滋味到家!3個食材直送上門網站推介 輕鬆在家自選新鮮蔬果、海鮮
2020-05-15

最近人人在家自煮,忽然間身邊個個都係大廚,街巿變成出入最多嘅地方。不過,而家唔使出門口、落街巿都可以買到餸!仲要係嚟自日本嘅新鮮蔬果、香港魚巿場嘅新鮮海鮮等等,對於呢排成日要自家煮飯嘅朋友仔嚟講,簡直係福音!

Oisix   日本食材直送

呢個網站提供自選日本蔬果宅配服務,揀啱日本食材就可以直送到家,無論係當造蔬菜、水果定係冷藏食品等都有!而且仲有特別優惠,每個禮拜有200份初體驗優惠,$248元就可以享受「週期服務體驗組合」(限購一次),10款人氣食品最快三日就會直送到家,登記埋做Oisix Weekly會員仲免運費!

選擇太多,精選幾款同大家重點推介!焦糖大洋蔥香甜味濃,辛味較少,最啱煮咖喱、燉肉、燉菜等燜煮料理;絹豆腐富豆香,柔軟潤滑。鍾意食蛋嘅朋友仔,實鍾意富士山麓啡蛋,蛋黃味道夠晒濃郁;而方便易煮嘅日本豬肉餡餃子,由麵粉到內餡都係100%全日本餡料呢,豐富多汁~ 粒粒車厘茄酸甜平衡,皮薄脆口,營養度高,小朋友都好啱食。

鮮直送  本地新鮮海鮮直送

 圖:鮮直送APP

佢哋喺香港仔魚類批發巿場直接選購新鮮海鮮,然後特設保鮮包裝同自設運輸車隊送貨,仲要係24小時送貨服務添!喺屋企揀海鮮都好方便,佢哋有個全日嘅鏡頭對住啲海鮮,大家睇住呢個直播就唔怕揀唔到心水啦。

海鮮種類包括有活蝦、靚蟹、貝類同其他水產。波士頓龍蝦、加拿大珍寶蟹,仲有啲瀨尿蝦、蟶子皇等等,款款新鮮,啱晒海鮮控。

叄拾士多  種類繁多

 圖:叄拾士多網站

呢間「士多」,賣嘅每款食材,都係店主親身試過先至上架,種類繁多,由香港地道嘢,好似流心蛋豬腳薑、碗仔翅、魚肉燒賣等;到甜品如檸檬批、心太軟、椰子雪葩等;到酒精飲品包括日本吟釀、意大利Moscato同紅酒等都有。

特別推介美國炸辣薯格,平時要去快餐店先食到嘅薯格,而家喺屋企用氣炸鍋炸一陣都食得喇。仲有,唔係誇張,韓國醬油蝦醬油蟹都可以喺屋企食到。來自韓國仁川西海嘅梭子蟹,肉質鮮甜,愈大隻蟹就愈多膏。


關鍵字
全城抗炎
滋味到家
海鮮
開飯專題
開飯仔為你提供各類型最新飲食情報及優惠,全面照顧你的飲食喜好。
本月熱門
【隨時更新】最後倒數!即將結業的老字號及人氣小店
2020-05-19
【隨時更新】零食速報 每周新款零食、酒品點評
4天前
全城抗炎!人氣酒店自助餐重開 每位送鮑魚、帶子
2020-05-11
全城抗炎!喺屋企做大廚 懶人煮食包/套餐集合文
2020-05-13
4月份好評餐廳十強
2020-05-07