港島區撐枱腳小店之選
2019-04-04
情侶喺香港想搵個地方撐下枱腳,唔係超高消費就係毫無情調?其實又唔一定嘅 ! 不妨離開商場、戲院,去試下係小區嘅西餐小店呀!一嚟環境闊落坐得舒服啲,二嚟唔少西餐小店食品都好水準;餐廳小店亦各有特色,啱晒二人世界!

Green Orange (上環)      
位於上環嘅Green Orange,主打創意fusion菜,餐廳搜羅各國優質食材,多款創新菜式甚受客人青睞,而店鋪就在地鐵站旁邊,步行一分鐘就可到達,開業至今人氣不斷,火速成為區內爆場小店!係食飯傾計歎慢板嘅好地方!!非常適合情侶共進晚餐,好讓感情生活增添情趣!

醬燒美國豬仔骨
U.S. Baby Back Rib

以為豬肋骨就會無咩肉食?餐廳採用美國豬肋排,比平時食開既豬仔骨更厚肉! 每條食落都啖啖肉,份量十足, 一客就足夠三四人享用!BBQ醬嘅酸同辣味調製得恰到好處,豬仔骨醃得非常入味,肉質嫩滑, 肥瘦適中,入口微甜,帶有燻香同香草味 ,令人食得相當滿足!

雞肝醬多士拼黑毛豬火腿伴香檳啫喱
Chicken Liver Pate with Toast, Iberico Ham & Champagne Jelly

香港少見嘅雞肝醬多士,味道甘香,喜歡食肝醬嘅食客不妨一試!加上黑毛豬火腿等伴酒恩物,及特製嘅香檳啫喱,係口腔中酒香四溢,非常適合愛酒之人呀口味!

黃金蟹肉意大利飯
Crab Meat Risotto in Duck York Sauce

意大利飯軟硬適中,唔會過濕,粒粒分明,口感一流!啖啖都充滿鹹蛋黃、南瓜及蟹肉嘅香味,令食客勁好滿足!

西班牙紅蝦配海鮮濃汁闊條麵
Fettuccine with Carabinero & Seafood in Reduction Sauce

呢道菜式用料非常豐富!用上西班牙紅蝦嘅蝦膏、蟹同魚煮4-6小時,煮出香濃甘甜嘅醬汁,加上大大隻、肉質爽口彈牙嘅新鮮紅蝦、蟹鉗和青口,視覺同味覺都非常豐富!而扁意粉烹煮嘅時間亦控制得恰到好處,口感一流!

燒美國頂級安格斯西冷扒
Grilled U.S Angus Sirloin Steak

上枱時炭烤燒肉香氣撲鼻!大廚將美國安格斯西冷扒燒到啱啱好!兩邊燒到微焦,剛好將肉汁鎖住,食落每一口都充滿濃郁嘅牛肉味,入口軟滑,係高質肉類之選! 


LLB Bistro (上環)  
一間休閒得嚟帶點英倫風嘅Bistro。有室外嘅小餐桌,加高樓底嘅bar枱同室內餐廳區,分別擺放住木製傢俱、烏絲燈泡、同天秤等擺設。適合放工嚟飲杯酒休息下或嚟打卡chill下!同時唔好忘記要試吓價錢相宜但又五星級擺盤嘅精緻餐點呀!

香煎北海道帶子配炸茄子 Seared Hokkaido scallop w/ eggplant
廚師將圓渾厚肉嘅北海道帶子煎得外香內嫩!再運用夾層嘅普羅旺斯燉菜(Ratatouille)突顯帶子嘅鮮味! 夾埋炸到表皮酥脆嘅茄子一齊食口感極豐富! 

一口松露蟹沙律配脆片 Truffle Crab Salad w/ Crispy Sheet
一出場就聞到好香嘅松露香味!食入口啖啖都係鮮美嘅蟹肉!大廚巧妙咁加上牛油果醬,更突顯出蟹肉嘅鮮甜! 配上脆片一同食用,口感一流,仲唔會膩!

香煎鴨肝配焦糖蘋果及雜苺 Pan Seared Duck Liver w/ Caramel Apple & Berries
大廚將法國人最愛嘅鴨肝煎得又香又滑嫩!配埋焦糖蘋果同雜苺一齊食,大大減低油膩感!仲比鵝肝低卡路里,係為食女士嘅不二之選!

西班牙式紅蝦薄片刺身 Carabinero Carpaccio  
用被譽為「世界上最好吃的蝦」西班牙深海紅蝦製成刺身薄片!配上柚子醋,食落爽甜鮮美、蝦味勁濃郁!

LLB一口小食拼盤 Bite Bite Platter
小食拼盤:水牛雞鎚 (buffalo drum stick)、蒜片原隻蝦多士 (sautéed Chilli shrimp w/ garlic bread) 、八爪魚配薯仔粒 (octopus with diced potato)

Bovini Steakhouse & Bar (大坑)       
Bovini解作「牛群」,開宗明義主打食牛。用上酒店級數嘅USDA Prime Steak,同講究用料,絕無過分調味,務求讓客人可以品嘗到食物本身嘅天然鮮味。小店裝潢簡約,黑色為主調配襯金屬色嘅吊燈,晚上氣氛情調都不錯!小店格局,用料紮實,性價比高,最啱同情人嚟慶祝紀念日,或者靜靜地同朋友摸酒杯底傾下計!


燒肋眼牛排 Cowboy steak 
16oz嘅肉眼牛扒份量十足、勁厚身!面頭烤得微焦,熟成度剛好! 用上少量鹽去調味,食落飽滿多汁,肉質嫩滑,牛味濃郁,又有油脂香,係水準之作!

烤斧頭扒 Grilled Tomahawk 
餐廳廚師有功架地將32安士嘅USDA斧頭扒烤到肉質軟嫩細緻,肉味濃郁,調味得宜,配上薯條蔬菜,簡直係奢華嘅牛肉饗宴呀!最啱同三五知己一齊分享,一齊「肉」罷不能!

美國肉眼牛扒 USAD Ribeye Steak 
肉眼係指牛背部第六至十二根肋骨近背側嘅位置,通常都會有明顯較多嘅油脂。廚師烤得啱啱好,味道濃厚、肉質鮮美彈嫩,肉汁豐富,瘦中帶油香!令人食指大動呀!

白酒忌廉汁龍蝦扁寬條麵 Lobster Pappardelle 

新鮮起肉嘅龍蝦鉗混入煮得啱啱好意粉當中,配上白酒煮成嘅忌廉汁,食落香濃又鮮甜!夠晒惹味!

法式烤鴨胸 Roasted French Duck
鴨胸烤得剛剛好,唔會過老,酥香好吃, 配上酸甜嘅香橙真係食極都會唔膩,好想一試再試呀! 

心動不如行動!有興趣就快啲約埋三五知己去嘆下美食啦!


*以上圖片只供參考,所有食品以實物為準. 食品供應因餐廳而異
關鍵字
港島區
撐枱腳
小店
港島
上環
特色
歐陸情懷
美國
西班牙
西冷
香檳
Fusion
地鐵站
意大利飯
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】便利店尋寶 每周新品速報
3天前
【2019聖誕】早鳥優惠! 聖誕自助餐推介
6天前
【2019聖誕】年尾叉電 聖誕下午茶集合推介
2019-11-19
秋風起!5間大閘蟹放題食店集合
2019-11-19
【2019聖誕】約會之選 聖誕市集推介
2019-12-06