火辣辣雞煲精選推介
2019-09-24
一大班朋友除了打邊爐,就是食雞煲,貪份量夠多兼可以慢慢食慢慢傾,今次就為大家搜羅又好味又特別的雞煲專門店,快點約齊成班friend去盡情食個夠啦!

香港608冰室 (觀塘)      
依間以藍白希臘風景作牆身,環境乾淨衛生,食物質素有水準嘅抵食冰室; 餐廳提供自家製港式麵包同多元化選擇食品,除左早午餐下午茶,晚市亦供應小菜,雞煲同潮州打冷,富港式冰室的風味!經開觀塘又或者係附近開OT, 不妨一試!

招牌重慶雞煲
雞煲的醬料特別的香,鍋內的雞件不少,肉質也相當嫩滑,麻辣的味道完全依付在雞件身上,非常入味!

秘製四川口水雞
由多種香料秘製成嘅醬汁葉制而成雞肉咬落非常嫩滑,肥瘦適中,雞皮下唔會太多肥膏,入口味道香而不辣,係送飯必備之選!

招牌滑蛋叉燒飯
滑溜半熟炒蛋嘅金黃蛋汁滿滿咁包圍住每粒飯,炒蛋入邊有蔥花,每口都有蛋香,再配埋厚切嘅甜蜜蜜靚叉燒同飯一齊食,啖啖都有一種貼地嘅幸福感!

上湯中蝦 (伊麵底)

中蝦留殼不留鬚,煮到啱啱好,唔會過老!伊麵充分吸收晒上湯同蝦嘅精華,好正呀!

鮮茄菠蘿焗豬扒飯
番茄同茄膏烘烤而成嘅香濃茄汁,配搭鬆軟又入味嘅豬扒、酸酸甜甜嘅菠蘿同香口嘅炒飯,美味非常! 

八妹雞煲(大埔)
八妹雞煲係一間用料新鮮嘅雞煲火鍋專門店,餐廳裝修好有特色,以多個招牌作裝飾,既懷舊又有港式風味,非常有創意,仲有啲懷舊feel,讓食客係到食野就好似坐係街邊大排檔咁,可以感受到滿滿嘅香港情懷! 係又大埔嘅新打卡好去處!

秘制八妹雞煲
用上十多款香料足本熬製嘅雞煲香氣十足,又唔會辣得太過火,食客仲可選喜愛辣度! 即炒雞件炒到熱辣辣,嫩雞件掛滿濃濃秘製醬汁,件件吸盡醬料香味,食落嫩滑入味,口感彈牙結實,又入味! 重口味食客仲可以加點香濃惹味嘅秘制八妹雞辣雞汁同秘制麻辣醬!食完雞件仲可以加湯打邊爐! 

手切肥牛
即日送到嘅本地牛肉色澤新鮮,脂肪分布均勻,厚度適中,口感鮮嫩,肉汁豐富,牛肉味香濃實在!

手打蟹子蝦滑
款款手打滑都新鮮彈牙,充滿膠質!蝦滑啖啖新鮮蝦肉,超級鮮甜! 

竹串海蝦 
海蝦超新鮮,隻隻都仲彈下彈下,上枱時全部串好晒,方便打邊爐!入口鮮美,肉質爽口彈牙,一食就先勁新鮮!

即炸響鈴
即叫即炸嘅自家製響鈴,香脆可口,口感好鬆化,無論單當小食品嚐,定落湯浸到外軟內脆嘅食,都係一項人間美食! 

南豐小廚雞煲火鍋 (旺角)      

係人多擠逼嘅旺角鬧市要搵一間餐廳可以同朋友無憂咁輕鬆傾下計真係唔易,而係黑布街嘅南豐小廚雞煲火鍋雖然無豪華裝飾但服務貼心,食品品種多元化,更唔會有入座限時;早市提供茶餐廳食品,晚市經營小菜雞煲火鍋,用料新鮮又高質,係三五知己係旺角聚會嘅好去處!

南豐招牌香辣雞煲
所有雞煲即叫即做, 雞件汁多肉嫰,配上濃郁雞湯堪稱一絕,枱上一煮熏香撲鼻,大中小辣bb辣或唔辣,任君選擇。

滋補黃酒雞煲
黃酒雞煲芬香撲鼻、 酒味濃郁、 係顧客枱上面即叫即煮,入口可以保留到雞肉嘅肉汁同嫩滑嘅口感! 雞湯內有沙參,玉竹,當歸,紅棗等滋潤補身材料,女士必飲!

脆皮豬手
先將豬手醃製再用文火烤炸,做到豬手皮鬆脆而不油膩又香口嘅感覺, 肉質經過長時間烹調,竟然都不乾不韌,仲外脆內軟,又不失豬手肉質嘅嫩滑, 仍然保持到豬手嘅口感,令食客齒頰留香! 

墨魚餅

師傅手打嘅墨魚滑壓扁到波板糖咁大,然後即叫即炸,炸到香脆厚身,咬起嚟鬆脆可口,必嚐之選!

蜜椒金薯牛柳粒
甜絲絲嘅蜜糖加上黑椒嘅微辣,炒香鬆軟嘅安格斯牛柳粒配上炸至香脆金黃纬薯仔, 食落非常香口彈牙, 甜辣相映,好正呀! 


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
打邊爐
雞煲
旺角
高質
火辣
港式風味
打卡
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】便利店尋寶 每周新品速報
2019-11-29
秋風起!5間大閘蟹放題食店集合
2019-11-19
【2019聖誕】年尾叉電 聖誕下午茶集合推介
2019-11-19
【2019聖誕】約會之選 聖誕市集推介
3天前
【知‧味20年專訪】九龍塘美式意菜餐廳 經典菜式廿年不變 份量激多最啱分享
2019-11-25