潮食特色中菜
2019-10-17
近年有唔少新派中菜登陸香港,令中菜飛甩老士形象,中菜餐廳都可以環境舒適、菜式精緻、風格新潮、口味上新奇有趣同賣相搶眼!難怪開始有很多年輕人都迷上吃中菜啦!無論你想品嘗客家菜、社企中菜廳還是精緻淮揚私房菜都應有盡有!

田會館 (尖沙咀)
籽由會館主打中國四大傳統菜系之一嘅揚州淮揚菜,菜品多以江湖河鮮為主料,選料嚴謹、因材施藝,廚師用心製作、追求本味、裝修格調高雅,為食客供應素有「東南第一佳味,天下之至美」美譽嘅淮場私房菜!

文思豆腐
一道用自家製豆腐、金華火腿同雞湯煮成嘅湯羹。刀功精湛嘅大廚將軟滑嘅豆腐切成到細滑如絲,豆腐唔單只綿滑,更入口即溶!湯羹鮮甜有鹹香,令人齒頰留香! 

紅燒獅子頭
用上等豬絞肉做成拳頭大小嘅肉丸,以文火燜煮5小時以上,食材簡單,但少啲功夫都唔得!肉丸燜到軟稔,並吸收晒汁料嘅精華,無論公公婆婆定小朋友都食到!餸飯一流!

淮安軟兜
江蘇地區嘅傳統名菜之一,選用肉嫩味美、營養豐富嘅小黃鱔魚烹製而成,魚肉非常軟嫩,用筷子夾起,兩端下垂,就好似古代小朋友嘅肚兜帶,所以被稱為「軟兜鱔魚」。用上黑醋、薑米、胡椒粉等調味,口感彈牙,味道鮮嫩仲一啲腥味都冇,更可以補氣血、調理身子,特別適合營養不良同產後婦女食用!

自酿八珍豆腐
籽田會館自家製豆腐,堅持全天然制造,唔加任何防腐劑,保証新鮮健康!將自家製雞蛋豆腐煎到外焦內嫩,再加入河蝦仁、鯽魚球、淮山、白、木耳等八種原料同濃雞湯一齊燴到入味,難怪鮮味十足!

紅燒鯽魚
選用每日新鮮送到嘅游水鯽魚,加上醬油同糖燒出嚟嘅紅燒醬汁,味道回甘唔會死鹹,更能提升整體味道!魚肉肉質酥軟入味,口感嫩滑,無腥味,醬汁仲超惹味! 

康姨小廚 (紅磡)       

喺高山劇場以中式戲曲為裝潢主題嘅康姨小廚由扶康會經營,係少有嘅社企中菜廳,服務親切,座位雅緻舒適,可容納逾百位顧客,嚴選用時令新鮮食材,適合小菜晚飯、聚餐慶功、家人宴席等。餐廳為弱勢社群提供就業機會,喺度享受美食仲可以幫助弱勢人士,真係別具意義!

杏汁燉白肺湯 (需兩天前預訂)
滋潤養顏嘅杏汁白肺湯,由於工序繁複,現令供應嘅餐館已買少見少。康姨小廚嘅大廚卻堅持自家用上至少半斤杏仁磨汁,慢火燉足四小時,煮成奶白色嘅超濃郁白肺湯!大家仲唔快啲嚟飲翻碗清熱潤肺!

椒鹽鮮魷
惹味嘅椒鹽配上炸到外脆內軟、爽口彈牙嘅新鮮鮮魷,香氣十足,係店內嘅招牌菜之一,值得一試!

潮式家鄉鹹雞
特別選用大大隻嘅三黄雞,用鹽醃製超過3小時,然後蒸熟,入口嫩滑,咸香又鮮美! 

冰梅骨

冰梅醬、茄汁、砂糖、醋製成嘅醬汁,配上巴西豬扒,味道清新,酸酸甜甜,超開胃!無論大人定小朋友都一定會愛上!

梅菜蒸鯇魚
選用大大條至少五六斤以上嘅新鮮嘅原條鯇魚,加上梅菜即叫即蒸,又香又有魚肉嘅鮮味!可以輕鬆餸多兩碗飯! 

客家人 (長沙灣)      
2008年開業嘅客家人近年由太子遷移至長沙灣,老闆同侍應講都係客家人,主打精美傳統加以改良嘅客家菜,裝修舒服寬躺,樓上設有幾間VIP房,有卡拉ok、音響、麻雀設施,私穩度極高,可以開嚟party或者同屋企人嚟打翻兩圈! 更營業到晚上十一點,最啱放工嚟同三五好友吹吓水,飲吓啤酒、食下家常小菜!

客家釀蠔豉
豬肉打至起膠,釀入用豬網油包住嘅蠔豉、豬潤冬菇,煎至金黃色,係客家人特有嘅傳統年菜! 滋味好食到難以形容!

梅菜扣肉
客家經典菜色之一,扣肉入口肉爛味香,吃落鹹中略帶梅菜甜味,肥而不膩,佐飯一流!

客家鹹雞
一道極具客家特色嘅美食,選用肉質緊實嘅,龍崗雞,難怪食落滿口回香!

炆豬肉

肥而不油膩嘅五花腩,皮脂同肉層次分明,每塊豬肉色澤均勻,入口非常惹味,絕對係心機之作!

黃酒煮雞湯
打開煲蓋,一陣香味撲過嚟,黃酒湯又甘香又甜,藥材十足,特別選用龍崗雞,難怪雞肉咁嫩滑! 


心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
特色
中菜
新派中菜
私房菜
淮揚菜
社企
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
情人節去K11 MUSEA 一文睇晒浪漫餐廳
2020-02-06
【隨時更新】零食速報 每周新款零食、酒品點評
4天前
全城抗炎 與醫護同行!提供醫護餐飲免費優惠餐廳一覽
2020-01-31
全城抗炎!衛生保障 推行防疫措施餐廳一覽
2020-02-07
美國人氣肉桂卷抵港!煙韌原味/朱古力/焦糖胡桃卷(有片)
2020-02-06