旺角$78任食雞煲+升級海鮮火鍋半放題限定優惠(有片)
2019-03-21

雞煲一直都係大家聚餐選擇首選之一,真係每隔一排就會好想食翻次又辣又惹味嘅雞煲。最近,新南苑就推出$78/ 位任食雞煲優惠,只要$78就可以任食招牌雞煲90分鐘,加$138仲可以升級食埋海鮮火鍋半放題,3個鐘頭任食超過40款火鍋配料。



新南苑雞煲選用肉質嫩滑、脂肪豐滿嘅三黃雞,每日以祕方新鮮醃製。雞煲可選大、中、小辣同BB辣。


$78/ 位任食雞煲

店鋪有個特別嘅「雞煲四部曲食法」,教大家4個步驟令雞煲更入味。當雞煲上枱後,先落油條,以100度烹煮雞煲2分鐘後開蓋炒一炒,再冚蓋煮2分鐘,連續炒三次後就食得啦!經過焗煮同熱炒嘅雞件入口時帶鑊氣,的確更惹味,而油條吸收咗雞煲醬汁,味道濃郁。



另外,優惠期間每位加多$138仲可以升級海鮮火鍋半放題套餐,套餐包括招牌雞煲、海鮮湯底、海鮮拼盤、40款以上火鍋配料、本地手切牛肉及甜品。海鮮湯底總共有7款,包括新鮮蟹窩花甲湯底、澳門豬骨濃湯窩底、雙冬羊腩湯底、四式火鍋湯底、東海龍皇湯底,加$60可以升級時令滋補野生水魚湯底或番茄龍蝦湯底。呢款蟹花甲湯用大大隻蟹同花甲煮成,入面仲有粟米、蘿蔔、番茄,湯底鮮甜入味,適合飲用。



加$138/位升級海鮮火鍋半放題

海鮮火鍋半放題附送生猛海鮮拼盤一個,包含6-8款時令海鮮,如鮑魚、蟶子皇、蠔、元貝、大蜆貴妃蚌等。呢度嘅海鮮絕對新鮮,鮑魚上枱時仲郁緊,非常生猛。蟶子皇大大隻,煮熟後肉質仍然非常嫩滑,鮮甜多汁。餐廳亦提供5-7款海鮮畀食客追加,如鮑魚每隻$28、生蠔每隻$12、大蜆每碟$40、馬刀貝每碟$48、蟹一碟$98,價錢尚算適中。



另外,套餐仲包超過40款火鍋配料任食,例如龍躉片、脆鯇片、魷魚、鮮蝦雲吞、韭菜餃、炸魚皮、午餐肉、響鈴、各式丸類等。龍躉片同脆鯇片口感爽滑,味道鮮甜。套餐仲附送本地手切牛頸脊一碟,佢嘅牛味濃郁有嚼口,不過要留意,牛肉唔係任食,追加每碟$48。





餐廳仲提供多款汽水、果汁任飲,同時亦有自家煲製涼茶,啱晒食雞煲打邊爐飲啦。



地址: 旺角彌敦道678號華僑商業中心3樓全層
地址: 灣仔盧押道18號海德中心2樓

優惠期: 即日至4月11日至4月11日,只限星期日至四晚上9點30分後。
每日名額40個,以先到先得方式入座,不設訂座。



文、相、片:Kenna
關鍵字
雞煲
麻辣
任食
海鮮
放題
邊爐
飲食潮流
開飯仔為大家發掘香港這個美食之都的最新美食資訊,分享飲食潮流文化。
餐廳資料
本月熱門
【隨時更新】最後倒數!即將結業的老字號及人氣小店
2020-07-21
【隨時更新】零食速報 每周新款零食、酒品點評
2020-07-31
全城抗炎!送上門懶人煮食包及套餐大合集2.0 花膠燉湯/火鍋/鐵板燒
1天前
全城抗炎!北角酒店最新應變 自助餐都有得外賣?
2020-07-17
好人好店! 餐廳全日禁堂食 民間自發開放午膳空間地點一覽
2020-07-29