唔錯嘅選擇,用上三點蟹及基圍蝦熬製,惹味之餘仲帶有淡淡鮮甜。

配料包括入味溏心蛋、即炸響鈴及麻辣鴨血,即炸響鈴香脆,麻辣鴨血好有台灣風味。


傳統手吊燒雞

餐廳特別訂製一個高智能大型風櫃,經過風乾後,燒雞外皮更加香脆,但雞肉仍然保持嫩滑多汁。


汕頭陳師傅特色滷水

餐廳嘅滷水由潮菜大師陳澤嘉師傅親手主理,以大量中式香料精心熬製。包括專誠搜羅來自潮州嘅南薑、來自揭陽嘅頂級醬油、頂級桂皮、川椒、八角及蒜等。滷水包括鵝片、鵝肝、鵝腸、五花腩、豬大腸,味道唔會過鹹,但帶有濃濃香料味。


更多【新店直擊】:
1. 七十年代香港懷舊風!銅鑼灣新開9000呎火鍋館 極上牛肉刺身+稀少爽脆豬腳筋(有片)
2. 人氣蝦湯拉麵店進駐中環 新店夏日限定蝦汁胡麻冷麵
3. 舒淇KiKi麵實體店登陸中環!香港店限定鮑魚花膠濃湯麵+台灣招牌麻辣鴨血麵


金牌滷水鵝片飯配首創鹹檸檬燉鵝湯、絲苗白飯、芽菜及鹹菜,配埋芽菜及酸菜食更加突顯鵝味。而台山興哥手工黃鱔煲仔飯用砂鍋上,味道特別香。


小食西班牙紅蝦多士及懷舊鬼馬雙星,紅蝦多士夠脆身,懷舊鬼馬雙星分別係鯪魚肉及墨魚膠,點埋沙律醬食好惹味。


遊園.茶記

地址: 尖沙咀柯士甸道西88號戲曲中心地下2-3號舖




文、相、片: Yanica


關鍵字
尖沙咀
戲曲中心
港式
懷舊茶室
芫茜
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】零食速報 每周新款零食、酒品點評
2020-09-11
全城抗炎!屋企都嘆到三層架下午茶 Tea Set外送/外賣自取推介
4天前
悠閒時光 9月份下午茶推介
2020-09-02
【9月生日優惠】最低至半價!生日平食放題.韓式炸雞
2020-09-02
Stephy新開茶飲店 台灣回流 期間限定 聯乘Snoopy推棉花糖朱古力特飲
2020-09-11