旺角人龍台灣菜新店首推台灣雜貨區 必試自家品牌乾拌麵、酥脆重奶香太陽餅
2020-11-09

旺角阿木台灣麵係區內超人氣台灣菜,日日都大排長龍,最近餐廳於同區開咗新分店!新店比起舊店更闊落,而且仲多個台灣雜貨區,主要售賣香港好少見到嘅台灣特色食品及飲品等。而且最近老闆娘Polly仲推出自家品牌乾拌麵及太陽餅,自家配方於台灣製作再直送香港,令疫情期間香港人都食到台灣口味!

新店首次設立台灣雜貨區,售賣一系列台灣特食醬料、麵食及飲品等,而且於香港都好少見到。

自家品牌辣椒醬(左),用蝦、蔥、蒜及油蔥製成,香而不太辣,加入麵食中有畫龍點睛效果。


阿木拌麵(四款口味)

四款拌麵選用台南關廟麵,係老闆娘經過多次嘗試先揀到出嚟,呢隻麵加入小麥,經天然日曬,爽口有彈性,煮好耐都唔會過腍,啱晒鍾意食有咬口麵質嘅朋友。


所有拌麵套裝都包兩個麵底及醬汁,基本調味包用烏醋及醬油製成。油蔥口味同坊間嘅油蔥醬唔同,加入真正油蔥酥,有口感之餘又更惹味。


胡麻醬口味就同餐廳嘅麻醬拌麵一樣,用新鮮嘅芝麻同花生磨出嚟,味道又香又濃,花生香氣突出。


更多【新店直擊】:
1. 荃灣新開健康主題海景多國菜!自選三菜一湯午市定食+必食牛油果溫泉蛋
2. 灣仔新開港日韓風一人一鍋火鍋放題 任食澳洲M6和牛肉眼 仲有海鮮盤+韓式炸雞
3. 加拿大過江龍Crêpe第二分店進駐灣仔 新推出焦蘋肉桂可麗餅、招牌紅茶吉士口味


椒麻口味加入花椒油及麻辣,偏麻香辣味較溫和。


而嚐辣人士必試惡魔口味,選用台灣魔鬼辣椒,辣度來自辣醬包,自己衡量落幾多呀!


另外仲有自家品牌阿木太陽餅,坊間嘅台灣太陽餅一向都偏甜,而呢度嘅太陽餅選用自家配方,外皮酥脆之餘,餡料仲特別重奶香,唔會過甜,啱晒香港人口味。


阿木台灣麵(旺角新店)

地址: 旺角豉油街60-102號鴻都大廈地下3-4號舖





文、相、片: Yanica


關鍵字
旺角
台灣菜
拌麵
牛肉麵
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
情人節愛意滿瀉 甜蜜蜜堂食/外賣下午茶推介
2021-02-01
【隨時更新】零食速報 每周新款零食、酒品點評
3天前
日本吉列牛排店京都勝牛進駐銅鑼灣 黃金六十秒炸法 推介京都勝牛三味套餐
2021-02-18
楚撚記新line!荃灣新開餃子店 必試黑松露什菌餃+香煎潮汕韭菜粿
2021-02-10
1月份好評餐廳十強
2021-02-09