沙田新開南洋麵館 嘆馬來辣蝦麵+榴蓮甜品(有片)
2018-04-19

初夏將至,最啱食返碗香辣惹味嘅麵!沙田區最近開咗間新派南洋風味麵館,有馬來辣蝦湯麵配大大隻彈牙老虎蝦,亦有咖喱喇沙、白胡椒肉骨等唔同口味。食完仲可以加多杯特飲或者食返件榴蓮甜品,選擇都幾多元化。
 

招牌馬來湯麵


馬來辣老虎蝦麵($168)

Mimila位於沙田新城市廣場,Mi喺馬來話係麵咁解,亦係呢間新店嘅主打。食得辣嘅朋友仔必試呢碗招牌馬來辣蝦麵,亮點在於香味十足嘅蝦湯,每煲都用咗30斤新鮮海蝦,由剝殼去腸、炒香到加埋香料一齊熬煮,成個過程要用成三日!難怪飲落香、辣、鮮味俱全。
 


而配料仲可以「升呢」做馬來西亞老虎蝦!兩隻老虎蝦都有手掌咁大,口感彈牙而且蝦膏鮮甜,配埋蝦湯的確有驚喜。如果覺得仲未夠辣,可以加埋枱上面嘅自家製指天椒豉油呀。
 


咖哩喇沙牛肉麵($98)

另一款招牌係咖哩喇沙湯底,用咖喱、黃薑、椰漿同多款香料炒製,香味濃郁口感較厚。味道以咖喱為主,辣勁比辣蝦麵低,無論係配牛肉、魚片,或者半熟蛋都一樣咁夾。
 


而麵類亦有多種選擇,包括馬來西亞人最愛嘅摻摻(米粉油麵雙拼)同福建人成日食嘅油麵。另外亦有米粉、河粉、檬粉,銀針粉(老鼠粉)同粗米粉(米線)。
 

創新蝦子撈麵



白胡椒肉骨撈麵($98)

而如果搵一款香港人同南洋人都鍾意嘅麵,就要數到蝦子麵喇。餐廳特別搵麵廠訂造更富蝦子香味同更彈牙嘅頂級蝦子麵,嚟創作一系列撈麵。好似呢碗白胡椒肉骨撈麵,靈感嚟自肉骨茶,選用一字骨配白胡椒熬製,一夾就骨肉分離,肥瘦比例適中而且味道夠香辣。而蝦子麵撈埋蔥油同秘製醬料而非常香口。
 

自家製榴蓮甜品


貓山王卷蛋糕($58)

甜品同樣富有南洋風味!班蘭戚風蛋糕($58)選用新鮮馬來西亞班蘭葉,而貓山王卷蛋糕就用咗馬來西亞嘅貓山王榴蓮果肉,混入法國忌廉當中,啖啖榴蓮果香。
 


貓山王芝士蛋糕($58)

芝士蛋糕同樣選用馬來西亞貓山王榴蓮配澳洲芝士,口感柔滑,不過榴蓮香味就不及卷蛋嚟得濃郁。下面有一層戚風蛋糕增加口感層次。
 

南洋風味飲品


美祿可可(凍)($32)


馬來冰咖啡($32)

飲品當然亦有唔少地道選擇,美祿可可上面有一座美祿粉堆成嘅小山,撈埋飲越飲越香濃!而馬來冰咖啡同一般咖啡唔同嘅地方在於會用原杯咖啡加煉奶,再攪拌成泡沫咖啡,咖啡嘅香同煉奶嘅甜都相當突出。
 





 

更多【新店直擊】:
1. 百利來返嚟啦!招牌花膠翅+炸物登陸元朗
2. 龍蝦喇沙 冬蔭公雞尾酒 東南亞變奏菜兼嘆海景
3. 大埔都食到!新開泰式風味雞飯店



Mimila
沙田沙田正街18號新城市廣場1期7樓704號舖




文、相、片:Cathy

關鍵字
沙田
馬來西亞菜
蝦麵
咖哩喇沙
白胡椒肉骨
榴蓮甜品
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
【隨時更新】便利店尋寶 每周新品速報
2019-11-08
給自己一個休息時間 10-11月下午茶推介
2019-10-25
高CP值放題推介
2019-11-07
鼎王來了!味道服務媲美台灣 必食麻辣鴨血鍋及員工教路秘製鼎王飯
2019-11-01
糧尾打氣!5間灣仔平價飯堂推介
2019-10-24