泰好食!曼谷5間特色下午茶指南
2019-09-24

唔少人都鍾意去東南亞旅行,泰國曼谷就係其中一個熱門旅遊點,每日瘋狂Shopping、做massage、食好西是常識吧。開飯仔專誠搵咗泰國當地嘅同事為大家搜羅在地人最推介嘅美食!

平時喺香港都已經鍾意周圍去食個下午茶嘅朋友仔,去到泰國,當然都要見識下當地嘅afternoon tea啦~ 一於搵呢幾間café去 chill下啦~

貴氣下午茶 Divana Signature Cafe

  Divana招牌下午茶套餐 baht 1,200

鍾意花花嘅女生要注意啦~呢間café由一個泰式按摩品牌開設,承繼返一直以嚟嘅貴麗風設計,就好似喺花園歎茶咁,唔講唔知自己喺百貨公司呀!嗌一份招牌下午茶套餐,同閨蜜share一壺茉莉茶,歎個英式鬆餅、馬卡龍、心太軟,梗唔少得泰國名物——「芒果糯米飯」呀!呢個下午茶由擺碟設計,到每一件甜點都非常有心思,打卡呃like最啱!

花園中歎茶 The Blooming Gallery

  二人下午茶套餐 baht 890

喺呢間café食嘢,就宛如置身花園一樣,咁就梗要扮貴婦歎茶啦!下午茶套餐有英式鬆餅、造型精緻嘅蛋糕同自家製三文治等等。仲可以揀返壺茶慢慢歎~嗜甜嘅朋友們可以試下 “Hello Mr.Caramello”,茶中帶淡淡嘅焦糖甜味~

日式下午茶 Up & Above (The Okura Prestige Bangkok)

 Okura下午茶套餐 baht1,290 (連茶或咖啡) 

識食afternoon tea當然要去酒店食啦!呢間酒店嘅下午茶套餐就包括一系列嘅日式鹹點,仲有非常精緻嘅傳統日式糕點。另有多款茶啡選擇,特別介紹Marco Polo嘅黑茶同薄荷蓮花茶。坐喺26樓嘅cafe度,望住曼谷靚景歎靚茶,呢啲咪叫chill囉~

我和秋天有個約會 Curve 55 (Hotel Nikko Bangkok)

  下午茶套餐 baht 990(連茶或咖啡)/ baht1,190 (連氣泡酒或雞尾酒)

就快踏入十月,聞到秋天嘅味道未呀?呢間位於曼谷嘅日本酒店就有set新推出嘅秋日下午茶喇~包括有時令嘅士多啤梨、栗子等。同時仲可以試埋蟹籽伴皇帝蟹配麵包、芒果、鰻魚卷物等~好豐富。btw佢哋嘅下午茶主題會按季節轉換,去之前可以睇下佢哋嘅Facebook 先~

粉紅少女心 The Bakery ( The Athenee Hotel Bangkok)

  粉紅絲帶下午茶套餐 baht 1200 (至10月22日)

Afternoon tea除咗要食得好,梗係仲要食得靚啦!呢間酒店最近推出嘅下午茶,無論鹹甜點好似馬卡龍、蛋糕、慕絲、朱古力等通通都係粉紅色,非常有少女心~要數最特別就一定係杯粉紅色嘅雞尾酒啦!原來係為慈善籌款呀,部分下午茶餐嘅收益會喺10月嘅國際乳癌防治月期間捐出。


關鍵字
泰國
下午茶
英式鬆餅
馬卡龍
心太軟
芒果糯米飯
秋天
開飯專題
開飯仔為你提供各類型最新飲食情報及優惠,全面照顧你的飲食喜好。
本月熱門
【隨時更新】零食速報 每周新款零食、酒品點評
3天前
全城抗炎! 5間酒店自助餐轉型 任點任食海鮮/主食/甜品 變陣保衛生
2020-03-17
【特約分享】超抵外賣陪你抗疫 即睇將軍澳飲食地圖!
2020-03-10
【隨時更新】最後倒數!即將結業的老字號及人氣小店
6天前
【隨時更新】全城抗炎!多間集團餐廳及老字號宣佈 暫停晚巿或休業 (內附名單)
3天前